ⵉⵙⵙⵉⵅⴼ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⴰⴳⵔⴰⵡ ⴰⵎⵣⵡⴰⵔⵓ ⵏ ⵜⵙⵇⵇⵉⵎⵜ ⵜⴰⵎⴰⵡⵙⴰⵙⵜ ⵉⵜⵜⵓⵙⵎⴰⴳⵍⵏ ⵙ ⵓⴹⴼⴼⵓⵕ ⵏ ⵉⵎⵓⴽⵔⵉⵙⵏ ⵉⵊⵖⵔⴰⴼⵏ ⴷ ⵉⵙⵔⵜⴰⵏⵏ ⴳ ⵍⵇⴱⵍⵜ ⵜⴰⵏⴰⵎⵎⴰⵙⵜ ⵅⴼ ⵜⴷⴰⵎⵙⴰ ⵜⴰⵏⴰⵎⵓⵔⵜ

ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⵏ ⵓⵢⵏⴰⵙ 30 ⵎⴰⵕⵚ 2026 ⴳ ⵕⵕⴱⴰⵟ, ⴰⴳⵔⴰⵡ ⴰⵎⵣⵡⴰⵔⵓ ⵏ ⵜⵙⵇⵇⵉⵎⵜ ⵜⴰⵎⴰⵡⵙⴰⵙⵜ ⵉⵜⵜⵓⵙⵎⴰⴳⵍⵏ ⵙ ⵓⴹⴼⴼⵓⵕ ⵏ ⵉⵎⵓⴽⵔⵉⵙⵏ ⵉⵊⵖⵔⴰⴼⵏ ⴷ ⵉⵙⵔⵜⴰⵏⵏ ⴳ ⵍⵇⴱⵍⵜ ⵜⴰⵏⴰⵎⵎⴰⵙⵜ ⵅⴼ ⵜⴷⴰⵎⵙⴰ ⵜⴰⵏⴰⵎⵓⵔⵜ, ⵍⵍⵉⵖ ⵙⵎⵏⵉⴷⵏ ⵉⴳⵔⴰⵏ ⵉⵎⴰⵡⵙⴰⵙⵏ ⵉⵎⵢⴰⵏⴰⵡⵏ ⵜⵉⴼⵙⵏⵉⵡⵉⵏ ⵅⴼ ⵉⵙⵉⵏⴰⵕⵢⵓⵜⵏ ⵏ ⵜⴰⵙⵙⴰⵙⵜ ⴰⴷ ⵅⴼ ⵜⴷⴰⵎⵙⴰ ⵜⴰⵏⴰⵎⵓⵔⵜ, ⴷ ⵉⴱⵔⴷⴰⵏ ⵏ ⵓⴼⵔⴰⴳ ⵏ ⵜⵣⵎⵔⵜ ⵏ ⵜⵙⵖⵉⵡⵜ ⵏ ⵉⵏⴰⵎⵓⵔⵏ ⵍⵍⵉ ⵉⵥⴰⵕ ⴰⴷ ⵉⵍⵉⵏ, ⵙⵍⴰⵡⴰⵏ ⴰⴽⴽⵯ ⴷ ⵉⵖ ⵓⵙⵓⵍ ⵉⵖⴰⵎⴰ ⵡⴰⴷⴷⴰⴷ ⵏ ⵜⵓⵔⴷⴰ ⵍⵍⵉ ⵉⵍⵍⴰⵏ ⴳ ⵓⵎⴰⴹⴰⵍ ⴰⴽⴽⵯ.
ⴳ ⵜⵡⵓⵔⵉⵡⵉⵏ ⵏ ⵜⵙⵇⵇⵉⵎⵜ ⴰⴷ ⵍⵍⵉ ⵔⴰⴷ ⵉⵜⵜⵎⵓⵇⵇⵓⵔ ⵙ ⵜⵖⵔⴰⵙⵜ ⵜⴰⵣⵎⵣⴰⵏⵜ ⴷ ⵜⵉⵣⵉ ⵏⵏⴰ ⵖ ⵉⵇⵇⴰⵏ, ⴰⴼⴰⴷ ⴰⴷ ⵢⵉⵍⵉ ⵓⵙⵔⵓⵙ ⵏ ⵜⵎⵙⴽⴰⵔ ⵉⵅⵚⵚⴰⵏ ⵙ ⵎⴰⴷ ⵉⵎⵙⴰⵙⴰⵏ ⴷ ⵉⵙⵏⴼⵍⵏ ⴳ ⵓⵙⵡⵉⵔ ⴰⴳⵔⴰⵖⵍⴰⵏ, ⴷ ⵓⴼⵔⴰⴳ ⵏ ⵜⵣⵎⵔⵜ ⵏ ⵜⵙⵖⵉⵡⵜ ⵏ ⵉⵏⴰⵎⵓⵔⵏ. ⵉⵜⵜⵓⵖⵜⴰⵙ ⴰⴷ ⵉⵜⵜⵓⴹⴼⵕ ⵡⴰⵏⵏⴰⵍ ⵏ ⵍⴳⴰⵣ ⵏ ⵍⴱⵓⵟⴰⵏ, ⵍⵍⵉ ⵙⵙⵏⵏ ⵡⴰⵜⵉⴳⵏ ⵏⵏⵙ ⴳ ⵓⴳⴰⴷⴰⵣ ⴰⴳⵔⴰⵖⵍⴰⵏ ⵢⴰⵏ ⵓⵙⴰⵡⵏ ⵙ ⵓⴳⴳⴰⵔ ⵏ 68 % ⴳ ⵜⵉⵎⵉⴹⵉ ⵙⴳ ⵍⵍⵉⵖ ⵜⵏⴽⵔ ⵜⴰⵙⵙⴰⵙⵜ ⴳ ⵜⵉⵣⵡⵉⵔⵉ ⵏ ⵡⴰⵢⵢⵓⵔ ⵏ ⵎⴰⵕⵚ ⴰⴷ, ⴱⵍⴰ ⴰⴷ ⵉⵜⵜⵓⵎⴰⵙ ⵡⴰⵜⵉⴳ ⴰⵎⵉⵔⴰⵏ ⵏ ⵜⴱⵓⵟⴰⵜ ⵏ ⵍⴳⴰⵣ ⵏ ⵍⴱⵓⵟⴰⵏ. ⵎⴽⵍⵍⵉ ⵔⴰⴷ ⵉⵜⵜⵓⴹⴼⵓⵕ ⵡⴰⵏⵏⴰⵍ ⵏ ⵡⴰⵜⵉⴳⵏ ⵏ ⵜⴼⴰⵜⵓⵔⵜ ⵏ ⵓⵥⴰⵕⵓⵕ ⴰⴼⴰⴷ ⴰⴷ ⵉⵜⵜⵓⵃⴹⴰⵡ ⵅⴼ ⵜⵙⵇⵇⵉⵎⵜ ⵏⵏⵙ.
ⴳ ⵓⵙⴰⵡⵏ ⵉⵛⵇⵇⴰⵏ ⵏ ⵜⵎⵜⵜⴰⵡⵉⵏ ⵜⵉⴱⵉⵟⵕⵓⵍⵉⵢⵉⵏ ⴳ ⵉⴳⴰⴷⴰⵣⵏ ⵉⴳⵔⴰⵖⵍⴰⵏⵏ ⴷ ⵉⴹⵉⵚ ⵏⵏⵙⵏⵜ ⵅⴼ ⵓⴳⴰⴷⴰⵣ ⴰⵏⴰⵎⵓⵔ, ⵔⴰⴷ ⵉⵜⵜⵓⵙⵏⵜⵉ ⵓⴼⵔⵓ ⵏ ⵡⴰⵏⵏⴰⵍ ⵓⵙⵔⵉⴷ ⴷ ⵓⵎⴰⵥⵍⴰⵢ ⵉⵜⵜⵓⴼⴽⴰⵏ ⵉ ⵉⵎⵣⵣⴰⵍⵏ ⵏ ⵉⴳⵔ ⵏ ⵡⴰⵙⵙⴰⵢ ⴰⵣⵣⵓⵍⴰⵏ ⵏ ⵜⵙⴱⴰⴱⵜ ⴷ ⵉⵎⴷⴰⵏⵏ, ⵍⵍⵉ ⵉⵙⵎⵓⵏⵏ ⴰⴽⵓⴷ ⵙⴳ 15 ⵎⴰⵕⵚ ⴰⴷ ⴰⵔ 15 ⵉⴱⵔⵉⵔ ⴰⴷ ⵢⵓⵛⴽⴰⵏ, ⴷⴼⴼⵉⵔ ⵏ ⵜⴳⵉⵔⴰ ⵏ ⵜⵖⵓⵔⵉ ⵏ ⵜⵓⵜⵜⵔⵉⵡⵉⵏ ⵍⵍⵉ ⵜⴰⵎⵥ ⵜⵙⵏⵙⵉⵜ ⵜⴰⵍⵉⴽⵟⵕⵓⵏⵉⵜ https://mouakaba.transport.gov.ma, ⵍⵍⵉ ⵉⵣⵔⵉⵏ 87 ⵉⴼⴹ ⵏ ⵜⵓⵜⵜⵔⴰ.
ⴳ ⵜⵖⵔⴰⵙⵜ ⵏ ⵜⵎⵀⵍⴰ ⵍⵍⵉ ⵜⵙⵔⵙ ⵜⵏⴱⴰⴹⵜ ⴳ ⵓⵙⴳⴳⵯⴰⵙ ⵏ 2022, ⵙⵎⵓⵏⵏⵜ ⵜⵔⵓⴱⴱⴰ ⵉⵙⵜⵉⵖⵏ ⵙⴳ ⵡⴰⵏⵏⴰⵍ ⴰⴷ ⴰⵏⴱⴰⴹ ⴰⵎⴰⵥⵍⴰⵢ : ⴰⵙⵙⴰⵢ ⴰⴳⴷⵓⴷⴰⵏ ⵏ ⵉⵎⵙⴰⴼⵔⵏ, ⴰⵙⵙⴰⵢ ⵉⵙⵎⵓⵏⵏ ⴳ ⵓⵎⴰⴹⴰⵍ ⴰⴼⴰⵔⴰⵏ, ⴰⵙⵙⴰⵢ ⵏ ⵜⵙⴱⴰⴱⵜ ⵉ ⵡⵉⵢⵢⴰⴹ ⴷ ⵡⴰⵙⵙⴰⵢ ⵏ ⵉⵎⵙⵡⵓⵔⵉⵢⵏ ⵉ ⵡⵉⵢⵢⴰⴹ ⴷ ⵡⴰⵙⵙⴰⵢ ⴰⵏⵎⵍⴰⵏ ⵉ ⵡⵉⵢⵢⴰⴹ ⴷ ⵡⴰⵙⵙⴰⵢ ⴰⵎⴰⵍⵍⴰⵢ, ⵜⵉⵀⵉⵔⵉⵜⵉⵏ ⵏ ⵓⵣⵓⵖⵕ, ⵜⵉⵀⵉⵔⵉⵜⵉⵏ ⵏ ⵜⴰⴽⵙⵉ ⵙⴳ ⵡⴰⵏⴰⵡ ⴰⵎⵣⵡⴰⵔⵓ ⴷ ⵡⵉⵙⵙ ⵙⵉⵏ, ⴷ ⵉⵙⴰⴽⵏ ⵏ ⵡⴰⵙⵙⴰⵢ ⴰⵖⵔⵎⴰⵏ.
ⵉⵡⵜⵜⵙ ⵓⵙⵎⴽⵍ ⴰⴷ ⴰⵏⴱⴰⴹ ⴰⴷ ⵉⴹⵎⵏ ⴰⵙⵉⵍⵖ ⵏ ⵉⴳⴰⴷⴰⵣⵏ ⵙ ⵜⵎⴰⵎⴽⵜ ⵜⴰⵎⴰⵢⵏⵓⵜ ⴷ ⵜⵎⵙⴰⵙⵜ, ⴷ ⵓⴹⵎⴰⵏ ⵏ ⵓⵙⵓⵍ ⵏ ⵜⵏⴰⴼⵓⵜⵉⵏ ⵏ ⵡⴰⵙⵙⴰⵢ ⴰⴳⴷⵓⴷⴰⵏ, ⵙ ⵢⴰⵜ ⵜⵙⵇⵇⵉⵎⵜ ⴷ ⴱⵍⴰ ⵏ ⴽⵔⴰ ⵏ ⵜⵉⵔⵏⵉ ⵅⴼ ⵉⵏⴰⵎⵓⵔⵏ. ⵎⴽⵍⵍⵉ ⵔⴰⴷ ⵉⵜⵜⵓⴹⴼⵓⵕ ⵓⵙⵓⵜⴳ ⵏ ⵉⵎⵣⵣⴰⵍⵏ ⵉⵙⵜⵉⵖⵏ ⵙ ⵓⵙⵏⵙ ⵏ ⵜⵙⵇⵇⵉⵎⵉⵏ ⵜⵉⵎⵉⵔⴰⵏⵉⵏ ⵏ ⵡⴰⵙⵙⴰⵢ ⵏ ⵉⵎⴷⴰⵏⵏ ⴷ ⵜⵙⴱⴰⴱⵜ.
ⵃⴰⴹⵕⵏ ⴳ ⵓⴳⵔⴰⵡ ⴰⴷ ⵉⴷ ⵎⴰⵙⵙ ⴷ ⵉⵙⵜ ⵎⴰⵙⵙⴰ :  ⴰⵎⴰⵡⵙⴰⵙ ⵏ ⵓⴳⵯⵏⵙ ⴷ ⵜⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ ⴷ ⵓⵎⴰⵡⵙⴰⵙ ⵏ ⵓⵡⵇⵇⵎ ⴷ ⵡⴰⵎⴰⵏ ⴷ ⵓⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ ⴷ ⵓⵎⴰⵡⵙⴰⵙ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ ⴷ ⵜⵎⴰⵡⵙⴰⵙⵜ ⵏ ⵜⵎⴰⵍⵍⴰⵢⵜ ⴷ ⵜⵎⴳⵓⵔⵉ ⵜⴰⵏⴰⵎⵓⵔⵜ ⴷ ⵜⴷⴰⵎⵙⴰ ⵜⴰⵏⴰⵎⵓⵏⵜ ⴷ ⵜⵎⵢⴰⵡⴰⵙⵜ ⴷ ⵜⵎⴰⵡⵙⴰⵙⵜ ⵏ ⵓⵎⵎⵓⵜⵜⵉ ⵥⴹⴰⵕⴰⵏ ⴷ ⵜⴳⵎⵉ ⵜⴰⵙⵓⵍⴰⵏⵜ ⴷ ⵓⵎⴰⵡⵙⴰⵙ ⴰⵎⴰⵔⵉ ⵉⵜⵜⵓⵙⵎⴰⴳⵍⵏ ⵙ ⵓⵙⵙⴰⵔⵓ ⴷ ⵓⵎⵙⴰⵙⴰ ⴷ ⵓⵙⵜⴰⵍ ⵏ ⵜⵙⵔⵜⵉⵜⵉⵏ ⵜⵉⴳⴷⵓⴷⴰⵏⵉⵏ ⴷ ⵓⵎⴰⵡⵙⴰⵙ ⴰⵎⴰⵔⵉ ⵉⵜⵜⵓⵙⵎⴰⴳⵍⵏ ⵙ ⵜⵎⵙⴰⵙⵍⵜ ⴷ ⵓⵎⴰⵡⵙⴰⵙ ⴰⵎⴰⵔⵉ ⵉⵜⵜⵓⵙⵎⴰⴳⵍⵏ ⵙ ⵜⵣⴷⴰⵢⵉⵏ ⴰⴽⴷ ⵓⴱⵕⵍⴰⵎⴰⵏ, ⴰⵎⵙⵉⵡⵍ ⴰⵎⴰⴷⴷⵓⴷ ⵙ ⵢⵉⵙⵎ ⵏ ⵜⵏⴱⴰⴹⵜ ⴷ ⵓⵎⴰⵔⵉ ⴰⵎⴰⵜⴰⵢ ⵏ ⵜⵎⴰⵡⵙⴰⵙⵜ ⵏ ⵡⴰⵙⵙⴰⵢ ⴷ ⵓⵍⵊⵉⵙⵜⵉⴽ ⴷ ⵓⵏⵎⵀⴰⵍ ⴰⵎⴰⵜⴰⵢ ⵏ ⵓⵙⵉⵔⴰ ⴰⵏⴰⵎⵓⵔ ⵏ ⵓⵥⴰⵕⵓⵕ ⴷ ⵡⴰⵎⴰⵏ ⵉⵚⵍⵃⵏ ⵉ ⵜⵉⵙⵙⵉ.