ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵢⴰⵏ ⵓⴳⵔⴰⵡ ⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵓⴹⴼⵉⵕ ⵏ ⵓⵙⴷⴰⵡ ⵏ ⵜⵏⴰⴼⵜ
ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⵏ ⵓⴽⵡⴰⵙⵙ 17 ⵢⵓⵍⵢⵓⵣ 2025 ⴳ ⵕⵕⴱⴰⵟ, ⵢⴰⵏ ⵓⴳⵔⴰⵡ ⵏ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵍⵍⵉ ⵉⴹⴼⵉⵕⵏ ⴰⵙⴷⴰⵡ ⵏ ⵜⵏⴰⴼⵜ, ⵍⵍⵉ ⵉⵜⵜⵙⵎⴰⵍⴰⵏ ⴹⴰⵕⴰⵜ ⵜⴰⵏⵏⴰⵢⵉⵏ ⴳ ⵓⴳⵔⴰⵡ ⵏ ⵉⴱⵔⵉⵔ 2025 ⵏ ⵜⵙⵇⵇⵉⵎⵜ ⵜⴰⵏⴰⴼⵍⵍⴰⵜ ⵏ ⵓⵎⴰⵙⵡⴰⵍ ⴰⵏⴰⵎⵓⵏ ⵍⵍⵉⵖ ⵉⵍⵍⴰ ⵓⵎⴹⴰⴽⴰⵕ ⵅⴼ ⵅⴼ ⵡⴰⴷⴷⴰⴷ ⵏ ⵉⵖⵡⴰⵙⵏ ⵏ ⵜⵏⴰⴼⵜ ⴷ ⵓⵎⵙⴰⵙⴰ ⵅⴼ ⵉⵎⴰⵙⵙⵏ ⵏ ⵓⵙⵡⵓⵔⵉ ⴷ ⵜⵖⵔⴰⵙⵜ ⵍⵍⵉ ⵅⴼ ⵉⵍⵍⴰ ⵓⵎⵙⴰⵙⴰ ⵃⵎⴰ ⴰⴷ ⵢⵉⵍⵉ ⵢⴰⵏ ⵓⵙⴰⵜⵉ ⵉ ⵓⵙⴷⴰⵡ ⴰⴷ.
ⴳ ⵜⵣⵡⵉⵔⵉ ⵏ ⵓⴳⵔⴰⵡ ⴰⴷ, ⵉⵙⵎⵖⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵙ ⵓⴽⴽⵉⵙⵏ ⵍⵍⵉ ⵉⴼⴼⴰⵖⵏ ⴳ ⵜⵙⵓⵜⵍⵉⵏ ⵉⵣⵔⵉⵏ ⵏ ⵓⵎⵍⵙⴰⵡⴰⵍ ⴰⵏⴰⵎⵓⵏ, ⵙⵍⴰⵀⴰⵡ ⴰⴽⴽⵯ ⴰⵙⵖⵓⴷⵓ ⵏ ⵜⵖⵔⴰⴷ ⴷ ⵓⵙⴱⵓⵖⵍⵓ ⵏ ⵜⵥⴹⵉⵕⵜ ⵏ ⵜⵔⴰⴱⴱⵓⵔ ⵏ ⵉⵎⵙⵡⵓⵔⵉⵏ, ⵉⵏⵏⴰ ⵎⴰ ⵙ ⴳⴰⵏ ⵓⵎⵎⵉⵥⵏ ⴰⴷ ⵢⴰⵏ ⵓⵎⴷⵢⴰ ⵏ ⵜⵖⵉⵙⵜ ⵜⴰⵎⴳⵔⵓⵜ ⴳ ⵜⵓⵚⴽⴰ ⵏ ⵜⵎⴳⵓⵔⵉ ⵏ ⵉⴼⵙⵙⴰⵢⵏ ⵅⴼ ⵉⵍⵍⴰ ⵓⵎⵛⴰⵛⴽⴰ ⴷ ⵓⵙⴷⵓⵙ ⵏ ⵉⵎⴷⵔⴰⵡⵏ ⵉⵏⴰⵎⵓⵏⵏ ⴷ ⵉⴷⴰⵎⵙⴰⵏⵏ.
ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⴱⴰⴹⵜ ⵎⴰ ⵙ ⵉⵍⵍⴰ ⵖⵓⵔ ⵜⵏⴱⴰⴹⵜ ⵢⴰⵜ ⵜⵉⵔⵉⵜ ⵉⴷⵓⵙⵏ ⵏ ⵓⵙⴼⵙⵉ ⵏ ⵓⵙⴷⴰⵡ ⴰⴷ ⵙ ⵢⴰⵜ ⵜⵖⵔⴰⵙⵜ ⵉⵔⵚⴰⵏ ⵅⴼ ⵜⵎⵢⵉⵎⴰⵏⵜ ⵉⴳⴰⵏⵢⴰⵜ ⵜⴱⵔⵉⴷⵜ ⵜⴰⵙⵜⵕⴰⵜⵉⵊⵉⵜ ⵏ ⵡⴰⵏⴽ, ⵙⵍⴰⵀⴰⵡ ⴰⴽⴽ ⵍⵍⵉⵖ ⵜⴷⴷⴰ ⴳ ⵓⵙⴰⵜ ⵏ ⵉⵙⴳⴳⴷⵏ ⵢⴰⵜⵜⵓⵢⵏ ⴳ ⵉⵍⵍⴰ ⵓⵃⵟⵟⵓ ⵏ ⵉⵣⵔⴼⴰⵏ ⵏ ⵉⵎⵙⵖⴰⵏⵏ ⴷ ⵉⵎⵙⵡⵓⵔⵉⵏ ⴷ ⵉⵎⵏⴰⴼⵏ ⴷ ⵓⵙⴷⵓⵎ ⵏ ⵓⵎⵃⵉⵣⵡⴰⵔ ⵏ ⵜⵎⵙⵙⵏⵜⴰⵢ ⴷ ⵓⵎⵙⴰⵙⴰ ⴷ ⵓⵙⴷⵓⵎ ⴰⵥⵕⴼⴰⵏ ⵏ ⵉⵖⴰⵡⴰⵙⵏ ⵏ ⵜⵏⴰⴼⵜ, ⴰⵢⵍⵍⵉ ⵔⴷ ⵢⴰⵡⵙ ⴳ ⵓⴷⵓⵙ ⵏ ⵓⴼⵔⴰ ⴰⵏⴰⵎⵓⵏ ⴷ ⵉⴳⴰⵏ ⴰⵡⵜⵜⴰⵙ ⵏ ⵜⵏⴱⴰⴹⵜ.
ⵜⵙⵎⵏⵉⴷ ⵜⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ, ⵎⴰⵙⵙⴰ ⵏⴰⴷⵢⴰ ⴼⵜⵜⴰⵃ, ⵢⴰⵏ ⵓⴼⵙⵔ ⵅⴼ ⵡⴰⴷⴷⴰⴷ ⵏ ⵎⵏⵏⴰⵡ ⵏ ⵉⵖⴰⵡⴰⵙⵏ ⵏ ⵜⵏⴰⴼⵜ ⴷ ⵜⵎⵉⵜⴰⵔ ⵙⵔⵙ ⵉⵥⵍⵉⵏ ⴷ ⵡⴰⴷⴷⴰⴷ ⵏ ⵉⵎⵣⴷⴰⵖ ⴷ ⵓⵥⵕⴼⴰⵏ. ⵖⵉⴽⴽⵍⵉ ⵜⵉⵡⵉ ⵜⴰⵎⴰⵡⴰⵙⵜ ⵅⴼ ⵉⵎⵏⵣⴰⵢⵏ ⴷ ⵜⵖⵔⴰⵙⵜ ⵉⵜⵜⵔⵙⵏ ⵅⴼ ⵔⴰⴷ ⵢⵉⵍⵉ ⵓⵎⴹⴰⴽⴰⵕ ⴷ ⵜⵡⵓⵔⵉ ⵃⵎⴰ ⴰⴷ ⵢⵉⵍⵉ ⵢⴰⵏ ⵉⵥⵉⵕ ⵉⵎⵓⵏ ⵉⴼⵔⴳⵏ ⵉⵣⵔⴼⴰⵏ ⵏ ⵉⵣⵔⴼⴰⵏ ⵏ ⵉⵎⵙⵖⴰⵏⵏ ⴷ ⵉⵎⵙⵡⵓⵔⵉⵏ ⴷ ⵉⵎⵏⴰⴼⵏ ⵜⵉⵍⵉ ⴰⵡⴷ ⵓⵙⴷⴷⵔ ⵏ ⵉⵖⴰⵡⴰⵙⵏ ⴰⴷ ⵉⵥⵕⴼⴰⵏ.
ⵔⴰⴷ ⵜⵙⵡⵓⵔⵉ ⵜⵙⵇⵇⵉⵎⵜ ⵜⴰⵜⵉⵇⵏⵉⵜ ⴳ ⵉⵍⵍⴰⵏ ⵉⴳⵎⴰⵎⵏ ⵏ ⵡⴰⵎⵎⴰⵙⵏ ⵏ ⵉⵏⵎⵎⵓⵍⴰ ⵉⴷ ⴱⵓⵜⵡⵓⵔⵉⵏ ⴷ ⵉⴳⵔⴰⵏ ⵉⵎⴰⵡⵙⴰⵙⵏ ⴷ ⵉⴼⵏⵏⵉⵇⵏ ⵏ ⵓⵙⵡⵓⴷⴷⵓ ⵍⵍⵉ ⵔⴰⴷ ⵉⴳ ⴰⵙⴽⴰⵔ ⵏ ⵢⴰⵏ ⵉⵥⵉⵕ ⴷ ⵢⴰⵜ ⵜⵙⵓⵎⵔⵜ ⵍⵍⵉ ⵔⴰⴷ ⵉⴳ ⵢⴰⵜ ⵜⴽⵛⵛⵓⵎⵜ ⵍⵍⵉ ⵔⴰⴷ ⵉⵙⴷⴷⵔ ⵉⵖⴰⵡⴰⵙⵏ ⵏ ⵜⵏⴰⴼⵜ.
ⵉⵃⴰⴹⵕ ⴳ ⴳⵔⴰⵡ ⴰⴷ ⵜⴰⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⴼⵜ ⴷ ⵓⵎⴰⵙⴰⵙ ⵏ ⵓⵙⵉⴷⴼ ⴰⴷⴰⵎⵙⴰⵏ ⴷ ⵜⵎⵙⵙⵏⵜⴰⵢ ⵜⵉⵎⵥⵢⴰⵏⵉⵏ ⴷ ⵓⵙⵡⵓⵔⵉ ⴷ ⵜⵎⵙⵙⵓⴳⴰⵔ ⴷ ⵜⴰⵎⴰⵡⵙⴰⵙⵜ ⵜⴰⵎⴰⵔⵉⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵎⵓⵜⵜⵉ ⴰⵎⴰⵟⵟⵓⵏ ⴷ ⵓⵙⴳⴳⴷ ⵏ ⵜⵎⵙⵙⵓⴳⵓⵔⵜ. ⵉⵃⴰⴹⵕ ⴳ ⵉⵎⴷⵔⴰⵡⵏ ⵉⵏⴰⵎⵓⵏⵏ ⴷ ⵉⴷⴰⵎⵙⴰⵏⵏ ⴰⴽⴰⴱⴰⵕ ⵏ ⵡⴰⵎⵓⵏ ⴰⵎⵖⵔⵉⴱⵉ ⵏ ⵓⵙⵡⵓⵔⵉ (UMT) ⵙ ⵜⵏⵙⵙⵉⵅⴼⵜ ⵏ ⵓⵏⴼⴼⵍⵓⵙ ⵏⵏⵙ ⴰⵎⴰⵜⴰⵢ ⵎⵎⴰⵙ ⵍⵎⵉⵍⵓⴷⵉ ⵎⵓⵅⴰⵕⵉⵇ ⴷ ⵓⴽⴰⴱⴰⵕ ⵏ ⵡⴰⵎⵓⵏ ⴰⵎⴰⵜⴰⵢ ⵏ ⵉⵎⵙⵡⵓⵔⵉⵏ ⴳ ⵍⵎⵖⵔⵉⴱ (UGTM) ⵙ ⵜⵏⵙⵙⵉⵅⴼⵜ ⵏ ⵓⵎⴰⵔⵉ ⵏⵏⵙ ⴰⵎⴰⵣⵡⴰⵔⵓ ⵏⵏⵉⵄⴰⵎ ⵎⵉⵢⴰⵕⴰ ⴷ ⵓⴽⴰⴱⴰⵕ ⵜⴽⵓⵏⴼⵉⴷⵉⵕⴰⵍⵉⵜ ⵜⴰⴷⵉⵎⵓⵇⵕⴰⵟⵉⵜ ⵏ ⵓⵙⵡⵓⵔⵉ (CDT) ⵙ ⵜⵏⵙⵙⵉⵅⴼⵜ ⵏ ⵓⵎⴰⵔⵉ ⵏⵏⵙ ⴰⵎⵣⵡⴰⵔⵓ ⵎⴰⵙⵙ ⵅⵍⵉⴷ ⵀⵓⵢⴰⵕ ⵍⵄⴰⵍⴰⵎⵉ ⴷ ⵓⴽⴰⴱⴰⵕ ⵏ ⵡⴰⵎⵓⵏ ⴰⵎⵖⵔⵉⴱⵉ ⵏ ⵜⵎⵙⵙⵏⵜⴰⵢ (CGEM) ⵙ ⵜⵏⵙⵙⵉⵅⴼⵜ ⵏ ⵓⵏⵙⵙⵉⵅⴼ ⵏⵏⵙ ⵛⴰⴽⵉⴱ ⵍⵄⵍⵊ ⴷ ⵓⵏⵙⵙⵉⵅⴼ ⵏ ⵜⴽⵓⵏⴼⵉⴷⵉⵕⴰⵍⵉⵜ ⵜⴰⵎⵖⵔⵉⴱⵉⵜ ⵏ ⵜⴼⵍⵍⴰⵃⵜ ⴷ ⵜⴳⵎⵉ ⵜⴰⴼⴰⵔⴰⵏⵜ (ⴽⵓⵎⴰⴷⵉⵔ) ⵎⴰⵙⵙ ⵕⵉⵛⵉⴷ ⴱⵏⵄⵍⵉ. ⵉⵃⴰⴹⵕ ⴰⵡⴷ ⵖ ⵉⴳⵔⴰⵡ ⴰⴷ ⵉⵙ ⵎⴰⵙⵙ ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⴼⵏⵏⵉⵇⵜ ⵓⵙⵔⵓⵙ ⴷ ⵓⵙⵡⵓⴷⴷⵓ ⴷ ⵓⵏⵙⵙⵉⵅⴼ ⵏ ⵜⵙⵏⵓⵔⴰⵢⵜ ⵏ ⵉⵙⴼⵍⵙⵏ ⴷ ⵓⵃⵟⵟⵓ ⴰⵏⴰⵎⵓⵏ ⴷ ⵓⵏⵎⵀⴰⵍ ⵏ ⵜⴼⵏⵉⵇⵜ ⴰⵎⵖⵔⵉⴱⵉ ⵏ ⵜⵏⴰⴼⵜ ⴷ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⴼⵏⵉⵇⵜ ⵜⴰⵏⴰⵎⵓⵔⵜ ⵜⴰⵏⴼⵔⵓⵜ ⵜⴰⵏⴰⵎⵓⵏⵜ ⴷ ⵓⵏⵙⵙⵉⵅⴼ ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⴼⵏⵉⵇⵜ ⵜⴰⵎⵖⵔⵉⴱⵉⵜ ⵏ ⵜⵏⴰⴼⵜ ⴷ ⵓⵏⵎⵀⴰⵍ ⴰⵎⴰⵜⴰⵢ ⵏ ⵓⵖⴰⵡⴰⵙ ⴰⵏⴰⵎⵓⵏ ⵏ ⵜⵉⴽⴽⵉ ⵏ ⵜⵖⵔⴰⴷ ⵏ ⵜⵏⴰⴼⵜ ⴷ ⵓⵏⵎⵀⴰⵍ ⵏ ⵜⵎⵙⴰⵙⵍⵜ ⴳ ⵜⵎⴰⵡⴰⵙⵜ ⵜⴰⵎⴰⵔⵉⵜ ⵉⵜⵜⵓⵙⵎⴳⴰⵍⵏ ⵙ ⵜⵎⵙⴰⵙⵍⵜ.
