ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 5 ⴱⵕⴰⵢⵕ 2026
ⵉⵜⵜⴰⵡⵙⴽⴰⵔ ⴰⵙⵙ ⵏ ⵓⵙⵉⵎⵡⴰⵙ ⵓⴽⵡⴰⵙ 16 ⵏ ⵛⴰⵄⴱⴰⵏ 1447, ⵉⵎⵙⴰⵙⴰⵏ ⴷ 5 ⴱⵕⴰⵢⵕ 2026, ⴰⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ. ⵉⵥⵍⵉ ⵓⴳⵔⴰⵡ ⴰⴷ ⵙ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⴷ ⵓⵙⵖⵥⵏ ⵙ ⵢⴰⵜ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ ⴷ ⵓⵎⴹⴰⴽⴰⵕ ⵅⴼ ⵜⵉⵙⵓⵎⴰⵔ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ.
ⴳ ⵜⵣⵡⴰⵔⵉ ⵏ ⵓⴳⵔⴰⵡ ⴰⴷ, ⵢⵓⴳⴳⴰ ⵏⵏ ⵓⵙⵇⵇⵉⵎ ⵏ ⵜⵏⴱⴱⴰⴹⵜ ⵙ ⵉⵏⵖⵎⵉⵙⵏ ⵉⵣⵍⵉⵏ ⵙ ⵓⵙⵏⵜⵍ ⵏ ⵉⵏⴳⴰⵢⵏ ⵍⵍⵉ ⵉⵍⵍⴰⵏ ⴳ ⵎⵏⵏⴰⵡⵜ ⵜⵙⴳⴳⵉⵡⵉⵏ ⵏ ⵜⴳⵍⴷⵉⵜ. ⴳ ⵓⵣⵎⵣ ⴰⴷ, ⵉⵙⵏⵉⵎⵎⵔ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴱⴰⴹⵜ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⵅⴼ ⵜⴽⵙⵙⴰ ⴷ ⵡⴰⵏⵏⴰⵍ ⵏⵏⵙ ⵉ ⵓⵙⵉⴷⴼ ⴰⵎⵙⵉⵔⵉ ⵏ ⵜⴰⴳⴳⴰⵍⵉⵏ ⵜⵉⵍⴰⴼⵉⵏ ⵜⴳⵍⴷⴰⵏⵉⵏ, ⵙ ⵓⵣⴷⴷⵓⵢ ⴷ ⵓⵎⵢⴰⵡⴰⵙ ⴷ ⵎⴰⵕⵕⴰ ⵉⵎⵙⴽⴰⵔⵏ ⴷ ⵉⵎⴷⵔⴰⵡⵏ ⴳ ⵓⵙⵡⵓⴷⴷⵓ ⵏ ⵓⵙⵎⵓⵜⵜⵉ ⵏ ⵉⵏⵎⵓⵔⴰⵏ.
ⵜⵙⵓⵍ ⵜⵏⴱⴱⴰⴹⵜ ⴰⵔ ⵜⴹⴹⴼⴰⵕ ⴰⴷⴷⴰⴷ ⴰⴷ ⵙ ⵓⴽⵙⵙⴰⵢ, ⵜⴱⵉⴽⴽⵙ ⵜⵓⴳⴳⴰⵙ ⵏⵏⵙ ⴼⴰⴷ ⴰⴷ ⵜⵙⴽⵔ ⵜⵓⴳⵜ ⵏ ⵜⵎⴳⴳⵉⵢⵉⵏ ⴳ ⵜⵎⵏⴰⴹⵉⵏ ⴰⴽⴽⵯ ⵉⵥⵍⵉⵏ ⵙ ⵓⵙⴷⴰⵡ ⴰⴷ. ⵖⵉⴽⵍⵍⵉ ⴰⵔ ⵜⵙⵎⵖⵓⵔ ⵜⵏⴱⴱⴰⴹⵜ ⵜⵉⵡⵉⵙⵉⵡⵉⵏ ⵍⵍⵉ ⵏⵏ ⴳⴰⵏⵜ ⵜⴰⴳⴳⴰⵍⵉⵏ ⵜⵉⵍⴰⴼⵉⵏ ⵜⴳⵍⴷⴰⵏⵉⵏ ⴷ ⵏ ⵜⵊⴹⵕⵎⵜⵏ ⵜⴰⴳⵍⴷⴰⵏⵜ ⴷ ⵜⴰⵏⴼⵔⵓⵜ ⵜⴰⴽⵎⴰⵎⵜ ⴷ ⵜⴰⴳⴳⴰⵍⵉⵏ ⵏ ⵜⵡⵉⵙⵉ ⴷ ⵜⵏⴱⴰⴹⵉⵏ ⵜⵉⴳⴷⵓⴷⴰⵏⵉⵏ ⵃⵎⴰ ⴰⴷ ⴳⵉⵏⵜ ⴰⵃⵟⵟⵓ ⵉ ⵉⵏⵎⵓⵔⴰⵏ ⴷ ⵜⵏⴼⵔⵓⵜ ⵏⵏⵙⵏ ⴷ ⵜⴼⵍⴰⵙⵜ ⵏⵏⵙⵏ ⴳ ⵓⵣⵎⵣ ⴰⴷ ⵏ ⵓⵏⵣⵡⵉ ⴷ ⵉⵏⴳⴰⵢⵏ ⵓⵙⵍⵉⴷⵏ.
- ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 01.24 ⵉⵥⵍⵉⵏ ⵙ ⵉⵎⵓⵣⴰⵢⵏ ⵉⵏⵣⵔⴰⴼⵏ (ⵉⵏⴱⴹⴰⵢⵏ), ⵍⵍⵉⵖ ⵏⵏ ⴳⵉⵙ ⵍⵍⴰⵏⵜ ⵜⴰⵏⵏⴰⵢⵉⵏ ⴼⵍⵍⴰⵙ ⵉⵜⵜⴰⵡⵏⵏⴰⵏ, ⵉⵙⵎⵏⵉⴷ ⵜ ⵎⴰⵙⵙ ⴰⵎⴰⵡⵙⴰⵙ ⵏ ⵏ ⵜⵣⵔⴼⵜ.
- ⴹⴰⵕⴰⵜ ⵎⴰⵢⴰⵏⵏ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.22.381 ⵉⵥⵍⵉⵏ ⵙ ⵓⵎⴰⵜⵔ ⴷ ⵓⴳⴳⵉⵡⵙ ⴰⴳⵯⵏⵙⴰⵏ ⴳ ⵉⴳⵔⴰⵏ ⵉⵎⴰⵡⵙⴰⵙⵏ, ⵍⵍⵉⵖ ⵏⵏ ⴳⵉⵙ ⵍⵍⴰⵏⵜ ⵜⴰⵏⵏⴰⵢⵉⵏ ⴼⵍⵍⴰⵙ ⵉⵜⵜⴰⵡⵏⵏⴰⵏ, ⵜⵙⵎⵏⵉⴷ ⵜ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ.
- ⴹⴰⵕⴰⵜ ⵎⴰⵢⴰⵏⵏ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.542 ⵉⵥⵍⵉⵏ ⵙ ⵓⵙⵎⵉⵍ ⵏ ⵓⴳⴳⵓⴳⵏ ⴷ ⵜⵉⴹⴰⴼ ⵏ ⵜⵏⴼⵔⵓⵜ ⵏⵏⵙⵏ ⴷ ⵓⵙⴳⴰⴷ ⴷ ⵓⵙⵜⴰⵍ ⵏⵏⵙⵏ.
ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵉⵡⵓⵔⵉⵡⵉⵏ ⵏⵏⵙ ⵙ ⵓⵙⵖⵎⵙ ⵅⴼ ⵜⵎⵢⴰⵇⵇⴰⵏⵜ ⴳ ⵉⴳⵔ ⵏ ⵜⵉⵏⵓⴼⴰ ⵜⵉⵏⴰⵢⵍⴰⵏⵉⵏ ⵏ ⵉⴳⵏⵡⴰⵏ ⵏⴳⵔ ⵜⵏⴱⴰⴹⵜ ⵏ ⵜⵏⴱⴰⴹⵜ ⵏ ⵜⴳⵍⴷⵉⵜ ⵍⵎⵖⵔⵉⴱ ⴷ ⵜⵏⴱⴰⴹⵜ ⵏ ⵜⵏⴱⴰⴹⵜ ⵏ ⵜⴳⴷⵓⴷⴰⵏⵜ ⵏ ⴳⴰⵎⴱⵢⴰ, ⵍⵍⵉ ⵉⵜⵜⵓⵙⴳⵎⴰⴹⵏ ⴳ ⵎⵓⵏⵜⵉⵕⵢⴰⵍ ⴰⵙⵙ ⵏ 30 ⵛⵓⵜⴰⵏⴱⵉⵔ 2025, ⴷ ⵓⵙⵏⵜⵉ ⵏ ⵓⵙⵍⴳⴰⵏ ⵓⵟⵟⵓⵏ 70.25 ⵍⵍⵉ ⵙ ⵉⵙⵖⵥⵏ ⵜⵎⵢⴰⵇⵇⴰⵏⵜ ⴰⴷ, ⵉⵜⵙⵎⵏⵉⴷ ⵜⵏ ⵎⴰⵙⵙ ⴰⵎⴰⵡⵙⴰⵙ ⵏ ⵡⴰⵙⵙⴰⵢ ⴷ ⵓⵍⵓⵊⵉⵙⵜⵉⴽ ⵙ ⵉⵙⵎ ⵏ ⵓⵎⵡⴰⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⵏ ⵉⴼⵕⵉⵇⵢⴰ ⴷ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ.
ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵙⴰⵙⴰ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ :
- ⴳ ⵜⴰⵎⴰⵔⵉⵜ ⵜⴰⵎⵜⴰⵢⵜ ⵏ ⵜⵎⵙⵙⵓⴳⵓⵔⵜ ⵏ ⵉⴱⵏⵏⵉⵇⵏ ⴷ ⵡⴰⵍⵍⴰⵙ ⵏ ⵓⵙⵉⴷⴼ, ⵜⵜⵓⵙⵏⵎⴰⵍⴰⵏ :
- ⵎⴰⵙⵙ ⵎⵓⵃⵎⵎⴰⴷ ⴱⵓⵛⵀⴰⵕ, ⴰⵏⵎⵀⴰⵍ ⵏ ⵓⵙⵎⴰⵢⵏⵓ ⴷ ⵜⵎⴰⵟⵟⵓⵏⵜ ;
- ⵎⴰⵙⵙ ⴱⵏⵉⵄⵉⵙⴰ ⴱⵏⴰⵚⵕ, ⴰⵏⵎⵀⴰⵍ ⵏ ⵜⵡⵓⵔⵉ ⵜⴰⵏⴰⵎⵓⵏⵜ ⴷ ⵓⵙⵎⵓⵜⵜⴳ ⴷ ⵡⴰⵍⵍⴰⵙ ⵏ ⵓⵙⵉⴷⴼ ;
- ⵎⴰⵙⵙ ⵄⴰⴱⴷⵕⴰⵀⵉⵎ ⵕⵕⵃⵓⵜⵉ, ⴰⵏⵎⵀⴰⵍ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵓⵙⵎⵓⵜⵜⴳ ⵏ ⵉⵎⵙⵜⵜⴳⵔⵏ ⵏ ⵜⵎⵙⵙⵓⴳⵓⵔⵜ ⵏ ⵉⴱⵏⵏⵉⵇⵏ ⴷ ⵡⴰⵍⵍⴰⵙ ⵏ ⵓⵙⵉⴷⴼ ;
- ⴳ ⵜⵎⴰⵡⴰⵙⵜ ⵏ ⵏ ⵓⵡⵇⵇⵓⵎ ⴷ ⵡⴰⵎⴰⵏ, ⵜⴻⵜⵜⵓⵙⵏⵎⴰⵍⴰ :
- ⵎⴰⵙⵙⴰ ⵍⴰⵍⵍⴰ ⵎⵕⵢⴰⵎ ⴱⵓⵙⵜⵜⴰ, ⵜⴰⵏⵎⵀⴰⵍⵜ ⵏ ⵜⵖⵓⵔⵉⵡⵉⵏ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⴱⵔⴷⴰⵏ ⴳ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵉⴱⵔⴷⴰⵏ.
- ⵎⴰⵙⵙⴰ ⵍⴰⵍⵍⴰ ⵎⵕⵢⴰⵎ ⴱⵓⵙⵜⵜⴰ, ⵜⴰⵏⵎⵀⴰⵍⵜ ⵏ ⵜⵖⵓⵔⵉⵡⵉⵏ ⴷ ⵓⵙⵎⵓⵜⵜⴳ ⴷ ⵓⵔⵣⵣⵓ ⴰⴱⵔⴷⴰⵏ ⴳ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵉⴱⵔⴷⴰⵏ.
