ⴰⴳⵔⴰⵡ ⵡⵉⵙ ⵙⵉⵏ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⵙⴰⵎⴰⵙ 23 ⴽⵜⵓⴱⵕ 2025
ⵉⵜⵜⴰⵡⵙⴽⴰⵔ ⴰⵙⵙ ⵏ ⵓⴽⵡⴰⵙ 30 ⵕⴰⴱⵉⵄ ⴰⵎⴳⴳⴰⵔⵓ 1447 ⵉⵎⵙⴰⵙⴰⵏ ⴰⴽⴷ 23 ⴽⵜⵓⴱⵕ 2025 ⴰⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ. ⵉⵥⵍⵉ ⵓⴳⵔⴰⵡ ⴰⴷ ⵙ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⵓⵙⵓⵙⵙⵏ ⴷ ⵓⵎⴹⴰⴽⴰⵕ ⵅⴼ ⵜⵉⵙⵓⵎⴰⵔ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ.
- ⴳ ⵜⵣⵡⴰⵔⵉ ⵏ ⵓⴳⵔⴰⵡ ⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.23.715 ⵉⵙⵏⴼⵍⵏ ⵉⵙⵖⵓⴷⴰⵏ ⴰⵎⵕⵙⵓⵎ ⵓⵟⵟⵓⵏ 2.08.358 ⵍⵍⵉ ⴷ ⵉⴼⴼⴰⵖⵏ ⴳ 5 ⵕⴰⵊⴰⴱ 1429 (9 ⵢⵓⵍⵢⵓⵣ 2008) ⵉⵥⵍⵉⵏ ⵙ ⵓⵙⵡⴰⵔ ⵏ ⵡⴰⵜⵉⴳ ⵏ ⵡⴰⵔⵔⴰⵣⵏ ⵏ ⵜⵡⵓⵊⴰ ⵍⵍⵉ ⵜⴰⴽⴽⴰ ⵜⴼⵏⵉⵇⵜ ⵜⴰⵏⴰⵎⵓⵔⵜ ⵏ ⵜⵏⴼⵔⵓⵜ ⵜⴰⵏⴰⵏⵎⵓⵏⵜ, ⵜⵙⵎⵏⵉⴷ ⵜ ⵎⴰⵙⵙⴰ ⵏⴰⴷⵢⴰ ⴼⵜⵜⴰⵃ, ⵜⴰⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ.
- ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.394 ⵉⵥⵍⵉⵏ ⵙ ⵓⵖⵓⴷⵓ ⵏ ⵍⵉⴷⴰⵎ ⴷ ⵣⵣⵉⵜ ⵏ ⵜⵏⴽⵔⵜ ⵍⵍⵉ ⵉⴳⴰⵏ ⵡⵉⵏ ⵜⵙⵎⵓⵔⵜ ⴷ ⵍⵍⵉ ⵔⴰⴷ ⵉⴽⵛⵎ ⵙ ⵓⴳⴰⴷⴰⵣ ⴷ ⵜⵏⴼⵔⵓⵜ ⵜⴰⴷⵓⵙⴰⵏⵜ, ⵉⵙⵎⵏⵉⴷ ⵜ ⵎⴰⵙⵙ ⴰⵃⵎⴰⴷ ⴱⵓⵡⴰⵔⵉ, ⴰⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵃⵎⴰⵏ ⴷ ⵜⴰⴳⴰⵏⵉⵏ.
- ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵎⴹⴰⴽⴰⵕ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.100 ⵉⵥⵍⵉⵏ ⵙ ⵓⵙⵡⴰⵔ ⵏ ⵜⴼⴰⴷⵉⵡⵉⵏ ⴷ ⵜⵎⴰⵎⴽⵉⵏ ⵏ ⵜⵙⴽⵔⴰⵡⵜ ⴷ ⵓⵙⵢⴰⴼⵓ ⵏ ⵏ ⵉⵎⴰⵙⵙⴰⵏ ⵏ ⵓⴼⴰⵔⵙ ⴰⵏⵉⵎⴰⵏ ⵏ ⵓⵥⴰⵕⵓⵕ, ⵜⵙⵎⵏⵉⴷ ⵜ ⵎⴰⵙⵙⴰ ⵍⴰⵢⵍⴰ ⴱⵏⵄⵍⵉ, ⵜⴰⵎⴰⵡⵙⴰⵙⵜ ⵏ ⵓⵎⵓⵜⵜⵉ ⴰⵥⴹⴰⵕⴰⵏ ⴷ ⵜⴳⵎⵉ ⵜⴰⵙⵓⵍⴰⵏⵜ.
- ⴰⵢⵍⵍⵉ ⵉⵣⵍⵉ ⵙ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.01 ⵉⵥⵍⵉⵏ ⵙ ⵓⵙⵡⴰⵔ ⵏ ⵜⴼⴰⴷⵉⵡⵉⵏ ⵏ ⵓⵣⵣⵔⴰⵢ ⵏ ⵓⵙⴰⵍⴰⵙ ⵏ ⵓⵛⵛⴰⵢⴹ ⵏ ⵜⵣⵎⵔⵜ ⵏ ⵓⴼⴰⵔⵙ ⵏ ⵉⵙⵔⵓⵙⵏ ⵏ ⵓⴼⴰⵔⵙ ⵓⴼⴰⵔⵙ ⴰⵏⵉⵎⴰⵏ ⵏ ⵓⵥⴰⵕⵓⵕ, ⵔⴰⴷ ⵢⵉⵍⵉ ⵓⵙⵖⵥⵏ ⵏⵏⵙ ⴳ ⵓⵙⵇⵇⵉⵎ ⴷ ⵉⴷⴷⴰⵏ.
ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵙⴰⵙⴰ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ :
- ⴳ ⵜⴰⵡⵙⴰⵙⵜ ⵏ ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⵏ ⵉⴼⵕⵉⵇⵢⴰ ⴷ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ, ⵜⵜⵓⵙⵏⵎⴰⵍⴰⵏ :
- ⵎⴰⵙⵙ ⵣⵓⵀⴰⵢⵔ ⵙⵙⵇⵍⵉ, ⴰⵏⵎⵀⴰⵍ ⵏ ⵜⵖⴰⵡⵙⵉⵡⵉⵏ ⵜⵓⵥⵕⵉⴼⵉⵏ ⴷ ⵜⴰⵎⴰⵜⴰⵢⵉⵏ ;
- ⵎⴰⵙⵙ ⵎⵓⵃⵎⵎⴰⴷ ⴰⵎⵉⵏ ⴱⵍⵃⴰⵊ, ⴰⵏⵎⵀⴰⵍ ⵏ ⵜⴰⴷⵉⴱⵍⵓⵎⴰⵙⵉⵜ ⵜⴰⴷⵎⵙⴰⵏⵜ ;
- ⴳ ⵜⴰⵡⵙⴰⵙⵜ ⵏ ⵜⴷⵓⵙⵉ ⴷ ⵡⴰⵔⴰⵢ ⴰⵏⴰⵎⵓⵏ, ⵉⵜⵜⵓⵙⵏⵎⴰⵍⴰ :
- ⵎⴰⵙⵙ ⴰⵃⵎⴰⴷ ⴱⵓⵃⵊⴰⵕ, ⴰⵏⵎⵀⴰⵍ ⵏ ⵓⵙⵉⵏⴰⴳ ⴰⵏⴰⴼⵍⵍⴰ ⵏ ⵜⵓⵣⵣⴰⵍⵉⵏ ⵜⵏⵙⵎⴰⴳⴰⵍⵉⵏ ⴷ ⵜⵉⵜⵉⵇⵏⵉⵢⵉⵏ ⵏ ⵜⴷⵓⵙⵉ ⴳ ⴷⴷⴰⵅⵍⴰ ;
- ⴳ ⵜⴰⵡⵙⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵏⵣⵓ ⴷ ⵜⵓⵏⵏⵓⵏⵜ, ⵜⵜⵓⵙⵏⵎⴰⵍⴰⵏ :
- ⵎⴰⵙⵙ ⵛⴰⵀⵉⴷ ⵍⴽⴱⵉⴷⵉ, ⴰⵏⵎⵀⴰⵍ ⵏ ⵡⴰⵎⵎⴰⵙ ⴰⵏⴰⵎⵓⵔ ⵏ ⵜⵎⴰⵜⴰⵔⵜ ⵏ ⵓⵖⵓⴷⵓ ⵏ ⵜⵎⵔⵙⴰⵍ ⵏ ⵓⵙⴳⵎⵉ ⴷ ⵓⵙⵍⵎⴷ ;
- ⵎⴰⵙⵙⴰ ⵉⵍⵀⴰⵎ ⴱⵏⵖⵏⵓ, ⵜⴰⵏⵎⵀⴰⵍⵜ ⵏ ⵜⵖⵓⵔⵉⵡⵉⵏ ⵏ ⵉⵎⴰⵍ ⴷ ⵓⵙⵉⴹⵏ ⴷ ⵓⵙⵖⵉⵡⵙ ;
- ⵎⴰⵙⵙⴰ ⵉⴽⵕⴰⵎ ⴱⵓⵄⵢⴰⴷ, ⵜⴰⵏⵎⵀⴰⵍⵜ ⵏ ⵓⵙⵏⵎⴰⵍⴰ ⵏ ⵓⵙⵍⵎⴷ ⴰⵎⵏⵣⵓ ;
- ⴳ ⵜⴰⵎⴰⵡⴰⵙⵜ ⵏ ⵜⵡⵉⵣⵉ ⴷ ⵓⵙⵉⴷⴼ ⴰⵏⴰⵎⵓⵏ ⴷ ⵜⵡⵓⵊⴰ :
- ⵎⴰⵙⵙ ⵎⵓⵃⵎⵎⴰⴷ ⵏⴰⵡⴼⴰⵍ ⵄⴰⵎⵔ, ⴰⵏⵎⵀⴰⵍ ⵏ ⵏ ⵜⵏⴽⵔⴰ ⵙ ⵉⵣⵔⴼⴰⵏ ⵏ ⵓⴳⴳⵉⴷⵏ ⵉⵍⵍⴰⵏ ⴳ ⵡⴰⴷⴷⴰⴷ ⵏ ⵓⵎⵎⵄⴹⵕ ;
- ⴳ ⵜⴰⵎⴰⵡⴰⵙⵜ ⵏ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵙⴰⵔⵓ ⴷ ⵓⵎⵙⴰⵙⴰ ⴷ ⵓⵙⵜⴰⵍ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ, ⵉⵜⵜⵓⵙⵎⴰⴳⴰⵍ :
- ⵎⴰⵙⵙ ⵄⴰⴷⵉⵍ ⴱⵓⵕⵣⵎⴰ, ⴰⵎⴳⴳⵉⵡⵙ ⴰⵎⴰⵜⴰⵢ ;
- ⴳ ⵜⴰⵎⴰⵡⴰⵙⵜ ⵏ ⵡⴰⵙⵙⴰⵢ ⴷ ⵓⵍⵓⵊⵉⵙⵜⵉⴽ, ⵉⵜⵜⵓⵙⵎⴰⴳⴰⵍ :
- ⵎⴰⵙⵙ ⵣⵉⵏ ⵍⵄⴰⴱⴷⵉⵏ ⴰⴱⵕⵟⵉⵍ, ⴰⵏⴼⵍⵓⵙ ⴰⵎⴰⵜⴰⵢ ;
- ⴳ ⵜⴰⵎⴰⵡⴰⵙⵜ ⵏ ⵓⵎⵓⵜⵜⵉ ⴰⵥⴹⴰⵕⴰⵏ ⴷ ⵜⴳⵎⵉ ⵜⴰⵙⵓⵍⴰⵏⵜ, ⵉⵜⵜⵓⵙⵎⴰⴳⴰⵍ :
- ⵎⴰⵙⵙ ⵎⵓⵃⵎⵎⴰⴷ ⴱⵔⵉⵡⵉ, ⴰⵏⵎⵀⴰⵍ ⵏ ⵓⵙⵜⴰⵍ ⴷ ⵜⵉⴹⴰⴼ ⵏ ⵜⵡⵏⵏⴰⴹⵜ ⴷ ⵜⵖⴰⵡⵙⵉⵡⵉⵏ ⵜⵓⵍⴳⵉⵏⵉⵏ ;
- ⴳ ⵜⴰⵎⴰⵡⴰⵙⵜ ⵏ ⴰⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵃⵎⴰⵏ ⴷ ⵜⴰⴳⴰⵏⵉⵏ, ⵜⴻⵜⵜⵓⵙⵎⴰⴳⴰⵍ :
- ⵎⴰⵙⵙⴰ ⵖⵉⵜⴰ ⵍⵖⴼⵔⵉ, ⵜⴰⵏⵎⵀⴰⵍⵜ ⵜⴰⵎⴰⵜⴰⵢⵜ ⵏ ⵜⵎⵔⵙⴰⵍ ⵜⵉⵙⵉⵎⴰⵏⵉⵏ ⵏ ⵜⵉⴹⴰⴼ ⴷ ⵓⵣⴷⴷⵓⵢ ⵏ ⵜⵡⵓⵔⵡⵉⵏ ⵏ ⵓⵙⵉⴼⴹ.
- ⵎⴰⵙⵙⴰ ⵖⵉⵜⴰ ⵍⵖⴼⵔⵉ, ⵜⴰⵏⵎⵀⴰⵍⵜ ⵜⴰⵎⴰⵜⴰⵢⵜ ⵏ ⵜⵎⵔⵙⴰⵍ ⵜⵉⵙⵉⵎⴰⵏⵉⵏ ⵏ ⵜⵉⴹⴰⴼ ⴷ ⵓⵣⴷⴷⵓⵢ ⵏ ⵜⵡⵓⵔⵡⵉⵏ ⵏ ⵓⵙⵉⴼⴹ.
