ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵡⴰⵢⵏⴰⵙ12 ⵎⴰⵢⵓ 2025
ⵉⵜⵜⴰⵡⵙⴽⴰⵔ ⴰⵙⵙ ⵏ ⵡⴰⵢⵏⴰⵙ14 ⴷⵉⵍⵇⵄⴷⴰ1446 ⵉⵎⵙⴰⵙⴰⵏ ⴰⴽⴷ12 ⵎⴰⵢⵓ 2025 ⴰⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ. ⵉⵥⵍⵉ ⵓⴳⵔⴰⵡ ⴰⴷ ⵙ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⵃⵎⴰ ⴰⴷ ⵅⴼ ⵍⵍⴰⵙⵏ ⵢⵉⵍⵉ ⵓⵎⴹⴰⴽⴰⵕ ⴳ ⵓⵙⵇⵇⵉⵎ ⴰⵏⵎⴰⵡⵙⴰⵙ.
- ⴳ ⵜⵣⵡⵉⵔⵉ ⵏ ⵓⴳⵔⴰⵡ ⵏ ⵓⵙⵇⵇⵉⵎ ⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⵏⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵙⵍⴳⵏ ⴰⵎⴰⴷⴷⴰⵙ ⵓⵟⵟⵓⵏ 09.25 ⵉⵙⵏⴼⵍⵏ ⵉⵙⵖⵓⴷⴰⵏ ⴰⵙⵍⴳⵏ ⴰⵎⴰⴷⴷⴰⵙ ⵓⵟⵟⵓⵏ 106.13 ⵉⵥⵍⵉⵏ ⵙ ⵓⵏⴳⵔⴰⵡ ⴰⴷⵙⵍⴰⵏ ⵏ ⵉⵏⴱⴹⴰ, ⵉⵙⵎⵏⵉⴷ ⵜ ⵎⴰⵙⵙ ⵄⴰⴱⴷⵍⵍⴰⵜⵉⴼ ⵡⴰⵀⴱⵉ ⴰⵎⴰⵡⵙⴰⵙ ⵏ ⵜⵣⵔⴼⵜ.
- ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⴹⴰⴽⴰⵕ ⴷ ⵓⵙⵓⵙⵙⵏ ⵏ ⴽⴽⵓⵥ ⵏ ⵉⵙⵏⵜⴰⵢ ⵏ ⵉⵎⵕⵙⵓⵎⵏ, ⵉⵙⵎⵏⵉⴷ ⵜⵏ ⵄⴰⴱⴷⵍⵍⴰⵜⵉⴼ ⵍⵡⴷⵢⵉ, ⴰⵎⴰⵡⵙⴰⵙ ⴰⵎⴰⵔⵉ ⵖⵓⵔ ⵓⵏⵙⵙⵉⵅⴼⵜ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵎⵣⴰⵖ ⴰⵏⴰⵎⵓⵔ, ⵣⵍⵉⵏ ⵙ :
1. ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.366 ⵉⵥⵍⵉⵏ ⵙ ⵜⵙⵔⴷⴰⵙⵜ ⵜⴰⵢⵍⴰⵏⵜ ;
2. ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.163 ⵉⵙⵏⴼⵍⵏ ⵉⵙⵖⵓⴷⴰⵏ ⴰⵎⵕⵙⵓⵎ ⵓⵟⵟⵓⵏ 2.65.046 ⵍⵍⵉ ⴷ ⵉⴼⴼⵖⵏ ⴳ 6 ⵎⵄⵃⵕⵕⴰⵎ 1385 (7 ⵎⴰⵢⵓ 1965) ⵉⵥⵍⵉⵏ ⵙ ⵡⴰⴷⴷⴰⴷ ⵏ ⵉⵙⴷⵔⴰⵙⵏ ⵉⵏⴹⴼⴰⵕ ⴷ ⵉⵎⴰⵡⴰⵙⵏ ⵏⵏⵙⵏ ⵉⵙⴷⵔⴰⵙ ⵢⴰⴹⵏ ⵍⵍⵉ ⵖⵓⵔⵙⵏ ⵉⵙⵡⵓⵔⵉⵏ ;
3. ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.381 ⵉⵙⵏⴼⵍⵏ ⵉⵙⵖⵓⴷⴰⵏ ⴰⴹⴰⵀⵉⵕ ⴰⵛⴰⵔⵉⴼ ⵓⵟⵟⵓⵏ 1.75.015 ⵍⵍⵉ ⴷ ⵉⴼⴼⴰⵖⵏ ⴳ 13 ⵊⵓⵎⴷⴰ ⴰⵎⴳⴳⴰⵔⵓ 1376 (15 ⵉⵏⵏⴰⵢⵔ 1957) ⵉⵙⵔⵙⵏ ⴰⴷⴷⵓⵔⵏ ⵏ ⵉⵙⴰⵔⴷⴰⵙⵏ ⵉⵜⵜⴰⵎⵥⵏ ⵜⵉⵖⵔⴰⴷ ⴽⴰ ⵡⴰⵢⵢⵓⵔ ⵉⴹⴼⴰⵕⵏ ⵉ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ;
4. ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.382 ⵉⵙⵏⴼⵍⵏ ⵉⵙⵖⵓⴷⴰⵏ ⴰⵎⵕⵙⵓⵎ ⵓⵟⵟⵓⵏ 2.56.680 ⵍⵍⵉ ⴷ ⵉⴼⴼⴰⵖⵏ ⴳ 24 ⴷⵉⵍⵃⵉⵊⵊⴰ 1375 (2 ⵖⵓⵛⵜ 1956) ⵉⵙⵔⵙⵏ ⴰⵏⴳⴰⵡ ⵏ ⵜⵖⵔⴰⴷ ⴷ ⵓⵜⵛⵉ ⴷ ⵡⴰⵥⵥⴰⵢⵏ ⵏ ⵡⴰⵙⵙⴰⵢ ⵏ ⵉⵙⵔⴷⴰⵙⵏ ⴳ ⵜⴳⴳⴰⵍⵉⵏ ⵜⵉⵍⴰⴼⵉⵏ ⵜⵉⴳⵍⴷⴰⵏⵉⵏ ⵍⵍⵉ ⵉⵜⵜⴰⵎⵥⵏ ⵜⵉⵖⵔⴰⴷ ⵜⵉⵎⵥⵍⴰⵢ ⵢⵓⴼⴰⵏ ⴷ ⵓⵙⵍⵉⴳⵏ ⵏ ⵜⵎⵙⵙⵓⴳⵓⵔⵜ ⴷ ⵓⵙⵉⴹⵏ ⵙⵔⵙⵏ ⵉⵥⵍⵉⵏ.
