ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴰⴳⵔⴰⵡ ⵏ ⵜⵙⵇⵇⵉⵎⵜ ⵏ ⵜⵏⴰⵔⴰ ⵏ ⵓⵙⴳⴳⴷ ⵏ ⵓⵏⴳⵔⴰⵡ ⴰⵏⴰⵎⵓⵔ ⵏ ⵜⴷⵓⵙⵉ

ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵓⵛ, ⴰⵙⵙ ⴰⴷ ⴳ ⵕⵕⴱⴰⵟ, ⴰⵙⵙ ⵏ ⵓⴽⵔⴰⵙ 07 ⵢⵏⵏⴰⵢⵔ 2026 ⴳ ⵕⵕⴱⴰⵟ, ⵢⴰⵏ ⵓⴳⵔⴰⵡ ⵏ ⵜⵙⵇⵇⵉⵎⵜ ⵏ ⵜⵏⴰⵔⴰ ⵏ ⵓⵙⴳⴳⴷ ⵏ ⵓⵏⴳⵔⴰⵡ ⴰⵏⴰⵎⵓⵔ ⵏ ⵜⴷⵓⵙⵉ. ⵉⴷⴷⴰ ⴷ ⵓⴳⵔⴰⵡ ⴳ ⵜⵖⵔⴰⵙⵜ ⵏ ⵓⴹⴼⴼⵓⵕ ⵏ ⵓⵣⵣⵓⴳⵣ ⵏ ⵉⴳⵣⵎⴰⵏ ⵏ ⵓⵙⵏⴼⴰⵕ ⴰⴷ ⴰⵙⵜⵔⴰⵜⵉⵊⵉ, ⵍⵍⵉ ⵎⵉ ⵜⵜⵓⴼⴽⴰ ⵜⵎⵍⵍⴰ ⵜⴰⴳⵍⴷⴰⵏⵜ ⵢⴰⵜⵜⵓⵢⵏ ⴷ ⵡⴰⵜⵉⴳ ⴰⵅⴰⵜⴰⵔ, ⵉⴳ ⴰⵡⴷ ⵢⴰⵏ ⵙⴳ ⵉⵙⴳⴳⴷⵏ ⵓⵚⴽⵉⵡⵉⵏ ⵍⵍⵉ ⵜⴳⴳⴰ ⵜⴳⵍⴷⵉⵜ.
ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴳ ⵜⵣⵡⵉⵔⵉ ⵏ ⵓⴳⵔⴰⵡ ⴰⴷ ⵎⴰⵙ ⵜⵙⵓⵍ ⵜⵏⴱⴰⴹⵜ ⴳ ⵓⵙⵎⵓⵙⵙⵓ ⵏⵏⵙ ⴰⵎⴰⴷⴷⴰⵢ ⵙ ⵓⵎⵙⴰⵙⴰ ⴰⴽⴷ ⵜⴰⵔⴰⵜⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ ⵅⴼ ⵓⵚⴽⵓ ⵏ ⵢⴰⵏ ⵓⵏⴳⵔⴰⵡ ⵏ ⵜⴷⵓⵙⵉ ⵉⵎⵓⵏ ⵉⴳⴰⵏ ⴰⵎⵖⵓⴷ ⵉⵕⵡⴰⵏ, ⵍⵍⵉ ⵉⵙⵔⵙⵏ ⵜⴰⴷⵓⵙⵉ ⵏ ⵓⵎⵓⵔⵉ ⴳ ⵜⵖⴰⵡⵙⵉⵡⵉⵏ ⵜⵉⵎⵣⵡⵓⵔⴰ ⵏ ⵜⵡⵓⵔⵉ ⵏⵏⵙ ⴷ ⴰⵢⵍⵍⵉ ⵙ ⵉⵙⵖⴰⵡⵙⴰ ⵓⵣⵎⵣ ⴰⴷ ⴳ ⵜⵖⴹⴼⵜ ⵏⵏⵙ.
ⵉⵙⵎⴰⵢⵏⵓ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴰⵜⵉⴳ ⵏ ⵜⴷⵔⴰⵡⵜ ⵏ ⵉⵎⴷⵔⴰⵡⵏ ⴰⴽⴽⵯ ⴳ ⵓⵙⵡⵉⵔ ⴰⵏⴰⵎⵎⴰⵙ ⴷ ⵓⵙⴳⴰⵡⴰⵏ ⴳ ⵓⵣⵣⵉⴳⵣ ⵏ ⵜⵔⵓⴱⴱⴰ ⵏ ⵜⴷⵓⵙⵉ ⵜⵉⵏⴰⴽⴰⵍⵉⵏ, ⵍⵍⵉ ⵉⴳⴰⵏ ⵢⴰⵏ ⵉⵎⵉⵙ ⴰⴷⵙⵍⴰ ⵏ ⵜⵏⴽⵔⴰ ⵙ ⵓⵏⴳⵔⴰⵡ ⵏ ⵜⴷⵓⵙⵉ ⵜⴰⵏⴰⵎⵓⵔⵜ ⴷ ⵓⵙⵎⵏⵉⴷ ⵏ ⵉⴼⵙⵙⴰⵢⵏ ⵏ ⵓⵙⵡⵓⴷⴷⵓ ⵉⵍⵍⴰⵏ ⴳ ⵢⵉⴳⵔ  ⴰⴷ.
ⵉⵙⴷⴷⵉⴷ ⴰⵡⴷ ⴳ ⵜⴱⵔⵉⴷ ⴰⴷ ⵎⴰⵙ ⵜⴳⴰ ⵜⵎⵢⴰⴷⴰⵙⵜ ⵜⴰⵙⴳⴰⵡⴰⵏⵜ ⵢⴰⵜ ⵜⵓⴳⴳⴰⵙ ⵜⴰⵏⴱⴰⴹⵜ ⵉ ⵓⵙⴷⵓⵙ ⵏ ⵜⵏⴱⴰⴹⵜ ⴳ ⵢⵉⴳⵔ ⵏ ⵜⴷⵓⵙⵉ, ⴷ ⵓⴼⵔⴰⴳ ⵏ ⵜⵎⵢⴰⴷⴰⵙⵜ ⵜⴰⴼⵓⵏⴽⵛⵢⵓⵏⴰⵍⵜ ⴳⵔ ⴽⵓ ⵜⵓⵚⴽⵉⵡⵉⵏ ⵏ ⵜⴷⵓⵙⵉ ⴳ ⴽⵓ ⵜⴰⵙⴳⴰ. ⵉⵖⵔⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴰⵡⴷ ⴰⴷ ⵢⵉⵍⵉ ⵓⵖⴰⵡⵍ ⴳ ⵓⵣⵣⵉⴳⵣ ⵏ ⵉⵙⵏⴼⴰⵕⵏ ⵉⵅⴰⵜⴰⵔⵏ ⵏ ⵜⴷⵓⵙⵉ, ⴳ ⵓⵎⵣⵡⴰⵔⴰ ⵏⵏⵙⵏ ⴰⵚⴽⵓ ⵏ ⵡⴰⵎⵎⴰⵙⵏ ⵉⵙⴳⵏⴰⴼⵏ ⵉⵙⴷⴰⵡⴰⵏⵏ.
ⴳ ⵓⴳⵔⴰⵡ ⴰⴷ, ⵜⵓⴳⴳⴰ ⵜⴹⴼⴼⵓⵕⵜ ⵏ ⵓⵃⵢⵢⵍ ⵏ ⵜⵓⵜⵔⵉⵡⵉⵏ ⵜⵉⵎⵣⵡⵓⵔⴰ ⵉ ⵓⵣⵣⵉⴳⵣ ⵏ ⵎⵔⴰⵡ ⴷ ⵢⴰⵏ  ⵏ ⵜⵔⵓⴱⴱⴰ ⵏ ⵜⴷⵓⵙⵉ ⵜⵉⵏⴰⴽⴰⵍⵉⵏ, ⵍⵍⵉ ⵎⵓ ⵜⵙⵖⵥⵏ ⵜⵏⴱⴰⴹⵜ ⵉⵎⵕⵙⵓⵎⵏ ⵏⵏⵙⵏⵜ ⴷ ⵓⵙⵡⵓⴷⴷⵓ ⵏ ⵜⵡⵓⵔⵉⵡⵉⵏ ⵏⵏⵙⵏⵜ ⴳ ⵓⵙⵇⵇⵉⵎ ⵏ ⵜⵏⴱⴰⴹⵜ ⴳ ⵡⴰⵢⵢⵓⵔ ⵏ ⴷⵓⵊⴰⵏⴱⵉⵔ 2025.
ⵜⵎⴹⴰⴽⴰⵕ ⵜⵙⵇⵇⵉⵎⵜ ⴼ ⵜⵓⴳⵜ ⵏ ⵜⵎⵢⴰⴷⴰⵙⵉⵏ ⵜⵉⵎⴰⴷⴷⴰⵙⵉⵏ ⴷ ⵜⵓⵚⴽⵉⵡⵉⵏ ⵍⵍⵉ ⵔⴰⴷ ⵢⴰⴷⵊ ⴰⵙⵏⵜⵉ ⵏ ⵜⵓⵔⴱⴱⴰ ⴰⴷ, ⵙ ⵜⴷⵔⴰⵡⵜ ⵏ ⵉⵎⴷⵔⴰⵡⵏ ⵉⵏⴰⵎⵓⵏⵏ ⵃⵎⴰ ⴰⴷ ⵢⵉⵍⵉ ⵓⵃⵢⵢⵍ ⴰⵎⴰⵢⵏⵓ ⵏ ⵉⵙⵇⵇⵉⵎⵏ ⵉⵎⵙⵙⵓⴳⴰⵔ ⵏⵏⵙⵏⵜ, ⵉⵍⵉ ⴰⵡⴷ ⵓⵙⵡⵓⴷⴷⵓ ⵏ ⵜⵡⵓⵔⵉⵡⵉⵏ ⵏⵙⵏⵜ ⴳ ⵓⵣⵎⵣ ⴰⵙ.
ⵔⴰⴷ ⴰⵡⵙⵏⵜ ⵜⵔⵓⴱⴱⴰ ⴰⴷ ⵏ ⵜⴷⵙⵉ ⵜⴰⵏⴽⵍⴰⵏⵜ ⴳ ⵓⵙⵔⵓⵙ ⵏ ⵓⵖⴰⵡⴰⵙ ⴰⵙⴳⵡⴰⵏ ⵓⵙⵉⴷⵉⴼ ⵍⵍⵉ ⵢⵓⵇⵇⵔⵏ ⵜⵥⵍⴰⵢⵉⵏ ⵜⵉⵙⴳⴰⵡⴰⵏⵉⵏ ⵜⵉⵏⴰⴽⴰⵍⵉⵏ ⴷ ⵓⵙⵎⵢⴰⵏⴰⵡ ⵏ ⵉⵙⵊⵊⵉⵜⵏ ⴷ ⵓⵙⵖⵓⴷⵓ ⵏ ⵜⴱⵔⵉⴷⵜ ⵏ ⵡⴰⵙⵙⴰⵢ ⴰⴷⵓⵙⴰⵏ. ⵎⵢⴰⵏⵏ ⵔⴰⴷ ⵢⴰⵡⵙ ⴰⵡⴷ ⴳ ⵓⵙⴷⵓⵙ ⵏ ⵜⵏⵓⴼⴰ ⵏ ⴷ ⵓⵙⵖⵓⴷⵓ ⵏ ⵓⴱⵔⵉⴷ ⵏ ⵓⵙⴳⵏⴰⴼ ⵖⵓⵔ ⵉ ⵉⵏⵎⵓⵔⴰⵏ.
ⵉⵍⵍⴰ ⵓⵎⴹⴰⴽⴰⵕ ⴰⵡⴷ  ⴳ ⵓⴳⵔⴰⵡ ⴰⴷ ⵍⵍ ⵉⴳⴰⵏ ⵢⴰⵏ ⵢⴰⵏ ⵓⵣⵎⵣ ⵏ ⵓⴹⴼⴼⵓⵕ ⵏ ⵓⵖⴰⵡⴰⵙ ⵏ ⵓⵎⵙⴰⵙⴰ ⵏ ⵓⵏⴳⵔⴰⵡ ⵏ ⵜⵏⵖⵎⵉⵙⵉⵏ ⵏ ⵜⵎⵔⵙⴰⵍ ⵏ ⵜⴷⵓⵙⵉ ⴳ ⵜⵉⵙⴳⵉⵡⵉⵏ ⴰⴽⴽⵯ ⵏ ⵜⴳⵍⴷⵉⵜ, ⴷ ⵓⴹⴼⴼⵓⵕ ⵏ ⵓⵙⵏⴼⴰⵕ ⵏ ⵓⵖⴰⵡⴰⵙ ⵏ ⵓⵖⴰⵡⵍ ⵉⵥⵍⵉⵏ ⵙ ⵓⵙⴳⴳⴷ ⴷ ⵓⵙⵎⴰⵢⵏⵓ ⵏ ⵓⵖⴰⵡⴰⵙ ⵜⴷⵓⵙⵉ, ⵍⵍⵉ ⵉⵕⵚⴰ ⵅⴼ ⵎⵔⴰⵡ ⵉⵏⵙⵏⴼⵔⵏ ⵉⵅⴰⵜⴰⵔⵏ ⵍⵍⵉ ⵔⴰⴷ ⵢⴰⵡⵙ ⴳ ⵜⵕⵡⵉ ⵏ ⵜⵏⵓⴼⴰ ⵜⵉⴷⵓⵙⴰⵏⵉⵏ ⴳ ⵎⴰ ⵏⵏ ⵓⵔ ⵢⴰⴳⴳⵉⴳⵏ ⴷ ⵓⵙⵡⵓⵔⵉ ⵏ ⵜⵎⵢⵉⵎⴰⵏⵜ ⴳ ⵜⵎⵔⵙⴰⵍ ⵏ ⵜⴷⵓⵙⵉ ⵜⴰⴳⴷⵓⴷⴰⵏⵜ.  
ⵜⵥⵕⴰ ⵜⵙⵇⵇⵉⵎⵜ ⵎⴰⵏⵉ ⵉⵍⴽⵎ ⵓⵣⵣⵉⴳⵣ ⵏ ⵉⵙⵏⴼⴰⵕⵏ ⵉⵥⵍⵉⵏ ⵙ ⵓⵙⵖⵓⴷⵓ ⵏ ⵜⵎⵔⵙⴰⵍ ⵏ ⵜⴷⵓⵙⵉ, ⵔⴰⴷ ⵉⵕⵥⵎ ⵖ ⵎⴰ ⵏⵏ ⵓⵔ ⵢⴰⴳⴳⵓⴳⵏ ⵙⵉⵏ ⵡⴰⵎⵎⴰⵙⵏ ⵉⵙⴳⵏⴰⴼⵏ ⵉⵙⴷⴰⵡⴰⵏⵏ ⴳ ⵍⵄⵢⵓⵏ ⴷ ⵕⵕⴱⴰⵟ ⵔⴰⴷ ⵢⵓⵊⴰⴷ ⴳ ⵓⵙⴳⴳⵯⴰⵙ ⴰⴷ,  ⵖⵉⴽⵍⵍⵉ ⵔⴰⴷ ⵜⴽⵎⵎⵍ ⵜⵓⵚⴽⴰ ⵏ ⵏ ⵎⵔⴰⵡ ⵉⵙⵏⴼⴰⵕⵏ ⵢⴰⴹⵏⵉⵏ ⴳ ⵡⴰⵢⵢⵓⵔ ⵏ ⴱⵕⴰⵢⵕ 2026 ⵙ 1430 ⵏ ⵓⴷⵖⴰⵔ.  ⵔⴰⴷ ⴽⵎⵎⵍⵏⵜ ⵜⵡⵓⵔⵉⵏ ⴰⵡⴷ ⴳ ⵎⵔⴰⵡ ⵏ ⵉⵙⵏⴼⴰⵕⵏ ⵢⴰⴹⵏ ⵔⴰⴷ ⴳ ⵜⴳⵉⵔⴰ ⵏ 2026 ⵙ 1637 ⵏ ⵓⴷⵖⴰⵔ ⵢⴰⴹⵏ.
ⴰⵢⵍⵍⵉ ⵉⵥⵍⵉⵏ ⵙ ⵡⴰⵍⴰⵙ ⵏ ⵓⵙⵖⵓⴷⵓ ⵏ ⵡⴰⵎⵎⴰⵙⵏ ⵏ ⵜⴷⵓⵙⵉ ⵏ ⵜⴰⵎⴰ ⴳ ⵓⵙⵡⵉⵔ ⴰⵏⴰⵎⵓⵔ, ⵉⵍⴽⵎ ⵓⵙⵖⵍ  ⵏ ⵓⵙⵡⵓⴷⴷⵓ ⵎⴰ ⵉⵜⴳⴳⴰⵏ 81%, ⴷⴼⴼⵉⵔ ⵓⵙⵎⴰⵢⵏⵓ ⵏ 1130 ⵏ ⵡⴰⵎⵎⴰⵙ ⵏ ⵜⴷⵓⵙⵉ ⴳ ⵜⴱⵔⵉⴷⵜ ⵏ ⵏ ⵜⵡⵓⵔⵉⵡⵉⵏ ⵏ ⵜⵓⵚⴽⴰ ⵏ 1400 ⵏ ⵏ ⵡⴰⵎⵎⴰⵙ ⵏ ⵜⴷⵓⵙⵉ ⴳ ⵜⴳⵉⵔⴰ ⵏ ⵡⴰⵢⵢⵓⵔ ⴰⴷ ⵏ ⵢⵉⵏⵏⴰⵢⵔ. ⵖⵉⴽⵍⵍⵉ ⵔⴰⴷ ⵢⵉⵍⵉ ⵓⵏⵏⵓⵕⵥⵎ ⵜⴰⵙⵓⵜ ⵜⵉⵙⵙ ⵙⵏⴰⵜ ⵏ ⵓⵖⴰⵡⴰⵙ ⴰⴷ ⵔⴰⴷ ⵉⵙⵏⵜⵉ ⴳ ⵓⵙⴳⴳⵯⴰⵙ ⴰⴷ ⵙ ⵜⵖⴰⵔⴰⵙⵜ ⵏ ⵓⵙⴷⵓⵙ ⴷ ⵓⵙⵎⴰⵢⵏⵓ ⵏ 1600 ⵏ ⵡⴰⵎⵎⴰⵙ ⵏ ⵜⴷⵓⵙⵉ ⵏ ⵜⴰⵎⴰ, ⵙ ⵓⵙⴷⵓⵙ ⵏ 500 ⵏ ⵡⴰⵎⵎⴰⵙ ⴳ ⵓⵙⴳⴳⵯⴰⵙ ⴰⴷ.
ⴷⵔⴰⵏ ⴳ ⵓⴳⵔⴰⵡ ⴰⴷ : ⵎⴰⵙⵙ ⵄⴱⴷⵍⵡⴰⴼⵉ ⵍⴼⵜⵉⵜ, ⴰⵎⴰⵡⵙⴰⵙ ⵏ ⵓⴳⵏⵙⵓ ⴷ ⵎⴰⵙⵙ ⴰⵎⵉⵏ ⵜⵜⴰⵀⵕⴰⵡⵉ, ⴰⵎⴰⵡⵙⴰⵙ ⵏ ⵜⴷⵓⵙⵉ ⴷ ⵡⴰⵔⴰⵢ ⴰⵏⴰⵎⵓⵏ ⴷ ⵎⴰⵙⵙ ⵄⵉⵣⴷⴷⵉⵏ ⵍⵎⵉⴷⴰⵡⵉ, ⴰⵎⴰⵡⵙⴰⵙ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵙⵉⴳⴳⵍ ⴰⵎⴰⵙⵙⴰⵏ ⴷ ⵉⵙⵍⵍⵡⵉ ⴷ ⵎⴰⵙⵙ ⴼⴰⵡⵣⵉ ⵍⵇⵇⵊⵄ, ⴰⵎⴰⵡⵙⴰⵙ ⴰⵎⴰⵔⵉ ⴷⴰⵔ ⵜⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ ⵉⵜⵜⵓⵙⵎⴰⴳⴰⵍⵏ ⵙ ⵜⵎⵙⴰⵙⵍⵜ ⴷ ⵉⵎⵙⵜⴳⴳⴰⵔⵏ ⵏ ⵜⵏⴼⵍⵓⵙⵜ ⵜⴰⵎⴰⵜⵜⴰⵢⵜ ⵏ ⵜⵏⴱⴰⴹⵜ ⴷ ⵎⴰⵙⵙ ⵃⴰⵙⴰⵏ ⴱⵓⴱⵔⵉⴽ, ⴰⵏⵎⵀⴰⵍ ⴰⵎⴰⵜⵜⴰⵢ ⵏ ⵜⴼⵏⵉⵇⵜ ⵜⴰⵏⴰⵎⵓⵔⵜ ⵏ ⵜⵏⴼⵔⵓⵜ ⵜⴰⵏⴰⵎⵓⵏⵜ.