ⵉⵎⴹⴰⴽⴰⵕ ⵓⵏⵙⵙⵉⵅ ⵏ ⵜⵏⴱⴰⴹⵜ ⴷ ⵓⵏⴳⴳⵓ ⵏ ⵙⵙⵉⵏⵉⴳⴰⵍ
ⵉⴳⴰ ⵓⵏⵙⵙⵉⵅ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⵏ ⵓⵙⵢⵏⴰⵙ 26 ⵉⵏⵏⴰⵢⵔ 2026 ⴳ ⵕⵕⴱⴰⵟ, ⵉⵎⴹⴰⴽⴰⵕⵏ ⴷ ⵓⵏⴳⴳⵓ ⵏ ⵙⵙⵉⵏⵉⴳⴰⵍ ⵎⴰⵙⵙ ⵓⵙⵎⴰⵏ ⵙⵓⵏⴽⵓ, ⵍⵍⵉ ⵉⵙⴽⵔⵏ ⵢⴰⵜ ⵜⵔⵣⵣⵉⴼⵜ ⵏ ⵜⵡⵓⵔⵉ ⵙ ⵍⵎⵖⵔⵉⴱ, ⴳ ⵓⵙⴰⵜⵉ ⵏ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⵜⵉⵙⵙ 15 ⵏ ⵜⵙⵇⵇⵉⵎⵜ ⵜⴰⵏⴰⴼⵍⵍⴰⵜ ⵜⴰⵎⵙⵎⵓⵏⵜ ⵏ ⵜⵎⴷⵔⴰⵡⵜ ⵜⴰⵎⵖⵔⵉⴱⵉⵜ ⵜⴰⵙⵉⵏⵉⴳⴰⵍⵉⵜ, ⵙ ⵓⴷⵔⴰⵡ ⵏ ⵓⵎⵡⴰⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵢⵏ ⵉⵎⵣⴷⴰⵖ ⵏ ⴱⵕⵕⴰ ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴷ ⵓⵎⵙⵇⴰⴷ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵜⴳⴷⵓⴷⴰⵏⵜ ⵏ ⵙⵙⵉⵏⵉⴳⴰⵍ ⵎⴰⵙⵙ ⵃⴰⵙⴰⵏ ⵏⵏⴰⵚⵉⵕⵉ.
ⵙⴷⴷⵉⴷⵏ ⵉⵎⴰⵙⴰⵢⵏ ⵙ ⵙⵉⵏ ⴳ ⵉⵎⴹⴰⴽⴰⵔⵏ ⴰⴷ ⵅⴼ ⵜⴰⵔⴰⵜⵉⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴳⴷⵓⴷⴰⵏⵜ ⵏ ⵙⵉⵏⵉⴳⴰⵍ ⴳ ⵓⵙⵡⵓⴷⴷⵓ ⵏ ⵜⵡⵉⵙⵉ ⵜⴰⵎⴳⵔⵓⵜ ⴳ ⵎⵏⵏⴰⵡ ⵉⵙⵡⵉⵔⵏ ⵙ ⵜⵖⵔⴰⵙⵜ ⵏ ⵉⵥⵉⵕⵏ ⵉⵏⵎⵖⵓⵔⵏ ⵏ ⵙⵏⴰⵜ ⵜⵎⵉⵣⴰⵔ, ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵔⴱⴱⵉ ⴷ ⵓⵏⵙⵙⵉⵅⴼ ⵙⵙⵉⵏⵉⴳⴰⵍ ⴱⴰⵙⵉⵕⵓ ⴷⵢⵓⵎⴰⵢ ⴼⴰⵢ.
ⵖⵉⴽⵍⵍⵉ ⵙⴷⴷⵉⴷⵏ ⵉⵎⴰⵙⴰⵢⵏ ⵙ ⵙⵉⵏ ⵎⴰ ⵙ ⵔⴰⴷ ⵇⵇⵉⵎⵏ ⵍⵎⵖⵔⵉⴱ ⴷ ⵙⵙⵉⵏⵉⴳⴰⵍ ⴳ ⵡⴰⵎⵎⴰⵙ ⵏ ⵜⴳⵎⴰⵜ ⴷ ⵜⵉⴷⴷⵓⴽⴽⵯⵍⴰ ⴷ ⵜⵡⵉⵣⵉ ⵏ ⵓⵡⵡⵇⵔ ⵉⴳⴰⵏ ⵜⵢⴰⴼⵓⵜ ⵏ ⵉⴼⵔⵉⵇⵢⴰ, ⴷ ⵓⵙⵎⵖⵔ ⵙ ⵜⵎⴳⵔⴰⵡⵜ ⵜⴰⵎⵖⵔⵉⴱⵉⵜ ⵉⵍⵍⴰⵏ ⴳ ⵙⵉⵏⵉⴳⴰⵍ, ⴷ ⵜⵎⴳⵔⴰⵡⵜ ⵜⴰⵙⵉⵏⵉⴳⴰⵍⵉⵜ ⵉⵍⵍⴰⵏ ⴳ ⵍⵎⵖⵔⵉⴱ, ⴳ ⵓⵙⵖⵓⴷⵓ ⵏ ⵜⵎⴷⵔⴰⵡⵜ ⵉⵥⵍⵉⵏ ⵏⴳⵔ ⵜⵎⵉⵣⴰⵔ ⵙⵏⴰⵜ.
ⵉⵙⵎⵔⵖ ⵓⵏⵙⵙⵉⵅ ⵏ ⵜⵏⴱⴰⴹⵜ ⵙ ⵉⵣⴷⴰⵢⵏ ⵉⵏⴼⴳⴰⵏⵏ ⴷ ⵉⵙⴳⴷⴰⵏⵏ ⴷ ⵉⴷⴰⵎⵙⴰⵏⵏ ⵍⵍⵉ ⵉⵙⵎⵓⵏⵏ ⵜⵎⵉⵣⴰⵔ ⵙ ⵙⵏⴰⵜ, ⵍⵍⵉ ⵓⵔ ⵉⵏⵜⵉⵍⵏ ⵉ ⵜⵉⵟⵟ ⴳ ⵜⴰⵎⵜ ⵜⵔⵣⵣⴰⴼ ⵍⵍⵉ ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⴰⴷ ⵜ ⵉⵃⴼⴹ ⵙ ⵙⵙⵉⵏⵉⴳⴰⵍ. ⵉⴱⴷⵔ ⴰⵡⴷ ⵜⵎⴳⵔⴰⵡⵜ ⵜⴰⴷⵙⵍⴰⵏⵜ ⵍⵍⵉ ⵜⵙⴽⵔ ⵜⴳⴷⵓⴷⴰⵏⵜ ⵏ ⵙⵙⵉⵏⵉⴳⴰⵍ ⴳ ⵜⵎⵙⵙⵏⵜⵉⵜⵉⵏ ⵜⵉⴳⵍⴷⴰⵏⵉⵏ ⵍⵍⵉ ⵉⵔⴰⵏ ⴰⵙⴷⵓⵙ ⵏ ⵜⴳⵎⵉ ⴳ ⵉⴼⵔⵉⵇⵢⴰ, ⵙⵍⴰⵀⴰⵡⴰⵏ ⴰⴽⴽⵯ ⵜⴰⵎⵙⵙⵏⵜⵉⵜ ⵜⴰⴳⵍⴷⴰⵏⵜ ⵏ ⵓⵙⴷⵓⵙ ⵏ ⵓⵙⵉⴷⴼ ⵏ ⵜⵎⵉⵣⴰⵔ ⵏ ⵙⵙⴰⵃⵉⵍ ⵙ ⵓⴳⴰⵔⵓ ⴰⵟⵍⴰⵏⵟⵉ.
ⵉⴳⴰ ⵓⵍⵎⵓⵇⵇⴰⵕ ⴰⴷ ⵢⴰⵏ ⵓⵣⵎⵣ ⵍⵍⵉⵖ ⴱⵉⴷⴷⵏ ⵅⴼ ⵓⵙⵎⵓⵜⵜⴳ ⴰⵎⵢⴰⵏⴰⵡ ⵍⵍⵉ ⵉⵍⵍⴰⵏ ⴳ ⵏ ⵜⵔⵣⵣⵉⴼⵉⵏ ⵜⵉⵎⴰⵡⵙⴰⵙⵉⵏ, ⴷ ⵓⵙⵖⵓⴷⵓ ⵏ ⵓⵙⴰⵜⵉ ⵓⵍⴳⵉⵏ ⵍⵍⵉ ⵉⵙⵡⵓⴷⴷⵓⵏ ⴰⵎⵢⴰⵡⴰⵙ ⴰⵙⵉⵏⵔⴰⵏ, ⵓⵍⴰ ⴰⵡⴷ ⴰⵙⴷⵓⵙ ⵏ ⵜⵎⴷⵔⴰⵡⵜ ⵜⴰⴷⴰⵎⵙⴰⵏⵜ ⴷ ⵓⵙⵙⴰⵔⵓ, ⵣⴳ ⵍⵍⵉⴳ ⵉⴳⴰ ⵎⴰⵙⵙ ⴱⴰⵙⵉⵔⵓ ⴷⵢⵓⵎⴰⵢ ⴰⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⵙⵙⵉⵏⵉⴳⴰⵍ.
ⵜⴳⴰ ⵜⵙⵓⵜⵍⵜ ⵜⵉⵙⵙ 15 ⵏ ⵜⵙⵇⵇⵉⵎⵓ ⵜⴰⵎⴰⵜⵜⴰⵢⵜ ⵜⴰⵎⵙⵎⵓⵏⵜ ⵏ ⵜⵎⴷⵔⴰⵡⵜ ⵜⴰⵎⵖⵔⵉⴱⵉⵜ ⵜⴰⵙⵉⵏⵉⴳⴰⵍⵉⵜ, ⵢⴰⵏ ⵓⵣⵎⵣ ⵉⵥⵉⵍⵏ ⵏ ⵓⵙⵖⵓⴷⵓ ⵉ ⵓⵙⴷⵓⵙ ⵏ ⵓⵎⵢⴰⵡⴰⵙ ⴳ ⵉⴳⵔⴰⵏ ⵏⴳⵔ ⵜⵎⵉⵣⴰⵔ ⵙ ⵙⵏⴰⵜ, ⵙ ⵓⵙⵔⵓⵙ ⵏ ⵉⵙⵏⴼⴰⵕⵏ ⵉⴷⵙⵍⴰⵏⵏ ⴳ ⵉⴳⵔⴰⵏ ⵏ ⵜⴼⵍⵍⴰⵃⵜ ⴷ ⵜⴰⵥⴹⴰⵕⵜⴷ ⵜⵙⴱⴱⴰⴱⵜ ⴷ ⵜⴷⴰⵎⵙⴰ ⵜⴰⵎⴰⵟⵟⵓⵏⵜ ⴷ ⵡⵉⵢⵢⴰⴹ.
