ⵓⵔⵔⵉ ⵙ ⵜⵉⵖⵔⴷⵉⵏ

ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵎⵙⵙⵓⴳⵓⵔⵜ ⵏ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵓⵙⵍⴳⵏ ⵏ ⵉⵎⴰⵙⵙⵏ ⵏ ⵓⵎⵢⴰⵡⴰⴹ

Le Chef du gouvernement préside le Conseil d’administration de l’Agence Nationale de Réglementation des Télécommunications
Le Chef du gouvernement préside le Conseil d’administration de l’Agence Nationale de Réglementation des Télécommunications
Le Chef du gouvernement préside le Conseil d’administration de l’Agence Nationale de Réglementation des Télécommunications
Le Chef du gouvernement préside le Conseil d’administration de l’Agence Nationale de Réglementation des Télécommunications
Le Chef du gouvernement préside le Conseil d’administration de l’Agence Nationale de Réglementation des Télécommunications

ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵏⵏⵙ ⵏ ⵓⵙⵉⵎⵡⴰⵙ25 ⵢⵓⵍⵢⵓⵣ 2025 ⴳ ⵕⵕⴱⴰⵟ, ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵎⵙⵙⵓⴳⵓⵔⵜ ⵏ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵓⵙⵍⴳⵏ ⵏ ⵏ ⵉⵎⴰⵙⵙⵏ ⵏ ⵓⵎⵢⴰⵡⴰⴹ, ⵍⵍⵉⵖ ⵉⵍⵍⴰ ⵓⵎⴹⴰⴽⴰⵕ ⵅⴼ ⵡⴰⴷⴷⴰⴷ ⵏ ⵉⴳⵔ ⵏ ⵉⵎⴰⵙⵙⵏ ⵏ ⵓⵎⵢⴰⵡⴰⴹ ⴷ ⵓⵙⵓⵙⵙⵏ ⵙ ⵉⵚⵏⴼⴰⵕⵏ ⴷ ⵉⵖⴰⵡⴰⵙⵏ ⵏ ⵜⵙⵏⵓⵔⴰⵢⵜ ⴳ ⵉⵙⴳⴳⵯⴰⵙⵏ ⴷ ⵉⴷⴷⴰⵏ.
ⴳ ⵜⵣⵡⵔⵉ ⵏ ⵓⴳⵔⴰⵡ ⴰⴷ, ⵉⵙⴽⵯⵜⵉ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰ ⵙ ⵜⴷⴷⴰ ⵜⴰⵎⴰⵣⵉⵔⵜ ⴳ ⵜⵖⵔⴰⵙⵜ ⵏ ⵓⵎⵓⵜⵜⵉ ⴰⵎⴰⵟⵟⵓⵏ ⴰⵏⵎⴷⵓ ⵙ ⵜⵏⵏⵓⴱⴹⴰ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏ ⵚⵕ ⵔⴱⴱⵉ, ⵙ ⵓⵙⵔⵓⵙ ⵏ ⵜⴰⵙⵕⵜⵉⵊⵉⵜ ⵜⴰⵏⴰⵎⵓⵔⵜ « ⵍⵎⵖⵔⵉⴱ ⴰⵎⴰⵟⵟⵓⵏ 2030 », ⵉⵏⵏⴰ ⴰⵡⴷ ⵎⴰ ⵙ ⵉⴳⴰ ⵉⴳⵔ ⵏ ⵓⵎⵢⴰⵡⴰⴹ ⵡⴰⵔ ⵉⴼⵉⵍⵉ ⵢⴰⵜ ⵜⵔⵙⵍⵜ ⵜⴰⴷⵙⵍⴰⵏⵜ ⵍⵍⵉ ⵉⵜⵜⴰⵡⵏ ⴳ ⵜⴳⵎⵉ ⴷ ⵓⵙⵉⴷⵔⵓⵙ ⵏ ⵉⵙⵏⵓⵃⵓⵜⵏ ⵉⵎⴰⵟⵟⵓⵏⵏ ⴷ ⵉⵙⴳⴰⵡⴰⵏⵏ.
ⴳ ⵎⵏⵉⴷ ⴰⴷ, ⵉⵙⴷⴷⵉⵙ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰ ⵙ ⵔⴰⴷ ⵉⵍⴽⵎ ⵓⵥⵟⵟⴰ ⵏ ⵉⵎⵢⴰⵡⴰⴹⵏ ⵜⵉⵙⴳⴳⵉⵏ ⴰⴽⴽⵯ ⵏ ⵜⴳⵍⴷⵉⵜ ⵙⵍⵀⵡⴰⵏ ⴰⴽⴽⵯ ⵜⵉⵙⴳⴳⵉⵡⵉⵏ ⵏ ⵓⴷⵔⴰⵔ, ⵜⴳ ⵢⴰⵜ ⵜⵖⴰⵡⴰⵙⴰ ⵍⵍⵉ ⵙ ⵉⵇⵇⴰⵏ ⴰⴷ ⵜⵜⵓⵙⴽⵉⵔ ⴳ ⵜⵉⵣⵉ ⴰⴷ, ⵉⵜⵜⵔ ⵉ ⵜⵙⵏⵓⵔⴰⵢⵜ ⴰⴷ ⵜⵙⵡⵓⵔⵉ ⵅⴼ ⵜⵉⵙⴳⴳⵉⵡⵉⵏ ⵍⵍⵉ ⵓⵔ ⵉⵍⴽⵎ ⵓⵥⵟⵟⴰ ⵏ ⵓⵎⵢⴰⵡⴰⴹ ⴷ ⴰⴷ ⵜⴳ ⴰⵎⵙⴰⵙⴰ ⴰⴽⴷ ⵉⴳⵔⴰⵏ ⵉⵎⴰⵡⵙⴰⵙⵏ ⴷ ⵉⴳⵔ ⵉⵎⵥⵍⵉⵢ ⵃⵎⴰ ⴰⴷ ⵢⵉⵍⵉ ⵓⵙⵙⵓⵊⴷ ⵏ ⵜⵏⵓⴼⴰ ⵏ ⵓⵎⵢⴰⵡⴰⴹ ⵏ ⵉⵏⵎⵓⵔⵉⵏ ⴳ ⵜⵙⴳⴳⵉⵡⵉⵏ ⴰⴷ ⵙ ⵜⵔⵡⵉ ⴷ ⵓⵖⴰⵡⵍ.
ⵜⵜⵙⵔⵙⵉⵏ ⵜⵓⴳⵜ ⵏ ⵜⵖⵜⴰⵙ ⴳ ⵓⴳⵔⴰⵡ ⴰⴷ ⵖⵉⵍⵍⴰ ⵓⵙⵓⵙⵙⵏ ⵏ ⵜⵙⴳⴳⵉⵡⵉⵏ ⵏ ⵓⴼⵔⴰ ⵍⵍⵉⵖ ⵓⵔ ⵉⵍⵍⵉ ⵓⵥⵟⵟⴰ ⵏ ⵉⵎⴰⵙⵙⵏ ⵏ ⵓⵎⵢⴰⵡⴰⴹ ⵃⵎⴰ ⴰⴷ ⵢⵉⵍⵉ ⵓⵙⵍⴽⵎ ⵏⵏⵙ ⵙ ⵢⴰⵏ ⵓⵖⴰⵡⴰⵙ ⵉⴼⴰⵡⵏ ⴷ ⵓⵙⵏⵜⵉ ⵏ ⵜⴰⵜⵉⴽⵏⵓⵍⵉⵊⵉⵜ ⵏ ⵜⵙⵓⵜⵍⵜ ⵜⵉⵙ ⵙⵎⵎⵓⵙⵜ G5 ⵍⵍⵉ ⵔⴷⴰ ⵢⴰⵡⵙ ⴳ ⵓⵙⵖⵓⴷⵓ ⵏ ⵓⵥⵟⵟⴰ ⴷ ⵓⴹⴼⵉⵕ ⵏ ⵜⴳⵎⵉ ⵜⴰⴷⴰⵎⵙⴰⵏⵜ ⴷ ⵜⵏⴰⵎⵓⵏⵜ ⴳ ⵜⵎⴰⵣⵉⵔⵜ ⵏⵏⵖ.
ⵉⵡⵉ ⴷ ⵓⵏⵎⵀⴰⵍ ⵎⴰⵙⵙ ⵄⴰⵣⵍⵄⵕⴰⴱ ⵃⵎⴰⵢⴱⵉ  ⵏ ⵜⵙⵏⵓⵔⴰⵢⵜ ⵜⴰⵎⴰⵜⴰⵢⵜ ⵏ ⵏ ⵓⵙⵍⴳⵏ ⵏ ⵏ ⵉⵎⴰⵙⵙⵏ ⵏ ⵓⵎⵢⴰⵡⴰⴹ ⴳ ⵜⴽⵛⵛⵓⵎⵜ ⵏⵏⵙ ⵅⴼ ⵓⴱⵓⵖⵍⵓ ⵉⵜⵜⵓⵣⵎⵎⴰⵎⵏ ⴳ ⵓⵙⵡⵉⵔ ⵏ ⵜⵎⵉⵜⴰⵔ ⵏ ⵓⵙⴰⴳⴳⵯ ⴷ ⵓⵟⵟⵓⵏ ⵏ ⵓⵙⵉⴷⴼ ⵏ ⵜⵏⵓⴼⴰ ⵏ ⵉⵎⵢⴰⵡⴰⴹⵏ ⵙⵍⴰⵀⵡⴰⵏ ⴰⴽⴽⵯ ⴳ ⵉⴳⵔ ⵏ ⵜⵜⵉⵍⵉⴼⵓⵏ ⵏ ⵓⴼⵓⵙ ⵍⵍⵉ ⵉⵍⴽⵎⵏ 57 ⵎⵍⵢⵓⵏ ⵏ ⵓⵎⴷⵔⴰⵡ.
ⵖⵉⴽⵍⵍⵉ ⵉⵙⵡⵍ ⵅⴼ ⵉⴳⵔ ⵡⴰⵏⵜⵉⵏⵕⵉⵜ ⵍⵍⵉⵖ ⵉⵍⵍⴰ ⵎⴰ ⵉⵜⵜⴳⴰⵏ 40 ⵎⵍⵢⵓⵏ ⵏ ⵓⵎⵙⵡⵓⵔⵉ ⵙ ⵎⴰ ⵉⵜⵜⴳⴰⵏ 90% ⵉⵖ ⵏⵎⵙⴰⵙⴰ ⴷ ⵓⵟⵟⵓⵏ ⵏ ⵉⵎⵣⴷⴰⵖⵏ, ⵓⵟⵟⵓⵏ ⵍⵍⵉ ⵏⵏ ⵓⵔ ⵉⵣⵔⵉⵏ 37% ⴳ ⵜⵎⵏⵥⴰⵡⵜ ⵏ ⵉⴼⵔⵉⵇⵢⴰ. ⵙⵍⴰⵀⵡⴰⵏ ⴰⴽⴽⵯ ⵍⵍⵉⵖ ⵜⴳⴰ ⵜⵎⵓⵔⵜ ⵏⵏⵖ ⵜⴰⵎⴰⵣⵡⴰⵔⵓⵜ ⴳ ⵜⵎⵉⵣⴰⵔ ⵏ ⵉⴼⵔⵉⵇⵢⴰ ⴳ ⵡⴰⵎⵓⵏ ⴰⴳⵔⴰⵖⴰⵍⴰⵏ ⵏ ⵉⵎⴰⵙⵙⵏ ⵏ ⵓⵎⵢⴰⵡⴰⴹ ⵏ ⵓⵙⴳⴳⵯⴰⵙ 2025 ⵙ ⵜⵉⵎⵉⵜⴰⵔ ⵏ ⵜⴳⵎⵉ ⵜⴰⵜⵉⴽⵏⵓⵍⵓⵊⵉⵜ ⵏ ⵓⵎⵍⴰⵏⵏ ⴷ ⵉⵎⴰⵙⵙⴰⵏ ⵏ ⵓⵎⵢⴰⵡⴰⴹ (IDI). 
ⵉⵣⴰⵢ ⴷ ⵓⵏⵎⵀⴰⵍ ⵉⵏⵏⴰ ⵎⴰ ⵙ ⵔⴰⴷ ⵢⵉⵍⵉ ⵓⵙⵏⴼⵍ ⵏ ⵓⵖⴰⵡⴰⵙ ⴰⵏⴰⵎⵓⵔ ⵏ ⵓⵙⵏⴰⴳⴰⵔ ⵡⴰⵔ ⵉⴼⵉⵍⵉ (PNF) ⵃⵎⴰ ⴰⴷ ⵉⵎⵙⴰⵙⴰ ⴷ ⵓⵙⴱⵓⵖⵍⵓ ⴰⵜⵉⴽⵏⵓⵍⵓⵊⵉ ⴷ ⵜⴳⵎⵉ ⵜⴰⵏⵎⵓⵏⵜ ⴷ ⵜⴷⴰⵎⵙⴰⵏⵜ ⵏ ⵜⴳⵍⴷⵉⵜ ⴷ ⵓⴹⴼⵉⵕ ⵏ ⵉⵚⵏⴼⴰⵕⵏ ⵉⵎⴰⴷⴷⴰⵙⵏ ⵏ ⵓⵙⵍⴽⵎ ⵏ ⵡⴰⵏⵜⵉⵔⵏⵉⵜ ⵉⴱⵓⵖⵍⴰⵏ ⴷ ⵓⵥⵟⵟⴰ ⵉⴼⴰⵍⴰⵏ ⵉⵜⵜⴰⵡⵥⵕⴰⵏ (Fibre optique) ⴷ ⵓⵙⵙⵓⵊⴷ ⵏ ⵜⴰⵜⵉⴽⵏⵓⵍⵓⵊⵉⵜ ⵏ ⵜⵙⵓⵜⵍⵜ ⵜⵉⵙ ⵙⵎⵎⵓⵙⵜ G5 ⵙ ⵉⵙⵙⴰⵔⵓⵜⵏ ⵏ ⵎⴰ ⵉⵜⵜⴳⴰⵏ 80 ⵎⵍⵢⴰⵕ ⵏ ⵓⴷⵉⵔⵀⴰⵎ, ⵍⵍⵉ ⵔⴰⴷ ⵢⴰⵡⵙ ⴳ ⵜⴽⵍⵉ ⵜⴰⵎⵣⵡⴰⵔⵓⵜ ⴳ ⵜⴳⵉⵔⴰ ⵏ 2025 ⴰⴷ ⵢⵉⵍⵉ ⵓ ⵙⴰⴳⴳⵯ ⵏ ⵜⵓⴳⵜ ⵏ ⵜⵎⴷⵉⵏⵉⵏ ⵙ ⵜⴰⵜⵉⵇⵏⵉⵜ ⴰⴷ, ⵃⵎⴰ ⴰⴷ ⵢⵉⵍⵉ ⵓⵙⵍⴽⵎ ⵏ ⵓⵣⴷⴰⵢ ⵏ ⵜⴰⵜⵉⴽⵏⵓⵍⵓⵊⵉⵜ ⵏ G5 ⵉ ⵎⴰ ⵉⵜⵜⴳⴰⵏ 85% ⵏ ⵉⵎⵣⴷⴰⵖⵏ ⵖⵉⴷ ⵙ ⵓⵙⴳⴳⵯⴰⵙ ⵏ 2030.
 

ⵜⴰⴱⵔⴰⵜ ⵜⴰⵏⵖⵎⴰⵙⵜ