ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵙ ⴰⵏⵎⵀⴰⵍ ⵏ ⵜⵔⴰⴱⴱⵓⵜ ⵏ ⵕⵓⵏⵓ Groupe Renault, ⵉⵙⵙⵉⵅⴼ ⵜⴼⵓⴳⵍⴰ ⵏ ⵓⵙⴳⵎⴹ ⵏ ⵜⵓⴹⴼⵉⵕⵜ ⵏ ⵜⵎⵢⴰⵇⵇⴰⵏⵜ ⵏ ⵓⵙⵙⴰⵔⵓ ⴷ ⵜⵔⴰⴱⴱⵓⵜ
- ⵔⴰⴷ ⵢⴰⵡⵙ ⵓⵙⴳⵎⴹ ⵏ ⵜⵓⴹⴼⵉⵕⵜ ⵏ ⵜⵎⵢⴰⵇⵇⴰⵏⵜ ⴳ ⵓⵙⴽⴰⵔ 7500 ⵏ ⵓⵣⵎⵣ ⵏ ⵜⵡⵓⵔⵉ ⵜⵓⵙⵔⵉⴷⵜ ⴷ ⵡⴰⵔ ⵜⵓⵙⵔⵉⴷⵜ ;
- ⴰⵙⵔⵓⵙ ⵏ ⵓⵖⴰⵡⴰⵙ ⵏ ⵜⵎⴳⵓⵔⵉ ⵏ ⵜⵔⴰⴱⴱⵓⵜ ⵕⵓⵏⵓ ⵍⵎⵖⵔⵉⴱ ⵙ ⵓⵙⵏⵜⵉ ⵏ ⵓⵖⴰⵡⴰⵙ ⴰⵏⴳⵎⵓ ⵓⵚⴽⵉⵡ ⵏⴳ 2025 ⴷ 2030.
ⵉⵙⵏⵓⴱⴳ ⵓⵏⵙⵙⵉⵅⴼ ⵏ ⵜⴱⴰⴹⵜ, ⵎⴰⵙⵙ ⵄⵣⵉⵣ ⴰⵅⵏⵏⵓⵛ, ⴰⵙⵙ ⵡⴰⴽⵕⴰⵙ 29 ⴽⵜⵓⴱⵕ 2025 ⴳ ⵕⵕⴱⴰⵟ, ⵎⴰⵙⵙ ⴼⵕⴰⵏⵚⵡⴰ ⴱⵔⴼⵓⵙⵜ François Provost, ⴰⵏⵎⵀⴰⵍ ⵏ ⵜⵔⴰⴱⴱⵓⵜ ⵏ ⵕⵓⵏⵓ. ⵉⵃⴰⴹⵕ ⴰⵡⴷ ⴳ ⵓⴳⵔⴰⵡ ⴰⴷ, ⵎⴰⵙⵙ ⵕⵢⴰⴷ ⵎⵣⵣⵓⵔ, ⴰⵎⴰⵡⵙⴰⵙ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ.
ⵉⴳⴰ ⵓⴳⵔⴰⵡ ⴰⴷ ⵢⴰⵏ ⵓⵣⵎⵣ ⵏ ⵓⵎⴹⴰⴽⴰⵕⵅⴼ ⵅⴼ ⵉⵎⴰⵙⵙⵙⵏ ⵏ ⵓⵙⴷⵓⵙ ⵏ ⵓⵖⴰⵡⴰⵙ ⴰⵎⴳⵓⵔⵉ ⵏ ⵜⵔⴰⴱⴱⵓⵜ ⴳ ⵍⵎⵖⵔⵉⴱ, ⴷ ⵜⵡⵉⵙⵉ ⴳ ⵓⵙⴱⵓⵖⵍⵓ ⵏ ⵉⴳⵔ ⵜⵎⴳⵓⵔⵉ ⵏ ⵜⵎⵙⵙⵓⴷⵓⵜⵉⵏ ⴳ ⵜⴳⵍⴷⵉⵜ, ⵍⵍⵉ ⵉⴳⴰⵏ ⵢⴰⵜ ⵜⵎⵙⵙⵉⵍⵉⵜ ⵏ ⵜⴳⵎⵉ ⴷ ⵓⵙⵖⴰⵡⵍ ⴰⵎⴳⵓⵔⵉ ⵙ ⵜⵉⵍⴰⵍ ⵏ ⵉⵥⵉⵕ ⴰⴳⵍⴷⴰⵏ ⵉⴼⴰⵡⵏ.
ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴳ ⵓⵣⵎⵣⵣⵓ ⴰⴷ ⵎⴰⵙ ⵜⴹⴼⴰⵕ ⵜⵎⴰⵣⵉⵔⵜ ⵏⵏⵖ ⴷⴷⵡ ⵜⵉⵏⵏⵓⴱⴹⴰ ⵜⴰⴳⵍⴷⴰⵏⵜ ⵢⴰⵜⵜⵓⵢⵏ ⴳ ⵓⵙⴷⵓⵙ ⵏ ⵓⵎⵎⵉⵥⵏ ⵏ ⵜⴳⵍⴷⵉⵜ ⴳ ⵉⴳⵔ ⵏ ⵜⵎⴳⵓⵔⵉ ⵏ ⵜⵎⵙⵙⵓⴷⵓⵜⵉⵏ ⵙ ⵜⴷⵔⴰⵡⵜ ⴷ ⵜⵔⵓⴱⴱⴰ ⵜⵉⵎⴰⴹⵍⴰⵏⵉⵏ ⵉⵅⴰⵜⵔⵏ. ⵉⵏⵏⴰ ⵎⴰ ⵙ ⵉⴳⴰ ⵓⵏⵏⵓⵕⵥⵎ ⵅⴼ ⵜⵎⴳⵓⵔⵉ ⵏ ⵜⵜⵉⴽⵏⵓⵍⵓⵊⵢⴰ ⵜⴰⵜⵔⴰⵔⵜ ⵢⴰⵏ ⵓⵏⴰⵥⴰⵕ ⴰⵏⴰⵎⵓⵔ ⵍⵍⵉ ⵔⴰⴷ ⵢⴰⵡⵙ ⴳ ⵓⵙⴷⵓⵙ ⵏ ⵓⵎⵃⵉⵣⵡⴰⵔ ⵏ ⵉⴳⵔ ⴰⴷ ⴳ ⵓⵙⵡⵉⵔ ⴰⴳⵔⴰⵖⵍⴰⵏ ⴷ ⵓⵙⴷⵓⵙ ⵏ ⵜⵙⵓⴳⴰⵔ ⵜⵎⵖⵔⵉⴱⵉⵢⵉⵏ.
ⴹⴰⵕⴰⵜ ⵎⴰⵢⴰⵏⵏ, ⵉⵙⵙⵉⵅⴼ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵜⴼⵓⴳⵍⴰ ⵏ ⵓⵙⴳⵎⴹ ⵜⵓⴹⴼⵉⵕⵜ ⵏ ⵜⵎⵢⴰⵇⵇⴰⵏⵜ ⵏ ⵓⵙⵙⴰⵔⵓ ⵏⴳⵔ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵔⴰⴱⴱⵓⵜ ⵕⵓⵏⵓ ⵍⵎⵖⵔⵉⴱ Groupe Renault Groupe Renault, ⵍⵍⵉ ⵙⴳⵎⴹⵏ ⵎⴰⵙⵙ ⵕⵢⴰⴷ ⵎⵣⵣⵓⵔ, ⴰⵎⴰⵡⵙⴰⵙ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ ⴷ ⵎⴰⵙⵙ ⴼⵕⴰⵏⵚⵡⴰ ⴱⵔⴼⵓⵙⵜ, ⴰⵏⵍⵀⴰⵍ ⵓⵎⵣⵣⴳⴰⵔ ⵏ ⵜⵔⴰⴱⴱⵓⵜ ⵏ ⵕⵓⵏⵓ. ⵎⴰⵢⴰⴷ ⵍⵍⵉ ⵔⴰⴷ ⵉⵙⵖⵓⴷⵓ ⵜⴷⵔⴰⵡⵜ ⵉⵍⵍⴰⵏ ⵏⴳⵔ ⴰⵜⵙⵏ, ⴷ ⵔⴰⴷ ⵢⴰⵡⵙ ⴳ ⵓⵙⴽⴰⵔ 7500 ⵏ ⵓⵣⵎⵣ ⵏ ⵜⵡⵓⵔⵉ ⵜⵓⵙⵔⵉⴷⵜ ⴷ ⵡⴰⵔ ⵜⵓⵙⵔⵉⴷⵜ, ⴷ ⵜⵡⵉⵙⵉ ⴳ ⵓⵙⴷⵓⵙ ⵏ ⵜⵎⵔⵉⵙⵉⵏ ⵜⵉⵎⵢⴰⵖⵉⵏ ⵍⵍⵉ ⵎⵓ ⵉⴳⴰ ⵡⵓⵜⵜⴰⵙ ⵜⵉⴳⵎⵉ ⵜⴰⵙⵓⵍⴰⵏⵜ ⵏ ⵜⵎⴳⵓⵔⵉ ⵏ ⵜⵎⵙⵙⵓⴷⵓⵜⵉⵏ ⴳ ⵜⴳⵍⴷⵉⵜ.
ⵙ ⵜⵎⵢⴰⵇⵇⴰⵏⵜ ⴰⴷ, ⵔⴰⴷ ⵜⵙⵏⵜⵉ ⵜⵔⴱⴱⵓⵜ ⵏ ⵕⵏⵓ ⵍⵎⵖⵔⵉⴱ ⵢⴰⵏ ⵓⵣⵎⵣ ⴰⵎⴰⵢⵏⵓ ⵏ ⵜⴳⵎⵉ ⵜⴰⵎⴳⵓⵔⴰⵏⵜ ⵍⵍⵉⵖ ⵔⴰⴷ ⵢⵉⵍⵉ ⵓⵙⵏⴼⵍ ⵏ ⵡⴰⵏⴰⵡ ⵏ ⵜⵎⵙⵙⵓⴷⵓⵜⵉⵏ ⴷ ⵓⵙⵖⵓⴷⵓ ⵏ ⵓⵖⴰⵡⴰⵙ ⴰⵎⴳⵓⵔⴰⵏ ⵏ ⵕⵏⵓ ⴳ ⵍⵎⵖⵔⵉⴱ, ⵍⵍⵉⵖ ⵔⴰⴷ ⵜⵙⵙⴼⴰⵖ ⵜⵎⵙⵙⵓⴷⵓⵜⵄⵉⵏ ⵜⵉⵎⴰⵢⵏⵓⵜⵉⵏ ⵏ ⵓⵎⵥⵥⴰⵕⵓⵕ ⵖⵉⴷ ⵙ ⵓⵙⴳⴳⵯⴰⵙ ⵏ 2030 ⴷ ⵓⵙⵎⴰⵢⵏⵓ ⵏ ⵜⵏⵓⴼⴰ ⵏ ⵜⵎⴳⵓⵔⵉ ⴷ ⵓⵙⵙⵓⴳⵜ ⴳ ⵓⵙⵢⴰⴼⵓ ⴷ ⵓⵙⴷⵓⵙ ⵏ ⵜⵙⵓⴳⴰⵔ ⵏ ⵉⵙⵓⴳⴰⵎ ⵉⵏⴰⴼⴳⴰⵏⵏ ⴰⵢⵍⵍⵉ ⵉⵎⵎⴰⵍⴰⵏ ⵜⵎⵢⵉⵎⴰⵏⵜ ⵏ ⵜⵔⴰⴱⴱⵓⵜ ⵖ ⵜⵎⴳⵓⵔⵉ ⵜⴰⵏⴰⵎⵓⵔⵜ.
ⴰⵔ ⵜⵜⵕⵥⵓⵎ ⵜⵓⴹⴼⵉⵕⵜ ⵏ ⵜⵎⵢⴰⵇⵇⴰⵏⵜ ⵏ ⵓⵙⵙⴰⵔⵓ ⴷ ⵜⵔⴰⴱⴱⵓⵜ ⵕⵏⵓ ⴰⴱⵔⵉⴷ ⵏⵓⵙⵏⵜⵉ ⵏ ⵓⵖⴰⵡⴰⵙ ⴰⵏⴳⵎⵓ ⵓⵚⴽⵉⵡ ⵏⴳ 2025 ⴷ 2030 ⵍⵍⵉ ⵎⵓ ⵉⴳⴰ ⵡⴰⵡⵜⵜⴰⵙ ⵏⵏⵙ ⴰⴹⴼⵉⵕ ⵓⵙⵎⴰⵢⵏⵓ ⵏ ⵓⵖⴰⵡⴰⵙ ⵏ ⵜⵎⴳⵓⵔⵉ ⵏ ⵜⵔⴰⴱⴱⵓⵜ ⵕⵏⵓ ⴳ ⵜⴳⵍⴷⵉⵜ ⵙ ⵓⵙⴽⴰⵔ ⵏ ⵡⴰⵎⵎⴰⵙ ⵏ ⵓⵜⵡⴰⵍ ⵉⵥⵍⵉⵏ ⵙ ⵉⵎⵓⵙⵙⵓⵜⵏ ⵏ ⵓⵔⵣⵣⵓ ⴷ ⵓⵙⴱⵓⵖⵍⵓ ⵇⴱⵍ ⵜⵉⴳⵉⵔⴰ ⵏ ⵓⵙⴳⴳⵯⴰⵙ 2025 ⴷ ⵓⵙⴷⵓⵙ ⵏ ⵓⵏⴰⵥⴰⵕ ⴰⵎⴳⵓⵔⵉ ⵏ ⵜⴳⵍⴷⵉⵜ ⴳ ⵓⵙⵢⴰⴼⵓ ⵜⵎⵙⵙⵓⴷⵓⵜⵉⵏ ⵏ ⵉⵏⵙⵎⵓⵙⵙⴰ ⵏ ⵓⵎⵥⵥⴰⵕⵓⵕ ⴳ ⵍⵎⴰⵖⵔⵉⵏ.
ⵉⵇⵇⴰⵏ ⴷ ⴰⴷ ⵏⵙⴽⵜⵉ ⵎⴰ ⵙ ⵜⵙⴽⵔ ⵜⵔⴰⴱⴱⴰⵓⵜ ⵏ ⵕⵏⵓ ⵍⵎⵖⵔⵉⴱ ⴳ ⵓⵙⴳⴳⵯⴰⵙ ⴰⴷ ⵉⵣⵔⵉⵏ ⵎⴰ ⵉⵜⵜⴳⴰⵏ 413.000 ⵏ ⵜⵎⵙⵙⵓⴷⵓⵜ, ⴳⴰⵏⵜ 90 % ⴳ ⵓⵙⵢⴰⴼⵓ ⴰⴷⵖⵔⴰⵏ ⵏ ⵜⵎⵙⵙⵓⴷⵓⵜⵉⵏ « ⵜⴰⵎⴰⵜⴰⵔⵜ ⵏ ⵍⵎⵖⵔⵉⴱ » ⵙ ⵎⴰ ⵉⵜⵜⴳⴰⵏ 68 ⵏ ⵜⵎⴰⵣⵉⵔⵜ.
