ⵉⵙⵙⵉⵅⴼ ⵓⵏⵙⵙⵉⵅⴼⴼ ⵏ ⵜⵏⴱⴰⴹⵜ ⵜⵉⵡⵔⵉⵡⵉⵏ ⵏ ⵓⵙⵇⵇⵉⵎ ⴰⵎⵙⵙⵓⴳⵓⵔ ⴰⵎⵣⵡⴰⵔⵓ ⵏ ⵜⴳⵔⵓⵎⵎⴰ ⵜⴰⴷⵓⵙⴰⵏⵜ ⵜⴰⵎⵓⵔⴰⵏⵜ ⵏ ⵜⵎⵏⴰⴹⵜ ⵏ ⵕⵕⴱⴰⵟ-ⵙⵍⴰ-ⵍⵇⵏⵉⵟⵔⴰ

ⵉⵙⵙⵉⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⴰⵙⵙ ⵏ ⵓⴽⵡⴰⵙ 14 ⵎⴰⵢⵢⵓ 2026 ⴳ ⵕⵕⴱⴰⵟ, ⵜⵉⵡⵔⵉⵡⵉⵏ ⵏ ⵓⵙⵇⵇⵉⵎ ⴰⵎⵙⵙⵓⴳⵓⵔ ⴰⵎⵣⵡⴰⵔⵓ ⵏ ⵜⴳⵔⵓⵎⵎⴰ ⵜⴰⴷⵓⵙⴰⵏⵜ ⵜⴰⵎⵓⵔⴰⵏⵜ ⵏ ⵜⵎⵏⴰⴹⵜ ⵏ ⵕⵕⴱⴰⵟ-ⵙⵍⴰ-ⵍⵇⵏⵉⵟⵔⴰ. ⴳ ⵓⴳⵔⴰⵡ ⴰⴷ, ⵜⵜⵓⵙⵖⵣⵏⵏ ⵓⵥⵟⵟⴰ ⵏ ⵓⵙⵎⴰⵍⴰ ⵏ ⵜⴳⵔⵓⵎⵎⴰ ⵜⴰⴷⵓⵙⴰⵏⵜ ⵜⴰⵎⵓⵔⴰⵏⵜ ⵏ ⵜⵎⵏⴰⴹⵜ ⵏ ⵕⵕⴱⴰⵟ-ⵙⵍⴰ-ⵍⵇⵏⵉⵟⵔⴰ ⴷ ⵓⵖⴰⵡⴰⵙ ⵏ ⵜⵡⵓⵔⵉ ⵏⵏⵙ ⴷ ⵜⵎⵙⴰⵙⵍⵜ ⵏⵏⵙ ⵏ ⵓⵙⴳⴳⵯⴰⵙ ⵏ 2026, ⴷ ⵓⵏⴳⵔⴰⵡ ⴰⴷⵙⵍⴰⵏ ⵏ ⵉⵣⵣⵓⵍⴰⵏⵏ ⵏ ⵜⴷⵓⵙⵉ ⴳ ⵜⴳⵔⵓⵎⵎⴰ. ⵉⴷⴷⴰ ⴷ ⵓⴳⵔⴰⵡ ⴰⴷ ⴳ ⵓⵙⴰⵜⵉ ⵏ ⵓⵎⵙⴰⵙⴰ ⵏ ⵓⵣⵣⴳⵉⵔ ⵏ ⵜⵓⴳⴳⴰⵙ ⵏ ⵜⵏⴱⴰⴹⵜ ⵜⴰⵎⵓⵔⴰⵏⵜ, ⵙ ⵓⵣⵣⴳⵉⵔ ⵏ ⵜⵉⵔⴰⵜⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵃⴼⴹ ⵔⴱⴱⵉ, ⵍⵍⵉ ⵉⵔⴰⵏ ⴰⴷ ⵉⵙⵔⵓⵙ ⵜⴰⵣⵔⴼⵜ ⵜⴰⵙⴳⴰⵡⴰⵏⵜ ⴷ ⵓⵎⴰⵜⴰⵢ ⵏ ⵓⵏⴳⵔⴰⵡ ⴰⴷⵓⵙⴰⵏ ⴰⵏⴰⵎⵓⵔ, ⴰⴼⴰⴷ ⴰⴷ ⵜⵜⵓⵣⵣⴳⵉⵔ ⵜⵓⴳⴳⴰⵙ ⵏ ⵓⵙⵎⴰⵜⵜⴰ ⵏ ⵓⴼⵔⴰⴳ ⴰⵏⴰⵎⵓⵏ, ⴷ ⵓⵙⴷⵓⵙ ⵏ ⵜⵣⵔⴼⵜ ⵜⴰⵎⵓⵔⴰⵏⵜ ⴳ ⵓⴽⵛⵛⵓⵎ ⵙ ⵜⵏⵓⴼⴰ ⵜⵉⴷⵓⵙⴰⵏⵉⵏ.
ⴳ ⵓⵎⵣⵡⴰⵔⵓ ⵏ ⵓⴳⵔⴰⵡ ⴰⴷ, ⵉⵏⵏⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵎⴰ ⵙ ⵉⴳⴰ ⵓⵙⵔⵓⵙ ⵏ ⵜⴳⵔⵓⵎⵎⵉⵡⵉⵏ ⵜⵉⴷⵓⵙⴰⵏⵉⵏ ⵜⵉⵎⵓⵔⴰⵏⵉⵏ, ⵙ ⵜⴰⵔⴰⵜⵉⵏ ⵜⵉⴳⴷⵓⴷⴰⵏⵉⵓⵏ ⵢⴰⵜⵜⵓⵢⵏ, ⵢⴰⵜ ⵜⵎⴰⵎⴽⵜ ⵍⵍⵉ ⵉⵙⵎⴷⵏ ⵜⵉⵡⵓⵔⵉⵡⵉⵏ ⵏ ⵜⵎⵔⵙⴰⵍ ⵏ ⵓⵙⴳⵏⴰⴼ ⴳ ⵜⵎⵏⴰⴹⵜ, ⵙ ⵢⴰⵏ ⵓⵖⴰⵡⴰⵙ ⴰⵙⴳⵏⴰⴼ ⴰⵙⴳⴰⵡⴰⵏ ⵍⵍⵉ ⵉⵙⵉⴷⴷⵉⴷⵏ ⵜⵉⴼⴰⴷⵉⵡⵉⵏ ⵜⵉⵎⵓⵔⴰⵏⵉⵏ. ⵢⵉⵡⵉ ⴷ ⴰⵡⴷ ⵅⴼ ⵜⵓⴳⴳⴰⵙ ⵏ ⵓⵙⵎⵓⵙⵙⵓ ⵏ ⵉⴳⵔⴰⵏ ⴰⴽⴽⵯ ⵉⵣⴷⵉⵏ ⴰⴼⴰⴷ ⴰⴷ ⵢⵉⵍⵉ ⵓⵣⵉⵣⵣⵍ ⵏ ⵜⴳⵔⵓⵎⵎⵉⵡⵉⵏ ⵜⵉⴷⵓⵙⴰⵏⵉⵏ ⵜⵉⵢⵢⴰⴹ.
ⵉⴼⵔⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵙ ⴷ ⵜⴰⴳⵔⵓⵎⵎⴰ ⵜⴰⴷⵓⵙⴰⵏⵜ ⵏ ⵜⵎⵏⴰⴹⵜ ⵏ ⵕⵕⴱⴰⵟ-ⵙⵍⴰ-ⵍⵇⵏⵉⵟⵔⴰ ⵜⴳⴰ ⵢⴰⵜ ⵜⴰⵙⴰⵔⵓⵜ ⵜⴰⵙⵉⵍⴰⵏⵜ ⵏ ⵓⵙⵎⴰⵢⵏⵓ ⵏ ⵜⴷⵓⵙⵉ ⵜⴰⵙⴳⴰⵡⴰⵏⵜ, ⵙ ⵓⵙⴷⵓⵙ ⵏ ⵓⵎⵢⴰⵡⴰⵙ ⵏ ⴳⵔ ⵉⵎⴷⵔⴰⵡⵏ ⴰⴽⴽⵯ, ⴷ ⵓⵙⵔⵓⵙ ⵏ ⵉⵎⵏⵣⴰⵢⵏ ⵏ ⵓⵏⵢⵓⴷⴷⵓ ⴷ ⵜⴼⵓⵍⴽⵉ ⴷ ⵜⵡⵓⵔⵉ ⵉⴼⵓⵍⴽⵉⵏ. ⵎⴰⵢⴰⴷ ⵔⴰⴷ ⵉⵙⴷⵓⵙ ⴰⴷⵖⴰⵔ ⵏ ⵜⵎⵏⴰⴹⵜ ⴰⴷ ⴰⵎ ⵢⴰⵏ ⵡⴰⵎⵎⴰⵙ ⴰⵙⴳⵏⴰⴼ ⴰⵎⵙⴰⵙⴰⵏ ⴳ ⵓⵙⵡⵉⵔ ⴰⵏⴰⵎⵓⵔ ⴷ ⵓⵎⵏⵥⴰⵡ.
ⴳ ⵓⴳⵔⴰⵡ ⴰⴷ, ⵉⴼⴽⴰ ⵓⵏⵎⵀⴰⵍ ⴰⵎⴰⵜⴰⵢ ⵏ ⵜⴳⵔⵓⵎⵎⴰ ⵜⴰⴷⵓⵙⴰⵏⵜ ⵏ ⵜⵎⵏⴰⴹⵜ ⵏ ⵕⵕⴱⴰⵟ-ⵙⵍⴰ-ⵍⵇⵏⵉⵟⵔⴰ, ⵎⴰⵙⵙ ⵉⴱⵔⴰⵀⵉⵎ ⵍⴽⵃⴰⵍ, ⵢⴰⵏ ⵓⵙⴳⵣⵍ ⵉ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴷ ⵉⴳⵎⴰⵎⵏ ⵏ ⵓⵙⵇⵇⵉⵎ ⴰⵎⵙⵙⵓⴳⵓⵔ, ⵍⵍⵉⵖ ⵍⵍⴰⵏⵜ ⴰⴽⴽⵯ ⵜⵉⵎⵙⴰⵔⵉⵏ ⵜⵉⵙⵓⴷⵙⴰⵏⵉⵏ ⴷ ⵜⴼⵉⵏⴰⵏⵙⵉⵏ ⵏ ⵜⵡⵓⵔⵉ ⵏ ⵜⴳⵔⵓⵎⵎⴰ, ⴷ ⵓⵖⴰⵡⴰⵙ ⵏ ⵜⵡⵓⵔⵉ ⵏⵏⵙ ⴷ ⵓⵙⵏⴼⴰⵔ ⵏ ⵜⵎⵙⴰⵙⵜ ⵏ ⵓⵙⴳⴳⵯⴰⵙ 2026, ⴷ ⵓⵙⵏⴼⴰⵔ ⵏ ⵓⴳⵔⴰⵡ ⴰⵙⵓⴷⵙⴰⵏ. ⵜⵜⵓⵙⴽⴰⵔⵏ ⵓⵍⴰ ⵉⵎⵙⴰⵡⴰⵍⵏ ⵅⴼ ⵜⵓⴳⵜ ⵏ ⵜⵎⵙⴰⵔⵉⵏ ⵉⵣⴷⵉⵏ ⴷ ⵓⵎⵢⴰⵡⴰⵙ ⵏ ⴳⵔ ⵜⵎⵔⵙⴰⵍ ⵜⵉⴷⵓⵙⴰⵏⵉⵏ ⴷ ⵓⵙⴼⵓⵍⴽⵉ ⵏ ⵓⴱⵔⵉⴷ ⵏ ⵓⵙⴳⵏⴰⴼ.
ⴰⵙⵏⴼⴰⵔ ⴰⴷ ⵉⵍⵍⴰ ⴳ ⵡⴰⵎⵎⴰⵙ ⵏ ⵉⵎⵏⵣⴰⵢⵏ ⵉⵎⴰⵜⴰⵢⵏ ⵏ ⵓⵙⵎⴰⵢⵏⵓ ⵏ ⵓⵏⴳⵔⴰⵡ ⴰⴷⵓⵙⴰⵏ ⴰⵏⴰⵎⵓⵔ, ⵙ ⵓⵙⵔⵓⵙ ⵏ ⵜⵓⵙⴽⵉⵡⵉⵏ ⵜⵉⵙⵓⴷⵙⴰⵏⵉⵏ ⵏⵏⴰ ⵜⵉⵡⵔⵉⵡⵉⵏ ⵅⴼ ⵓⵎⵢⴰⵡⴰⵙ ⵏ ⵓⵖⴰⵡⴰⵙ ⴰⵙⴳⵏⴰⴼ ⴰⵙⴳⴰⵡⴰⵏ, ⴷ ⵓⵙⴷⵓⵙ ⵏ ⵓⵎⵢⴰⵡⴰⵙ ⵏ ⴳⵔ ⵉⵙⵡⵉⵔⵏ ⵏ ⵓⴼⵔⴰⴳ ⴰⴷⵓⵙⴰⵏ, ⴰⴼⴰⴷ ⴰⴷ ⵉⴳ ⵓⴱⵔⵉⴷ ⵏ ⵓⵙⴳⵏⴰⴼ ⵉⴼⵔⴰ ⵉ ⵓⵎⵙⴰⴽⴰⵏ, ⴷ ⴰⴷ ⵉⴳ ⵢⴰⵜ ⵜⴼⵔⵓⵜ ⵜⴰⵡⵓⵔⵉⵢⵜ ⵉ ⵜⴷⵓⵙⵉ ⵏ ⵜⵡⵊⴰ.
ⵉⵍⵍⴰ ⴳⵉⵙ ⵓⵍⴰ ⵓⵙⵔⵓⵙ ⵏ ⵢⴰⵜ ⵜⵙⴷⴷⴰⵡⵉⵜ ⵏ ⵓⵙⵎⵓⵜⵜⴳ ⵓⵏⴼⵉⵢ ⵉ ⵉⵣⵣⵓⵍⴰⵏⵏ ⵏ ⵜⴷⵓⵙⵉ ⵏ ⵜⴳⵔⵓⵎⵎⴰ, ⵙ ⵓⵎⵙⴰⵙⴰ ⴷ ⵓⵙⵍⴳⵏ ⵡⵉⵙⵙ 09.22 ⵉⵣⴷⵉⵏ ⴷ ⵜⵡⵓⵔⵉ ⵜⴰⴷⵓⵙⴰⵏⵜ, ⴷ ⵓⵙⴷⴷⵉⴷ ⵉⵙ ⴷ ⵉⵎⴷⴰⵏⵏ ⴳⴰⵏ ⵜⴰⵙⴰⵔⵓⵜ ⵜⴰⵎⵣⵡⴰⵔⵓⵜ ⵏ ⵓⵍⴰⵢ ⵏ ⵜⴳⵔⵓⵎⵎⴰ, ⴷ ⵜⵓⵙⴽⵉⵡⵉⵏ ⵜⵉⵢⵢⴰⴹ ⵣⵓⵏ ⴷ ⵜⵉⵏ ⵓⵙⵎⵓⵟⵟⵓⵏ ⴷ ⵓⵙⵖⵉⵡⵙ.
ⵉⵜⵜⵓⵙⴷⴷⵉⴷ ⴰⵡⴷ ⵎⴰ ⵙ ⴷ ⵉⵇⵇⴰⵏ ⴰⴷ ⵢⵉⵍⵉ ⵓⵣⵉⵣⵣⵍ ⴳ ⵓⵔⵓⵙ ⵓⵏⴳⵔⴰⵡ ⵏ ⵓⵎⵍⴰⵏ ⴰⴷⵓⵙⴰⵏ ⵉⵎⵓⵏⵏ, ⵏⵏⴰ ⵉⴳⴰⵏ ⵜⴰⵎⴰⴽⵉⵜ ⵏ ⵜⵏⴱⴰⴹⵜ ⴷ ⵓⴹⴼⴼⵓⵕ ⴷ ⵓⵙⴼⵓⵍⴽⵉ ⵏ ⵓⴱⵔⵉⴷ ⵏ ⵓⵙⴳⵏⴰⴼ, ⴷ ⵓⵙⴷⵓⵙ ⵏ ⵜⵡⵓⵔⵉ ⵏ ⵓⵙⵡⵓⴷⴷⵓ ⵏ ⵉⵙⵓⴳⴰⵎ.
ⵉⵜⵜⵓⵙⴷⴷⵉⴷ ⴰⵡⴷ ⴳ ⵓⴳⵔⴰⵡ ⴰⴷ ⵎⴰ ⵙ ⵉⴳⴰ ⵡⴰⴽⵓⴷ ⴰⴷ ⵢⴰⵏ ⵓⵣⵎⵣ ⵍⵍⵖ ⴷ ⵉⵇⵇⴰⵏ ⴰⴷ ⵏⴱⵉⴽⴽⵙ ⵜⵓⴳⴳⴰⵙ ⵏ ⵉⵎⴷⵔⴰⵡⵏ ⴰⴽⴽⵯ ⴰⴼⴰⴷ ⴰⴷ ⵏⴱⴱⴷ ⵉ ⵓⵙⵓⵜⵜⵔ ⵢⴰⵜⵜⵓⵢⵏ ⵏ ⵜⵏⵓⴼⴰ ⵜⵉⴷⵓⵙⴰⵏⵉⵏ ⴳ ⵜⵎⵏⴰⴹⵜ ⴰⴷ ⵏⵏⴰ ⴳ ⵍⵍⴰⵏ ⴰⵣⴰⵍ ⵏ 5 ⵉⵎⵍⵢⵓⵏⵏ ⵏ ⵉⵎⵣⴷⴰⵖ, ⴷ ⵓⵣⵣⵉⴳⵣ ⵏ ⵓⴽⵛⵛⵓⵎ ⵏ ⵉⵎⵓⵔⵉⵢⵏ ⴷ ⵜⵎⵓⵔⵉⵢⵉⵏ ⵙ ⵜⵏⵓⴼⴰ ⵜⵉⴷⵓⵙⴰⵏⵉⵏ ⵉⵔⵡⴰⵏ ⵙ ⵜⵣⵔⴼⵜ ⴷ ⵜⵕⵡⵉ ⴷ ⵜⵙⵓⵍⴰⵏⵜ.
ⵉⴷⴷⴰ ⴷ ⵓⵙⵡⵓⴷⴷⵓ ⵏ ⵜⴳⵔⵓⵎⵎⵉⵡⵉⵏ ⵜⵉⴷⵓⵙⴰⵏⵉⵏ ⵜⵉⵎⵓⵔⴰⵏⵉⵏ ⴹⴰⵕⴰⵜ ⵏ ⵜⵢⴰⴼⵓⵜⵉⵏ ⵉⴼⵓⵍⴽⵉⵏ ⵏ ⵜⵔⵎⵉⵜ ⵜⴰⵎⵣⵡⴰⵔⵓⵜ ⴳ ⵜⵎⵏⴰⴹⵜ ⵏ ⵟⴰⵏⵊⴰ-ⵜⵉⵟⵟⴰⵡⵉⵏ-ⵍⵃⵓⵙⴰⵢⵎⴰ ⴳ ⵓⴱⵔⵉⴷ ⵏ ⵓⵙⴼⵓⵍⴽⵉ ⵏ ⵉⵙⵊⵊⵉⵜⵏ ⵏ ⵉⵏⵓⵎⵓⵔⵉⵏ ⴷ ⵓⵙⴷⵓⵙ ⵏ ⵉⵙⵓⴳⴰⵎ ⵉⵏⴰⴼⴳⴰⵏⵏ ⵉⴷⵓⵙⴰⵏⵏ ⴷ ⵓⵙⴷⵓⵙ ⵏ ⵓⵣⴷⴷⵓⵢ ⵏⴳⵔ ⴰⴽⴽⵯ ⵜⵎⵔⵙⴰⵍ ⵜⵉⴷⵓⵙⴰⵏⵉⵏ ⴳ ⵓⵙⵡⵉⵔ ⵏ ⵜⵙⴳⴰ.