ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵢⴰⵜ ⵜⵙⵎⵉⵔⵉⵜ ⵏ ⵉⵎⵙⵜⴳⴳⴰⵔⵏ ⴷ ⵉⵎⵙⴽⴰⵔⵏ ⵉⴷⴰⵎⵙⴰⵏⵏ ⴳ ⵜⵙⴳⴰ ⵏ ⴰⵏⵀⴰⵡⵉ ⵏ ⵙⵙⵉⵏ

ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ ⴰⵙⵙ ⵏ ⵡⴰⵢⵏⴰⵙ13 ⴽⵜⵓⴱⵕ 2025 ⴳ ⵕⵕⴱⴰⵟ, ⵢⴰⵜ ⵜⵙⵎⵉⵔⵉⵜ ⵏ ⵉⵎⵙⴽⴰⵔⵏ ⴷ ⵉⴳⵎⴰⵎⵏ ⵉⴷⴰⵎⵙⴰⵏⵏ ⴳ ⵜⵙⴳⴰ ⵏ ⴰⵏⵀⴰⵡⵉ ⵏ ⵙⵙⵉⵏ ⵙ ⵜⵎⵎⵓⵖⵔⴰ ⵏ ⵓⵙⴼⵍⵓⵙ ⵍⵉⵢⴰⵏⵖ ⵢⴰⵏⵓⵛⵓⵏ, ⵍⵍⵉⵖ ⵎⴹⴰⴽⴰⵕⵏ ⵅⴼ ⵜⵖⴰⵔⴰⵙⵉⵏ ⵏ ⵓⵙⵖⵓⴷⵓ ⵏ ⵜⴷⵔⴰⵡⵜ ⵜⴰⴷⴰⵎⵙⴰⵏⵜ ⵢⴰⵜⵜⵓⵢⵏ ⵏⴳⵔ ⵍⵎⵖⵔⵉⴱ ⴷ ⵙⵙⵉⵏ ⴳ ⵜⴱⵔⵉⴷⵜ ⵏ ⵓⵙⵡⵡⵓⴷⴷⵓ ⵏ ⵏ ⵜⴰⵔⴰⵜⵉⵏ ⵏ ⵉⵏⵎⵖⵓⵔⵏ ⵏ ⵜⵎⵉⵣⴰⵔ ⵙ ⵙⵏⴰⵜ, ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵉⵙⵙⵔⵏⵓ ⵔⴱⴱⵉ ⴷ ⵓⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⵙⵙⵉⵏ ⵜⴰⵎⴰⴷⵏⴰⵏⵜ ⵎⴰⵙⵙ ⵊⵉⵏ ⴱⵉⵏⵖ.
ⵉⴷⴷⴰ ⴷ ⵓⴳⵔⴰⵡ ⴰⴷ ⵃⵎⴰ ⴰⴷ ⵉⴽⵎⵎⵍ ⵅⴼ ⵉⵎⴹⴰⴽⴰⵕⵏ ⵅⴼ ⵜⵎⴳⴳⵉⵢⵉⵏ ⵍⵍⵉ ⵅⴼ ⵉⵍⵍⴰ ⵓⵎⵙⴰⵙⴰ ⴳ ⵜⵙⴳⴰ ⵓⵏⵀⵡⵉ ⴳ ⵡⴰⵢⵢⵓⵔ ⵏ ⵛⵓⵜⴰⵏⴱⵉⵔ 2024 ⵏⴳⵔ ⵜⵙⵎⵉⵔⵉⵜ ⵏ ⵍⵎⵖⵔⵉⴱ ⵙ ⵜⵎⵎⵓⵖⵔⴰ ⵏ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⴷ ⵉⵏⵎⵖⵓⵔⵏ ⵉⵎⵙⴽⴰⵔⵏ ⵏ ⵜⵎⴳⵓⵔⵉ ⴳ ⵙⵙⵉⵏ, ⴷ ⵍⵍⵉ ⵔⴰⴷ ⵉⵙⵖⵓⴷⵓ ⵜⵙⵔⵉ ⵏ ⵉⵙⵙⴰⵔⵓⵜⵏ ⵏ ⵙⵙⵉⵏ ⴳ ⵜⴰⵎⴰⵣⵉⵔⵜ ⵏⵏⵖ ⴳ ⵜⵓⴳⵜ ⵏ ⵉⴳⵔⴰⵏ ⵙⵍⴰⵀⴰⵡⴰⵏ ⴰⴽⴽⵯ ⵜⴰⵎⴳⵓⵔ ⵏ ⵜⵎⵙⵙⵓⴷⵓⵜⵉⵏ, ⴰⵢⵍⵍⵉ ⵔⴰⴷ ⵢⴰⵡⵙ ⵖ ⵓⵙⴷⵓⵙ ⵏ ⵜⴳⵍⴷⵉⵜ ⵃⵎⴰ ⴰⴷ ⵜⴳ ⵢⴰⵜ ⵜⵏⵉⵍⴰ ⵓⵙⵙⴰⵔⵓ ⵉⵙⵙⵓⴳⵔⵏ ⴷ ⵔⴰⴷ ⵢⴰⵡⵙ ⴳⵓⵙⴽⴰⵔ ⵏ ⵢⴰⵜ ⵜⴷⵉⵏⴰⵎⵉⵜ ⵜⵓⵎⵏⵉⴳⵜ ⴳ ⵉⴳⵔ ⵏ ⵓⵙⵡⵓⵔⵉ ⵍⵍⵉ ⵉⴳⴰⵏ ⵢⴰⵜ ⴳ ⵜⵖⴰⵡⵙⵉⵡⵉⵏ ⵜⵎⵣⵡⵓⵔⴰ ⵏ ⵜⵏⴱⴰⴹⵜ.
ⵉⴳⴰ ⵉⵎⵔⵙⵉ ⵏ ⵓⵎⵓⵜⵜⵉ ⵓⵥⴹⵉⵕ ⵢⴰⵏ ⴰⵙⴳⵓⵎ ⵅⴼ ⵉⵍⵍⴰ ⵓⵎⴹⴰⴽⴰⵕ ⴳ ⵓⴳⵔⴰⵡ ⴰⴷ, ⵍⵍⵉⵖ ⵎⵙⴰⵡⴰⵍⵏ ⵅⴼ ⵅⴼ ⵜⵖⴰⵔⴰⵙⵉⵏ ⵏ ⵜⴷⵔⴰⵡⵜ ⵜⴰⴷⴰⵎⵙⴰⵏⵜ ⵏⴳⵔ ⵜⵎⵉⵣⴰⵔ ⵙ ⵙⵏⴰⵜ ⴳ ⵉⴳⵔ ⵏ ⵓⵎⵓⵜⵜⵉ ⵓⵥⴹⵉⵕ, ⵃⵎⴰ ⴰⴷ ⵢⵉⵍⵉ ⵓⵣⵉⵣⵣⵍ ⴷ ⵓⵙⴱⵓⵖⵍⵓ ⵏ ⵜⵥⴹⴰⵕⵉⵏ ⵉⵜⵜⵓⵙⵎⴰⵢⵏⵓⵏ ⴳ ⵜⴳⵍⴷⵉⵜ ⴷ ⴰⴷ ⵜⴳ ⵜⵥⴹⴰⵕⵜ ⵜⴰⵣⴳⵣⴰⵡⵜ ⵢⴰⵜ ⵓⵏⴱⴷⴰⴷ ⵏ ⵜⴳⵎⵉ.