ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 18 ⴷⵓⵊⴰⵏⴱⵉⵔ 2025
ⵉⵜⵜⴰⵡⵙⴽⴰⵔ ⴰⵙⵙ ⵏ ⵓⴽⵡⴰⵙ 27 ⵊⵓⵎⴰⴷⴰ ⵜⴰⵎⴳⴳⴰⵔⵓⵜ 1447 ⵉⵎⵙⴰⵙⴰⵏ ⴰⴽⴷ 18 ⴷⵓⵊⴰⵏⴱⵉⵔ 2025 ⴰⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ. ⵉⵥⵍⵉ ⵓⴳⵔⴰⵡ ⴰⴷ ⵙ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⴷ ⵓⵙⵖⵎⵙ ⵙ ⵢⴰⵜ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ.
- ⴳ ⵜⵣⵡⴰⵔⵉ ⵏ ⵓⴳⵔⴰⵡ ⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 62.25 ⵉⵙⵏⴼⵍⵏ ⴰⵙⵍⴳⵏ ⵓⵟⵟⵓⵏ 103.14 ⵉⵥⵍⵉⵏ ⵙ ⵓⵙⵔⵓⵙ ⵏ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵜⵏⴼⵔⵓⵜ ⵜⴰⴱⵔⴷⴰⵏⵜ, ⵉⵙⵎⵏⵉⴷ ⵜ ⵓⵎⴰⵡⵙⴰⵙ ⵏ ⵡⴰⵙⵙⴰⵢ ⴷ ⵜⵍⵓⵊⵉⵙⵜⵉⴽ.
- ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴽⵕⴰⴹ ⵉⵙⵏⵜⴰⵢ ⵏ ⵉⵎⵕⵙⵓⵎⵏ ⵉⵥⵍⵉⵏ ⵙ ⵉⴳⵔ ⵏ ⵢⵉⴳⵔ ⵏ ⵜⴷⵓⵙⵉ, ⵉⵙⵎⵏⵉⴷ ⵜⵏ ⵎⴰⵙⵙ ⴰⵎⴰⵡⵙⴰⵙ ⵏ ⵜⴷⵓⵙⵉ ⴷ ⵡⴰⵔⴰⵢ ⴰⵏⴰⵎⵓⵏ.
ⴷⴷⴰⵏ ⴷ ⵉⵙⵏⴼⴰⵕⵏ ⵏ ⵉⵎⵕⵙⵓⵎⵏ ⴰⴷ ⴳ ⵓⵙⴰⵜⵉ ⵏ ⵓⵣⵣⴳⵉⵔ ⵏ ⵜⴰⵔⴰⵜⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ ⵏⵏⴰ ⵉⵙⵙⵓⵜⵔⵏ ⵢⴰⵏ ⵓⵙⵎⴰⵢⵏⵓ ⴷ ⵓⵙⴳⴳⴷ ⴰⵎⴰⴷⴷⵓⴷ ⵏ ⵓⵏⴳⵔⴰⵡ ⵏ ⵜⴷⵓⵙⵉ ⵜⴰⵏⴰⵎⵓⵔⵜ, ⵙⵍⴰⵀⵡⴰⵏ ⴰⴽⴽⵯ ⴰⵢⵍⵍⵉⴰ ⵉⵣⴷⵉⵏ ⴷ ⵓⵙⴷⵓⵙ ⵏ ⵉⵙⵓⴳⴰⵎ ⵉⵏⴰⴼⴳⴰⵏⵏ ⵏⵏⵙⵏ ⵙ ⵜⵡⵉⵙⵉ ⵜⵓⵥⵕⵉⴼⵜ ⴷ ⵓⵙⵅⵉⵜⵔ ⵏⵏⵙⵏ, ⴷ ⵓⵙⴼⴰⵍⴽⵢ ⵏ ⵡⴰⴷⴷⴰⴷ ⵏⵏⵙⵏ ⵉⵣⵣⵓⵍⴰⵏⵏ. ⴷ ⵓⵙⵡⵓⴷⴷⵓ ⵏ ⵜⵓⵎⴰⵢⵉⵏ ⵏ ⵓⵖⴰⵡⴰⵙ ⵓⵏⴱⵉⴹ 2021-2026 ⵍⵍⵉ ⵉⵙⴷⴷⵉⴷⵏ ⵅⴼ ⵓⵙⴷⵓⵙ ⵏ ⵉⵙⵓⴳⴰⵎ ⵉⵏⴰⴼⴳⴰⵏⵏ ⴷ ⵓⵙⴷⵓⵙ ⵏⵏⵙⵏ. ⵖⵉⴽⵍⵍⵉ ⴷ ⵉⴷⴷⴰ ⴰⵡⴷ ⴳ ⵓⵙⵡⵓⴷⴷⵓ ⵏ ⵉⵚⵏⴼⴰⵕⵏ ⵏ ⵏ ⵓⵎⵙⴰⵙⴰ ⵏⵏⴰ ⵉⵜⵜⵓⵙⴳⵎⴹⵏ ⴰⵙⵙ ⵏ 23 ⵢⵓⵍⵢⵓⵣ 2024 ⵏⴳⵔ ⵜⵎⴰⵡⴰⵙⵜ ⵏ ⵜⴷⵓⵙⵉ ⴷ ⵡⴰⵔⴰⵢ ⴰⵏⴰⵎⵓⵏ ⴷ ⵉⵏⵎⵎⵓⵍⴰ ⵉⴳⵎⴰⵎⴰⵏ ⴳ ⵢⵉⴳⵔ ⵏ ⵜⴷⵓⵙⵉ ⴳ ⵜⵙⴳⴰ ⵍⵍⵉ ⵉⵣⴷⵉⵏ ⴷ ⵡⴰⴷⴷⴰⴷ ⴰⵥⵕⴼⴰⵏ ⴷ ⵡⵉⵏ ⵓⴱⵓⵔⵣ ⵏ ⵉⵎⵙⵡⵓⵔⵉⵏ ⵏ ⵜⴷⵓⵙⵉ. ⵥⵍⵉⵏ ⵉⴹⵕⵉⵙⵏ ⴰⴷ ⵙ :- ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.1065 ⵉⵙⵏⴼⵍⵏ ⵉⵙⵖⵓⴷⴰⵏ ⴰⵎⵕⵙⵓⵎ ⵓⵟⵟⵓⵏ 2.17.535 ⵍⵍⵉ ⴷ ⵉⴼⴼⵖⵏ ⴳ 7 ⵎⵓⵃⴰⵕⵕⴰⵎ 1439 (28 ⵛⵓⵜⴰⵏⴱⵉⵔ 2017) ⵉⵣⴷⵉⵏ ⴷ ⵓⵏⴳⵔⴰⵡ ⴰⴷⵙⵍⴰⵏ ⵉⵥⵍⵉⵏ ⵙ ⵓⴳⵔⴰⵡ ⵏ ⵉⴼⵉⵔⵎⵉⵢⵉⵏ ⴷ ⵉⵜⵉⵇⵏⵉⵢⵏ ⵏ ⵜⴷⵓⵙⵉ ⵉⵛⵛⴰⵔⵏ ⵏⴳⵔ ⵜⵎⴰⵡⴰⵙⵉⵏ.
- ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.1066 ⵉⵙⵏⴼⵍⵏ ⵉⵙⵖⵓⴷⴰⵏ ⴰⵎⵕⵙⵓⵎ ⵓⵟⵟⵓⵏ 2.06.620 ⵍⵍⵉ ⴷ ⵉⴼⴼⵖⵏ ⴳ 24 ⵕⴰⴱⵉⵄ ⴰⵎⵣⵡⴰⵔⵓ 1428 (13 ⵉⴱⵔⵉⵔ 2007) ⵉⵣⴷⵉⵏ ⴷ ⵓⵏⴳⵔⴰⵡ ⴰⴷⵙⵍⴰⵏ ⵏ ⵓⴳⵔⴰⵡ ⵏ ⵉⴼⵉⵔⵎⵉⵢⵉⵏ ⴳ ⵜⵎⴰⵡⴰⵙⵜ ⵏ ⵜⴷⵓⵙⵉ.
- ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.1067 ⵉⵙⵏⴼⵍⵏ ⴰⵎⵕⵙⵓⵎ ⵓⵟⵟⵓⵏ 2.06.623 ⵍⵍⵉ ⴷ ⵉⴼⴼⵖⵏ ⴳ 24 ⵕⴰⴱⵉⵄ ⴰⵎⵣⵡⴰⵔⵓ 1428 (13 ⵉⴱⵔⵉⵔ 2007) ⵉⵣⴷⵉⵏ ⴷ ⵡⵔⵔⴰⵣⵏ ⵅⴼ ⵜⵉⴹⴰⴼ ⴷ ⵜⵏⴰⴼⵓⵜ ⵜⵓⵛⵛⵉⵍⵜ ⴷ ⵜⵖⵍⴻⵍⵜ ⵉⵜⵜⵓⵙⴽⴰⵔⵏ ⴳ ⵜⵎⵔⵙⴰⵍ ⵜⵉⴷⵓⵙⴰⵏⵉⵏ ⵏ ⵜⵎⴰⵡⴰⵙⵜ ⵏ ⵜⴷⵓⵙⵉ ⴷ ⵡⴰⵎⵎⴰⵙⵏ ⵉⵙⴳⵏⴰⴼⵏ ⵉⵙⴷⴰⵡⴰⵏⵏ.
- ⵉⴹⴰⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵡⵓⵔⵉⵡⵉⵏ ⵏⵏⵙ ⵙ ⵓⵎⴹⴰⴽⴰⵕ ⴷ ⵓⵙⵖⵥⵏ ⵏ ⵓⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.983 ⵉⵣⴷⵉⵏ ⴷ ⵓⵙⵡⵓⵜⵜⵓ ⵏ ⵡⴰⵜⵉⴳ ⴰⵏⴷⴷⴰⵡ ⵓⵍⴳⵉⵏ ⵏ ⵜⵖⵔⴰⴷ ⴳ ⵉⵎⵓⵙⵙⵓⵜⵏ ⵉⵏⴼⵍⴰⵃⵏ ⴷ ⵡⴰⵔ ⵉⵏⴼⵍⴰⵃⵏ, ⵉⵙⵎⵏⵉⴷ ⵜ ⵎⴰⵙⵙ ⴰⵎⴰⵡⵙⴰⵙ ⵏ ⵓⵙⵉⴷⴼ ⴰⴷⵎⵙⴰⵏ ⴷ ⵜⵎⵙⵙⵏⵜⵉⵜ ⵜⴰⵎⵥⵢⴰⵏⵜ ⴷ ⵓⵙⵡⵓⵔⵉ ⴷ ⵜⵙⵓⴳⴰⵔ.
ⵉⴽⵎⵎⵍ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵡⵓⵔⵉⵡⵉⵏ ⵏⵏⵙ ⵙ ⵓⵙⵖⵎⵙ ⵅⴼ ⵓⴷⵓⵙⵜⵓⵔ ⴷ ⵜⵎⵢⴰⵇⵇⴰⵏⵜ ⵏ ⵡⴰⵎⵓⵏ ⵏ ⵉⴼⵔⵉⵇⵢⴰ ⵏ ⵜⵎⵢⴰⵡⴰⴹⵉⵏ, ⵍⵍⵉ ⵉⵜⵜⵓⵙⵖⵥⴰⵏ ⴳ ⵜⵙⵓⵜⵍⵜ ⵜⵓⵙⵍⵉⴷⵜ ⵜⵉⵙⵙ ⴽⴽⵓⵥⵜ ⵏ ⵓⴳⵔⴰⵡ ⵏ ⵉⵏⵖⵍⴰⴼ ⵉⵎⵙⵖⴰⵏⵏ ⵏ ⵡⴰⵎⵓⵏ ⵏ ⵉⴼⵔⵉⵇⵢⴰ ⵏ ⵜⵎⵢⴰⵡⴰⴹⵉⵏ ⴳ 7 ⴷⵓⵊⴰⵏⴱⵉⵔ 1999, ⴷ ⵓⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 42.23 ⵍⵍⵉ ⵉⵙⵖⵥⵏ ⴰⴷⵓⵙⵜⵓⵔ ⴷ ⵜⵎⵢⴰⵇⵇⴰⵏⵜ ⴰⴷ, ⵉⵙⵎⵏⵉⴷ ⵜⵏ ⵎⴰⵙⵙ ⴰⵎⴰⵡⵙⴰⵙ ⴰⵎⴰⵡⵙⴰⵙ ⵏ ⵜⵄⵄⵓⵔⵎⴰ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ ⵙ ⵉⵙⵎ ⵏ ⵓⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⵏ ⵉⴼⵕⵉⵇⵢⴰ ⴷ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ.
