ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 12 ⵏⵓⵡⴰⵏⴱⵉⵔ 2026
ⵉⵜⵜⴰⵡⵙⴽⴰⵔ ⴰⵙⵙ ⵏ ⵓⴽⵡⴰⵙ ⴰⵙⵙ ⵏ ⵓⴽⵡⴰⵙ 2 ⵊⵓⵎⴰⴷⴰ ⵜⵉⵙⵙ ⵙⵏⴰⵜ 1448 ⵏ ⵜⵀⵉⵊⵔⵉⵜ, ⵉⵎⵙⴰⵙⴰⵏ ⴷ 12 ⵏⵓⵡⴰⵏⴱⵉⵔ 2026, ⵓⵙⵇⵇⵉⵎ ⵏ ⵜⵏⴱⴰⴹⵜ ⴷⴷⴰⵡ ⵜⵏⵙⵙⵉⵖⵅⴼⵜ ⵏ ⵎⴰⵙⵙⴰ ⴼⴰⵟⵉⵎⴰ ⵣⵣⴰⵀⵕⴰ ⵍⵎⵏⵚⵓⵕⵉ. ⵉⵥⵍⵉ ⵓⴳⵔⴰⵡ ⴰⴷ ⵙ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⴷ ⵓⵎⴹⴰⴽⴰⵕ ⵅⴼ ⵜⵉⵙⵓⵎⴰⵔ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⵏⵏⵉ ⵡⵉⵙ92 ⴳ ⵓⴷⵓⵙⵜⵓⵔ.
ⴳ ⵜⵉⵣⵡⵓⵔⵉ ⵏ ⵜⵡⵓⵔⵉⵡⵉⵏ ⵏ ⵓⵙⵇⵇⵉⵎ, ⵜⵙⴷⴷⵉⴷ ⵎⴰⵙⵙⴰ ⴼⴰⵟⵉⵎⴰ ⵣⵣⵀⵔⴰ ⵍⵎⵏⵚⵓⵕⵉ, ⵜⴰⵏⵙⵙⵉⵅⴼⵜ ⵏ ⵜⵏⴱⴰⴹⵜ, ⵎⴰⵙ ⵜⵙⵓⵍ ⵉⴳⴰ ⴰⵃⵟⵟⵓ ⵏ ⵜⵣⵎⵔⵜ ⵏ ⵜⵎⵙⴰⵖⵜ ⵏ ⵉⵏⵎⵓⵔⴰⵏ ⵢⴰⵜ ⵜⵖⴰⵡⵙⴰ ⵜⴰⵎⵣⵡⴰⵔⵓⵜ ⵏ ⵜⵏⴱⴰⴹⵜ. ⴳ ⵓⵙⴰⵜⵉ ⴰⴷ, ⵜⵙⵙⴽⵏ ⴷ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵎⴰⵙ ⵜⵜⵓⵙⴽⴰⵔ ⵢⴰⵜ ⵜⵙⵇⵇⵉⵎⵜ ⵜⴰⵏⴳⵔⵎⴰⵡⴰⵙⵜ ⵉ ⵓⴹⴼⵓⵕ ⵏ ⵓⵙⴱⵓⵖⵍⵓ ⵏ ⵡⴰⵜⵉⴳⵏ ⴷ ⵓⵍⴰ ⴰⵙⵓⵍ ⵏ ⵡⴰⵏⵏⴰⵍ ⵉⵥⵍⵉⵏ ⵉⵜⵜⵓⴼⴽⴰⵏ ⵉ ⵉⵎⵣⵣⵓⵍⵏ ⵏ ⵡⴰⵙⵙⴰⵢ ⴰⴱⵔⵉⴷⴰⵏ.
ⵙⴳ ⵜⵙⴳⴰ ⵢⴰⴹⵏ, ⵜⵎⵍⴰ ⵎⴰⵙⵙⴰ ⵜⴰⵏⵙⵙⵉⵅⴼⵜ ⵏ ⵜⵏⴱⴰⴹⵜ ⵎⴰⵙ ⵉⵜⵜⵓⵣⵎⵎⵎ ⵓⵙⵓⵍ ⵏ ⵜⵉⵖⵍⵉ ⵏ ⵡⴰⵜⵉⴳⵏ ⵏ ⵜⵏⴳⴰⵡⵉⵏ ⵏ ⵡⵓⵜⵛⵉ ⴷ ⵉⵙⵔⵖⴰⵏ, ⵜⵙⴷⴷⵉⴷ ⵎⴰⵙ ⴷ ⵉⵇⵇⴰⵏ ⴰⴷ ⵉⵜⵜⵓⴹⵎⵏ ⵓⵙⵙⴰⵔ ⵏ ⵉⴳⴷⴰⵣⵏ ⴷ ⵓⵎⵏⵖⵉ ⵎⴳⴰⵍ ⴰⵙⵓⵍⵉ ⵏ ⵡⴰⵜⵉⴳⵏ ⴷ ⵜⵎⴰⵥⵓⵍⵜ.
ⴳ ⵓⵙⴰⵜⵉ ⵏⵏⵙ ⵏⵉⵜ, ⵜⵉⵡⵉ ⴷ ⵎⴰⵙⵙⴰ ⴼⴰⵟⵉⵎⴰ ⵣⵣⵀⵔⴰ ⵍⵎⵏⵚⵓⵕⵉ ⵅⴼ ⵜⵖⵜⴰⵙⵜ ⵏ ⵓⵙⴱⴷⴷ ⴰⴽⵓⴷⴰⵏ ⵏ ⵓⴼⴽⴰ ⵏ ⵜⵓⵔⴰⴳⵉⵏ ⵜⵉⵎⴰⵢⵏⵓⵜⵉⵏ ⵏ ⵓⵙⵙⵓⴼⵖ ⵏ ⵎⴰⵟⵉⵛⴰ ⴷ ⵓⵥⴰⵍⵉⵎ ⴷ ⴱⴰⵟⴰⵟⴰ, ⵜⵙⴷⴷⵉⴷ ⵅⴼ ⵓⵃⵟⵟⵓ ⵉⵎⵣⴳⵉ ⵏ ⵓⴳⴷⴰⵣ ⴰⵏⴰⵎⵓⵔ ⴷ ⵓⴼⵔⴰⴳ ⵏ ⵜⵏⵓⴼⴰ ⵏ ⵉⵎⴽⵔⴰⵣⵏ ⴷ ⵉⵎⴷⵔⴰⵡⵏ ⴳ ⵓⵎⵏⵥⴰⵡ ⵏⵏⵖ ⵏ ⵉⴼⵔⵉⵇⵢⴰ. ⵜⵎⵍⴰ ⵎⴰⵙ ⵉⵇⵇⴰⵏ ⵓⴹⴼⵓⵕ ⴰⴽⵓⵢⴰⵙ ⵏ ⵡⴰⵜⵉⴳⵏ ⴷ ⵓⵙⵓⵊⴷ ⵣⵉⴽⴽ ⵉ ⵡⴰⵢⵢⵓⵔ ⵏ ⵔⵎⴹⴰⵏ.
ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⵅⴼ ⵢⴰⵏ ⵓⵙⵏⴼⴰⵕ ⵏ ⵓⵙⵍⴳⵏ ⴷ ⴽⴽⵓⵥ ⵉⵙⵏⵜⴰⵢⵏ ⵏ ⵉⵎⵕⵙⵓⵎⵓⵏ:
- ⴰⵙⵏⴼⴰⵕ ⵏ ⵓⵙⵍⴳⵏ ⵓⵟⵟⵓⵏ 25.06 ⵉⵣⴷⵉⵏ ⴷ ⵓⵙⵏⴼⵍ ⵏ ⵓⵙⵉⵔⴰ ⴰⵏⴰⵎⵓⵔ ⵏ ⵉⵣⵓⴳⴳⴰⵣ ⵖⵔ ⵜⵎⵙⵙⵓⵔⵜ ⵏ ⵜⴼⵓⵍⵉⵏ, ⵉⴱⴷⴷ ⵓⵙⵏⴼⴰⵔ ⴰⴷ ⵅⴼ ⵉⵎⵏⵏⵉⵜⵏ ⴷ ⵉⵍⵓⴳⵏⵏ ⵏ ⵓⵙⵍⴳⵏ ⴰⵙⴰⵜⵉ 50-21 ⵉⵣⴷⵉⵏ ⴷ ⵓⵙⴳⴳⵎ ⵏ ⵜⵎⵔⵙⴰⵍ ⴷ ⵜⵎⵙⵙⵓⵔⵉⵏ ⵜⵉⴳⴷⵓⴷⴰⵏⵉⵏ ⵙ ⵓⵣⵔⴰⴽ ⵏ ⵉⵎⵏⵏⵉⵜⵏ ⵏ ⵓⵙⵍⴳⵏ ⵓⵟⵟⵓⵏ 82.20 ⵉⵙⵏⵓⵍⴼⴰⵏ ⵜⴰⵙⵏⵓⵔⴰⵢⵜ ⵜⴰⵏⴰⵎⵓⵔⵜ ⵏ ⵓⵙⵡⵓⴷⴷⵓ ⴰⵙⵜⵔⴰⵜⵉⵊⵉ ⵏ ⵜⴼⵓⵍⵉⵏ ⵏ ⵓⵡⴰⵏⴽ, ⴷ ⵓⴹⴼⵓⵕ ⵏ ⵜⵎⵍⵍⵉⵜ ⵏ ⵜⵡⵓⵔⵉ ⵏ ⵜⵎⵔⵙⴰⵍ ⴷ ⵜⵎⵙⵙⵓⵔⵉⵏ ⵜⵉⴳⴷⵓⴷⴰⵏⵉⵏ.
- ⴰⵙⵏⴼⴰⵕ ⵏ ⵓⵎⵕⵚⵓⵎ ⵓⵟⵟⵓⵏ 2.26.592 ⵙ ⵓⵙⵎⴰⴷ ⵏ ⵓⵎⵕⵚⵓⵎ ⵓⵟⵟⵓⵏ 2.17.226 ⵉⴼⴼⵖⵏ ⴳ 4 ⵛⴰⵡⵡⴰⵍ 1438 ⵉⵎⵙⴰⵙⴰⵏ ⴷ 29 ⵢⵓⵏⵢⵓ 2017 ⵉⵙⵡⵓⵜⵜⴰⵏ ⵜⴰⵍⴳⴰⵎⵜ ⵏ ⵉⴷⵉⴱⵍⵓⵎⵏ ⴷ ⵉⵙⵍⴽⵉⵏⵏ ⵏⵏⴰ ⵙⵙⵓⵊⵓⴷⵏ ⴷ ⴰⴽⴽⴰⵏ ⵉⵙⵉⵏⴰⴳⵏ ⴷ ⵜⵎⵔⵙⴰⵍ ⵉⴹⴼⵕⵏ ⵉ ⵜⵙⴷⴰⵡⵉⵜ ⵏ ⵍⵇⴰⵔⴰⵡⵉⵢⵉⵏ, ⵏⵏⴰ ⵉⵙⵡⴰⵜⵜⴰⵙⵏ ⴰⵙⵉⴷⴼ ⵏ ⵓⵙⵍⴽ ⵏ ⴷⴷⵓⴽⵜⵓⵔⴰ ⵏⵏⴰ ⵉⵜⵜⵓⵙⵏⵓⵍⴼⴰⵏ ⴳ ⵓⵙⵉⵏⴰⴳ ⵏ ⵎⵓⵃⵎⵎⴷ ⵡⵉⵙⵙ ⵚⴹⵉⵚ ⵏ ⵜⵖⵓⵔⵉⵡⵉⵏ ⴷ ⵜⵣⵔⴰⵡⵉⵏ ⵏ ⵍⵇⵓⵔⴰⵏ ⵉⴹⴼⵕⵏ ⵉ ⵜⵙⴷⴰⵡⵉⵜ ⵏ ⵍⵇⴰⵔⴰⵡⵉⵢⵉⵏ ⴳ ⵜⵍⴳⴰⵎⵜ ⵏ ⵉⴷⵉⴱⵍⵓⵎⵏ ⴷ ⵉⵙⵍⴽⵉⵏⵏ ⵏⵏⴰ ⵙⵙⵓⵊⵓⴷⵏ ⴷ ⴰⴽⴽⴰⵏⵜ ⵜⵎⵔⵙⴰⵍ ⴷ ⵉⵙⵉⵏⴰⴳⵏ ⵉⴹⴼⵕⵏ ⵉ ⵜⵙⴷⴰⵡⵉⵜ ⴰⴷ.
- ⴰⵙⵏⴼⴰⵕ ⵏ ⵓⵎⵕⵚⵓⵎ ⵓⵟⵟⵓⵏ 2.26.526 ⵉⵙⵔⵙⵏ ⵉⵎⴰⴽⵏ ⵉⵏⵎⴰⵍⴰⵏⵏ ⵉ ⵜⵏⴰⴼⵓⵜ ⵏ ⴽⵔⴰ ⵏ ⵉⵎⵙⵡⵓⵔⵉⵢⵏ ⴳ ⵜⵎⴰⵡⴰⵙⵜ ⵏ ⵜⵣⵔⴼⵜ, ⵏⵏⴰ ⵉⵙⵡⴰⵜⵜⴰⵙⵏ ⴰⴷ ⵉⴼⴽ ⵜⴰⵣⵎⵔⵜ ⵉ ⴽⵔⴰ ⵏ ⵉⵎⵙⵡⵓⵔⵉⵢⵏ ⴳ ⵜⵎⴰⵡⴰⵙⵜ ⵏ ⵜⵣⵔⴼⵜ, ⵣⵓⵏ ⴷ ⵡⵉⵍⵍⵉ ⵉⵜⵜⵓⵙⵔⴰⵙⵏ ⴳ ⵜⴼⵓⵙⵜ ⵏ ⵜⵎⴰⵡⴰⵙⵜ ⴷ ⵡⵉⵍⵍⵉ ⵉⵍⵍⴰⵏ ⴳ ⵡⴰⴷⴷⴰⴷ ⵏ ⵓⵣⴷⴰⵢ ⴰⴽⴷ ⵜⵎⴰⵡⴰⵙⵜ, ⴰⴼⴰⴷ ⴰⴷ ⵙⴼⴰⵢⴷⵉⵏ ⵙⴳ ⵜⵙⵎⵖⵓⵔⵜ ⵏ ⵜⵢⴰⴼⵓⵜ ⵏⵏⴰ ⵉⵜⵜⵓⵙⵔⵙⵏ ⵉ ⵜⵏⴰⴼⵓⵜ ⵏ ⵢⴰⵜ ⵜⵔⴰⴱⴱⵓⵜ ⵏ ⵉⵙⵎⵉⵍⵏ ⵏ ⵉⵎⵙⵖⴰⵏⵏ ⵉⴹⴼⵕⵏ ⵉ ⵜⵎⴰⵡⴰⵙⵜ.
- ⴰⵙⵏⴼⴰⵕ ⵏ ⵓⵎⵕⵚⵓⵎ ⵓⵟⵟⵓⵏ 2.26.838 ⵉⵣⴷⵉⵏ ⴷ ⵓⵙⵏⴼⵍ ⵏ ⵓⵎⵕⵚⵓⵎ ⵓⵟⵟⵓⵏ 2.23.1067 ⵉⴼⴼⵖⵏ ⴳ ⵊⵓⵎⴰⴷⴰ ⵜⴰⵎⵣⵡⴰⵔⵓⵜ 1445 (ⴰⵎⵣⵡⴰⵔⵓ ⵏ ⴷⵓⵊⴰⵏⴱⵉⵔ 2023) ⵉⵣⴷⵉⵏ ⴷ ⵓⵙⵏⵙⵉ ⵏ ⵓⵙⵍⴳⵏ ⵓⵟⵟⵓⵏ 58.23 ⵉⵣⴷⵉⵏ ⴷ ⵓⵏⴳⵔⴰⵡ ⵏ ⵡⴰⵏⵏⴰⵍ ⴰⵏⴰⵎⵓⵏ ⵓⵙⵔⵉⴷ, ⵏⵏⴰ ⵉⵙⵡⴰⵜⵜⴰⵙⵏ ⴰⵙⵖⵍⵉ ⵏ ⵡⴰⵜⵉⴳ ⵏ ⵜⵉⵡⵉⵙⵉ ⵜⴰⵎⴰⵜⴰⵢⵜ ⴰⵍⵍⵉⴳ ⵔⴰⴷ ⵉⵎⵎⵓⵜⵜⵉ ⵓⵙⵡⵉⵔ ⴰⵏⴰⴷⴷⴰⵡ ⵏ ⵡⴰⵏⵏⴰⵍ ⵙⴳ ⵙⵎⵎⵓⵙⵜ ⵜⵎⴰⴹ ⵏ ⴷⴷⵔⵀⵎ ⵖⵔ ⵚⴹⵉⵚⵜ ⵜⵎⴰⴹ ⵏ ⴷⴷⵔⵀⵎ ⵙⴳ ⵓⵎⵣⵡⴰⵔⵓ ⵏ ⵉⵏⵏⴰⵢⵔ 2027 ⵙ ⵓⵙⵖⵉⵡⵙ ⵏ ⵜⵎⵔⵏⵉⵡⵉⵏ ⵢⴰⴹⵏ ⴳ ⵉⵙⴳⴳⵯⴰⵙⵏ ⴷ ⵉⴷⴷⴰⵏ ⴳ ⵓⵎⵏⵉⴷ ⵏ ⵓⵍⴽⴰⵎ ⵏ ⵉⴼⴹ ⵏ ⴷⴷⵔⵀⵎ ⴰⵙⴳⴳⵯⴰⵙ ⵏ 2031.
ⵉⵙⵎⴷ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵙⴰⵙⴰ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ :
- ⴳ ⵓⵙⵡⵉⵔ ⵏ ⵜⵎⴰⵡⴰⵙⵜ ⵏ ⵓⵙⵎⵙⴰⵙⴰ ⵏ ⵡⴰⴽⴰⵍ ⴰⵏⴰⵎⵓⵔ ⴷ ⵓⵥⴽⴰⵡ ⴷ ⵓⵣⴷⴷⵓⵖ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ, ⵉⵜⵜⵓⵙⵏⵎⴰⵍⴰ :
- ⵎⴰⵙⵙ ⵊⴰⵍⴰⵍ ⵍⵎⵄⵟⴰ, ⴰⵏⵎⵀⴰⵍ ⵏ ⵓⵙⵎⵙⴰⵙⴰ ⵏ ⵡⴰⴽⴰⵍ ⴰⵏⴰⵎⵓⵔ ;
- ⵎⴰⵙⵙ ⵎⵓⵔⴰⴷ ⵉⴳⵉⵜⵏ, ⴰⵏⵎⵀⴰⵍ ⵏ ⵜⵙⵏⵓⵔⴰⵢⵜ ⵜⴰⵖⵔⵎⴰⵏⵜ ⵏ ⵍⵃⵓⵙⵉⵎⴰ.