ⵜⵃⴰⴹⵕ ⵎⴰⵙⵙⴰ ⵍⵎⵏⵚⵓⵕⵉ ⴷⴳ ⵜⴰⴼⵓⴳⵍⴰ ⵏ ⵓⵙⵏⵓⴱⴳ ⴰⵎⴰⴷⴷⵓⴷ ⵏⵏⴰ ⵉⵙⴽⵔ ⵓⵏⵙⵙⵉⵅⴼ ⴰⵔⵓⵙⵉ ⴼ ⵡⴰⴷⴷⵓⵔ ⵏ ⵉⵏⵙⵙⵉⵅⴼⵏ ⵏ ⵉⵡⴰⵏⴽⵏ ⴷ ⵜⵉⵏⴱⴰⴹⵉⵏ ⴷⵔⵓⵏⵜ ⴷⴳ ⵜⴰⵇⵉⵛⵛⵉⵜ ⵜⴰⵔⵓⵙⵉⵜ - ⵜⵉⴼⵔⵉⵇⵉⵜ ⵜⵉⵙⵙ ⴽⵕⴰⴹ
ⵎⵓⵙⴽⵓ - ⵜⵃⴰⴹⵕ ⵜⴰⵏⵙⵙⵉⵅⴼⵜ ⵏ ⵜⵏⴱⴰⴹⵜ ⵎⴰⵙⵙⴰ ⴼⴰⵟⵉⵎⴰ ⵣⵀⵔⴰ ⵍⵎⵏⵚⵓⵕⵉ ⵏⵏⴰ ⵜⵙⵎⴰⴷⵢⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⴷⴳ ⵜⴰⵇⵉⵛⵛⵉⵜ ⵜⴰⵔⵓⵙⵉⵜ -ⵜⵉⴼⵔⵉⵇⵉⵜ ⵜⵉⵙⵙ ⴽⵕⴰⴹ ⴷⴳ ⵜⴰⴷⴳⴳⵯⴰⵜ ⵏ ⵡⴰⵙⵙ ⵏ ⵓⴽⵕⴰⵙ ⵣⵉ ⵍⴽⵔⵉⵎⵍⵉⵏ ⴷⴳ ⵜⴰⴼⵓⴳⵍⴰ ⵏ ⵓⵙⵏⵓⴱⴳ ⴰⵎⴰⴷⴷⵓⴷ ⵏⵏⴰ ⵉⵙⴽⵔ ⵓⵏⵙⵙⵉⵅⴼ ⴰⵔⵓⵙⵉ ⴼⵍⴰⴷⵉⵎⵉⵔ ⴱⵓⵜⵉⵏ ⴼ ⵡⴰⴷⴷⵓⵔ ⵏ ⵉⵏⵙⵙⵉⵅⴼⵏ ⴷ ⵉⵡⴰⵏⴽⵏ ⴷ ⵜⵉⵏⴱⴰⴹⵉⵏ ⴷ ⵉⴽⴰⴱⴰⵕⵏ ⴷⵔⵓⵏⵉⵏ.
ⵙⵏⵜⵉⵏⵜ ⵜⵉⵡⵓⵔⵉⵡⵉⵏ ⵏ ⵜⵇⵉⵛⵛⵉⵜ ⴷ ⵓⵙⴳⵔⴰⵡ ⴰⴷⵎⵙⴰⵏ ⴰⵔⵓⵙⵉ - ⵉⴼⵔⵉⵇⵢⴰ ⴰⵙⵙ ⴰⴷ ⴷⴳ ⵜⴰⵎⴰⵣⵓⵏⵜ ⵜⴰⵔⵓⵙⵉⵜ ⵙ ⵜⴷⵔⴰⵡⵜ ⵏ ⵉⵙⵎⴰⴷⵢⵉⵏ ⵏ ⵉⵡⴰⵏⴽⵏ ⵉⴼⵔⵉⵇⵢⵉⵏ ⵉⴳⵎⴰⵎⵏ ⴷⴳ ⵜⴰⵏⵎⴰⵍⴰⵢⵜ ⵏ ⵜⵎⵜⵜⴰ ⵎⵓⵏⵏⵉⵏ
ⵉⵍⵍⴰ ⴷⴳ ⵓⴽⴰⴱⴰⵕ ⴰⵎⵖⵔⵉⴱⵉ ⵉⴷⵔⵓ ⴷⴳ ⵜⵇⵉⵛⵛⵉⵜ ⴰⴷ ⵉⵎⴰⵏ ⵙ ⵜⴰⵎⴰⵜⴰⵔⵜ ⵏ ⵓⴱⵓⵔⵣ " ⴰⴼⴰⴷ ⵏ ⵓⴼⵔⴰ ⴷ ⵜⴰⵏⴼⵔⵓⵜ ⴷ ⵜⴳⵎⵉ" ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵢⵉⵏ ⵣⴷⵖⵏⵉⵏ ⴷⴳ ⴱⵕⵕⴰ ⵏⴰⵚⵕ ⴱⵓⵕⵉⵟⴰ ⴷ ⵓⵎⵙⵇⴰⴷ ⵏ ⵍⵎⵖⵔⵉⴱ ⴳ ⵔⵓⵙⵢⴰ ⵍⵓⵟⴼⵉ ⴱⵓⵛⵄⵔⴰ.
ⵜⵔⴰ ⵜⴰⵇⵇⵉⵛⵉⵜ ⵜⴰⵔⵓⵙⵉⵜ ⵜⵉⴼⵔⵉⵇⵉⵜ ⵜⵉⵙⵙ ⴽⴽⵓⵣ ⴰⵙⴷⵓⵙ ⵏ ⵓⵎⵢⴰⵡⴰⵙ ⵏⴳⵔ ⵔⵓⵙⵢⴰ ⴷ ⵉⵡⴰⵏⴽⵏ ⵉⴼⵔⵉⵇⵢⵉⵏ ⴷⴳ ⵢⵉⴳⵔⴰⵏ ⵉⵙⵜⵔⴰⵜⵉⵊⵢⵉⵏ.
