ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ ⵏ 15 ⵢⴰⵏⵏⴰⵢⵔ 2026
ⵉⵜⵜⴰⵡⵙⴽⴰⵔ ⴰⵙⵙ ⵏ ⵓⴽⵡⴰⵙ 25 ⵕⴰⵊⴰⴱ 1447, ⵉⵎⵙⴰⵙⴰⵏ ⴷ 15 ⵢⴰⵏⵏⴰⵢⵔ 2026, ⴰⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ. ⵉⵥⵍⵉ ⵓⴳⵔⴰⵡ ⴰⴷ ⵙ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⴷ ⵓⵙⵖⵥⵏ ⵙ ⵢⴰⵜ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ ⴷ ⵓⵎⴹⴰⴽⴰⵕ ⵅⴼ ⵜⵉⵙⵓⵎⴰⵔ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ.
- ⴳ ⵜⵣⵡⴰⵔⵉ ⵏ ⵓⴳⵔⴰⵡ ⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 22.25 ⵉⵥⵍⵉⵏ ⵙ ⵓⵙⵖⵥⵏ ⵏ ⵜⵎⵔⵙⴰⵍ ⵏ ⵓⵙⵜⴰⵍ ⵏ ⵓⵎⵙⴰⵙⴰ, ⵉⵙⵎⵏⵉⴷ ⵜ ⵎⴰⵙⵙ ⴰⵎⴰⵡⵙⴰⵙ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ.
- ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⵙⵉⵏ ⵉⵙⵏⵜⴰⵢ ⵉⵎⵕⵙⵓⵎⵏ ⵉⵥⵍⵉⵏ ⵙ ⵓⵣⵣⴳⵉⵔ ⵏ ⵜⴰⵏⴰⴹⵜ ⵜⴰⴳⵍⴷⴰⵏⵜ ⵢⴰⵜⵜⵓⵢⵏ ⵉⵙⵔⵓⵙ ⵏ ⵡⴰⵙⵙ ⵏ 31 ⴽⵜⵓⴱⵔ ⴳ ⴽⵓ ⴰⵙⴳⴳⵯⴰⵙ ⴷ ⵜⴰⴼⵓⴳⵍⴰ ⵜⴰⵏⴰⵎⵓⵔⵜ ⵙ ⵢⵉⵙⵎ " ⴰⵙⵙ ⵜⴰⵎⵓⵏⵜ". ⵥⵍⵉⵏ ⵙ :
- ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.26.14 ⵉⵙⵖⴷⴰⵏ ⴰⵎⵕⵙⵓⵎ ⵓⵟⵟⵓⵏ2.04.426 ⵍⵍⵉ ⴷ ⵉⴼⴼⴰⵖⵏ ⴳ ⴷⵉⵍⵇⵄⴷⴰ 1425 (29 ⴷⵓⵊⴰⵏⴱⵉⵔ 2004) ⵉⵥⵍⵉⵏ ⵙ ⵓⵙⵏⵎⴰⵍⴰ ⵏ ⵓⵙⴷⴷⵉ ⵏ ⵡⵓⵙⵙⴰⵏ ⵏ ⵜⴼⵓⴳⵍⵉⵡⵉⵏ ⵉⵍⵍⴰⵏ ⵙ ⵜⵖⵔⴰⴷ ⴳ ⵉⵎⵓⵙⵙⵓⵜⵏ ⵉⵏⴼⵍⴰⵃⴰⵏ ⴷ ⵡⴰⵔ ⵉⵏⴼⵍⴰⵃⵏ, ⵉⵙⵎⵏⵉⴷ ⵜ ⵎⴰⵙⵙ ⴰⵎⴰⵡⵙⴰⵙ ⵏ ⵓⵙⵉⴷⴼ ⴰⴷⴰⵎⵙⴰⵏ ⴷ ⵜⵎⵙⵙⵏⵜⵉⵜ ⵜⴰⵎⵥⵢⴰⵏⵜ ⴷ ⵓⵙⵡⵓⵔⵉ ⴷ ⵜⵎⵙⵙⵓⴳⴰⵔ.
- ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.1140 ⵉⵙⵖⴷⴰⵏ ⴰⵎⵕⵙⵓⵎ ⵓⵟⵟⵓⵏ 2.77.169 ⵍⵍⵉ ⴷ ⵉⴼⴼⴰⵖⵏ 9 ⵔⴰⴱⵉⵄ ⴰⵎⵣⵡⴰⵔⵓ 1397 (28 ⴱⵕⴰⵢⵔ 1977) ⵉⵥⵍⵉⵏ ⵙ ⵓⵙⵏⵎⴰⵍⴰ ⵏ ⵓⵙⴷⴷⵉ ⵏ ⵡⵓⵙⵙⴰⵏ ⵏ ⵓⵙⵓⵏⴼⵓ ⴳ ⵜⵎⵙⵙⵓⴳⴰⵔ ⵜⵉⴳⴷⵓⴷⴰⵏⵉⵏ ⴷ ⵜⵎⵔⵙⴰⵍ ⵜⵉⴳⴷⵓⴷⴰⵏⵉⵏ ⴷ ⵜⵏⵓⴼⴰ ⵢⴰⵜⵜⵓⵢⵏ, ⵜⵙⵎⵏⵉⴷ ⵜ ⵜⴰⵎⴰⵡⵙⴰⵙⵜ ⵜⴰⵎⵔⵉⵜ ⵖⵓⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵎⵓⵜⵜⵉ ⵎⴰⵟⵟⵓⵏ ⴷ ⵓⵙⴳⴳⴷ ⵏ ⵜⵎⵙⵙⵓⴳⵓⵔⵜ.
- ⵉⵣⵔⵉ ⵓⵙⵇⵇⵉⵎ ⵏ ⵜⵏⴱⴰⴹⵜ ⵙ ⵓⵎⴹⴰⴽⴰⵔ ⴷ ⵓⵙⵖⵥⵏ ⵅⴼ ⵜⵥⴰ ⵏ ⵉⵙⵏⵜⴰⵢⵏ ⵉⵎⵕⴰⵙⵓⵎⵏ ⵉⵣⴷⵉⵏ ⴷ ⵓⵙⵎⴰⵢⵏⵓ ⵏ ⵜⵓⵔⴰⴳⵉⵏ ⵉⵜⵜⴰⵡⴼⴽⴰⵏ ⵉ ⵎⵏⵏⴰⵡⵜ ⵏ ⵜⵎⵙⵙⵏⵜⴰⵢ ⵍⵍⵉ ⵢⴰⴽⴽⴰⵏ ⵜⵉⵏⵓⴼⴰ ⵏ ⵓⵎⵢⴰⵡⴰⴹ ⵙ ⵜⵖⵔⴰⵜⵙ ⵏ ⵉⵙⴰⵜⵉⵍⵏ, ⵜⵙⵎⵏⵉⴷ ⵜⵏ ⵜⴰⵎⴰⵡⵙⴰⵙⵜ ⵜⴰⵎⵔⵉⵜ ⵖⵓⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵎⵓⵜⵜⵉ ⵎⴰⵟⵟⵓⵏ ⴷ ⵓⵙⴳⴳⴷ ⵏ ⵜⵎⵙⵙⵓⴳⵓⵔⵜ, ⵥⵍⵉⵏ ⵙ :
- ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.902 ⵙ ⵓⵙⵎⴰⵢⵏⵓ ⵏ ⵜⵓⵔⴰⴳⵜ ⵉⵜⵜⵓⴼⴽⴰⵏ ⵉ ⵜⵎⵙⵙⵓⵔⵜ "ⵉⵜⵜⵉⵚⴰⵍⴰⵜ ⵍⵎⵖⵔⵉⴱ" ⴳ ⵜⵉⴽⴽⵉ ⵏ ⵜⵉⵏⵓⴼⴰ ⵏ ⵓⵎⵢⴰⵡⴰⴹ ⵙ ⵜⵖⵔⴰⵜⵙ ⵏ ⵉⵙⴰⵜⵉⵍⵏⵙ ⵉⵙⵡⵓⵔⵉⵏ ⵙ ⵜⵉⴽⵏⵓⵍⵓⵊⵉⵢⵉⵏ ⵏ ⵡⴰⵏⴰⵡ VSAT ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ;
- ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.903 ⵙ ⵓⵙⵎⴰⵢⵏⵓ ⵏ ⵜⵓⵔⴰⴳⵜ ⵉⵜⵜⵓⴼⴽⴰⵏ ⵉ ⵜⵎⵙⵙⵓⵔⵜ "ⵡⴰⵏⴰ ⴽⵓⵔⴱⵓⵔⵉⵜ" ⴳ ⵜⵉⴽⴽⵉ ⵏ ⵜⵉⵏⵓⴼⴰ ⵏ ⵓⵎⵢⴰⵡⴰⴹ ⵙ ⵜⵖⵔⴰⵜⵙ ⵏ ⵉⵙⴰⵜⵉⵍⵏⵙ ⵉⵙⵡⵓⵔⵉⵏ ⵙ ⵜⵉⴽⵏⵓⵍⵓⵊⵉⵢⵉⵏ ⵏ ⵡⴰⵏⴰⵡ VSAT ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ;
- ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.904 ⵙ ⵓⵙⵎⴰⵢⵏⵓ ⵏ ⵜⵓⵔⴰⴳⵜ ⵉⵜⵜⵓⴼⴽⴰⵏ ⵉ ⵜⵎⵙⵙⵓⵔⵜ "ⴰⵙⵎⵙⴰⵙⴰ ⵏ ⵜⴳⵎⵉ ⵜⴰⵣⴳⵣⴰⵡⵜ" ⴳ ⵜⵉⴽⴽⵉ ⵏ ⵜⵉⵏⵓⴼⴰ ⵏ ⵓⵎⵢⴰⵡⴰⴹ ⵙ ⵜⵖⵔⴰⵜⵙ ⵏ ⵉⵙⴰⵜⵉⵍⵏⵙ ⵉⵙⵡⵓⵔⵉⵏ ⵙ ⵜⵉⴽⵏⵓⵍⵓⵊⵉⵢⵉⵏ ⵏ ⵡⴰⵏⴰⵡ VSAT ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ;
- ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.905 ⵙ ⵓⵙⵎⴰⵢⵏⵓ ⵏ ⵜⵓⵔⴰⴳⵜ ⵉⵜⵜⵓⴼⴽⴰⵏ ⵉ ⵜⵎⵙⵙⵓⵔⵜ "Cires Telecom S.A" ⴳ ⵓⵙⵔⵓⵙ ⴷ ⵓⵙⵢⴰⴼⴰ ⵏ ⵓⵥⵟⵟⴰ ⵏ ⵉⵎⵢⴰⵡⴰⴹⵏ ⵏ ⵕⵕⴰⴷⵢⵓ ⵙ ⵜⵡⵉⵙⵉ ⵏ ⵉⵎⴰⵙⵙⵏ ⵉⵏⴷⵓⴷⴷⵉⵏ ⴰⵏⴰⵡ ⵏ 3RP;
- ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.906 ⵙ ⵓⵙⵎⴰⵢⵏⵓ ⵏ ⵜⵓⵔⴰⴳⵜ ⵉⵜⵜⵓⴼⴽⴰⵏ ⵉ ⵜⵎⵙⵙⵓⵔⵜ Orbcomm Maghreb " ⴳ ⵓⵙⵔⵓⵙ ⴷ ⵓⵙⵢⴰⴼⴰ ⵏ ⵓⵥⵟⵟⴰ ⵏ ⵉⵎⵢⴰⵡⴰⴹⵏ ⵏ ⵙ ⵜⵖⵔⴰⵜⵙ ⵏ ⵉⵙⴰⵜⵉⵍⵏ ⴰⵏⴰⵡ 3RP;
- ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.907 ⵙ ⵓⵙⵎⴰⵢⵏⵓ ⵏ ⵜⵓⵔⴰⴳⵜ ⵉⵜⵜⵓⴼⴽⴰⵏ ⵉ ⵜⵎⵙⵙⵓⵔⵜ "Orbcomm Maghreb" ⴳ ⵓⵙⵔⵓⵙ ⴷ ⵓⵙⵢⴰⴼⴰ ⵏ ⵓⵥⵟⵟⴰ ⵏ ⵉⵎⵢⴰⵡⴰⴹⵏ ⵏ ⵙ ⵜⵖⵔⴰⵜⵙ ⵏ ⵉⵙⴰⵜⵉⵍⵏ ⴰⵏⴰⵡ GMPCS;
- ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.908 ⵙ ⵓⵙⵎⴰⵢⵏⵓ ⵏ ⵜⵓⵔⴰⴳⵜ ⵉⵜⵜⵓⴼⴽⴰⵏ ⵉ ⵜⵎⵙⵙⵓⵔⵜ "Thuraya Maghreb S.A" ⴳ ⵓⵙⵔⵓⵙ ⴷ ⵓⵙⵢⴰⴼⴰ ⵏ ⵓⵥⵟⵟⴰ ⵏ ⵉⵎⵢⴰⵡⴰⴹⵏ ⵏ ⵙ ⵜⵖⵔⴰⵜⵙ ⵏ ⵉⵙⴰⵜⵉⵍⵏ ⴰⵏⴰⵡ GMPCS;
- ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.1106 ⵙ ⵓⵙⵎⴰⵢⵏⵓ ⵏ ⵜⵓⵔⴰⴳⵜ ⵉⵜⵜⵓⴼⴽⴰⵏ ⵉ ⵜⵎⵙⵙⵓⵔⵜ "AL Hourria Telecom" ⴳ ⵓⵙⵔⵓⵙ ⴷ ⵓⵙⵢⴰⴼⴰ ⵏ ⵓⵥⵟⵟⴰ ⵏ ⵉⵎⵢⴰⵡⴰⴹⵏ ⵏ ⵙ ⵜⵖⵔⴰⵜⵙ ⵏ ⵉⵙⴰⵜⵉⵍⵏ ⴰⵏⴰⵡ GMPCS;
- ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.1107 ⵙ ⵓⵙⵎⴰⵢⵏⵓ ⵏ ⵜⵓⵔⴰⴳⵜ ⵉⵜⵜⵓⴼⴽⴰⵏ ⵉ ⵜⵎⵙⵙⵓⵔⵜ "Gulfsat Maghreb" ⴳ ⵓⵙⵔⵓⵙ ⴷ ⵓⵙⵢⴰⴼⴰ ⵏ ⵓⵥⵟⵟⴰ ⵏ ⵉⵎⵢⴰⵡⴰⴹⵏ ⵏ ⵙ ⵜⵖⵔⴰⵜⵙ ⵏ ⵉⵙⴰⵜⵉⵍⵏ ⴰⵏⴰⵡ VSAT;
ⴷⴷⴰⵏⵜ ⵓⵙⵎⴰⵢⵏⵓ ⵏ ⵜⵓⵔⴰⴳⵜ ⵉⵜⵜⵓⴼⴽⴰⵏ ⵉ ⵜⵎⵙⵙⵓⵔⵉⵏ ⴹⵕⴰⵜ ⵍⵍⵉⵖ ⵜⴼⴽⴰ ⵜⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵓⵙⴳⴳⴷ ⵏ ⵉⵎⵢⴰⵡⴰⴹⵏ ⵜⴰⵏⵏⴰⵢⵜ ⵏⵏⵙ ⵅⴼ ⵓⵎⵙⴰⵙⴰ ⵅⴼ ⵜⵓⵜⵔⴰ ⵏ ⵓⵙⵎⴰⵢⵏⵓ ⵏ ⵜⵓⵔⴰⴳⵜ ⵢⵓⴼⴰⵏ ⵍⵍⵉ ⵎⵓ ⵉⵍⵍⴰ ⵓⵙⵡⵓⵓⴷⵓ ⵏⵏⵙ ⴳ ⵓⴳⵔⴰⵡ ⴰⴷ.
ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵉⵡⵓⵔⵉⵡⵉⵏ ⵏⵏⵙ ⵙ ⵓⵙⵖⵎⵙ ⵅⴼ ⵜⵎⵢⴰⵇⵇⴰⵏⵜ ⵅⴼ ⵜⵏⵓⴼⴰ ⵜⴰⵢⵏⴰⵍⵉⵏ ⵏⴳⵔ ⵜⴳⵍⴷⵉⵜ ⵍⵎⵖⵔⵉⴱ ⴷ ⵜⵏⴱⴰⴹⵜ ⵏ ⵜⵏⴱⴰⴹⵜ ⵏ ⵜⴳⴷⵓⴷⴰⵏⵜ ⵏ ⴱⵉⵏⵉⵏ, ⵍⵍⵉ ⵉⵜⵜⵓⵙⴳⵎⴰⴹⵏ ⴳ ⵎⵓⵕⵢⴰⵍ ⴳ 30 ⵛⵓⵜⴰⵏⴱⵉⵔ 2025, ⴷ ⵓⵙⵏⵜⵉ ⵏ ⵓⵙⵍⴳⴰⵏ ⵓⵟⵟⵓⵏ 66.25 ⵍⵍⵉ ⵙ ⵉⵙⵖⵥⵏ ⵜⵎⵢⴰⵇⵇⴰⵏⵜ ⴰⴷ, ⵉⵜⵙⵎⵏⵉⴷ ⵜⵏ ⵎⴰⵙⵙ ⴰⵎⴰⵡⵙⴰⵙ ⵏ ⵡⴰⵙⵙⴰⵢ ⴷ ⵓⵍⵓⵊⵉⵙⵜⵉⴽ ⵙ ⵉⵙⵎ ⵏ ⵓⵎⵡⴰⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⵏ ⵉⴼⵕⵉⵇⵢⴰ ⴷ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ.
ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵙⴰⵙⴰ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ :
- ⴳ ⵜⵎⴰⵡⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ, ⵉⵜⵜⵓⵙⵏⵎⵍⴰ :
- ⵎⴰⵙⵙ ⵄⴰⴷⵉⵍ ⴱⵉⵊⵊⴰ, ⴰⵏⵎⵀⴰⵍ ⵏ ⵓⵎⵃⵉⵣⵡⵔ ⵜⵎⵣⵉⵣⵣⵍⵜ ⴷ ⵡⴰⵜⵉⴳⵏ ⴷ ⵓⵎⵢⴰⵔⴰⵣ ;
- ⴳ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵏⵎⵣⵓ ⴷ ⵜⵓⵏⵏⵓⵏⵜ, ⵜⵜⵓⵙⵎⵍⴰⵏ :
- ⵎⴰⵙⵙ ⵍⵃⴰⵙⴰⵏ ⵅⵓⵢⴰ, ⴰⵏⵎⵀⴰⵍ ⵏ ⵡⴰⵎⵎⴰⵙ ⵏ ⵓⵙⵡⴰⵍⴰ ⴷ ⵓⵙⵖⵉⵡⵙ ⴰⵎⵙⴳⵎⴰⵏ ;
- ⵎⴰⵙⵙⴰ ⵏⴰⴷⵢⴰ ⴱⵓⴹⴰⴹ, ⵜⴰⵎⴳⴳⵉⵡⵙⵜ ⵜⴰⵎⴰⵜⴰⵢⵜ ⵏ ⵜⵡⵓⵔⵉⵡⵉⵏ ⵜⵉⵎⵙⴳⵎⴰⵏⵉⵏ
- ⴳ ⵜⵎⴰⵡⴰⵙⵜ ⵏ ⵓⵙⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵉⵙⵍⵍⵡⵉ, ⵜⵜⵓⵙⵎⵍⴰⵏ :
- ⵎⴰⵙⵙ ⵏⵓⵕⴷⴷⵉⵏ ⵍⵃⵍⵡⵉ, ⴰⵏⴼⵍⵓⵙ ⴰⵎⴰⵜⴰⵢ ;
- ⵎⴰⵙⵙ ⵊⴰⵎⴰⵍ ⵣⴰⵀⵉ, ⴰⵏⴱⴷⴰⴷ ⵏ ⵜⵖⵉⵡⴰⵏⵜ ⵏ ⵜⴷⴰⵎⵙⴰ ⴷ ⵓⵙⵡⵓⴷⴷⵓ ⴳ ⵙⵟⵟⴰⵜ ;
- ⴳ ⵜⵎⴰⵡⴰⵙⵜ ⵏ ⵓⵎⵓⵜⵜⵉ ⴰⵥⴹⴰⵕⴰⵏ ⴷ ⵜⴳⵎⵉ ⵜⴰⵙⵓⵍⴰⵏⵜ, ⵉⵜⵜⵓⵙⵏⵎⴰⵍⴰ :
- ⵎⴰⵙⵙ ⴱⵓⵣⴽⵔⵉ ⵕⵕⴰⵥⵉ, ⴰⵏⴼⵍⵓⵙ ⴰⵎⴰⵜⴰⵢ ;
- ⴳ ⵜⵎⴰⵡⴰⵙⵜ ⵏ ⵏ ⵓⵡⵇⵇⵓⵎ ⴷ ⵡⴰⵎⴰⵏ, ⵜⴻⵜⵜⵓⵙⵏⵎⴰⵍⴰ :
- ⵎⴰⵙⵙⴰ ⵃⴰⵏⴰⵏ ⴱⴰⵖⴷⴰⴷ, ⵜⴰⵏⵎⵀⴰⵍⵜ ⵏ ⵓⵔⵣⵣⵓ ⴷ ⵓⵙⵖⵉⵡⵙ ⵏ ⵡⴰⵎⴰⵏ.
- ⵎⴰⵙⵙⴰ ⵃⴰⵏⴰⵏ ⴱⴰⵖⴷⴰⴷ, ⵜⴰⵏⵎⵀⴰⵍⵜ ⵏ ⵓⵔⵣⵣⵓ ⴷ ⵓⵙⵖⵉⵡⵙ ⵏ ⵡⴰⵎⴰⵏ.
