ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 5 ⵏⵓⵡⴰⵏⴱⵉⵔ 2026

ⴳ ⵜⵣⵡⵉⵔⵉ ⵏ ⵓⵙⵇⵇⵉⵎ, ⵜⵙⵙⵎⵏⵉⴷ ⵎⴰⵙⵙⴰ ⵜⴰⵏⵙⵙⵉⵖⵅⴼⵜ  ⵏ ⵜⵏⴱⴰⴹⵜ ⵉⵙⵔⵖⵓⴷⵏ ⵏⵏⵙ ⵉⵣⵉⵍⵏ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ ⴷ ⵓⴳⴷⵓⴷ ⴰⵎⵖⵔⵉⴱⵉ, ⴳ ⵓⵣⵎⵣ ⵏ ⵜⵏⴼⵓⴳⵍⴰ ⵏ ⵜⴰⵎⴰⵏⵓⵜ ⵙ ⵓⵙⴽⵜⵉ  ⴰⵎⴰⵏⵓⵣ ⵏ ⵜⵡⴰⴷⴰ ⵜⴰⵣⴳⵣⴰⵡⵜ. ⵜⵙⵙⵏⵜⵍ ⵎⴰⵙ ⴷ ⵜⴰⵙⴽⵯⴼⵍⵜ ⴰⴷ ⵜⵇⵇⵉⵎ ⴷ ⵜⴰⵎⵓⴼⴰⵢⵜ ⵉ ⵓⵙⴽⵜⵉ ⵏ ⵓⵙⴰⵍⴰⵢ ⵏ ⵓⵎⵢⴰⵎⴰⵥ ⵏ ⵉⵎⵖⵔⴰⴱⵉⵢⵏ ⵙ ⵉⵔⵙⴰⵍⵏ ⵏ ⵜⵎⵜⵜⴰ, ⴷ ⵜⵢⵓⵏⵜ ⵏⵏⵙⵏ ⵜⴰⵏⴰⵎⵓⵔⵜ ⴷ ⵜⴽⴰⵍⴰⵏⵜ, ⴷⴷⴰⵡ ⵜⵏⵙⵙⵉⵖⵅⴼⵜ  ⵉⵥⵉⵍⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ. ⵜⵙⵎⴰⵢⵏⵓ ⴷⴰⵖ ⴳ ⵉⵎⴰⵏ ⵏ ⵉⵎⵖⵔⴰⴱⵉⵢⵏ ⵉⵎⴰⵏ ⵏ ⵓⵙⵎⵓⵏ ⴰⴳⵔⴰⵡⴰⵏ ⴷ ⵓⵙⵖⵏ ⵉⵎⴷⴰⵏ ⵉ ⵜⵏⴼⵍⵉⵜ ⵏ ⵜⵎⵓⵔⵜ ⵏⵏⵖ ⴷ ⵓⴼⵔⴰⴳ ⵖⴼ ⵉⵏⴰⴼⵓⵜⵏ ⵏⵏⵙ ⵉⵏⴰⴼⵍⵍⴰⵜⵏ.
ⵜⴱⴷⴷ ⵎⴰⵙⵙⴰ ⵜⴰⵏⵙⵙⵉⵖⵅⴼⵜ  ⵏ ⵜⵏⴱⴰⴹⵜ ⵖⴼ ⵉⵏⵓⴼⴰⵍ ⵉⵎⴳⴳⵓⵔⴰ ⵉⵥⵍⵉⵏ ⵙ ⵜⵎⵙⴰⵍⵜ ⵏ ⵜⵏⵣⵔⵓⴼⵜ ⵜⴰⵎⵖⵔⴰⴱⵉⵢⵜ, ⵙⵍⴰⵡⴰⵏ ⴰⴽⴽⵯ ⴰⵙⵜⴰⵢ ⵉⴹⵕⴰⵏ ⴳ ⵓⵙⵇⵇⵉⵎ ⵏ ⵜⵏⴰⴼⵓⵜ ⵏ ⵢⵉⵖⵍⴰⵏⵏ ⵉⵎⵓⵏⵏ ⴳ 30 ⴽⵟⵓⴱⵕ 2026. ⴳ ⵓⵙⴰⵜⵉ ⴰⴷ, ⵜⵙⵙⵓⵜⴳ ⵎⴰⵙⵙⴰ ⵍⵎⵏⵚⵓⵕⵉ ⵜⴰⵙⴳⴰ ⵜⴰⵎⵖⵔⴰⴱⵉⵢⵜ ⵜⴰⵔⴳⴳⴰⴳⵜ ⴷ ⵜⵓⵖⵣⵉⵏⵜ ⴷ ⵜⵎⴰⵙⴰⵢⵜ, ⵜⵙⵙⵓⵙⵏ ⵙ ⵜⵉⵥⵉⵍⵜ ⴷ ⵜⵓⵙⵏⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙⵙ ⵚⴹⵉⵚ ⴳ ⵓⵙⵡⵓⴷⴷⵓ ⵏ ⵓⴼⴰⵢⵍⵓ ⴰⴷ ⴰⵙⵜⵕⴰⵜⵉⵊⵉ.
ⵜⵙⵉⴹⵏ ⵎⴰⵙⵙⴰ ⵜⴰⵏⵙⵙⵉⵖⵅⴼⵜ  ⵎⴰⵙ ⴷ ⵜⴰⵎⴰⵙⴰⵢⵜ ⵏ ⵜⵏⴱⴰⴹⵜ ⵜⴳⴰ ⴰⴷ ⵜⵉⵍⵉ ⴳ ⵓⵙⵡⵉⵔ ⵏ ⵜⵉⵣⵉ ⴰⴷ ⵜⴰⵎⵣⵔⵓⵢⵜ, ⵙ ⵓⵙⴷⵓⵙ ⵏ ⵜⵎⵏⴰⴹⵜ ⵜⴰⴳⵏⵙⴰⵏⵜ, ⴷ ⵓⵙⵙⵔⵙ ⵏ ⵜⵏⴼⵍⵉⵜ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⴷ ⴰⵍⵍⴰⵙ ⴰⴷⵙⵍⴰⵏ ⵉ ⵓⵙⵔⵙ ⵏ ⵜⵢⵓⵏⵜ ⵜⴰⵏⴰⵎⵓⵔⵜ ⴷ ⵓⵙⴷⵓⵙ ⵏ ⵓⵎⵢⴰⵎⴰⵥ ⵏ ⵜⵎⵓⵔⵜ ⵏⵏⵖ. ⵜⵖⵔⴰ ⵉ ⵉⴳⵎⴰⵎⵏ ⵏ ⵜⵏⴱⴰⴹⵜ ⴰⴷ ⴽⵛⵎⵏ ⵙ ⵜⴷⵓⵙⵉ ⴳ ⵓⵎⵛⵉⵡⵕ ⴰⴷ ⴰⴳⵔⴰⵡⴰⵏ, ⴽⵓ ⵢⴰⵏ ⵙⴳ ⵜⵙⵖⵏⵜ ⵏⵏⵙ, ⵉ ⵓⴼⴽⴰ ⵏ ⵓⵙⵏⵜⵍ ⴰⵎⵓⴼⴰⵢ ⵉ ⵜⵏⴼⴰⵍⵉⵜ ⵏ ⵜⵎⵙⴰⵍⵜ ⵜⴰⵏⴰⵎⵓⵔⵜ: ⴰⵙⴽⴽⵉⵔ ⵏ ⵢⴰⵜ ⵜⵎⵏⴰⴹⵜ ⵜⴰⴳⵏⵙⴰⵏⵜ ⵉⴷⵓⵙⵏ, ⵜⴰⴷⵎⵙⴰ ⵉⴼⴰⵔⵙⵏ, ⴰⵎⵓⵏ ⵉⵎⵢⴰⵎⴰⵥⵏ, ⴷ ⵜⵏⴼⵍⵉⵜ ⴷⴰ ⵙⴳ ⵜⵜⴼⴰⵢⴷⴰⵏ ⴰⴽⴽⵯ ⵉⵎⵖⵔⴰⴱⵉⵢⵏ ⴳ ⵎⴰⵕⵕⴰ ⵜⵉⵎⵏⴰⴹⵉⵏ ⵏ ⵜⴳⵍⴷⵉⵜ.

ⴹⴰⵕⴰⵜ ⵜⴰⴳⵓⵔⵉ ⵏ ⵎⴰⵙⵙⴰ ⵜⴰⵏⵙⵙⵉⵖⵅⴼⵜ  ⵏ ⵜⵏⴱⴰⴹⵜ, ⵉⵎⴹⴰⴽⴰⵕ ⵓⵙⵇⵇⵉⵎ ⴷ ⵉⵙⵖⵥⵏ ⴽⴽⵓⵥ ⵉⵙⵏⵜⴰⵢⵏ ⵏ ⵉⵎⵕⵙⵓⵎⵓⵏ:
ⴰⵎⵣⵡⴰⵔⵓ :

• ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.26.470 ⵉⵥⵍⵉⵏ ⵙ ⵓⵙⵡⵓⴷⴷⵓ ⵏ ⵉⵎⵏⵏⵉⵜⵏ ⵏ ⵓⵙⵍⴳⵏ52.23 ⵉⵥⵍⵉⵏ ⵙ ⵓⵙⵓⴷⵙ ⵏ ⵜⵡⵓⵔⵉ ⵏ ⵉⵎⵙⵖⵓⵍⵏ ⵉⵎⴳⴳⵓⵍⴰ.
  ⵉⴳⴰ ⵓⵡⵜⵜⴰⵙ ⵏ ⵓⵙⵏⵜⵉ ⴰⴷ ⴰⵙⵔⵓⵙ ⵏ ⵜⴰⵎⵎⴰⴽⵉⵏ ⵏ ⵓⵙⵍⴳⵏ ⵉⵙⵡⵓⴷⴷⵓⵏ ⵜⴰⵡⵓⵔⵉ ⵏ ⵉⵎⵙⵖⵓⵍⵏ ⵉⵎⴳⴳⵓⵍⴰ, ⵉ ⵓⵔⴰⵔ ⵅⴼ ⵉⵙⵔⴰⵜⵏ ⵏ ⵓⵏⴳⵔⴰⵡ ⵏ ⵜⵣⵔⴼⵜ ⴷ ⵓⵙⴷⵓⵙ ⵏ ⵜⵕⵡⵉ ⵜⴰⵏⴱⴹⴰⵏⵜ ⴷ ⵓⵙⵓⴷⵙ ⵏ ⵓⵎⵃⵉⵣⵡⴰⵔ ⵏ ⵓⴽⵛⵓⵎ ⴷ ⵜⴼⵔⴰⵙ ⵏ ⵓⵙⵎⵓⵜⵜⵉ ⴷ ⵜⵙⵎⵓⵔⵉⵜ ⵏ ⵜⵙⵓⴽⵜⵉ ⴷ ⵓⵙⵏⴼⵍ ⴷ ⵓⴼⵔⴰⴳ ⵅⴼ ⵜⵎⴰⵙⴰⵢⵜ ⵜⴰⵖⵔⵎⴰⵏⵜ ⴷ ⵡⴰⵏⴰⵡⵏ ⵏ ⵉⴽⵏⴰⵛⵏ ⴷ ⵜⴽⴰⵕⴹⴰ ⵜⴰⵣⵣⵓⵍⴰⵏⵜ.

ⵡⵉⵙⵙ ⵙⵉⵏ:

• ⴰⵙⵏⵜⵉ ⵏ ⵓⵏⵎⵕⵙⵓⵎ 2.26.806 ⵉ ⵓⴼⵔⴰⴳ ⵏ ⵓⴷⵡⴰⵙ ⵉ ⵓⵎⴰⵡⵙⴰⵙ ⵏ ⵜⴷⵎⵙⴰ ⴷ ⵜⵥⵕⴼⵜ ⴷ ⵜⵕⵡⵉ ⵜⴰⴳⴷⵓⴷⴰⵏⵜ ⴳ ⵎⴰ ⵉⵥⵍⵉⵏ ⵙ ⵉⵔⵟⵟⴰⵍⵏ ⵏ ⵓⴳⵯⵏⵙ ⴷ ⵓⵙⵡⵓⵔⵉ ⵙ ⵉⵎⵉⵙ ⴰⵥⵕⴼⴰⵏ ⵢⴰⴹⵏ.
• ⴰⵙⵏⵜⵉ ⵏ ⵓⵏⵎⵕⵙⵓⵎ 2.26.807 ⵉ ⵓⴼⵔⴰⴳ ⵏ ⵓⴷⵡⴰⵙ ⵉ ⵓⵎⴰⵡⵙⴰⵙ ⵏ ⵜⴷⵎⵙⴰ ⴷ ⵜⵥⵕⴼⵜ ⴷ ⵜⵕⵡⵉ ⵜⴰⴳⴷⵓⴷⴰⵏⵜ ⴳ ⵎⴰ ⵉⵥⵍⵉⵏ ⵙ ⵉⵙⵙⵉⵥⵕⴼⵏ ⵉⴱⵕⵕⴰⵏⵉⵏ.
• ⴰⵙⵏⵜⵉ ⵏ ⵓⵏⵎⵕⵙⵓⵎ 2.26.808 ⵉ ⵓⴼⵔⴰⴳ ⵏ ⵓⴷⵡⴰⵙ ⵉ ⵓⵎⴰⵡⵙⴰⵙ ⵏ ⵜⴷⵎⵙⴰ ⴷ ⵜⵥⵕⴼⵜ ⴷ ⵜⵕⵡⵉ ⵜⴰⴳⴷⵓⴷⴰⵏⵜ ⵉⵥⵍⵉⵏ ⵙ ⵓⵙⴽⵉⵔ ⵏ ⵜⵎⵢⴰⵇⵇⴰⵏⵉⵏ ⴷ ⵉⵔⵟⵟⴰⵍⵏ ⵉ ⵓⵔⴰⵔ ⵏ ⵓⵎⵔⵡⴰⵙ ⴰⴱⵕⵕⴰⵏ ⵉⵥⵥⴰⵢⵏ ⴷ ⵉⵎⵙⴰⵙⴰⵜⵏ ⵉ ⵓⴼⵔⴰⴳ ⵅⴼ ⵉⵎⵉⵣⵉⵜⵏ ⵏ ⵡⴰⵜⵉⴳⵏ ⵏ ⵜⵎⵔⵏⵉⵡⵜ ⴷ ⵓⵙⵏⴼⵍ.
   

ⵉⴳⴰ ⵓⵡⵜⵜⴰⵙ ⵉⵙⵏⵜⴰⵢⵏ ⴰⴷ (ⵙ ⵓⵙⵏⵜⵍ ⵅⴼ ⵉⵎⵏⵏⵉⵜⵏ 38 ⴷ 39 ⴷ 40 ⵏ ⵓⵙⵍⴳⵏ ⵏ ⵜⵥⵕⴼⵜ 50.25 ⵏ ⵓⵙⴳⴳⵯⴰⵙ 2026) ⵜⵉⴽⴽⵉ ⵏ ⵓⴱⴰⴹ ⵙⴳ ⵜⵏⵙⵙⵉⵖⵅⴼⵜ ⵏ ⵜⵏⴱⴰⴹⵜ ⵉ ⵓⵎⴰⵡⵙⴰⵙ ⵏ ⵜⴷⵎⵙⴰ ⴷ ⵜⵥⵕⴼⵜ ⵉ ⵓⵙⵎⵓⵏ ⵏ ⵉⵙⵓⴳⴰⵎ ⵉ ⵓⵙⵙⴼⵍⵙ ⵏ ⵜⵙⵓⵎⵔⵉⵏ ⵏ ⵜⵙⵏⵓⵔⴰⵢⵜ, ⴰⵙⵙⵎⵖⵔ ⵏ ⵜⴼⵔⴰⵙ ⵏ ⵓⵔⵟⵟⴰⵍ, ⴰⵙⵡⵓⴷⴷⵓ ⵏ ⵡⴰⵜⵉⴳ ⵏ ⵓⵔⵟⵟⴰⵍ ⴷ ⵓⵙⴷⵓⵙ ⵏ ⵓⴼⵔⴰⴳ ⵅⴼ ⵓⵎⵓⵜⵜⵉ ⵏ ⵜⵎⵔⵏⵉⵡⵜ ⴷ ⵓⵙⵏⴼⵍ ⵏ ⵜⴷⵔⵉⵎⵉⵏ.
 

ⵉⵙⵎⴷ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵙⴰⵙⴰ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ :

• ⵎⴰⵙⵙⴰ ⴼⴰⵟⵉⵎⴰ ⵣⵣⴰⵀⵕⴰ ⵛⵓⵄⴱⴰ ⵜⴰⵏⵎⵀⴰⵍⵜ ⵏ ⵓⵙⵉⵏⴰⴳ ⴰⵏⴰⵎⵓⵔ ⵏ ⵜⵉⵔⵔⴰ ⵏ ⵓⵙⵙⵏⵜⵉ ⴷ ⵜⵡⵓⵔⵉⵡⵉⵏ ⵜⵉⵍⴳⴰⵎⴰⵏⵉⵏ ⴷ ⵜⵏⴱⴹⴰⵏⵉⵏ ⴳ ⵜⵎⴰⵡⴰⵙⵜ ⵏ ⵜⵣⵔⴼⵜ ;
• ⵎⴰⵙⵙ ⵜⴰⵡⴼⵉⵇ ⵎⴷⵢⴰⵏⵉ, ⴰⵏⵎⵀⴰⵍ ⵏ ⵉⵍⵓⴳⵏⵏ ⵏ ⵜⵏⴱⴹⴰⵜ ⴷ ⵉⵣⵔⴼⴰⵏ ⴷ ⵜⵍⴻⵍⵍⵉⵢⵉⵏ ⴷ ⵉⵍⵓⴳⵏⵏ ⵉⵎⵥⵍⴰⵢ ⴳ ⵜⵏⴼⵍⵓⵙⵜ ⵜⴰⵎⴰⵜⴰⵢⵜ ⵏ ⵜⵏⴱⴰⴹⵜ ;
• ⵎⴰⵙⵙ ⵎⵓⵃⵎⵎⴰⴷ ⵍⵢⴰⴷⵉⵏⵉ, ⴰⵏⵎⵀⴰⵍ ⵏ ⵉⵍⴳⴰⵎⵏ ⵏ ⵜⵎⵚⴽⵉⵡⵉⵏ ⵜⵉⴷⵙⵍⴰⵏⵉⵏ ⴷ ⵉⴳⵔⴰⵏ ⵉⴼⴰⵔⵙⵏ ⴷ ⵜⴳⵎⵉ  ⵜⴰⵙⵓⵍⴰⵏⵜ ⴳ ⵜⵏⴼⵍⵓⵙⵜ ⵜⴰⵎⴰⵜⴰⵢⵜ ⵏ ⵜⵏⴱⴰⴹⵜ ;
• ⵎⴰⵙⵙ ⵢⴰⵙⵉⵏ ⴰⵃⵎⵉⵎⵉ, ⴰⵏⵎⵀⴰⵍ ⵏ ⵜⵙⵉⴹⴰⵏ ⴷ ⵜⵣⵔⴰⵡⵉⵏ ⴷ ⵓⴹⴼⵓⵕ ⴷ ⵓⵙⵙⵉⴹⵏ ⴳ ⵜⵎⴰⵡⴰⵙⵜ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ ⴷ ⵓⵙⵙⴰⵔⵓ ⴷ ⵓⵙⵉⴷⴼ ⴰⴷⵎⵙⴰⵏ ;
• ⵎⴰⵙⵙⴰ ⵃⴰⴼⵉⴹⴰ ⵅⵡⵉⵢⵉ, ⵜⴰⵏⵎⵀⴰⵍⵜ ⵏ ⵓⵙⵉⵏⴰⴳ ⴰⵏⴰⵎⵓⵔ ⴰⵏⴰⴼⵍⵍⴰ ⵏ ⵓⵥⴰⵡⴰⵏ ⴷ ⵜⵥⵓⵕⵉ ⵜⴰⴽⵓⵔⵉⴳⵔⴰⴼⵉⵜ ⴳ ⵏ ⵜⵎⴰⵡⴰⵙⵜ ⵏ ⵜⵄⵄⵓⵔⵎⴰ ⴷ ⵜⴷⵍⵙⴰ ⴷ ⵜⵓⵏⵏⵓⵏⵜ – ⵉⴳⵔ ⵏ ⵜⴷⵍⵙⴰ ;
• ⵎⴰⵙⵙ ⵎⵓⵃⵎⵎⴰⴷ ⵛⴽⴽⴰⵍ, ⴰⵏⵎⵀⴰⵍ ⵏ ⵜⵄⵄⵓⵔⵎⴰ ⴳ ⵜⵎⴰⵡⴰⵙⵜ ⵏ ⵜⵄⵄⵓⵔⵎⴰ ⴷ ⵜⴷⵍⵙⴰ ⴷ ⵜⵓⵏⵏⵓⵏⵜ – ⵉⴳⵔ ⵏ ⵜⵄⵄⵓⵔⵎⴰ ;
• ⵎⴰⵙⵙ ⵚⴰⴼⴰ ⵕⵕⴷⴷⴰⴼ, ⴰⵏⵎⵀⴰⵍ ⵏ ⵓⵙⴰⵢⵍⴰⵍ ⴰⵖⵔⵎⴰⵏ ⴳ ⵜⵎⴰⵡⴰⵙⵜ ⵏ ⵡⴰⵙⵙⴰⵢ ⴷ ⵓⵍⵓⵊⵉⵙⵜⵉⴽ ;
• ⵎⴰⵙⵙ ⵛⴰⴼⵉⵇ ⵚⵚⵍⵓⵃ, ⴰⵏⵎⵀⴰⵍ ⵏ ⵓⴹⴼⵓⵕ ⴷ ⵉⵔⵣⵣⵓⵜⵏ ⵉⴷⵢⵡⴰⵏⵉⵢⵏ ⴳ ⵜⵎⵀⵍⴰ ⵏ ⵜⴷⵢⵡⴰⵏⵉⵏ ⴷ ⵜⵥⵕⴼⵉⵏ ⵜⵉⵔⵓⵙⵉⴷⵉⵏ ⴳ ⵜⵎⴰⵡⴰⵙⵜ ⵏ ⵜⴷⵎⵙⴰ ⴷ ⵜⵥⵕⴼⵜ ⴷ ⵜⵕⵡⵉ ⵜⴰⴳⴷⵓⴷⴰⵏⵜ ;
• ⵎⴰⵙⵙ ⵍⵃⵓⵙⴰⵢⵏ ⵃⵉⴷⴰ, ⴰⵏⵎⵀⴰⵍ ⵏ ⵜⵎⵙⵙⵓⵔⵜ ⵜⴰⵖⵔⵎⴰⵏⵜ ⵏ ⵚⵚⵅⵉⵕⴰⵜ – ⵜⵎⴰⵕⴰ ;
• ⵎⴰⵙⵙ ⵀⵉⵛⴰⵎ ⵍⵅⵕⵙⴰⵏⵉ, ⴰⵏⵎⵀⴰⵍ ⵏ ⵜⵎⵙⵙⵓⵔⵜ ⵜⴰⵖⵔⵎⴰⵏⵜ ⵏ ⵕⵕⴱⴰⵟ – ⵙⵍⴰ ;
• ⴷ ⵓⵙⵎⴰⵢⵏⵓ ⵏ ⵓⵙⵏⵎⴰⵍⴰ ⵏ ⵎⴰⵙⵙ ⵙⴰⵄⵉⴷ ⴽⵓⴱⵕⴰ, ⴰⵏⵎⵀⴰⵍ ⵏ ⵜⵎⵙⵙⵓⵔⵜ ⵜⴰⵖⵔⵎⴰⵏⵜ ⵏ ⵕⵕⴰⵛⵉⴷⵉⵢⵢⴰ – ⵎⵉⴷⵍⵜ.