ⵉⵎⵎⴰⵇⵇⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴷ ⵓⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵡⵓⵎⵍⴰⵏ ⵉⵥⵕⴼⴰⵏⵏ
ⵉⵎⵎⴰⵇⵇⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵙⵙ ⵏ ⵓⵙⵉⵏⴰⵙ 23 ⴷⵓⵊⴰⵏⴱⵉⵔ 2025, ⴰⵏⵙⵙⵉⵅⴼ ⵏ ⵓⴳⵔⴰⵡ ⴰⵏⴰⵎⵓⵔ ⵏ ⵡⵓⵎⵍⴰⵏ ⵉⵥⵕⴼⴰⵏⵏ, ⵎⴰⵙⵙ ⵊⴰⵡⵀⴰⵕ ⵏⵏⴼⵉⵙⵉ, ⵍⵍⵉ ⴰⵙ ⵉⵙⵎⵏⵓⴷⵏ ⵜⴰⵏⴰⴹⵜ ⵏ ⵓⴳⵔⴰⵡ ⵏ ⵓⵙⴳⴳⵯⴰⵙ 2024, ⵙ ⵓⵎⴰⵙⴰⵙⴰ ⴷ ⵉⴱⴹⵉⵢⵏ ⵏ ⵓⵙⵍⴳⴰⵏ ⵓⵟⵟⵓⵏ 05-43 ⵉⵥⵍⵉⵏ ⵙ ⵓⵙⴱⴷⴷⵉ ⵏ ⵜⵓⴽⵕⴹⴰ ⴷ ⴰⵙⵉⵎⵍⵓⵍ ⵏ ⵉⴷⵔⵉⵎⵏ ⵙ ⵖⵉⴽⵍⵍⵉ ⵉⵙ ⵉⵍⵍⴰ ⵓⵙⵏⴼⵍ ⵏⵏⵙ ⴷ ⵓⵙⵖⴷⵓ ⵏⵏⵙ.
ⴳ ⵓⵏⵎⵓⴳⴳⴰⵔ ⴰⴷ, ⵢⵉⵡⵉⵏ ⴷ ⵅⴼ ⵜⵉⵎⴳⴳⵉⵢⵉⵏ ⵜⵉⴷⵙⵍⴰⵏⵉⵏ ⵍⵍⵉ ⵉⵙⴽⵔ ⵓⴳⵔⴰⵡ ⴳ ⵓⵙⴳⴳⵯⴰⵙ ⵏ 2024, ⵍⵍⵉ ⵉⵙⵎⴰⴷⵏ ⴰⵎⵙⴰⵙⴰ ⵏ ⵓⵏⴳⵔⴰⵡ ⴰⵏⴰⵎⵓⵔ ⵏ ⵓⵙⴱⴷⴷⵉ ⵏ ⵜⵓⴽⵕⴹⴰ ⴷ ⴰⵙⵉⵎⵍⵓⵍ ⵏ ⵉⴷⵔⵉⵎⵏ ⴷ ⵓⵙⵥⵕⴼ ⵏ ⵓⴱⵔⵙⵉⵡⴷ ⵙ ⵓⵎⵙⴰⵙⴰ ⴰⴽⴷ ⵉⴼⵔⴷⵉⵙⵏ ⵉⴳⵔⴰⵖⵍⴰⵏⵏ ⵏ ⵜⵔⴰⴱⴱⵓⵜ ⵏ ⵜⵡⵓⵔⵉ ⵜⴰⵥⵕⴼⴰⵏⵜ.
ⵉⵥⵍⵉ ⵓⵙⴳⴳⵯⴰⵙ ⵏ 2024 ⵙ ⵓⵙⵖⵥⵏ ⵏ ⵜⵏⴰⴹⵜ ⵜⵉⵙⵙ ⴽⵕⴰⴹⵜ ⵏ ⵓⵙⴳⵎⵉ ⴰⵏⴰⵎⵓⵔ ⵏ ⵉⵎⵉⵣⵉⵜⵏ ⵏ ⵓⵙⵉⵔⴷ ⵏ ⵉⴷⵔⵉⵎⵏ ⴷ ⵓⴼⵔⴰⵢ ⵏ ⵜⴱⵔⵙⵔⴽⵜ, ⵍⵍⵉ ⴳ ⴷⵔⴰⵏ ⵎⴰⵕⵕⴰ ⵉⵎⴷⵔⴰⵡⵏ ⵉⵏⴰⵎⵓⵔⵏ, ⵙ ⵓⵡⵜⵜⴰⵙ ⵏ ⵓⵙⵡⵓⴷⴷⵓ ⵏ ⵉⵎⵉⵣⵉⵜⵏ ⴷ ⵓⵙⴷⵓⵙ ⵏ ⵓⵔⵎⵎⵓⵙ ⵏ ⵓⵙⴰⵜⵉ ⴰⴷ ⴷⴰⵔ ⵉⴳⵔⴰⵏ ⵓⵣⵍⵉⴳⵏ ⴷ ⵉⵎⴰⵜⴰⵢⵏ. ⵎⴽ ⵍⵍⵉ ⵜⵜⵓⵙⵏⵜⴰ ⵢⴰⵜ ⵜⵡⵉⵍⴰ ⵏ ⵓⵙⵡⵓⵔⵉ ⵜⴰⵣⵡⴰⵔⴰⵏⵜ ⵉ ⵓⵙⴱⵓⵖⵍⵓ ⵏ ⵓⵙⴳⵎⵉ ⴰⵏⴰⵎⵓⵔ ⵍⵍⵉ ⵔⴰⴷ ⵉⵙⴽⵔ ⵍⵎⵖⵔⵉⴱ ⵣⵖ ⵏⵓⵡⴰⵏⴱⵉⵔ 2026.
ⵜⵙⴼⵔⴰ ⵜⵏⴰⴹⵜ ⴰⴷ ⵉⵏⵎⵓⴳⴳⴰⵔⵏ ⵍⵍⵉ ⵜⵜⵓⴳⴰⵏ ⵉ ⵓⵙⵎⴰⵢⵏⵓ ⵏ ⵓⵙⴰⵜⵉ ⴰⵣⵔⴼⴰⵏ, ⵙ ⵓⵙⵎⵓⵜⵜⴳ ⵏ ⴽⵔⴰ ⵏ ⵉⵙⵏⵜⴰⵢⵏ ⵏ ⵉⵙⵍⴳⴰⵏⵏ ⵙ ⵓⵎⵢⴰⵡⴰⵙ ⴷ ⵉⴳⵔⴰⵏ ⵉⵣⴷⵉⵏ, ⵣⵓⵏ ⴷ ⵓⵙⵏⵜⴰⵢ ⵏ ⵓⵙⵍⴳⴰⵏ ⵉⵔⴰⵏ ⴰⴷ ⵉⵙⵎⴰⵢⵏⵓ ⴰⵙⵍⴳⴰⵏ 43.05 ⵉⵥⵍⵉⵏ ⵙ ⵓⵙⴱⴷⴷⵉ ⵏ ⵜⵓⴽⵕⴹⴰ ⴷ ⴰⵙⵉⵎⵍⵓⵍ ⵏ ⵉⴷⵔⵉⵎⵏ ⴷ ⵓⵙⵏⵜⵉ ⵏ ⵓⵙⵍⴳ ⵉⵣⴷⵉⵏ ⴷ ⵉⵙⵓⴳⴰⵎ ⵉⵎⵓⵟⵟⵓⵏⵏ.
ⴳ ⵓⵙⵡⵉⵔ ⵏ ⵜⵡⵡⵓⵔⵉ ⵜⴰⵎⵓⵛⵛⵏⵜ, ⵜⵉⵡⵉ ⴷ ⵜⵏⴰⴹⵜ ⴰⵙⴽⴼⵍ ⵉⵜⵜⴰⵜⵜⵓⵢⵏ ⵏ ⵜⵎⴰⵜⴰⵔⵉⵏ ⵏ ⵜⵡⵡⵓⵔⵉ ⵏ ⵓⴳⵔⴰⵡ ⴳ 2024, ⵎⴽ ⴰⵏⵏ ⴷ ⵜⵓⵜⵔⵉⵡⵉⵏ ⵏ ⵉⵏⵖⵎⵉⵙⵏ ⴳ ⵓⵙⵡⵉⵔ ⴰⵏⴰⵎⵓⵔ ⴷ ⵓⴳⵔⴰⵖⵍⴰⵏ ⴷ ⵓⵙⵉⵡⴹ ⵏ ⵏⵏⵙⵏ ⵉ ⵜⵏⴱⴰⴹⵜ ⵜⴰⵏⵣⵔⴰⴼⵜ ⵉⵥⵍⵉⵏ.
ⴳ ⵓⵙⵡⵉⵔ ⴰⴳⵔⴰⵖⵍⴰⵏ, ⵜⵙⵉⵙⴼⵡ ⵜⵏⴰⴹⵜ ⵜⵓⴳⴳⴰⵙ ⵏ ⵓⵎⵢⴰⵡⴰⵙ ⴰⴽⴷ ⵜⵎⴰⴷⴷⴰⵙⵉⵏ ⵜⵉⴳⵔⴰⵖⵍⴰⵏⵉⵏ ⴷ ⵜⵎⵏⴰⴹⴰⵏⵉⵏ ⵉⵥⵍⵉⵏ, ⵎⵓ ⵉⴳⴰ ⵓⵡⵜⵜⴰⵙ ⵏⵏⵙⵜ ⵓⵙⴷⵓⵙ ⵏ ⵡⴰⴷⴷⴰⴷ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵓⵙⵡⵓⴷⴷⵓ ⵏ ⵜⵎⵢⴰⵇⵇⴰⵏⵉⵏ ⵜⴳⵔⴰⵖⵍⴰⵏⵉⵏ ⴳ ⵉⴳⵔ ⵏ ⵓⵙⴱⴷⴷⵉ ⵏ ⵜⵓⴽⵕⴹⴰ ⴷ ⴰⵙⵉⵎⵍⵓⵍ ⵏ ⵉⴷⵔⵉⵎⵏ ⴷ ⵓⵙⵥⵕⴼ ⵏ ⵓⴱⵔⵙⵉⵡⴷ.
ⵉⴳⴰ ⵓⵏⵎⵓⴳⴳⴰⵔ ⴰⴷ ⵢⴰⵜ ⵜⵎⵍⴷⴰ ⵏ ⵓⵙⴷⵓⵙ ⵏ ⵜⵡⵓⵔⵉ ⵉ ⵓⵙⵔⵓⵙ ⵏ ⵜⴱⵔⵉⴷⵏ ⵏ ⵉⵣⵎⴰⵣ ⴷ ⵉⴷⴷⴰⵏ ⵉⵥⵍⵉⵏ ⵙ ⵓⵙⵜⴰⵍ ⵉⵛⵛⴰⵔⵏ ⵏ ⵓⵏⴳⵔⴰⵡ ⴰⵏⴰⵎⵓⵔ ⴳ ⵜⵙⵓⵜⵍⵜ ⵜⵉⵙ ⴽⵕⴰⴹⵜ ⵙ ⵜⵖⵔⴰⵙⵜ ⵏ ⵓⵙⵓⴼⵖ ⵏ ⵉⴹⵕⵙⵏ ⵓⵙⵍⵉⴳⵏ ⵍⵍⵉ ⵔⴰⴷ ⵉⵙⴱⵓⵖⵍⵓ ⴰⵏⴳⵔⴰⵡ ⴰⵏⴰⵎⵓⵔ ⴷ ⵓⴹⴼⵉⵕ ⵏ ⵓⵣⴷⵓⵢ ⴰⴽⴷ ⵎⴰⵕⵕⴰ ⵉⵎⴷⵔⴰⵡⵏ ⴳ ⵜⵡⵓⵔⵉ ⵏ ⵓⵙⴱⴷⴷⵉ ⵏ ⵉⵏⴰⵥⴰⵕⵏ ⵏ ⵉⵎⴰⵍ ⵏ ⵡⵉⵏ ⵓⵣⵎⵣ ⴰⴷ.
