ⵉⵙⵙⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵜⴰⴼⵓⴳⵍⴰ ⵏ ⵓⵙⴳⵎⴹ ⵏ ⵜⵎⵢⴰⵇⵇⴰⵏⵜ ⵉⵥⵍⵉⵏ ⵙ ⵉⵙⵏⵜⴰⵢ ⵏ ⵓⴼⴰⵔⵙ ⵏ ⵓⵥⴰⵕⵓⵕ ⵣⵖ ⵜⵥⴹⴰⵕⵉⵏ ⵉⵜⵜⵓⵙⵎⴰⵢⵏⵓⵏ

ⵉⵙⵙⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ ⴰⵙⵙ ⵏ ⵡⴰⵢⵏⵏⴰⵙ 3 ⵏⵓⵡⴰⵏⴱⵉⵔ 2025 ⴳ ⵕⵕⴱⴰⵟ, ⵜⴰⴼⵓⴳⵍⴰ ⵏ ⵓⵙⴳⵎⴹ ⵏ ⵜⵎⵢⴰⵇⵇⴰⵏⵜ ⵏⴳⵔ ⴰⵙⵉⵔⴰ ⴰⵏⴰⵎⵓⵔ ⵏ ⵓⵥⴰⵕⵓⵕ ⴷ ⵡⴰⵎⴰⵏ ⵏ ⵜⵉⵙⵙⵉ ⴷ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵜⴰⵥⴹⴰⵕⵜ  ⵜⴰⵙⵓⵍⴰⵏⵜ « ⵎⴰⵥⴰⵏ » ⴷ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵓⵙⵡⵓⴷⴷⵓ ⴰⵙⵜⵕⴰⵜⵉⵊⵉ ⵏ ⵜⵉⴽⴽⵉ ⵏ ⵡⴰⵏⴽ ⴷ ⵓⴹⴼⵉⵕ ⵏ ⵜⵉⵕⵡⵉ ⵏ ⵜⵡⵓⵔⵉ ⵏ ⵜⵎⵔⵙⴰⵍ ⴷ ⵜⵎⵙⵙⵏⴰⵜⴰⵢ ⵜⵉⴳⴷⵓⴷⴰⵏⵉⵏ, ⵎⵓ ⵉⴳⴰ ⵡⴰⵡⵜⵜⴰⵙ ⵏⵏⵙ ⴰⵙⵔⵓⵙ ⵏ ⵉⵚⵏⴼⴰⵕⵏ ⵓⵙⴷⵉⴼⵏ ⵉⵥⵍⵉⵏ ⵙ ⵉⵙⵏⵜⴰⵢ ⵏ ⵓⴼⴰⵔⵙ ⵏ ⵓⵥⴰⵕⵓⵕ ⵣⵖ ⵜⵥⴹⴰⵕⵉⵏ ⵉⵜⵜⵓⵙⵎⴰⵢⵏⵓⵏ ; ⵙ ⵓⵙⵡⵓⴷⴷⵓ ⵏ ⵜⴰⵔⴰⵜⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ.
ⵜⴷⴷⴰ ⴷ ⵜⵎⵢⴰⵇⵇⴰⵏⵜ ⵃⵎⴰ ⴰⴷ ⵜⴳ ⵢⴰⵜ ⵜⴷⵉⵎⴰⵏⵉⵜ ⵜⴰⵎⴰⵢⵏⵓⵜ ⴳ ⵓⵣⵓⴳⴳⵯⵣ ⵏ ⵓⵖⴰⵡⴰⵙ ⴰⵏⴰⵎⵓⵔ ⵏ ⵜⵥⴹⴰⵕⵜ ⵉⵜⵜⵓⵙⵎⴰⵢⵏⵓⵜⵏ ⵍⵍⵉ ⵉⴳⴰⵏ ⵢⴰⵏ ⵓⵥⵎⵎⴰⵥⵍ ⴳ ⵡⴰⵍⵍⴰⵙ ⵏ ⵜⴷⵔⴰⵡⵜ ⵉⵕⵡⴰⵏ ⵏⴳⵔ ⵜⵏⴱⴰⴹⵜ ⴷ ⵜⵎⵔⵙⴰⵍ ⴷ ⵜⵎⵙⵙⵏⵜⴰⵢ ⵜⵉⴳⴷⵓⴷⴰⵏⵉⵏ ⵉⵙⵡⵓⵔⵉⵏ ⴳ ⵉⴳⵔ ⵏ ⵜⵥⴹⴰⵕⵜ ⵉⵜⵜⵓⵙⵎⴰⵢⵏⵓⵜⵏ ⴰⵢⵍⵍⵉ ⵔⴰⴷ ⵢⴰⵡⵙ ⴳ ⵓⵙⵔⵓⵙ ⵏ ⵓⵎⵓⵜⵜⵓ ⴰⵥⴹⴰⵕⴰⵏ ⴰⵙⵓⵍⴰⵏ ⵉⵕⵡⴰⵏ.
ⵔⴰⴷ ⵜⴰⵡⵙ ⵜⵎⵢⴰⵇⵇⴰⵏⵜ ⴷ ⴳ ⵓⵣⵉⵣⵣⵍ ⵏ ⵓⵙⵓⵊⴷ ⵏ 5 ⵊⵉⴳⴰ ⵡⴰⵟ ⵏ ⵓⵥⴰⵕⵓⵕ ⴰⵣⴳⵣⴰ ⵏ ⵜⵎⴳⵓⵔⵉ ⵜⴰⵎⵖⵔⵉⴱⵉⵜ ⵇⴱⵍ ⵜⵉⴳⵉⵔⴰ ⵏ 2030 ⴷ ⵓⵙⵉⴷⵔⵓⵙ ⴳ ⵉⴼⵔⴰⵢⵏ ⵏ ⵓⵙⴷⴷⵉ ⵏ ⵡⴰⵜⵉⴳ ⴷ ⵜⵉⴱⴹⵉ ⵏ ⵜⵎⵙⵙⵏⵜⴰⵢ ⵏⴳⵔ ⵓⵙⵉⵔⴰ ⴰⵏⴰⵎⵓⵔ ⵏ ⵓⵥⴰⵕⵓⵕ ⴷ ⵡⴰⵎⴰⵏ ⵏ ⵜⵉⵙⵙⵉ ⴷ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵜⴰⵥⴹⴰⵕⵜ  ⵜⴰⵙⵓⵍⴰⵏⵜ, ⴰⵢⵍⵍⵉ ⵔⴰⴷ ⵢⴰⵡⵙ ⴳ ⵓⴱⴷⴷⴰⴼ ⴰⵎⵇⵇⵓⵏ ⴷ ⵓⴷⴰⵎⵙⴰⵏ ⵏ ⵉⵚⵏⴼⴰⵕⵏ ⵏ ⵜⵥⴹⴰⵕⵟ ⵉⵜⵜⵓⵙⵎⴰⵢⵏⵓⵜⵏ ⵙ ⵓⵎⵙⴰⵙ ⴰⴽⴷ ⵉⵡⵜⵜⴰⵙⵏ ⵏ ⵜⵙⵔⵜⵉⵜ ⵏ ⵜⵡⵉⵙⵉ ⵏ ⵡⴰⵏⴽ ⵍⵍⵉ ⵎⵓ ⵉⴳⴰ ⵡⴰⵡⵜⵜⴰⵙ ⵏⵏⵙ ⴰⵙⵎⵙⴰⵙⴰ ⵏⴳⵔ ⵜⵎⵔⵙⴰⵍ ⴷ ⵜⵎⵙⵙⵏⵜⴰⵢ ⵜⵉⴳⴷⵓⴷⴰⵏⵉⵏ.

ⵉⵙⴷⴷⵉⴷ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵙ ⵉⵥⵉⵕ ⵉⴼⴰⵡⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵜ ⵉⵙⵔⵏⵓ ⵔⴱⴱⵉ, ⵍⴽⵎⵏⵜ ⵖⴰⵙⵙⴰⴷ ⵜⵉⵥⴹⴰⵕⵉⵏ ⵉⵜⵜⵓⵙⵎⴰⵢⵏⵓⵜⵏ ⴳ ⵜⴳⵍⴷⵉⵜ ⵎⴰ ⵉⵜⵜⴳⴰⵏ 46% ⵏ ⴰⵢⵍⵍⵉ ⵎⵓ ⵥⴰⴹⴰⵕⴰⵏ ⵉⵎⴰⵙⵙⵏ ⵏ ⵏ ⵓⴼⴰⵔⵙ ⵏ ⵓⵥⴰⵕⵓⵕ 52% ⵇⴱⵍ ⴰⵙⴳⴳⵯⴰⵙ ⵏ 2030, ⵉⵏⵏⴰ ⵎⴰ ⵙ ⵉⴳⴰ ⵓⵍⵜⴰⵖ ⵏ ⵜⵏⴱⴰⴹⵜ ⴳ ⵓⵙⴷⵓⵙ ⵏ ⵉⵏⴱⴰⴷⴰⵏ ⵏ ⵓⵎⵓⵜⵜⵉ ⴰⵥⴹⴰⵕⴰⵏ ⴰⵙⵓⴰⵍⴰⵏ ⴰⵔ ⵉⵜⵜⴰⵊⵊⴰ ⵜⵉⵥⴹⴰⵕⵉⵏ ⵉⵜⵜⵓⵙⵎⴰⵢⵏⵓⵜⵏ ⴰⴷ ⴳⵉⵏⵜ ⵢⴰⵏ ⵓⵏⴱⴷⴰⴷ ⴰⴷⵙⵍⴰⵏ ⴳ ⵜⵖⵔⴰⵙⵜ ⵏ ⵜⴳⵎⵉ ⵏ ⵜⵎⴰⵣⵉⵔⵜ ⵏⵏⵖ.
ⵉⵙⴳⵎⴹ ⵜⴰⵎⵢⴰⵇⵇⴰⵏⵜ ⴰⴷ ⴳ ⵢⴰⵜ ⵜⵙⴳⴰ ⵜⴰⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ ⴷ ⵜⵎⴰⵡⵙⴰⵙⵜ ⵏ ⵓⵎⵓⵜⵜⵉ ⴰⵥⴹⴰⵕⴰⵏ ⴷ ⵜⴳⵎⵉ ⵜⵙⵓⵍⴰⵏⵜ ⴷ ⵓⵎⴰⵡⵙⴰⵙ ⴰⵎⴰⵔⵉ ⵉⵜⵜⵓⵙⵎⴰⴳⴰⵍⵏ ⵙ ⵜⵎⵙⴰⵙⵍⵜ, ⵢⴰⵜ ⵜⵙⴳⴰ ⵢⴰⴹⵏⵉⵏ ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵓⵙⵡⵓⴷⴷⵓ ⴰⵙⵜⵕⴰⵜⵉⵊⵉ ⵏ ⵜⵉⴽⴽⵉ ⵏ ⵡⴰⵏⴽ ⴷ ⵓⴹⴼⵉⵕ ⵏ ⵜⵉⵕⵡⵉ ⵏ ⵜⵡⵓⵔⵉ ⵏ ⵜⵎⵔⵙⴰⵍ ⴷ ⵜⵎⵙⵙⵏⴰⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵓⵏⵎⵀⴰⵍ ⴰⵎⴰⵜⴰⵢ ⵏ ⵓⵙⵉⵔⴰ ⴰⵏⴰⵎⵓⵔ ⵏ ⵓⵥⴰⵕⵓⵕ ⴷ ⵡⴰⵎⴰⵏ ⵏ ⵜⵉⵙⵙⵉ ⴷ ⵓⵏⵙⵙⵉⵅⴼ ⴰⵏⵎⵀⴰⵍ ⵏ ⵜⵙⵏⵓⵔⴰⵢⵜ ⵜⴰⵎⵖⵔⵉⴱⵉⵜ ⵏ ⵜⴰⵥⴹⴰⵕⵜ ⵜⴰⵙⵓⵍⴰⵏⵜ « ⵎⴰⵥⴰⵏ ».