ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⵙⵉⵏⴰⵙ 08 ⵉⵏⵏⴰⵢⵔ 2026
ⵉⵜⵜⴰⵡⵙⴽⴰⵔ, ⴰⵙⵙ ⵏ ⵓⴽⵡⴰⵙ 18 ⵕⴰⵊⴰⴱ 1447 ⵉⵎⵙⴰⵙⴰⵏ ⴰⴽⴷ 08 ⵉⵏⵏⴰⵢⵔ 2026, ⴰⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ. ⵉⵥⵍⵉ ⵓⴳⵔⴰⵡ ⴰⴷ ⵙ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⴷ ⵓⵙⵖⵥⵏ ⵙ ⵢⴰⵜ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ ⴷ ⵓⵎⴹⴰⴽⴰⵕ ⵅⴼ ⵜⵉⵙⵓⵎⴰⵔ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ.
- ⴳ ⵜⵣⵡⴰⵔⵉ ⵏ ⵓⴳⵔⴰⵡ ⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 66.23 ⵉⵥⵍⵉⵏ ⵙ ⵓⵙⵏⵎⴰⵍⴰ ⵏ ⵜⵣⵣⵓⵍⵜ ⵏ ⵜⵎⵙⵜⴰⵏⵜ ⵍⵍⵉⵖ ⴳⵉⵙ ⵍⵍⴰⵏⵜ ⵜⵓⴳⵜ ⵏ ⵜⵏⵏⴰⵢⵉⵏ ⴼⵍⵍⴰⵙ ⵉⵜⵜⴰⵡⵏⵏⴰⵏ, ⵉⵙⵎⵏⵉⴷ ⵜ ⵎⴰⵙⵙ ⴰⵎⴰⵡⴰⵙⴰⵙ ⵏ ⵜⵣⵔⴼⵜ.
- ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.1109 ⵉⵥⵍⵉⵏ ⵙ ⵓⵙⵔⵓⵙ ⵙ ⵓⵙⵔⵓⵙ ⴷ ⵓⵙⵡⵓⴷⴷⵓ ⵏ ⵜⴽⴰⴷⵉⵎⵉⵜ ⵜⴰⵎⵖⵔⵉⴱⵉⵜ ⵏ ⵜⵣⵣⵓⵍⵉⵏ ⵏ ⵜⴰⵢⵍⴰⵏⵉⵏ, ⵉⵙⵎⵏⵉⵜ ⵎⴰⵙⵙ ⴰⵎⴰⵡⵙⴰⵙ ⵏ ⵓⵙⵉⴷⴼ ⴰⴷⵎⵙⴰⵏ, ⵜⴰⵎⵙⵙⵏⵜⵉⵜ ⵜⴰⵎⵥⵢⴰⵏⵜ, ⵓⵙⵡⵓⵔⵉ ⴷ ⵜⵣⵎⵎⴰⵔ.
- ⴹⴰⵕⴰⵜ ⵎⴰⵢⴰⵏⵏ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.632 ⵉⵥⵍⵉⵏ ⵙ ⵓⵙⵔⵓⵙ ⵏ ⵜⵖⵔⴰⴷ ⵅⴼ ⵜⵏⵓⴼⴰ ⵍⵍⵉ ⵜⴼⴽⴰ ⵜⵎⴰⵡⴰⵙⵜ ⵏ ⵜⵎⴰⵍⵍⴰⵢⵜ ⴷ ⵜⵏⵉⴹⵉ ⴷ ⵜⴷⴰⵎⵙⴰ ⵜⴰⵏⴰⵎⵓⵏⵜ ⴷ ⵜⵡⵉⵣⵉ - ⵉⴳⵔ ⵏ ⵜⵎⴰⵍⵍⴰⵢⵜ (ⵜⵉⵎⵔⵙⴰⵍ ⵏ ⵓⵙⵎⵓⵜⵜⴳ ⵏ ⵓⵙⵏⵙⴰⵏ ⴷ ⵜⵎⴰⵍⵍⴰⵢⵜ), ⵜⵙⵎⵏⵉⴷ ⵜ ⵜⵎⴰⵡⵙⴰⵙⵜ ⵏ ⵜⵎⴰⵍⵍⴰⵢⵜ ⴷ ⵜⵏⵉⴹⵉ ⴷ ⵜⴷⴰⵎⵙⴰ ⵜⴰⵏⴰⵎⵓⵏⵜ ⴷ ⵜⵡⵉⵣⵉ.
ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵉⵡⵓⵔⵉⵡⵉⵏ ⵏⵏⵙ ⵙ ⵓⵙⵖⵎⵙ ⵅⴼ ⵜⵎⵢⴰⵇⵇⴰⵏⵜ ⵏⴳⵔ ⵜⴳⵍⴷⵉⵜ ⵍⵎⵖⵔⵉⴱ ⴷ ⴷ ⵜⵏⴱⴰⴹⵜ ⵏ ⵓⴽⵕⴰⵏⵢⴰ ⴼ ⵡⴰⵙⵙⴰⵢ ⴰⴳⵔⴰⵖⴰⵍⴰⵏ ⵙ ⵉⴱⵔⵉⴷⵏ, ⵍⵍⵉ ⵉⵜⵜⵓⵙⴳⵎⴰⴹⵏ ⴳ ⵉⵙⵟⴰⵏⴱⵓⵍ ⴳ 28 ⵢⵓⵏⵢⵓ 2025, ⴷ ⵓⵙⵏⵜⵉ ⵏ ⵓⵙⵍⴳⴰⵏ ⵓⵟⵟⵓⵏ 064.25 ⵍⵍⵉ ⵙ ⵉⵙⵖⵥⵏ ⵜⵎⵢⴰⵇⵇⴰⵏⵜ ⴰⴷ, ⵉⵜⵙⵎⵏⵉⴷ ⵜⵏ ⵎⴰⵙⵙ ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⵏ ⵉⴼⵕⵉⵇⵢⴰ ⴷ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ.
ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵙⴰⵙⴰ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ :
- ⴳ ⵓⵙⵡⵉⵔ ⵏ ⵜⵎⴰⵡⴰⵙⵜ ⵏ ⵓⵙⵎⴰⵔ ⵏ ⵡⴰⴽⴰⵍ ⴰⵏⴰⵎⵓⵔ, ⵓⵙⵖⵔⵎ ⴷ ⵓⵣⴷⴷⵓⵖ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ, ⵜⴻⵜⵜⵓⵙⵏⵎⴰⵍⴰ :
- ⵎⴰⵙⵙⴰ ⵅⴰⴷⵉⵊⴰ ⵙⵇⴰⵎ, ⵜⴰⵏⵎⵀⴰⵍⵜ ⵏ ⵜⵙⵏⵓⵔⴰⵢⵜ ⵜⴰⵖⵔⵎⴰⵏⵜ ⵏ ⵍⵅⵎⵉⵙⴰⵜ.
- ⴳ ⵓⵙⵡⵉⵔ ⵏ ⵜⵎⴰⵡⴰⵙⵜ ⵏ ⵓⵙⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵉⵙⵍⵍⵡⵉ, ⵜⵜⵓⵙⵎⵍⴰⵏ :
- ⵎⴰⵙⵙ ⴱⵓⵛⵜⴰ ⵍⵎⵓⵎⵏⵉ, ⴰⵏⵙⵙⵉⵅⴼⵏ ⵜⵙⴷⴰⵡⵉⵜ ⵏ ⵄⴰⴱⴷⵍⵎⴰⵍⵉⴽ ⵙⵙⴰⵄⴷⵉ ⴳ ⵜⵉⵟⵟⴰⵡⵉⵏ ;
- ⵎⴰⵙⵙ ⴱⵓⵛⵄⴰⵢⴱ ⴱⵏⵛⵔⵇⵉ, ⴰⵏⵎⵀⴰⵍ ⵏ ⵓⵙⵉⵏⴰⴳ ⴰⵏⴰⴼⵍⴰ ⵏ ⵜⵎⴰⵙⵙⴰⵏⵉⵏ ⵏ ⵜⵓⵏⵏⵓⵏⵜ ⴳ ⵙⵟⵟⴰⵜ ;
- ⵎⴰⵙⵙ ⵅⴰⵍⵉⴷ ⵔⵣⵇ, ⴰⵏⴱⴷⴰⴷ ⵏ ⵜⵖⵉⵡⴰⵏⵜ ⵏ ⵜⵓⵜⵍⴰⵢⵉⵏ ⴷ ⵜⵥⵓⵔⵉⵡⵉⵏ ⴷ ⵜⵎⴰⵙⵙⴰⵏⵉⵏ ⵜⵉⵏⴼⴳⴰⵏⵉⵏ ⴳ ⵙⵟⵟⴰⵜ.
- ⴳ ⵓⵙⵡⵉⵔ ⵏ ⵜⵎⴰⵡⴰⵙⵜ ⵏ ⵓⵡⵇⵇⵓⵎ ⴷ ⵡⴰⵎⴰⵏ, ⵜⵜⵓⵙⵏⵎⴰⵍⴰⵏ :
- ⵎⴰⵙⵙ ⵚⴰⵍⴰⵃⴷⴷⵉⵏ ⴷⴷⵀⴱⵉ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵓⵜⵡⴰⵍ ⵏ ⵡⴰⵎⴰⵏ ;
- ⵎⴰⵙⵙ ⵍⵃⴰⵙⴰⵏ ⵎⵄⵣⵉⵣⵉ, ⴰⵏⵎⵀⴰⵍ ⵏ ⵉⵙⵓⴳⴰⵎ ⵉⵏⴰⴼⴳⴰⵏⵏ ;
- ⵎⴰⵙⵙ ⵔⴰⵛⵉⴷ ⵎⴷⴷⴰⵃ, ⴰⵏⵎⵀⴰⵍ ⵏ ⵉⵙⵎⵙⵙⵏ ⵏ ⵡⴰⵎⴰⵏ.
- ⴳ ⵓⵙⵡⵉⵔ ⵏ ⵜⵎⴰⵡⴰⵙⵜ ⵏ ⵓⵙⵉⴷⴼ ⴰⴷⵎⵙⴰⵏ ⴷ ⵜⵎⵙⵙⵏⵜⵉⵜ ⵜⴰⵎⵥⵢⴰⵏⵜ ⴷ ⵓⵙⵡⵓⵔⵉ ⴷ ⵜⵣⵎⵎⴰⵔ, ⵜⴻⵜⵜⵓⵙⵏⵎⴰⵍⴰ :
- ⵎⴰⵙⵙⴰ ⵡⴰⴼⴰⵄ ⵄⴰⵚⵔⵉ, ⵜⴰⵏⴼⵍⵓⵙⵜ ⵜⴰⵎⴰⵜⴰⵢⵜ ⴳ ⵢⵉⴳⵔ ⵏ ⵓⵙⵎⵓⵜⵜⴳ ⴰⵣⵣⵓⵍⴰⵏ.
