ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 25 ⵢⵓⵏⵢⵓ 2026
ⵉⵜⵜⵓⵙⴽⴰⵔ ⴰⵙⵙ ⵏ ⵓⴽⵡⴰⵙ 9 ⵎⵓⵃⴰⵕⵕⴰⵎ 1448, ⵉⵎⵙⴰⵙⴰⵏ ⴷ 25 ⵢⵓⵏⵢⵓ 2026, ⵢⴰⵏ ⵓⴳⵔⴰⵡ ⵏ ⵜⵏⴱⴰⴹⵜ, ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ, ⵉⵜⵜⵓⵥⵍⴰⵢ ⵉ ⵓⵙⵎⵏⵉⴷ ⵏ ⵢⴰⵏ ⵓⵙⴼⵙⵔ ⴰⵣⵓⵏⴰⵏ ⴷ ⵓⵎⴹⴰⴽⴰⵕ ⵅⴼ ⵎⵏⵏⴰⵡ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⴷ ⵓⵙⵖⵎⵙ ⵙ ⵢⴰⵜ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ ⴷ ⵓⵎⴹⴰⴽⴰⵕ ⵅⴼ ⵜⵉⵙⵓⵎⴰⵔ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⵏⵏⵉ ⵡⵉⵙ92 ⴳ ⵓⴷⵓⵙⵜⵓⵔ.
ⴳ ⵜⵣⵡⵉⵔⴰ, ⵉⴹⴼⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵢⴰⵏ ⵓⵙⴼⵙⵔ ⵅⴼ ⵜⴰⵢⴰⴼⵓⵜ ⵏ ⵓⵙⵓⴷⵙ ⴷ ⵓⵙⴽⴰⵔ ⵏ ⵉⵔⵉⵎⵏ ⵏ ⵓⵎⵣⵡⴰⴳ ⵏ ⵜⴱⴰⴽⴰⵍⵓⵔⵢⴰ ⵏ ⵜⵡⴰⵍⴰ ⵜⴰⵎⴰⴳⵏⵓⵜ ⵏ ⵓⵙⴳⴳⵯⴰⵙ 2026, ⵉⵙⵎⵏⵉⴷ ⵜ ⵎⴰⵙⵙ ⴰⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵣⵡⴰⵔⵓ ⴷ ⵜⵓⵏⵏⵓⵏⵜ.
ⴳ ⵓⵙⴰⵜⵉ ⴰⴷ, ⵉⵏⵏⴰ ⵎⴰⵙⵙ ⴰⵎⴰⵡⵙⴰⵙ ⵎⴰⵙ ⴷ ⵉⵔⵉⵎⵏ ⵏ ⵜⵡⴰⵍⴰ ⵜⴰⵎⴰⴳⵏⵓⵜ ⵏ ⵜⴱⴰⴽⴰⵍⵓⵔⵢⴰ ⵏ ⵓⵙⴳⴳⵯⴰⵙ 2026, ⵜⵜⵓⵙⴽⴰⵔⵏ ⴳ ⵓⵣⵎⵣ ⵉⵏⴳⵔ 4 ⴰⵔ 6 ⵢⵓⵏⵢⵓ 2026 ⴳ ⵎⵏⵏⴰⵡ ⵏ ⵡⴰⵎⵎⴰⵙⵏ ⵏ ⵓⵙⵉⵔⵎ ⴳ ⵜⴳⵍⴷⵉⵜ ⴰⴽⴽⵯ, ⴷ ⵜⵜⵓⴱⵕⵕⵃⵏⵜ ⵜⵢⴰⴼⵓⵜⵉⵏ ⴰⵙⵙ ⵏ 17 ⵢⵓⵏⵢⵓ 2026 ⵙ ⵓⵎⵙⴰⵙⴰ ⴷ ⵉⵣⵎⴰⵣ ⵉⵜⵜⵓⵖⵜⴰⵙⵏ ⵢⴰⴷ.
ⴷ ⴷⵔⴰⵏ ⴳ ⵉⵔⵉⵎⵏ ⵏ ⵜⴱⴰⴽⴰⵍⵓⵔⵢⴰ ⵏ ⵓⵙⴳⴳⵯⴰⵙ ⴰⴷ 528.135 ⵏ ⵜⵎⵙⵜⴰⵢⵜ ⴷ ⵓⵎⵙⵜⴰⵢ, ⵙ ⵜⵉⵎⵔⵏⵉⵡⵜ ⵏ 6,44% ⵉⵎⵙⴰⵙⴰⵏ ⴷ ⵓⵙⴳⴳⵯⴰⵙ ⵉⵣⵔⵉⵏ. ⵜⵙⵎⴰⵏ ⵜⵉⵎⵔⵏⵉⵡⵜ ⴰⴷ ⴰⵙⵉⵡⵙ ⵉⵜⵜⵎⵓⵜⵜⵓⵢⵏ ⴳ ⵓⴽⵛⵛⵓⵎ ⵙ ⵓⵙⵡⵉⵔ ⴰⴷ ⵏ ⵓⵙⵎⵓⵜⵜⴳ, ⴰⵛⴽⵓ ⵉⴳⴰ ⵢⴰⵏ ⵙⴳ ⵉⵡⵜⵜⴰⵙⵏ ⵉⵏⴰⵎⵎⴰⵙⵏ ⵏ ⵜⵙⵔⵜⵉⵜ ⵜⴰⵙⴳⵎⴰⵏⵜ ⵜⴰⵏⴰⵎⵓⵔⵜ.
ⴳ ⵎⴰ ⵉⵣⴷⵉⵏ ⴷ ⵜⵢⴰⴼⵓⵜⵉⵏ, ⵉⵙⴼⵔⵓ ⵎⴰⵙⵙ ⴰⵎⴰⵡⵙⴰⵙ ⵎⴰⵙ ⴷ ⵓⵟⵟⵓⵏ ⵏ ⵉⵎⵙⵜⴰⵢⵏ ⵉⵏⵍⵎⴰⴷⵏ ⵉⵎⵓⵔⵙⵏ ⵉⵡⴹ 262.442 ⵏ ⵜⵎⵙⵜⴰⵢⵜ ⴷ ⵓⵎⵙⵜⴰⵢ. ⴷ ⵉⵔⵙ ⵓⵙⵖⵏ ⵏ ⵓⵎⵓⵔⵙ ⴷⴰⵔ ⵉⵎⵙⵜⴰⵢⵏ ⵉⵏⵍⵎⴰⴷⵏ ⴳ 64,8%.
ⴳ ⵜⴳⵉⵔⴰ, ⵉⵙⴷⴷⵉⴷ ⵎⴰⵙⵙ ⴰⵎⴰⵡⵙⴰⵙ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵣⵡⴰⵔⵓ ⴷ ⵜⵓⵏⵏⵓⵏⵜ ⵎⴰⵙ ⴷ ⵜⵡⴰⵍⴰ ⵏ ⵜⴱⴰⴽⴰⵍⵓⵔⵢⴰ ⵏ ⵓⵙⴳⴳⵯⴰⵙ 2026 ⵜⴷⴷⴰ ⴷ ⴳ ⵢⴰⵏ ⵓⵙⴰⵜⵉ ⵏ ⵜⴷⵉⵏⴰⵎⵉⵜ ⵜⴰⵎⵓⴼⴰⵢⵜ ⵉⴱⴷⴷⵏ ⵅⴼ ⵓⵙⵓⴷⵙ ⵉⵎⵇⵇⵓⵕⵏ, ⴷ ⵓⵙⵎⴰⵜⵜⴳ ⴰⵏⴰⴼⴳⴰⵏ ⵉⵎⵓⵔⵙⵏ, ⴰⵡⴷ ⴰⵙⴽⴰⵔ ⵏ ⵜⵢⴰⴼⵓⵜⵉⵏ ⵉⵎⵎⴰⵍⵏ ⴰⵙⴱⵓⵖⵍⵓ ⵉⵜⵜⵡⴰⵏⵏⴰⵢⵏ ⴳ ⵎⵏⵏⴰⵡ ⵏ ⵉⵙⵡⵉⵔⵏ.
- ⴳ ⵎⴰ ⵉⵣⴷⵉⵏ ⴷ ⵓⵙⵏⴼⴰⵕ ⵏ ⵓⵙⵍⴳⵏ ⵓⵟⵟⵓⵏ 58.24 ⵉⵙⵏⴼⵍⵏ ⴷ ⵉⵜⵜⵎⵎⴰⵎⵏ ⴰⵙⵍⴳⵏ ⵓⵟⵟⵓⵏ 32.09 ⵉⵣⴷⵉⵏ ⴷ ⵓⵙⵓⴷⵙ ⵏ ⵜⵡⵓⵔⵉ ⵏ ⵓⵙⵙⵉⴷⵜ, ⵉⵜⵜⵓⴼⵔⴰⴳ.
- ⴷⴼⴼⵉⵔ ⵏ ⵖⵉⴽⴰⵏ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⴷ ⵉⵙⵖⵥⵏ ⴰⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 045.26 ⵉⵙⵏⴼⵍⵏ ⴷ ⵉⵜⵜⵎⵎⴰⵎⵏ ⴰⵙⵍⴳⵏ ⵓⵟⵟⵓⵏ 08.12 ⵉⵣⴷⵉⵏ ⴷ ⵜⵎⴰⴷⴷⴰⵙⵜ ⵜⴰⵏⴰⵎⵓⵔⵜ ⵏ ⵜⴹⴱⵉⴱⵉⵏ ⴷ ⵉⴹⴱⵉⴱⵏ, ⵉⵙⵎⵏⵉⴷ ⵜ ⵎⴰⵙⵙ ⴰⵎⴰⵡⵙⴰⵙ ⵏ ⵜⴷⵓⵙⵉ ⴷ ⵓⴼⵔⴰⴳ ⴰⵏⴰⵎⵓⵔ.
- ⴷⴼⴼⵉⵔ ⵏ ⵖⵉⴽⴰⵏ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⴷ ⵉⵙⵖⵥⵏ ⴰⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 040.26 ⵉⵣⴷⵉⵏ ⴷ ⵓⵙⵏⴼⵍⵓⵍ ⵏ ⵜⵉⵏⵎⵍ ⵜⴰⴳⵜⵉⵥⵍⴰⵢⵜ ⵏ ⵜⵎⴰⵙⵙⴰⵏⵉⵏ ⵜⵉⵏⴼⵍⴰⵃⵉⵏ ⴷ ⵜⵎⴰⵙⵙⴰⵏⵉⵏ ⵏ ⵜⵓⴷⵔⵜ ⴳ ⵓⴳⴰⴷⵉⵔ, ⵉⵙⵎⵏⵉⴷ ⵜ ⵎⴰⵙⵙ ⴰⵎⴰⵡⵙⴰⵙ ⴰⵎⴰⵔⵉ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵉⵜⵜⵓⵙⵎⴰⴳⵍⵏ ⵙ ⵜⵣⴷⴰⵢⵉⵏ ⴷ ⵓⴱⵕⵍⴰⵎⴰⵏ, ⴰⵎⵙⵉⵡⵍ ⴰⵎⴰⴷⴷⵓⴷ ⵙ ⵉⵙⵎ ⵏ ⵜⵏⴱⴰⴹⵜ, ⵙ ⵉⵙⵎ ⵏ ⵎⴰⵙⵙ ⴰⵎⴰⵡⵙⴰⵙ ⵏ ⵜⴼⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ.
- ⵉⵣⵔⵉ ⵓⵙⵇⵇⵉⵎ ⵏ ⵜⵏⴱⴰⴹⵜ ⵙ ⵓⵎⴹⴰⴽⴰⵕ ⴷ ⵓⵙⵖⵣⵏ ⵅⴼ ⵓⵙⵏⴼⴰⵕ ⵏ ⵓⵎⵕⵚⵓⵎ ⵓⵟⵟⵓⵏ 2.26.530 ⵉⵣⴷⵉⵏ ⴷ ⵜⵙⵔⴰⴳⵜ ⵜⴰⵣⵔⴼⴰⵏⵜ, ⵉⵙⵎⵏⵉⴷ ⵜ ⵎⴰⵙⵙ ⴰⵎⴰⵡⵙⴰⵙ ⴰⵎⴰⵔⵉ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵉⵜⵜⵓⵙⵎⴰⴳⵍⵏ ⵙ ⵜⵣⴷⴰⵢⵉⵏ ⴷ ⵓⴱⵕⵍⴰⵎⴰⵏ, ⴰⵎⵙⵉⵡⵍ ⴰⵎⴰⴷⴷⵓⴷ ⵙ ⵉⵙⵎ ⵏ ⵜⵏⴱⴰⴹⵜ, ⵙ ⵉⵙⵎ ⵏ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵜⴰⵎⴰⵔⵉⵜ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍⵏ ⵙ ⵓⵎⵓⵜⵜⵉ ⴰⵎⵓⵟⵟⵓⵏ ⴷ ⵓⵙⵏⴼⵍ ⵏ ⵜⵎⵙⵙⵓⴳⵓⵔⵜ.
ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵉⵡⵓⵔⵉⵡⵉⵏ ⵏⵏⵙ ⵙ ⵓⵙⵖⵎⵙ ⵅⴼ ⵜⵎⵢⴰⵇⵇⴰⵏⵜ ⵏ ⵢⴰⵜ ⵜⵎⵢⴰⵇⵇⴰⵏⵜ ⵏⴳⵔ ⵜⵏⴱⴰⴹⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵏⴱⴰⴹⵜ ⵏ ⵜⴳⴷⵓⴷⴰⵏⵜ ⵏ ⵎⵉⵚⵕ ⵜⴰⵄⵕⴰⴱⵜ ⵅⴼ ⵓⵙⵙⵉⵏⴼ ⵏ ⵓⵙⵉⵏ ⵏ ⵜⴱⵣⵣⴰⵔⵉⵏ ⴷ ⵓⵙⵙⵉⵏⴼ ⵏ ⵜⵔⵡⵍⴰ ⵙⴳ ⵜⴱⵣⵣⴰⵔⵉⵏ ⵅⴼ ⵓⴽⵛⵛⵓⵎ, ⵉⵜⵜⵓⵙⴳⵎⴹⵏ ⴳ ⵍⵇⴰⵀⵉⵕⴰ ⴳ 06 ⵉⴱⵔⵉⵔ 2026, ⴷ ⵓⵙⵏⴼⴰⵕ ⵏ ⵓⵙⵍⴳⵏ ⵓⵟⵟⵓⵏ 038.26 ⵉⵎⵙⴰⵙⴰⵏ ⴷ ⵜⵎⵢⴰⵇⵇⴰⵏⵜ ⴰⴷ, ⵉⵙⵎⵏⵉⴷ ⵜⵏ ⵎⴰⵙⵙ ⴰⵎⴰⵡⵙⴰⵙ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ, ⵙ ⵉⵙⵎ ⵏ ⵎⴰⵙⵙ ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵢⵏ ⵣⴷⵖⵏⵉⵏ ⴳ ⴱⵕⵕⴰ.
ⵉⵙⵎⴷ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵉⵡⵓⵔⵉⵡⵉⵏ ⵏⵏⵙ ⵙ ⵓⵎⴹⴰⴽⴰⵕ ⴷ ⵓⵙⵖⵥⵏ ⵏ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ:
- ⵉⵜⵜⵓⵙⴽⴰⵔ ⴳ ⵓⵙⵡⵉⵔ ⵏ ⵜⵎⴰⵡⴰⵙⵜ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ, ⵜⴻⵜⵜⵙⵏⵎⴰⵍⴰ :
- ⵎⴰⵙⵙⴰ ⵎⴰⵍⴰⴽ ⴼⴰⴹⵉⵍ, ⵜⴰⵏⵎⵀⴰⵍⵜ ⵏ ⵜⵎⴳⵓⵔⵉⵡⵉⵏ ⵏ ⵓⵥⵟⵟⴰ ⴷ ⵉⵍⵎ ;
- ⴷ ⴳ ⵓⵙⵡⵉⵔ ⵏ ⵜⵎⴰⵡⴰⵙⵜ ⵏ ⵉⵄⵔⵔⵉⵎⵏ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ - ⵉⴳⵔ ⵏ ⵜⴷⵍⵙⴰ, ⵉⵜⵜⵙⵏⵎⴰⵍⴰ :
- ⵎⴰⵙⵙ ⵎⵓⵃⵎⵎⴰⴷ ⴱⵏⵢⴰⵄⵇⵓⴱ, ⴰⵏⴼⵍⵓⵙ ⴰⵎⴰⵜⴰⵢ ;
- ⴷ ⴳ ⵓⵙⵡⵉⵔ ⵏ ⵜⵎⴰⵡⴰⵙⵜ ⵜⴰⵎⴰⵔⵉⵜ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⵍⵏ ⵙ ⵓⵙⵙⴰⵔⵓ ⴷ ⵜⵎⵙⴰⵙⵜ ⴷ ⵓⵙⵉⵜⴳ ⵏ ⵜⵙⵔⵜⵉⵢⵉⵏ ⵜⵉⴳⴷⵓⴷⴰⵏⵉⵏ, ⵜⴻⵜⵜⵙⵏⵎⴰⵍⴰ :
- ⵎⴰⵙⵙⴰ ⴱⵓⵛⵕⴰ ⵍⵎⵓⵎⵏ, ⵜⴰⵏⵎⵀⴰⵍⵜ ⵏ ⵓⵙⴱⵓⵖⵍⵓ ⵏ ⵓⵏⵣⵡⵉ ⵏ ⵜⵡⵓⵔⵉⵡⵉⵏ.
