ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 28 ⵖⵓⵛⵜ 2025
ⵉⵜⵜⴰⵡⵙⴽⴰⵔ ⴰⵙⵙ ⵏ ⵓⴽⵡⴰⵙ 04 ⵕⴰⴱⵉⵄ ⴰⵎⵣⵡⴰⵔⵓ 1447 ⵉⵎⵙⴰⵙⴰⵏ ⴰⴽⴷ 28 ⵖⵓⵛⵜ 2025 ⴰⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ. ⵉⵥⵍⵉ ⵓⴳⵔⴰⵡ ⴰⴷ ⵙ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⴷ ⵓⵙⵓⵙⵙⵏ ⵏ ⵢⴰⵜ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ ⵙ ⵓⵎⵙⴰⵙⴰ ⴷ ⵓⵎⵏⵏⵉ ⵡⵉⵙ 92 ⵏ ⵓⴷⵓⵙⵜⵓⵔ.
- ⴳ ⵓⵎⵣⵡⴰⵔⵓ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 59.24 ⵉⵥⵍⵉⵏ ⵙ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ, ⵍⵍⵉⵖ ⵏⵏ ⴳⵉⵙ ⵍⵍⴰⵏ ⵜⴰⵏⵏⴰⵢⵢⵉⵏ ⵍⵍⵉ ⴼⵍⵍⴰⵙ ⵉⵜⵜⴰⵡⵏⵏⴰⵏ, ⵉⵙⵎⵏⵉⴷ ⵜ ⵎⴰⵙⵙ ⵄⴰⵣⴷⴷⵉⵏ ⵎⵉⵕⴰⵡⵉ, ⴰⵎⴰⵡⵙⴰⵙ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵍⵍⵡⵉ ;
- ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.1123 ⵉⵙⵏⴼⵍⵏ ⵉⵙⵖⵓⴷⴰⵏ ⴰⵎⵕⵙⵓⵎ ⵓⵟⵟⵓⵏ 2.19.244 ⵍⵍⵉ ⴷ ⵉⴼⴼⴰⵖⵏ ⴳ ⵓⵎⵣⵡⴰⵔⵓ ⵏ ⵚⴰⴼⴰⵕ 1441 (30 ⵛⵓⵜⴰⵏⴱⵉⵔ 2019) ⵉⵥⵍⵉⵏ ⵙ ⵓⵙⴽⴰⵔ ⵏ ⵡⴰⵔⵔⴰ ⵉⵔⵡⴰⵙⵏ ⵉⵔⴳⴰⵢⵏ ⵎⵓ ⵉⵙⵎ « ⴰⵔⵔⴰ ⵏ ⵜⵡⵉⵣⵉ ⵎⵏⵉⴷ ⵏ ⵜⴰⵙⵙⴰⵙⵉⵏ ⵉⵅⵛⵏ » ⵉ ⵓⴼⵏⵏⵉⵇ ⵏ ⵜⵡⵉⵣⵉ ⵎⵏⵉⴷ ⵏ ⵜⴰⵙⵙⴰⵙⵉⵏ ⵉⵅⵛⵏ, ⵜⵙⵎⵏⵉⴷ ⵜ ⵎⴰⵙⵙⴰ ⵏⴰⴷⵢⴰ ⴼⵜⵜⴰⵃ, ⵜⴰⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ.
- ⴹⴰⵕⴰⵜ ⵎⴰⵢⴰⵏⵏ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ
2.25.539 ⵉⵙⵏⴼⵍⵏ ⵉⵙⵖⵓⴷⴰⵏ ⴰⵎⵕⵙⵓⵎ ⵓⵟⵟⵓⵏ 2.05.1012 ⵍⵍⵉ ⴷ ⵉⴼⴼⴰⵖⵏ ⴳ ⵕⴰⴱⵉⵄ ⴰⵎⴳⴳⴰⵔⵓ 1427 (3 ⵎⴰⵢⵓ 2006) ⵉⵥⵍⵉⵏ ⵙ ⵓⵙⵔⵓⵙ ⵏ ⵜⴰⵖⴰⵎⵉⵏ ⵏ ⵜⵖⵔⴰⴷ ⵅⴼ ⵜⵙⵔⴰⴳⵉⵏ ⵢⵓⴼⴰⵏ ⵍⵍⵉ ⵜⵜⴳⴰⵏ ⵉⵙⴰⵍⵎⴰⴷⵏ, ⵉⵙⵎⵏⵉⴷ ⵜ ⵓⵎⴰⵡⴰⵙⴰⵙ ⵎⵓⵃⵎⵎⴰⴷ ⵙⴰⴷ ⴱⵕⵕⴰⴷⴰ, ⴰⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵏⵣⵓ ⴷ ⵜⵓⵏⵏⵓⵜ. - ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵡⵓⵔⵉⵅⵉⵏ ⵏⵏⵙ ⵙ ⵓⵎⴷⴰⴽⴰⵕ ⴷ ⵓⵙⵖⵥⵏ ⵅⴼ ⵓⵎⵕⵙⵓⵎ ⵓⵟⵟⵓⵏ 2.25.720 ⵉⵥⵍⵉⵏ ⵓⵙⴱⴷⴷⵉ ⵏ ⵡⴰⵔⵔⴰ ⵏ ⵓⵙⴽⵛⵎ ⵏ ⵉⵣⴳⴰⵔⵏ, ⵉⵙⵎⵏⵉⴷ ⵜ ⵎⴰⵙⵙ ⴰⵃⵎⴰⴷ ⴱⵓⵡⴰⵔⵉ, ⴰⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴳⴰⵏⵉⵏ ⵙ ⵉⵙⵎ ⵏ ⵎⴰⵙⵙ ⴼⴰⵡⵣⵉ ⵍⵇⵊⵄ, ⴰⵎⴰⵡⵙⴰⵙ ⴰⵎⴰⵔⵉ ⵖⵓⵔ ⵜⴰⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ ⵉⵜⵜⵓⵙⵎⴰⴳⴰⵍⵏ ⵙ ⵜⵎⵙⴰⵙⵍⵜ.
ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵡⵓⵔⵉⵡⵉⵏ ⵏⵏⵙ ⵙ ⵓⵙⵓⵙⵙⵏ ⵏ ⵜⵎⵢⴰⵇⵇⴰⵏⵜ ⵏ ⵓⴷⵖⴰⵔ ⵏⴳⵔ ⵜⵏⴱⴰⴹⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵎⴰⴷⴷⴰⵙⵜ ⵏ ⵉⴼⵔⵉⵇⵢⴰ ⵏ ⵉⵙⵉⵏⴰⴳⵏ ⵏ ⵓⴳⴳⵉⵡⵙ ⴰⵏⵥⵕⴰⴼ ⴷ ⵓⵙⵉⵟⵟⵏ ⴰⴳⴷⵓⴷⴰⵏ (ⴰⴼⵔⵓⵡⴰⵙⴰⵢ) ⵉⵥⵍⵉⵏ ⵙ ⵓⵙⴽⴰⵔ ⵏ ⵓⵙⵖⵉⵎ ⵉⴷⴷⵔⵏ ⵏ ⵜⵎⴰⴷⴷⴰⵙⵜ ⵏ ⵉⴼⵔⵉⵇⵢⴰ ⵏ ⵉⵙⵉⵏⴰⴳⵏ ⵏ ⵓⴳⴳⵉⵡⵙ ⴰⵏⵥⵕⴰⴼ ⴷ ⵓⵙⵉⵟⵟⵏ ⴰⴳⴷⵓⴷⴰⵏ ⴳ ⵍⵎⵖⵔⵉⴱ, ⵉⵜⵜⵓⵙⴳⵎⴰⴹⵏ ⴳ ⵕⵕⴱⴰⵟ ⴳ 30 ⵉⴱⵔⵉⵔ 2025, ⴷ ⵓⵙⴰⵜⵉ ⵏ ⵓⵙⵍⴳⵏ ⵓⵟⵟⵓⵏ 33.25 ⵍⵍⵉ ⵉⵙⵖⵥⵏ ⵜⴰⵎⴰⵢⴰⵇⵇⴰⵏⵜ ⴰⴷ, ⵉⵙⵎⵏⵉⴷ ⵜⵏ ⵎⴰⵙⵙ ⵎⵓⵚⵜⴰⴼⴰ ⴱⴰⵢⵜⵜⴰⵙ, ⴰⵎⴰⵡⵙⴰⵙ ⴰⵎⴰⵔⵉ ⵖⵓⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍⴰⵏ ⵙ ⵜⵣⴷⴰⵢⵉⵏ ⴰⴽⴷ ⵓⴱⴰⵕⵍⵎⴰⵏ ⵙ ⵉⵙⵎ ⵏ ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⵏ ⵉⴼⵕⵉⵇⵢⴰ ⴷ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ.
ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵙⴰⵙⴰ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ :
- ⴳ ⵜⴰⵡⵙⴰⵙⵜ ⵏ ⵜⴷⵓⵙⵉ ⴷ ⵡⴰⵔⴰⵢ ⴰⵏⴰⵎⵓⵏ, ⵉⵜⵜⵓⵙⵏⵎⴰⵍⴰ:
- ⵎⴰⵙⵙⴰ ⵉⴱⵕⴰⵀⵉⵎ ⵙⵙⴰⵍⴽ, ⴰⵏⵎⵀⴰⵍ ⵏ ⵓⵙⵉⵏⴰⴳ ⴰⵏⴰⴼⵍⵍⴰ ⵏ ⵜⵓⵣⵣⵓⵍⵉⵏ ⵏ ⵉⴼⵔⵎⵍⵉⵢⵏ ⴷ ⵉⵜⵉⵇⵏⵉⵢⵏ ⵏ ⵜⴷⵓⵙⵉ ⴳ ⴱⵏⵉ ⵎⴰⵍⵍⴰⵍ ;
- ⴳ ⵜⴰⵡⵙⴰⵙⵜ ⵏ ⵓⵙⵎⵙⴰⵙⴰ ⵏ ⵡⴰⴽⴰⵍ ⴰⵏⴰⵎⵓⵔ ⴷ ⵜⵓⵚⴽⴰ ⴷ ⵓⵣⴷⴷⵓⵖ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ, ⵜⵜⵓⵙⵏⵎⴰⵍⴰⵏ:
- ⵎⴰⵙⵙⴰ ⵍⵃⵓⵙⴰⵢⵏ ⴰⵢⵜ ⵍⵃⴰⵊ, ⴰⵎⴳⴳⵉⵡⵙ ⴰⵙⴳⴰⵏⵡⴰⵏ ⵏ ⵜⵓⵚⴽⴰ ⴷ ⵓⵥⵟⵟⴰ ⴰⵖⵔⵎⴰⵏ ⵓⵙⵎⵙⴰⵙⴰ ⵏ ⵡⴰⴽⴰⵍ ⴰⵏⴰⵎⵓⵔ ⵏ ⵜⵙⴳⴰ ⵏ ⵙⵓⵙ- ⵎⴰⵙⵙⴰ ;
- ⵎⴰⵙⵙ ⵅⴰⵍⵉⴷ ⴽⵡⵉⵣⴰ, ⴰⵎⴳⴳⵉⵡⵙ ⴰⵙⴳⴰⵏⵡⴰⵏ ⵏ ⵜⵓⵚⴽⴰ ⴷ ⵓⵥⵟⵟⴰ ⴰⵖⵔⵎⴰⵏ ⵓⵙⵎⵙⴰⵙⴰ ⵏ ⵡⴰⴽⴰⵍ ⴰⵏⴰⵎⵓⵔ ⵏ ⵜⵙⴳⴰ ⵏ ⴷⴷⴰⵅⵍⴰ- ⵡⴰⴷ ⴷⴷⴰⵀⴰⴱ.
- ⴳ ⵜⴰⵡⵙⴰⵙⵜ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵍⵍⵡⵉ, ⵉⵜⵜⵓⵙⵏⵎⴰⵍⴰ :
- ⵎⴰⵙⵙ ⵏⴰⴱⵉⵍ ⴰⵃⵎⵉⵎⴰ, ⴰⵏⵙⵙⵉⵅⴼ ⵏ ⵜⵙⴷⴰⵡⵉⵜ ⵏ ⵉⴱⵏ ⵥⵓⵀⵕ ⴳ ⵓⴳⴰⴷⵉⵔ ;
- ⴳ ⵜⴰⵡⵙⴰⵙⵜ ⵏ ⵜⵡⵉⵣⵉ ⴷ ⵓⵙⵉⴷⴼ ⴰⵏⴰⵎⵓⵏ ⴷ ⵜⵓⵡⵊⴰ, ⵜⴻⵜⵜⵓⵙⵏⵎⴰⵍⴰ :
- ⵎⴰⵙⵙⴰ ⵉⵏⵙⴰⴼ ⵛⵛⵕⴰⵟ, ⵜⴰⵏⵎⵀⴰⵍⵜ ⵏ ⵜⵙⴷⴰⵡⵉⵜ ⵏ ⵉⴱⵏ ⵥⵓⵀⵕ ⴳ ⵓⴳⴰⴷⵉⵔ ;
- ⵎⴰⵙⵙⴰ ⵉⵏⵙⴰⴼ ⵛⵛⵕⴰⵟ, ⵜⴰⵏⵎⵀⴰⵍⵜ ⵏ ⵜⵙⴷⴰⵡⵉⵜ ⵏ ⵉⴱⵏ ⵥⵓⵀⵕ ⴳ ⵓⴳⴰⴷⵉⵔ ;
