ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 17 ⵢⵓⵍⵢⵓⵣ 2025
ⵉⵜⵜⴰⵡⵙⴽⴰⵔ ⴰⵙⵙ ⵏ ⵓⴽⵡⴰⵙ 21 ⵎⵓⵃⴰⵕⵕⴰⵎ 1447 ⵉⵎⵙⴰⵙⴰⵏ ⴰⴽⴷ 17 ⵢⵓⵍⵢⵓⵣ 2025 ⴰⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ. ⵉⵥⵍⵉ ⵓⴳⵔⴰⵡ ⴰⴷ ⵙ ⵓⵙⵎⵏⵉⴷ ⵏ ⵢⴰⵏ ⵓⴼⵙⵔ ⴰⵣⵓⵏⴰⵏ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⴷ ⵓⵙⵓⵙⵙⵏ ⵏ ⵢⴰⵜ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ ⵙ ⵓⵎⵙⴰⵙⴰ ⴷ ⵓⵎⵏⵏⵉ ⵡⵉⵙ 92 ⵏ ⵓⴷⵓⵙⵜⵓⵔ.
ⴳ ⵜⵣⵡⵓⵔⵉ ⵏ ⵓⴳⵔⴰⵡ ⴰⴷ, ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵢⴰⵏ ⵓⵙⴼⵙⵔ ⵅⴼ ⵜⵎⵓⵛⴰ ⴷ ⵜⵎⴳⴳⵉⵢⵉⵏ ⵉⵥⵍⵉⵏ ⵙ ⵜⵎⵀⵍⵜ ⵓⵥⵥⴳⵔ « ⵎⵕⵃⴱⴰ 2025 », ⵉⵙⵎⵏⵉⴷ ⵜ ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⵏ ⵉⴼⵕⵉⵇⵢⴰ ⴷ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ.
ⴳ ⵎⵏⵉⴷ ⴰⴷ ⵏⵉⵜ, ⵉⵡⵉ ⴷ ⵎⴰⵙⵙ ⴰⵎⴰⵡⵙⴰⵙ ⵎⴰ ⵙ ⵔⴰⴷ ⵢⵉⵍⵉ ⵓⵙⵓⵊⴷ ⵏ ⵜⵎⴳⵉⵢⵉⵏ ⵜⵉⵥⵕⴼⴰⵏⵉⵏ ⴷ ⵜⵏⴼⴳⴰⵏⵉⵏ ⴷ ⵜⵍⵓⵊⵙⵜⵉⴽⵉⵏ ⴷ ⵜⵉⵏ ⵓⵙⵡⵓⴷⴷⵓ ⵃⵎⴰ ⴰⴷ ⵉⵣⵔⵉ ⵓⵙⵎⵓⵔⵙ ⵏ ⵜⵎⵀⴰⵍⵜ « ⵎⴰⵕⵃⴱⴰⵏ » ⵙ ⵜⵖⵔⴰⵙⵜ ⵜⴰⵎⴷⴷⵔⴰⵡⵜ ⵍⵍⵉⵖ ⴽⵓⵍⵍⵓ ⵢⵉⵡⵙⵏ ⵉⵎⴷⵔⴰⵡⵏ ⴳ ⵉⴳⵔⴰⵏ ⵉⵎⴰⵙⵡⵙⴰⵙⵏ ⴷ ⵜⵙⵏⵓⵔⴰⵢⵜ ⵜⵉⴳⴷⵓⴷⴰⵏⵉⵏ ⴷ ⵜⵏⴱⴰⴹ ⵜⵉⵏⴰⴽⴰⵍⵉⵏ ⵙ ⵜⵡⵉⵙⵉ ⵏ ⵜⵎⵔⵙⵍⵜ ⵏ ⵎⵓⵃⵎⵎⴰⴷ ⵡⵉⵙ ⵙⵎⵎⵓⵙ ⵏ ⵜⵉⵡⵉⵣⵉ ⵃⵎⴰ ⴰⴷ ⵢⵉⵍⵉ ⵓⵙⵡⵓⴷⴷⵓ ⵏ ⵜⵔⴰⵜⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ ⵏ ⵓⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵔⴱⴱⵉ ⴱⴰⵛ ⴰⴷ ⵢⵉⵍⵉ ⵓⵙⵔⵅⵓ ⵏ ⵡⵓⵖⵓⵍ ⵏ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ ⵙ ⵜⴰⵎⵓⵔⵜ ⵏⵏⵙⵏ ⴳ ⵡⴰⴷⴷⴰⴷⵏ ⵉⵥⵉⵍⵏ.
ⴰⵢⵍⵍⵉ ⵉⵥⵍⵉⵏ ⵙ ⵡⵉⵍⵍⵉ ⵉⴽⵛⵎⵏ ⵙ ⵜⵎⴰⵣⵉⵔⵜ ⴳ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ, ⵉⵡⵉ ⴷ ⵎⴰⵙⵙ ⴰⵎⴰⵡⵙⴰⵙ ⵎⴰ ⵙ ⴷ ⵉⴽⵛⵎ 1.520.951 ⵏ ⵉⵡⴷⴰⵏ ⵍⵍⵉ ⵉⵣⴰⵢⴷⵏ ⵙ 13,30 % ⴷ 151.411 ⵏ ⵜⵎⵙⵙⵓⴷⵓⵜ ⵍⵍⵉ ⵉⵙⵢⵓⴼⴰⵏ ⵙ 3,56 ⵉⵖ ⵏⵎⵙⴰⵙⴰ ⴷ ⵓⵣⵎⵣ ⴰⴷ ⵏⵉⵜ ⵏ ⵓⵙⴳⴳⵯⴰⵙ ⵉⵣⵔⵉⵏ.
ⵉⵙⴷⴷⵉⴷ ⵎⴰⵙ ⴰⵎⴰⵡⵙⴰⵙ ⵎⴰ ⵙ ⴷ ⵉⵇⵇⴰⵏ ⴰⴷ ⴹⴼⵉⵔⵏ ⵉⵎⴷⵔⴰⵡⵏ ⵜⴰⵡⵓⵔⵉ ⵃⵎⴰ ⴰⴷ ⵙⵎⵓⵔⵙⵏ ⵜⴰⵎⵀⵜ ⵏ ⵓⵣⵣⴳⵔ « ⵎⴰⵕⵃⴰⴱⴰⵏ » ⵏ ⵓⵙⴳⴳⵯⴰⵙ ⴰⴷ ⴷ ⴰⴷ ⵢⵉⵍⵉ ⵓⵙⵡⵓⴷⴷⵓ ⵏⵏⵙ ⴳ ⵡⴰⴷⴷⴰⵏ ⵉⵥⵉⵍⵏ.
ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⵏⴰⴹⵜ ⵉⵙⵖⵥⵏ ⴽⵕⴰⴹ ⵉⵙⵏⵜⵉⵏ ⵉⵥⵍⵉⵏ ⵙ ⵉⴳⵔ ⵏ ⵜⵣⵔⴼⵜ, ⵉⵙⵎⵏⵉⴷ ⵜⵏ ⵎⴰⵙⵙ ⵄⴰⴱⴷⵍⵍⴰⵜⵉⴼ ⵡⴰⵀⴱⵉ, ⴰⵎⴰⵡⵙⴰⵙ ⵏ ⵜⵣⵔⴼⵜ. ⵥⵍⵉⵏ ⵙ :
- ⴰⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 25.25 ⵉⵙⵏⴼⵍⵏ ⵉⵙⵖⵓⴷⴰⵏ ⴰⵙⵍⴳⵏ ⵓⵟⵟⵓⵏ 39.09 ⵍⵍⵉ ⴷ ⵉⴼⴼⴰⵖⵏ ⴳ 16 ⴳ ⵕⵎⴰⴹⴰⵏ 1432 (17ⵖⵓⵛⵜ 2011) ⵉⵥⵍⵉⵏⵏ ⵙ ⵓⵙⴽⴰⵔ ⴷ ⵓⵙⵡⵓⴷⴷⵓ ⵏ ⵜⵎⵔⵙⵍⵜ ⵜⴰⵎⵓⵃⴰⵎⵎⴰⴷⵉⵜ ⵏ ⵉⴳⵉⵜⵉⵏ ⵉⵏⴰⵎⵓⵏⵏ ⵏ ⵉⵏⴱⴹⴰⵏ ⴷ ⵉⵎⵙⵖⴰⵏ ⵏ ⵜⵣⵔⴼⵜ ;
- ⴰⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 28.25 ⵉⵥⵍⵉⵏⵏ ⵙ ⵓⵙⴽⴰⵔ ⴷ ⵓⵙⵡⵓⴷⵓⵓ ⵏ ⵜⵎⵔⵙⵍⵜ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⵏ ⵉⴳⵉⵜⵉⵏ ⵉⵏⴰⵎⵓⵏⵏ ⵏ ⵉⵏⴱⴹⴰⵏ ⴷ ⵉⵎⵙⵖⴰⵏ ⵏ ⵜⵏⴱⴰⴹⵜ ⵜⴰⵏⴱⴹⴰⵢⵜ ;
- ⴰⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 74.24 ⵉⵥⵍⵉⵏⵏ ⵙ ⵓⵙⴽⴰⵔ ⴷ ⵓⵙⵡⵓⴷⵓⵓ ⵏ ⵜⵎⵔⵙⵍⵜ ⵏ ⵉⴳⵉⵜⵉⵏ ⵉⵏⴰⵎⵓⵏⵏ ⵏ ⵉⴱⵏⵏⵉⵇⵏ ⴷ ⵡⴰⵍⵍⴰⵙ ⵏ ⵓⵙⵉⴷⴼ (ⴰⵏⴰⵡ ⴰⵎⴰⵢⵏⵓ).
ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵡⵓⵔⵉⵡⵉⵏ ⵏⵏⵙ ⵙ ⵉⴽⵎⵎⵍ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵡⵓⵔⵉⵡⵉⵏ ⵏⵏⵙ ⵙ ⵓⵙⵓⵙⵙⵏ ⵏ ⵜⵎⵢⴰⵇⵇⴰⵏⵜ ⵏ ⵓⵎⵢⴰⵡⴰⵙ ⴰⵙⵔⵜⴰⵙ ⵏⴳⵔ ⵜⵏⴱⴰⴹⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵏⴱⴰⴹⵜ ⵏ ⵜⴳⴷⵓⴷⴰⵏⵜ ⵏ ⵜⵜⵛⵉⴽ, ⵉⵜⵜⵓⵙⴳⵎⴰⴹⵏ ⴳ ⵎⵕⵕⴰⴽⴽⵯⵛ ⴳ 30 ⴽⵟⵓⴱⵕ 2024, ⴷ ⵓⵙⴰⵜⵉ ⵏ ⵓⵙⵍⴳⵏ ⵓⵟⵟⵓⵏ 17.25 ⵍⵍⵉ ⵉⵙⵖⵥⵏ ⵜⴰⵎⴰⵢⴰⵇⵇⴰⵏⵜ ⴰⴷ, ⵉⵙⵎⵏⵉⴷ ⵜⵏ ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⵏ ⵉⴼⵕⵉⵇⵢⴰ ⴷ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ.
ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵙⴰⵙⴰ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ :
- ⴳ ⵜⴰⵡⵙⴰⵙⵜ ⵏ ⵓⵇⵡⵡⵎ ⴷ ⵡⴰⵎⵏ, ⵉⵜⵜⵓⵙⵏⵎⴰⵍⴰ :
- ⵎⴰⵙⵙ ⵏⴰⴱⵉⵍ ⵏⵏⵓⵏⵉ, ⴰⵏⵎⵀⴰⵍ ⵏ ⵉⵖⴰⵡⴰⵙⵏ ⵏ ⵜⵉⴹⴰⴼ ⴳ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⵙⵏⵣⵡⵉⵜ ;
- ⴳ ⵜⴰⵡⵙⴰⵙⵜ ⵏ ⵓⵙⵎⵙⴰⵙⴰ ⵏ ⵡⴰⴽⴰⵍ ⴰⵏⴰⵎⵓⵔ ⴷ ⵜⵓⵚⴽⴰ ⴷ ⵓⵣⴷⴷⵓⵖ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ, ⵉⵜⵜⵓⵙⵏⵎⴰⵍⴰ :
- ⵎⴰⵙⵙⴰ ⵍⵓⴱⵏⴰ ⵍⵓⵟⴼⵉ, ⴰⵏⵎⵀⴰⵍⵜ ⵏ ⵓⵥⵟⵟⴰ ⵏ ⵜⵓⵚⴽⴰ ;
- ⴳ ⵜⴰⵡⵙⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵏⵣⵓ ⴷ ⵜⵓⵏⵏⵓⵏⵜ, ⵉⵜⵜⵓⵙⵏⵎⴰⵍⴰ :
- ⵎⴰⵙⵙ ⵍⵃⵓⵙⴰⵢⵏ ⵥⵟⵜⵉⵟ, ⴰⵏⵎⵀⴰⵍ ⵏ ⵉⵖⴰⵡⵙⵏ ⵏ ⵓⵙⵍⵎⴷ ⴰⵎⵣⵡⴰⵔⵓ ;
- ⴳ ⵜⴰⵎⴰⵡⴰⵙⵜ ⵏ ⵜⵎⴰⵍⵍⴰⵢⵜ ⴷ ⵜⵏⵉⴹⵉ ⴷ ⵜⴷⴰⵎⵙⴰ ⵜⴰⵏⴰⵎⵓⵏⵜ ⴷ ⵜⵡⵉⵣⵉ- ⵉⴳⵔ ⵏ ⵜⵏⵉⴹⵉ, ⵉⵜⵜⵓⵙⵏⵎⴰⵍⴰ :
- ⵎⴰⵙⵙ ⵎⵓⵃⵎⵎⴰⴷ ⵓⴱⴰⵄⵜⵜⵉ, ⴰⵏⵎⵀⴰⵍ ⵏ ⵉⵙⵓⴳⴰⵎ ⴷ ⵉⵖⴰⵡⴰⵙⵏ ⵓⵛⵛⵉⵍⵏ
