ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 13 ⵏⵓⵡⴰⵏⴱⵉⵔ 2025
ⵉⵜⵜⴰⵡⵙⴽⴰⵔ ⴰⵙⵙ ⵏ ⵓⴽⵡⴰⵙ 21 ⵊⵓⵎⴰⴷⴰ ⴰⵎⵣⵡⴰⵔⵓ 1447 ⵉⵎⵙⴰⵙⴰⵏ ⴰⴽⴷ 13 ⵏⵓⵡⴰⵏⴱⵉⵔ 2025 ⴰⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ. ⵉⵥⵍⵉ ⵓⴳⵔⴰⵡ ⴰⴷ ⵙ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⴷ ⵓⵎⴹⴰⴽⴰⵕ ⵅⴼ ⵜⵉⵙⵓⵎⴰⵔ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ.
- ⴳ ⵜⵣⵡⴰⵔⵉ ⵏ ⵓⴳⵔⴰⵡ ⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.22.1020 ⵉⵥⵍⵉⵏ ⵙ ⵓⵙⵡⵓⵜⵜⵓ ⵏ ⵜⵍⴳⴰⵎⵜ ⵏ ⵜⵏⵜⴰⵎⵉⵏ ⵏ ⵡⴰⵜⵉⴳⵏ ⵏ ⵓⵙⵏⴼⵍ ⴷ ⵜⵎⴰⵎⴽⵉⵏ ⵏ ⵓⵙⵔⵓⵙ ⵏⵏⵙⵏⵜ ⵉ ⵜⵎⵙⵙⵓⴳⵓⵔⵜ ⵏ ⵉⵔⴳⴰⵢⵏ, ⵜⵙⵎⵏⵉⴷ ⵜ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ.
- ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.530 ⵉⵣⵍⵉⵏ ⵙ ⵓⵙⵎⴰⴷ ⵏ ⵓⵎⵕⵙⵓⵎ ⵓⵟⵟⵓⵏ 2.21.186 ⵍⵍⵉ ⴷ ⵉⴼⴼⴰⵖⵏ ⴳ 30 ⵎⵓⵃⴰⵕⵕⴰⵎ 1443 (8 ⵛⵓⵜⴰⵏⴱⵉⵔ 2021) ⵙ ⵓⵙⵏⵎⴰⵍⴰ ⵏ ⵡⴰⵎⵎⴰⵙⵏ ⵏ ⵜⵎⵔⵙⵉⵡⵜ ⵉⴹⴼⴰⵕⵏ ⵉ ⵓⵏⴱⴰⴹ ⵓⵏⴱⴰⴹ ⵉⵜⵜⵓⵙⵎⴰⴳⴰⵍⵏ ⵙ ⵜⵄⵄⵓⵔⵎⴰ, ⵉⵙⵎⵏⵉⴷⵜ ⵎⴰⵙⵙ ⴰⵎⴰⵡⵙⴰⵙ ⵏ ⵜⵄⵄⵓⵔⵎⴰ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ.
- ⴹⴰⵕⴰⵜ ⵎⴰⵢⴰⵏⵏ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.687 ⵉⴳⴰⵏ ⴰⵏⴳⵔⴰⵡ ⴰⴷⵙⵍⴰⵏ ⵉⵥⵍⵉⵏ ⵙ ⵉⵎⵙⵡⵓⵔⵉⵢⵉⵏ ⵏ ⵓⵙⵇⵇⵉⵎ ⵏ ⵓⵎⵃⵉⵣⵡⴰⵔ, ⵜⵙⵎⵏⵉⴷ ⵜ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵜⴰⵎⴰⵔⵉⵜ ⵖⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⴰⵍⴰⵏ ⵙ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⴳⴳⴷ ⵏ ⵜⵎⵙⵙⵓⴳⵓⵔⵜ.
ⵉⴽⵎⵎⵍ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵡⵓⵔⵉⵡⵉⵏ ⵏⵏⵙ ⵙ ⵓⵙⵓⵙⵙⵏ ⵏ ⵓⴱⵕⵓⵜⵓⴽⵓⵍ ⵏ ⵓⵙⵏⴼⵍ ⵏ ⵓⵎⵙⴰⵙⴰ ⵏ ⵎⵕⵕⴰⴽⴽⵯⵛ ⵉⵙⵡⵓⴷⴷⵓⵏ ⵜⴰⵎⴰⴷⴷⴰⵙⵜ ⵏ ⵜⵙⴱⴱⴰⴱⵜ ⵜⴰⵎⴰⴹⵍⴰⵏⵜ, ⴰⵎⵙⴰⵙⴰ ⵉⵥⵍⵉⵏ ⵙ ⵡⴰⵏⵏⴰⵍ ⵏ ⵜⴳⵎⵔⵜ, ⵉⵜⵜⵓⵙⴳⵎⴰⴹⵏ ⴳ ⵕⵕⴱⴰⵟ ⴳ 17 ⵢⵓⵏⵢⵓ 2022, ⴷ ⵓⵙⴰⵜⵉ ⵏ ⵓⵙⵍⴳⵏ ⵓⵟⵟⵓⵏ 52.25 ⵍⵍⵉ ⵉⵙⵖⵥⵏ ⴰⴱⵕⵓⵜⵓⴽⵓⵍ ⴰⴷ, ⵜⵙⵎⵏⵉⴷ ⵜⵏ ⵎⴰⵙⵙ ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⵏ ⵉⴼⵕⵉⵇⵢⴰ ⴷ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ.
ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵙⴰⵙⴰ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ :
- ⴳ ⵜⴰⵎⴰⵡⴰⵙⵜ ⵏ ⵓⵇⵇⵓⵎ ⴷ ⵡⴰⵎⴰⵏ, ⵜⴻⵜⵜⵙⵏⵎⴰⵍⴰ :
- ⵎⴰⵙⵙⴰ ⵉⵜⴰⵕ ⵅⴰⵢⵔⴷⴷⵉⵏ, ⵜⴰⵏⵎⵀⴰⵍⵜ ⵏ ⵉⴼⵕⴹ ⵏ ⵡⴰⵎⴰⵏ ⵏ ⵓⵎⵎ ⵕⵕⴱⵉⵄ
- ⴳ ⵜⴰⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴰⵎⵏⵣⵓ ⴷ ⵜⵓⵏⵏⵓⵜ, ⵜⵜⵓⵙⵎⴰⵍⴰⵏ :
- ⵎⴰⵙⵙⴰ ⴼⴰⴷⵡⴰ ⴱⵓⵡⴰⵎⵣⴳⴰⵏ, ⵜⴰⵏⵎⵀⴰⵍⵜ ⵏ ⵓⵎⵢⴰⵡⴰⴹ ⴷ ⵓⵎⵢⴰⵡⴰⵙ ⴷ ⵜⴷⵔⴰⵡⵜ ⴷ ⵓⵙⵎⵓⵜⵜⴳ ⵏ ⵓⵙⵍⵎⴷ ⴰⵏⵎⵍⴰⵏ ⵉⵥⵍⵉⵏ ;
- ⵎⴰⵙⵙ ⵄⴱⴷⵍⵊⴱⴱⴰⵕ ⴽⴰⵔⵉⵎⵉ, ⴰⵏⵎⵀⴰⵍ ⵏ ⵡⴰⵎⵎⴰⵙ ⴰⵙⴳⴰⵡⴰⵏ ⵏ ⵜⵓⵣⵣⵓⵍⵉⵏ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴳ ⵜⵙⴳⴰ ⵏ ⵎⵕⵕⴰⴽⵯⵛ- ⴰⵙⴼⵉ ;
- ⵎⴰⵙⵙ ⵄⴰⴱⴷ ⵍⵊⵍⵉⵍ ⵛⴰⵡⵇⵉ, ⴰⵏⵎⵀⴰⵍ ⵏ ⵡⴰⵎⵎⴰⵙ ⴰⵙⴳⵡⴰⵏ ⵏ ⵜⵓⵣⵣⵓⵍⵉⵏ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴳ ⵜⵙⴳⴰ ⵏ ⵙⵓⵙ- ⵎⴰⵙⵙⴰ ;
- ⴳ ⵜⵎⴰⵡⴰⵙⵜ ⵏ ⵓⵙⴷⵉⴼ ⴰⴷⴰⵎⵙⴰⵏ ⴷ ⵜⵎⵙⵙⵏⵜⴰⵢⵜ ⵜⴰⵎⵥⵢⴰⵏⵜⴷ ⵓⵙⵡⵓⵔⵉ ⴷ ⵜⵉⵙⵙⵓⴳⴰⵔ, ⵉⵜⵜⵓⵙⵏⵎⴰⵍⴰ :
- ⵎⴰⵙⵙ ⵄⴰⴱⴷⵓⵍⵍⴰⵀ ⵓⵛⵛⵉⵅ, ⴰⵏⵎⵀⴰⵍ ⵏ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵓⵙⵖⵓⴷⵓ ⵏ ⵓⵙⵡⵓⵔⵉ ⴷ ⵜⵙⵙⵓⴳⴰⵔ ;
- ⴳ ⵜⵎⴰⵡⴰⵙⵜ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵉⵙⵍⵍⵡⵉ, ⵉⵜⵜⵙⵏⵎⴰⵍⴰ :
- ⵎⴰⵙⵙ ⵕⴷⴰⵡⴰⵏ ⴱⵏⵄⵉⵏⵉ, ⴰⵏⴱⴷⴰⴷ ⵏ ⵜⵖⵉⵡⴰⵏ ⵜ ⵉⵎⴰⵙⵙⴰⵏ ;
- ⵎⴰⵙⵙ ⵄⴱⴷⵍⵍⴰⵜⵉⴼ ⴽⴷⴷⴰⵢ, ⴰⵏⴱⴷⴰⴷ ⵏ ⵜⵖⵉⵡⴰⵏⵜ ⵏ ⵉⵎⴰⵙⵙⴰⵏ ⵏ ⵓⵙⴳⵎⵉ ;
- ⴳ ⵜⵎⴰⵡⴰⵙⵜ ⵉⵜⵜⵓⵙⵎⴰⴳⴰⵏ ⵙ ⵓⵙⵙⴰⵔⵓ ⴷ ⵓⵎⵙⴰⵙⴰ ⴷ ⵓⵙⵜⴰⵍ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ, ⵜⵜⵓⵙⵏⵎⴰⵍⴰⵏ :
- ⵎⴰⵙⵙⴰ ⵚⵓⴼⵢⴰ ⴱⵓⵣⵢⴰⵏ, ⵜⴰⵏⵎⵀⴰⵍⵜ ⵏ ⵡⴰⵎⵎⴰⵙ ⴰⵙⴳⴰⵡⴰⵏ ⵏ ⵓⵙⵙⴰⵔⵓ ⵏ ⵜⵙⴳⴰ ⴷⵕⵄⴰ ⵜⴰⴼⵉⵍⴰⵍⵜ ;
- ⵎⴰⵙⵙ ⵎⴰⵃⴼⵓⴹ ⵎⵓⵙⴰⵄⵉⴷ, ⴰⵏⵎⵀⴰⵍ ⵏ ⵡⴰⵎⵎⴰⵙ ⴰⵙⴳⴰⵡⴰⵏ ⵏ ⵓⵙⵙⴰⵔⵓ ⵏ ⵜⵙⴳⴰ ⵏ ⵎⵕⵕⴰⴽⴽⵯⵛ - ⴰⵙⴼⵉ ;
- ⴳ ⵜⵎⴰⵡⴰⵙⵜ ⵏ ⵓⵎⵓⵜⵜⵉ ⴰⵥⴹⴰⵕⴰⵏ ⴷ ⵜⴳⵎⵉ ⵜⴰⵙⵓⵍⴰⵏⵜ, ⵉⵜⵜⵓⵙⵏⵎⴰⵍⴰ :
- ⵎⴰⵙⵙ ⴱⵓⵣⴽⵔⵉ ⵕⵕⴰⵥⵉ, ⴰⵏⵎⵀⴰⵍ ⵏ ⵓⵏⴳⵉⴳⵜ ⴷ ⵓⵎⵢⴰⵏⴰⵡ ⵏ ⵉⵎⴰⴷⴷⴰⵔⵏ
- ⵎⴰⵙⵙ ⴱⵓⵣⴽⵔⵉ ⵕⵕⴰⵥⵉ, ⴰⵏⵎⵀⴰⵍ ⵏ ⵓⵏⴳⵉⴳⵜ ⴷ ⵓⵎⵢⴰⵏⴰⵡ ⵏ ⵉⵎⴰⴷⴷⴰⵔⵏ
