ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 18 ⵛⵓⵜⴰⵏⴱⵉⵔ 2025
ⵉⵜⵜⴰⵡⵙⴽⴰⵔ ⴰⵙⵙ ⵏ ⵓⴽⵡⴰⵙ 25 ⵕⴰⴱⵉⵄ ⴰⵎⵣⵡⴰⵔⵓ 1447 ⵉⵎⵙⴰⵙⴰⵏ ⴰⴽⴷ 18 ⵛⵓⵜⴰⵏⴱⵉⵔ 2025 ⴰⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ. ⵉⵥⵍⵉ ⵓⴳⵔⴰⵡ ⴰⴷ ⵙ ⵓⴹⴼⵉⵔ ⵏ ⵢⴰⵏ ⵓⴼⵙⵔ ⴰⵣⵓⵏⴰⵏ ⴷ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⴷ ⵓⵙⵓⵙⵙⵏ ⵏ ⵢⴰⵜ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ ⴷ ⵓⵎⴹⴰⴽⴰⵕ ⵜⵙⵓⵎⴰⵔ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴷ ⵓⵎⵏⵏⵉ ⵡⵉⵙ 92 ⵏ ⵓⴷⵓⵙⵜⵓⵔ.
ⴳ ⵓⵎⵣⵡⴰⵔⵓ, ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵢⴰⵏ ⵓⴼⵙⵔ ⴰⵣⵓⵏⴰⵏ ⵅⴼ ⵓⵛⵛⵉⵍⵏ ⵉⵎⴰⵢⵏⵓⵜⵏ ⵏ ⵓⴽⵛⵛⵓⵎ ⴰⵏⵎⵍⴰⵏ 2025-2026, ⵉⵙⵎⵏⵉⴷ ⵜ ⵎⴰⵙⵙ ⵎⵓⵃⵎⵎⴰⴷ ⵙⴰⵄⴷ ⴱⵕⵕⴰⴷⴰ, ⴰⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵏⵣⵓ ⴷ ⵜⵓⵏⵏⵓⵏⵜ.
ⵢⵉⵡⵉ ⴷ ⵎⴰⵙⵙ ⴰⵎⴰⵡⴰⵙⴰⵙ ⵅⴼ ⵜⵖⴰⵡⵙⵉⵡⵉⵏ ⵍⵍⵉ ⵉⵥⵍⵉⵏ ⵙ ⵓⴽⴽⵓⵎ ⴰⵏⵎⵍⴰⵏ ⵍⵍⵉ ⵉⵙⵏⵜⵉⵏ ⴰⵙⵙ ⵏ ⴰⵢⵏⴰⵙ 8 ⵛⵓⵜⴰⵏⴱⵉⵔ 2025 ⴷⴷⴰⵡ ⵜⴰⵎⴰⵜⴰⵔⵜ : ‘‘ⵜⴰⴱⵔⵉⴷⵜ 2022-2026 ⵉ ⵜⵉⵏⵎⵍ ⵜⴰⴳⴷⵓⴷⴰⵏⵜ ⵉⵍⵍⴰⵏ ⵜⵕⵡⵉ’’. ⵉⵎⵍⴰ ⵎⴰⵙⵙ ⴰⵎⴰⵡⵙⴰⵙ ⵎⴰ ⵙ ⵉⴽⵛⵎ ⵙ ⵜⵉⵏⵎⵍ ⵖ ⵓⵙⴳⴳⵯⴰⵙ ⴰⴷ ⵎⴰ ⵉⵜⵜⴳⴰⵏ 8 ⴷ ⵎⵍⴰⵢⵏ ⴷ 271 ⵏ ⵉⴼⴹ ⴷ 256 ⵏ ⵓⵏⵍⵎⴰⴷ ⴷ ⵜⵏⵍⵎⴰⴷⵜ ⴳ ⴰⵏⴰⵡⵏ ⵏ ⵜⵓⵣⵏⵉⵏ, ⵢⵉⵍⵉ ⴰⵡⴷ ⵓⵙⵅⵉⵜⵔ ⵏ ⵓⴼⵔⵙ ⴰⵏⵎⵍⴰⵏ ⵙ ⵓⵙⴷⵓⵙ ⵏ ⵜⵓⵚⴽⵉⵡⵉⵏ ⵜⵉⵏⴰⴹⴰⵡⵉⵏ ⵏ ⵜⵉⵏⵎⴰⵍ ⴳ ⵓⵎⴰⴹⴰⵍ ⴰⴼⵔⴰⵏ ⴷ ⵜⵙⴳⴳⵉⵡⵉⵏ ⴳ ⴳⴳⵓⵜⵏ ⵉⵎⵣⴷⵣⵖ, ⵍⵍⵉⵖ ⵉⵜⵜⵓⵙⴽⴰⵔ 169 ⵏ ⵜⵎⵔⵙⵍⵜ ⵜⴰⵎⴰⵢⵏⵓⵜ ⴷ 2461 ⵏ ⵓⵃⴰⵏⵓ ⴰⵏⵎⵍⴰⵏ.
ⵖⵉⴽⵍⵍⵉ ⴷ ⵢⵉⵡⵉ ⵎⴰⵙⵙ ⴰⵎⴰⵡⵙⴰⵙ ⵎⴰ ⵙ ⵜⵍⴽⵎ ⵜⵎⵓⵜⵜⵔⵜ ⵏ ⵉⵙⴰⵍⵎⴰⴷⵏ ⴷ ⵙⴰⵍⵎⴰⴷⵉⵏ ⴳ ⵜⵙⵓⵜⵍⵜ ⴰⴷ 299.129 ⵖ ⵉⵍⵍⴰ 14000 ⵏ ⵓⵙⵍⵎⴰⴷ ⴰⵎⴰⵢⵏⵓ ⵉⴱⴹⴰⵏ ⵅⴼ 12441 ⵏ ⵜⵉⵏⵎⴰⵍ, ⴳⵉⵙⵏⵜ 8480 ⴳ ⵓⵙⵡⵉⵔ ⴰⵎⵣⵡⴰⵔⵓ 2337 ⴳ ⵓⵙⵡⵉⵔ ⴰⵙⵉⵏⴰⵏ ⵏ ⵓⵙⵎⵓⵜⵜⴳ ⴷ 1624 ⴳ ⵓⵙⵡⵉⵔ ⴰⵙⵉⵏⴰⵏ ⵏ ⵓⵙⵎⴷⵉ.
- ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 87.21 ⵉⵙⵏⴼⵍⵏ ⵉⵙⵖⵓⴷⴰⵏ ⴰⵙⵍⴳⵏ ⵓⵟⵟⵓⵏ 103.12 ⵉⵥⵍⵉⵏ ⵙ ⵜⵎⵔⵙⴰⵍ ⵏ ⵓⵕⵟⵟⴰⵍ ⴷ ⵜⵙⵏⵓⵔⴰⵢ ⵉⵍⵍⴰⵏ ⴳ ⵓⵏⴱⴰⴹ ⵏⵏⵙⵏⵜ ⴷ ⵓⵙⵍⴳⵏ 40.17 ⵉⵥⵍⵉⵏ ⵙ ⵍⴱⴰⵏⴽ ⵏ ⵍⵎⵖⵔⵉⴱ, ⵜⵙⵎⵏⵉⴷ ⵜ ⵎⴰⵙⵙⴰ ⵏⴰⴷⵢⴰ ⴼⵜⵜⴰⵃ, ⵜⴰⵎⴰⵡⴰⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ.
- ⴹⴰⵕⴰⵜ ⵎⴰⵢⴰⵏⵏ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.431 ⵉⵙⵏⴼⵍⵏ ⵉⵙⵖⵓⴷⴰⵏ ⴰⵎⵕⵙⵓⵎ ⵓⵟⵟⵓⵏ 2.18.303 ⵍⵍⵉ ⴷ ⵉⴼⴼⴰⵖⵏ ⴳ 2 ⴳ ⴷⵓ ⵍⵇⵄⴷⴰ1440 (05 ⵢⵓⵍⵢⵓⵣ2019) ⵉⵥⵍⵉⵏ ⵙ ⵓⵙⵡⵓⴷⴷⵓ ⵏ ⵓⵙⵍⴳⵏ ⵓⵟⵟⵓⵏ 97. 12 ⵉⵥⵍⵉⵏ ⵙ ⵓⵙⴱⴷⴷⵉ ⵏ ⵉⵙⴷⵓⵀⴷⵓⵜⵏ ⴳ ⵉⴳⵔ ⵏ ⵜⵓⵏⵏⵓⵏⵜ, ⵉⵙⵎⵏⵉⴷ ⵜ ⵎⴰⵙⵙ ⵎⵓⵃⵎⵎⴰⴷ ⵙⴰⵄⴷ ⴱⵕⵕⴰⴷⴰ, ⴰⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵏⵣⵓ ⴷ ⵜⵓⵏⵏⵓⵏⵜ.
- ⵉⵎⵎⴰⵜⵉ ⵓⵙⵇⵇⵉⵎ ⵏ ⵜⵏⴱⴰⴹⵜ ⵙ ⵓⵎⴹⴰⴽⴰⵕ ⴷ ⵓⵙⵖⵥⵏ ⵏ ⵓ ⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.513 ⵉⵥⵍⵉⵏ ⵙ ⵓⵙⵏⵎⴰⵍⴰ ⵏ ⵜⵖⵔⴰⴷ ⵍⵍⵉ ⵜⵜⴰⵎⵥⵏ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵓⵙⵜⴰⵍ ⴷ ⵓⵙⵜⴰⵢ ⴷ ⵜⵙⵇⵇⵉⵎⵜ ⵏ ⵓⵙⵏⵎⴰⵍⴰ ⵏ ⵜⵙⵎⵖⵓⵔⵜ ⵏ ⵜⵎⵢⴰⵇⵇⴰⵏⵉⵏ ⵜⵉⴳⵔⴰⵡⴰⵉⵏ ⵏ ⵓⵙⵡⵓⵔⵉ, ⵉⵙⵎⵏⵉⴷ ⵜ ⵎⴰⵙⵙ ⵀⵉⵛⴰⵎ ⵚⴰⴱⵉⵕⵉ, ⴰⵎⴰⵔⵉ ⵏ ⵡⵓⵏⴽ ⵖⵓⵔ ⵓⵎⴰⵡⵙⴰⵙ ⵏ ⵓⵙⵉⴷⴼ ⴰⴷⴰⵎⵙⴰⵏ ⴷ ⵜⵎⵙⵙⵏⵜⴰⵢ ⵜⵉⵎⵥⵢⴰⵏⵉⵏ ⴷ ⵓⵙⵡⵓⵔⵉ ⴷ ⵜⵎⵙⵙⵓⴳⴰⵔ ⵙ ⵉⵙⵎ ⵏ ⵎⴰⵙⵙ ⵢⵓⵏⵙ ⵙⵙⴽⴽⵓⵔⵉ, ⴰⵎⴰⵡⵙⴰⵙ ⵏ ⵓⵙⵉⴷⴼ ⴰⴷⴰⵎⵙⴰⵏ ⴷ ⵜⵎⵙⵙⵏⵜⴰⵢ ⵜⵉⵎⵥⵢⴰⵏⵉⵏ ⴷ ⵓⵙⵡⵓⵔⵉ ⴷ ⵜⵎⵙⵙⵓⴳⴰⵔ.
ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵡⵓⵔⵉⵡⵉⵏ ⵏⵏⵙ ⵙ ⵓⵙⵓⵙⵙⵏ ⵏ ⵜⵎⵢⴰⵇⵇⴰⵏⵜ ⵏ ⵉⵔⴳⴰⵢⵏ ⵉⵢⵓⴳⴰⵏⵏ ⴳ ⵉⴳⵔ ⵏ ⵉⵔⴳⴰⵢⵏ ⵅⴼ ⵜⵖⵔⴰⴷ ⴷ ⵓⵙⴱⴷⴷⵉ ⵏ ⵜⵔⵡⵍⴰ ⴷ ⵓⴳⵔⵔⴰⵙ ⵙⴳ ⵉⵔⴳⴰⵢⵏ ⵏⴳⵔ ⵜⵏⴱⴰⴹⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵏⴱⴰⴹⵜ ⵏ ⵜⴳⴷⵓⴷⴰⵏⵜ ⵏ ⴱⵓⵕⵓⵏⴷⵉ, ⵉⵜⵜⵓⵙⴳⵎⴰⴹⵏ ⴳ ⵕⵕⴱⴰⵟ ⴳ 2 ⵎⴰⵢⵢⵓ 2025, ⴷ ⵓⵙⴰⵜⵉ ⵏ ⵓⵙⵍⴳⵏ ⵓⵟⵟⵓⵏ 39.25 ⵍⵍⵉ ⵉⵙⵖⵥⵏ ⵜⴰⵎⴰⵢⴰⵇⵇⴰⵏⵜ ⴰⴷ, ⵜⵙⵎⵏⵉⴷ ⵜⵏ ⵎⴰⵙⵙⴰ ⵏⴰⴷⵢⴰ ⴼⵜⵜⴰⵃ, ⵜⴰⵎⴰⵡⴰⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ ⵙ ⵉⵙⵎ ⵏ ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⵏ ⵉⴼⵕⵉⵇⵢⴰ ⴷ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ.
ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵙⴰⵙⴰ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ :
- ⴳ ⵜⴰⵡⵙⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⵏ ⵉⴼⵕⵉⵇⵢⴰ ⴷ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ, ⵜⵜⵓⵙⵏⵎⴰⵍⴰⵏ :
- ⵎⴰⵙⵙ ⵅⴰⵍⵉⴷ ⴱⵏⵛⵛⵉⵅ, ⴰⵏⵎⵀⴰⵍ ⵏ ⵜⵖⴰⵡⵙⵉⵡⵉⵏ ⴷ ⵜⵎⵖⴰⵔⴱⵉⵏ ⴷⵜⵄⵕⴰⴱⵉⵏ ⴷ ⵜⵓⵙⵍⵉⵎⵉⵏ ;
- ⵎⴰⵙⵙ ⵄⴰⴱⴷⵓⵍⵍⴰⵀ ⴱⵓⵜⴷⵖⴰⵔⵜ, ⴰⵏⵎⵀⴰⵍ ⵏ ⵜⵖⴰⵡⵙⵉⵡⵉⵏ ⵏ ⵉⴼⵔⵉⵇⵢⴰ ;
- ⴳ ⵜⴰⵡⵙⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵏⵣⵓ ⴷ ⵜⵓⵏⵏⵓⵏⵜ, ⵜⴻⵜⵜⵓⵙⵏⵎⴰⵍⴰ :
- ⵎⴰⵙⵙⴰ ⵏⴰⴷⵢⴰ ⴱⵓⴹⴰⴹ, ⵜⴰⵏⵎⵀⴰⵍⴰⵜ ⵏ ⵡⴰⵎⵎⴰⵙ ⵏ ⵓⵙⵎⵓⵜⵜⴳ ⵏ ⵉⵎⴳⴳⵉⵡⵙⵏ ⵏ ⵓⵙⵍⵎⴷ ;
- ⴳ ⵜⴰⵡⵙⴰⵙⵜ ⵏ ⵓⵙⵎⵙⴰⵙⴰ ⵏ ⵡⴰⴽⴰⵍ ⴰⵏⴰⵎⵓⵔ ⴷ ⵜⵓⵚⴽⴰ ⴷ ⵓⵣⴷⴷⵓⵖ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ, ⵜⵜⵓⵙⵏⵎⴰⵍⴰⵏ :
- ⵎⴰⵙⵙ ⵄⵓⵎⴰⵕ ⴱⵓⵕⴰⵙ, ⴰⵏⵎⵀⴰⵍ ⵏ ⵜⵉⵏⵎⵍ ⵜⴰⵏⴰⵎⵓⵔⵜ ⵏ ⵓⵥⵟⵟⴰ ⴰⵖⵔⵎⴰⵏ ⴳ ⵎⵕⵕⴰⴽⴽⵯⵛ.
- ⵎⴰⵙⵙ ⵄⵓⵎⴰⵕ ⴱⵓⵕⴰⵙ, ⴰⵏⵎⵀⴰⵍ ⵏ ⵜⵉⵏⵎⵍ ⵜⴰⵏⴰⵎⵓⵔⵜ ⵏ ⵓⵥⵟⵟⴰ ⴰⵖⵔⵎⴰⵏ ⴳ ⵎⵕⵕⴰⴽⴽⵯⵛ.
