ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵜⵡⵓⵔⵉⵡⵉⵏ ⵏ ⵓⵙⵇⵇⵉⵎ ⴰⵎⵣⵡⴰⵔⵓ ⵏ ⵜⵎⵙⵙⵓⴳⵓⵔⵜ ⵏ ⵜⵔⵓⴱⴱⴰ ⵏ ⵜⴷⵓⵙⵉ ⵜⵉⵏⴽⴰⵍⴰⵉⵏ ⴳ ⵜⵙⴳⴰ ⵏ ⵟⴰⵏⵊⴰ-ⵜⵉⵟⵡⴰⵏ-ⵍⵃⵙⴰⵢⵎⴰ
ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⵏ ⵡⴰⵢⵏⴰⵙ28 ⵢⵓⵍⵢⵓⵣ 2025 ⴳ ⵡⴰⵎⵎⴰⵙ ⴰⵙⴳⵏⴰⴼ ⴰⵙⴷⴰⵡⴰⵏ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴳ ⵟⴰⵏⵊⴰ, ⵜⵡⵓⵔⵉⵡⵉⵏ ⵏ ⵓⵙⵇⵇⵉⵎ ⴰⵎⵣⵡⴰⵔⵓ ⵏ ⵜⵎⵙⵙⵓⴳⵓⵔⵜ ⵏ ⵜⵔⵓⴱⴱⴰ ⵏ ⵜⴷⵓⵙⵉ ⵜⵉⵏⴽⴰⵍⴰⵉⵏ ⴳ ⵜⵙⴳⴰ ⵏ ⵟⴰⵏⵊⴰ-ⵜⵉⵟⵡⴰⵏ-ⵍⵃⵙⴰⵢⵎⴰ, ⵍⵍⵉ ⵉⴳⴰⵏ ⵜⴰⵙⴳⴰ ⵜⴰⵎⵣⴰⵡⵔⵓⵜ ⵏ ⵓⵙⵏⵜⵉ ⵏ ⵓⵚⵏⴼⴰⵕ ⵏ ⵜⵔⵓⴱⴱⴰ ⵏ ⵜⴷⵓⵙⵉ ⵜⵉⵏⴽⴰⵍⵉⵏ ⴳ ⵓⵙⴰⵜⵉ ⵏ ⵓⵣⵓⴳⴳⵣ ⵏ ⵜⵔⴰⵜⵉⵏ ⵜⵉⴳⵍⴷⴰⵏⵉⵏ ⵢⵀⴰⵜⵜⵓⵢⵏ ⵏ ⵓⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵏⵚⵕ ⵔⴱⴱⵉ, ⵍⵍⵉ ⵎⵓ ⵉⴳⴰ ⵡⴰⵡⵜⵜⴰⵙ ⵏⵏⵙ ⴰⵙⴳⴳⴷⵏ ⵓⵖⴰⵡⴰⵙ ⵏ ⵜⴷⵓⵙⵉ ⵜⴰⵏⴰⵎⵓⵔⵜ ⴳ ⵜⵖⵔⴰⵙⵜ ⵏ ⵓⵙⵡⵓⴷⴷⵓ ⴷ ⵓ ⵓⵙⵎⴰⵜⴰ ⵏ ⵡⴰⵔⴰⵢ ⴰⵏⴰⵎⵓⵏ.
ⵉⵍⵍⴰ ⵓⵎⴹⴰⴽⴰⵕ ⴳ ⵓⴳⵔⴰⵡ ⴰⴷ ⵅⴼ ⵜⵉⵔⵙⴰⵍ ⵏ ⵓⵙⵡⵓⴷⴷⵓ ⵏ ⵜⵔⵓⴱⴱⴰ ⵏ ⵜⴷⵓⵙⵉ ⵜⵉⵏⴽⴰⵍⵉⵏ ⴷ ⵓⵎⵔⴰⵔⴰ ⵅⴼ ⵓⵖⴰⵡⴰⵙ ⵏ ⵓⵙⵡⵓⵔⵉ ⵏⵏⵙ ⴳ ⵉⵙⴳⴳⵯⴰⵙⵏ ⴷ ⵉⴷⴷⴰⵏ. ⵉⵍⵍⴰ ⵓⵙⵖⵥⵏ ⵅⴼ ⵉⵙⵏⴼⴰⵕⵏ ⵏ ⵓⵙⵡⵓⴷⴷⵓ ⴷ ⵉⵥⵕⴼⴰⵏⵏ ⵙⵔⵙ ⵉⵥⵍⵉⵏ, ⵖ ⵉⵍⵍⴰ ⵓⵖⴰⵡⴰⵙ ⵏ ⵓⵙⵡⵓⵔⵉ ⴷ ⵜⵎⵙⴰⵙⵍⵜ ⵏ ⵓⵙⴳⴳⵯⴰⵙ ⵏ 2025 ⴷ ⵓⵚⵏⴼⴰⵕ ⵏ ⵓⵥⵟⵟⴰ ⴰⵎⴰⴷⴷⴰⵙ ⵏ ⵜⵔⴰⴱⴱⵓⵜ.
ⴳ ⵜⵣⵡⵓⵔⵉ ⵏ ⵓⴳⵔⴰⵡ ⴰⴷ, ⵉⵏⵏⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰ ⵙ ⵉⴳⴰ ⵓⵙⴽⴰⵔ ⵏ ⵜⵔⵓⴱⴱⴰ ⵏ ⵜⴷⵓⵙⵉ ⵜⵉⵏⴰⴽⴰⵍⵉⵏ ⵏ ⵢⴰⵏ ⵓⵙⴳⵓⵎ ⴰⴷⵙⵍⴰⵏ ⴳ ⵓⵙⵡⵓⴷⴷⵓ ⵏ ⵉⵥⵉⵕ ⴰⵎⴰⵢⵏⵓ ⴳ ⵉⴳⵔ ⵏ ⵜⴷⵓⵙⵉ ⵙ ⵡⴰⵍⵍⴰⵙ ⵏ ⵓⵙⵏⵎⴰⵍⴰ ⵏ ⵓⵙⴼⵙⵔ ⴰⴷⵓⵙⴰⵏ ⴳ ⵢⴰⵜ ⵜⵎⵔⵙⵍⵜ ⴳ ⵓⵙⵡⵉⵔ ⴰⵙⴳⴰⵡⴰⵏ, ⵃⵎⴰ ⴰⴷ ⵢⵉⵍⵉ ⵓⵎⵙⴰⵙⴰ ⵏⴳⵔ ⴰⴽⴽⵯ ⵉⵙⵡⵉⵔⵏ ⵣⵔ ⵡⴰⵎⵎⴰⵙⵏ ⵏ ⵡⴰⵔⴰⵢ ⴰⵎⵔⴰⵡⵔⵓ ⴰⵔ ⵉⵙⴳⵏⴰⴼ ⵉⵙⴷⴰⵡⴰⵏⵏ.
ⵖⵉⴽⵍⵍⵉ ⵉⴱⵉⴷ ⵅⴼ ⵡⴰⵜⵉⴳ ⵍⵍⵉ ⵉⴼⴽⴰ ⵓⵖⴰⵡⴰⵙ ⵓⵏⴱⵉⴹ ⵉ ⵓⵚⵏⴼⴰⵕ ⴰⴷ ⵉⵎⵙⴰⵙⴰⵏ ⴰⴽⴷ ⵜⴰⵔⴰⵜⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ, ⵉⵏⵏⴰ ⵎⴰ ⵙ ⵔⴰⴷ ⵜⴹⴼⵉⵕ ⵜⵏⴱⴰⴹⵜ ⴰⵙⵏⴼⵍ ⴰⴷ ⵙ ⵓⵙⵖⵓⴷⵓ ⵏ ⵜⵏⵓⴱⴹⴰ ⴳ ⵉⴳⵔ ⵏ ⵜⴷⵓⵙⵉ ⴷ ⵓⵙⵎⵓⵜⵜⴳ ⵏ ⵜⵓⵚⴽⴰⵡⵉⵏ ⵜⵉⵏⴷⴰⵡⵉⵏ ⴷ ⵓⵙⴷⵓⵙ ⵏ ⵉⵙⵓⴳⴰⵎ ⵉⵏⴼⴳⴰⵏⵏ.
ⵖⵉⴽⵍⵍⵉ ⴷ ⵉⵡⵉⵏ ⴳ ⵓⴳⵔⴰⵡ ⴰⴷ ⵎⴰ ⵙ ⵉⴳⴰ ⵡⴰⵏⴰⵡ ⴰⴷ ⴰⵎⴰⵢⵏⵓ ⵜⴰⵔⵉⵜ ⵜⴰⵏⴰⵎⵓⵔⵜ ⴳ ⵜⵓⵚⴽⴰ ⵏ ⵢⴰⵏ ⵓⵖⴰⵡⴰⵙ ⵏ ⵜⴷⵓⵙⵉ ⴰⵜⵔⴰⵔ ⴰⵏⵙⵙⵓⵎⵓ ⵍⵍⵉ ⵢⴰⴽⴽⴰⵏ ⵜⵉⵏⵓⴼⴰ ⵉⵀⵢⴰⵏ ⴷ ⴰⵔ ⵉⵜⵜⴳⴰ ⵜⵜⵎⵉ ⵉ ⵉⵙⵏⵓⵀⵢⵓⵜⵏ ⵉⵙⴳⴰⵡⴰⵏⵏ ⴷ ⴰⵔ ⵉⵙⵔⵅⵓ ⵜⴰⵖⴰⵔⴰⵙⵜ ⵏ ⵓⵙⵓⵊⵊⵉ ⴷ ⵓⵙⵖⵓⴷⵓ ⵏ ⵜⵔⵡⵉ ⴷ ⵓⵙⵎⵏⵉⴷ ⵏ ⵜⵏⵓⴼⴰ ⵜⵉⴷⵓⵙⴰⵏⵉⵏ ⵜⵉⴳⴷⵓⴷⴰⵏⵉⵏ.
ⵔⴰⴷ ⵜⴳ ⵜⵙⴳⴰ ⵏ ⵟⴰⵏⵊⴰ-ⵜⵉⵟⵡⴰⵏ-ⵍⵃⵙⴰⵢⵎⴰ ⴰⵏⴰⵡ ⵏ ⵓⴱⵓⵖⵍⵓ ⴳ ⵓⵙⵎⴰⵜⴰ ⵏ ⵜⵔⵎⵜ ⴰⴷ ⵅⴼ ⵜⵙⴳⴳⵉⵡⵉⵏ ⵏ ⵜⴳⵍⴷⵉⵜ ⵙ ⵢⴰⵜ ⵜⵖⴰⵔⴰⵙⵜ ⵉⵕⵚⴰⵏ ⵅⴼ ⵓⵙⵜⴰⵍ ⴰⵙⵓⵍⴰⵏ ⵃⵎⴰ ⴰⴷ ⵢⵉⵍⵉ ⵓⵙⵔⵓⵙ ⵏ ⵢⴰⵏ ⵓⵖⴰⵡⴰⵙ ⵏ ⵜⴷⵓⵙⵉ ⴰⵏⴰⵎⵓⵔ ⵖ ⵉⵍⵍⴰ ⵓⵙⵓⵎⵓ ⴷ ⵜⵔⵡⵉ ⵉⵜⵜⵔⴰⵔⵏ ⵏ ⴰⵢⵍⵍⵉ ⵙ ⵉⵙⵖⴰⵡⵙⴰ ⵓⵏⵎⵓⵔⵉ ⴰⵎⴰⵖⵔⵉⴱⵉ.
ⵉⵃⴰⴹⵕ ⴳ ⵓⴳⵔⴰⵡ ⴰⴷ ⵉⴷ ⵎⴰⵙⵙ : ⴰⵎⴰⵡⵙⴰⵙ ⵏ ⵜⴷⵓⵙⵉ ⴷ ⵡⴰⵔⴰⵢ ⴰⵏⴰⵎⵓⵏ ⴷ ⵓⵎⴰⵡⵙⴰⵙ ⵏ ⵓⵙⵉⴷⴼ ⴰⴷⴰⵎⵙⴰⵏ ⴷ ⵜⵎⵙⵙⵏⵜⴰⵢ ⵜⵉⵎⵥⵢⴰⵏ ⴷ ⵓⵙⵡⵓⵔⵉ ⴷ ⵜⵎⵙⵙⵓⴳⴰⵔ ⴷ ⵓⵏⵖⵍⴰⴼ ⵢⴰⵜⵜⵓⵢⵏ ⵏ ⵓⵙⵖⵉⵡⵙ ⴷ ⵍⵡⴰⵍⵉ ⵏ ⵜⵙⴳⴰ ⵏ ⵟⴰⵏⵊⴰ-ⵜⵉⵟⵡⴰⵏ-ⵍⵃⵙⴰⵢⵎⴰ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵜⵙⴳⴰ ⵏ ⵟⴰⵏⵊⴰ-ⵜⵉⵟⵡⴰⵏ-ⵍⵃⵙⴰⵢⵎⴰ ⴷ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⵔⵓⴱⴱⴰ ⵏ ⵜⴷⵓⵙⵉ ⵜⵉⵏⴰⴽⴰⵍⵉⵏ ⴳ ⵜⵙⴳⴰ ⵏ ⵟⴰⵏⵊⴰ-ⵜⵉⵟⵡⴰⵏ-ⵍⵃⵙⴰⵢⵎⴰ ⴷ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏ ⵜⵎⵙⵙⵓⴳⵓⵔⵜ ⵏ ⵜⵔⴰⴱⴱⴰⵓⵜ.
