ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 26 ⵢⵓⵏⵢⵓ 2025
ⵉⵜⵜⴰⵡⵙⴽⴰⵔ ⴰⵙⵙ ⵏ ⵓⴽⵡⴰⵙ 29 ⴷⵓⵍⵃⵉⵊⵊⴰ 1446 ⵉⵎⵙⴰⵙⴰⵏ ⴰⴽⴷ 26 ⵢⵓⵏⵢⵓ 2025 ⴰⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ. ⵉⵥⵍⵉ ⵓⴳⵔⴰⵡ ⴰⴷ ⵙ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⴷ ⵓⵎⴹⴰⴽⴰⵕ ⵜⵙⵓⵎⴰⵔ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴷ ⵓⵎⵏⵏⵉ ⵡⵉⵙ 92 ⵏ ⵓⴷⵓⵙⵜⵓⵔ.
- ⴳ ⵣⵡⵓⵔⵉ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⵏⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 64.23 ⵉⵥⵍⵉⵏ ⵙ ⵓⵙⴽⴰⵔ ⵜⵙⵏⵓⵔⴰⵢⵉⵏ ⵜⵉⵙⴳⴰⵡⴰⵏⵉⵏ ⵏ ⵓⵥⴽⴰⵡ ⴷ ⵓⵣⴷⴷⵓⵖ, ⵜⵙⵎⵏⵉⴷ ⵜ ⵎⴰⵙⵙⴰ ⴼⴰⵜⵉⵎⴰ ⵣⴰⵀⵕⴰ ⵎⴰⵏⵚⵓⵔⵉ, ⵜⴰⵎⴰⵡⵙⴰⵙⵜ ⵏ ⵓⵙⵎⵙⴰⵙⴰ ⵏ ⵡⴰⴽⴰⵍ ⴰⵏⴰⵎⵓⵔ ⴷ ⵓⵥⴽⴰⵡ ⴷ ⵓⵣⴷⴷⵓⵖ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ.
- ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⵏⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 56.24 ⵍⵍⵉ ⵉⵙⵏⴼⵍⵏ ⵏ ⵓⵙⵉⵔⴰ ⴰⵏⴰⵎⵓⵔ ⵏ ⵀⵉⴷⵕⵓⴽⴰⵕⴱⵓⵏ ⴷ ⵉⵎⵖⵓⵣⵏ ⴰⴷ ⵉⴳ ⵜⴰⵎⵙⵙⵓⵔⵜ ⵜⴰⴱⵣⴰⵔⵜ, ⵜⵙⵎⵏⵉⴷ ⵜ ⵎⴰⵙⵙⴰ ⵍⴰⵢⵍⴰ ⴱⵏⵄⵍⵉ, ⵜⴰⵎⴰⵡⵙⴰⵙⵜ ⵏ ⵓⵎⵓⵜⵜⵉ ⴰⵥⴹⴰⵕⴰⵏ ⴷ ⵜⴳⵎⵉ ⵜⴰⵙⵓⵍⴰⵏⵜ.
- ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴰⴱⴰⴹⵜ ⵜⵡⵓⵔⵉⵡⵉⵏ ⵏⵏⵙ ⵙ ⵓⵎⴹⴰⴽⴰⵕ ⴷ ⵓⵙⵖⵥⵏ ⵏ ⴽⵕⴰⴹ ⵉⵎⵕⵙⵓⵎⵏ ⵉⵥⵍⵉⵏ ⵙ ⵉⴳⵔ ⵏ ⵜⴷⵓⵙⵉ, ⵉⵙⵎⵏⵉⴷ ⵜⵏ ⵎⴰⵙⵙ ⴰⵎⵉⵏ ⵟⵟⴰⵀⵕⴰⵡⵉ, ⴰⵎⴰⵡⵙⴰⵙ ⵏ ⵜⴷⵓⵙⵉ ⴷ ⵡⵔⴰⵢ ⴰⵏⴰⵎⵓⵏ, ⵥⵍⵉⵏ ⵙ :
- ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.226 ⵉⵥⵍⵉⵏ ⵙ ⵓⵏⴳⵔⴰⵡ ⴰⴷⵙⵍⴰⵏ ⴰⵎⴷⵢⴰⵏ ⵉⵥⵍⵉⵏ ⵙ ⵢⵉⵎⵙⵡⵓⵔⵉⵜⵏ ⵉⵣⵣⵓⵍⴰⵏⵏ ⵏ ⵜⴷⵓⵙⵉ ⴳ ⵜⵔⵓⴱⴱⴰ ⵜⵉⵏⴰⴽⴰⵍⵉⵏ ⵜⵉⴷⵓⵙⴰⵏⵉⵏ.
- ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.231 ⵉⵙⵏⴼⵍⵏ ⵉⵙⵖⵓⴷⴰⵏ ⴰⵎⵕⵙⵓⵎ 2.90.471 ⵍⵍⵉ ⴷ ⵉⴼⴼⴰⵖⵏ 7 ⴳ ⵊⵓⵎⴷⴰ ⴰⵎⴳⴳⴰⵔⵓ 1411 (25 ⴷⵓⵊⴰⵏⴱⵉⵔ 1990) ⵍⵍⵉ ⵢⴰⴽⴽⴰⵏ ⵜⵉⵖⵔⴰⴷ ⵜⵉⵏⵙⵎⴰⴷⵉⵏ ⵉ ⵉⵙⴰⵍⵎⴰⴷⵏ ⵉⵎⵔⵣⵓⵜⵏ ⴳ ⵜⵙⵏⵉⵊⵊⵉⵜ ⴷ ⵜⵙⴰⵙⴼⵔⵜ ⴷ ⵜⵙⵏⵉⵊⵊⵉⵜ ⵏ ⵜⵖⵎⴰⵙ.
- ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.747 ⵉⵥⵍⵉⵏ ⵙ ⵓⵣⵎⵣ ⵏ ⵓⵙⵏⵜⵉ ⵏ ⵜⵡⵓⵔⵉ ⴳ ⵜⵔⵓⴱⴱⴰ ⵜⵉⵏⴰⴽⴰⵍⴰⵉⵏ ⵜⵉⴷⵓⵙⴰⵏⵉⵏ ⵏ ⵟⴰⵏⵊⴰ - ⵜⵉⵟⵡⴰⵏ - ⵍⵃⵙⴰⵢⵎⴰ ⴳ ⵓⵙⵡⵓⴷⴷⵓ ⵏ ⵜⵡⵓⵔⵉⵡⵉⵏ ⵍⵍⵉ ⵜⵜⴳⴳⴰⵏⵜ.
- ⵉⵎⵎⴰⵜⵉ ⵓⵙⵇⵇⵉⵎ ⵏ ⵜⵏⴱⴰⴹⵜ ⵙ ⵓⵎⴹⴰⴽⴰⵕ ⴷ ⵓⵙⵖⵥⵏ ⵏ ⵓⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.532 ⵉⵙⵏⴼⵍⵏ ⵉⵙⵖⵓⴷⴰⵏ ⴰⵎⵕⵙⵓⵎ ⵓⵟⵟⵓⵏ 2.98.548 ⵍⵍⵉ ⴷ ⵉⴼⴼⴰⵖⵏ 28 ⵛⴰⵡⵡⴰⵍ 1419 (15 ⴱⵕⴰⵢⵕ 1999) ⵉⵥⵍⵉⵏ ⵙ ⵓⵏⴳⵔⴰⵡ ⴰⴷⵙⵍⴰⵏ ⵉⵥⵍⵉⵏ ⵉⵙⴰⵍⵎⴷⴰⵏ ⵉⵎⵔⵣⵓⵜⵏ ⴳ ⵜⵙⵏⵉⵊⵊⵉⵜ ⴷ ⵜⵙⴰⵙⴼⵔⵜ ⴷ ⵜⵙⵏⵉⵊⵊⵉⵜ ⵏ ⵜⵖⵎⴰⵙ, ⵉⵙⵎⵏⵉⴷ ⵜ ⵎⴰⵙⵙ ⵄⴰⵣⴷⴷⵉⵏ ⵎⵉⴷⴰⵡⵉ, ⴰⵎⴰⵡⵙⴰⵙ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵉⵙⵍⵍⵡⵉ.
ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵙⴰⵙⴰ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ :
- ⴳ ⵜⵎⴰⵡⴰⵙⵜ ⵏ ⵓⵙⵎⵙⴰⵙⴰ ⵏ ⵡⴰⴽⴰⵍ ⴰⵏⴰⵎⵓⵔ ⴷ ⵓⵥⴽⴰⵡ ⴷ ⵓⵣⴷⴷⵓⵖ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ, ⵜⵜⵓⵙⵏⵎⴰⵍⴰⵏ :
- ⵎⴰⵙⵙ ⵄⴰⴱⴷ ⵍⵖⵏⵉ ⵟⵟⵉⵢⵉⴱⵉ, ⴰⵎⴳⴳⵉⵡⵙ ⴰⵙⴳⴰⵡⴰⵏ ⵏ ⵓⵥⴽⴰⵡ ⵏ ⴷ ⵜⵎⵙⴷⴰⴳⵜ ⴷ ⵓⵙⵎⵙⴰⵙⴰ ⵏ ⵡⴰⴽⴰⵍ ⴰⵏⴰⵎⵓⵔ ⴳ ⵜⵙⴳⴰ ⵏ ⵎⵕⵕⴰⴽⴽⵯⵛ-ⴰⵙⴼⵉ ;
- ⵎⴰⵙⵙ ⵀⴰⵢⵜⴰⵎ ⵙⵙⵡⵉⵙⵉ, ⴰⵏⵎⵀⴰⵍ ⵏ ⵉⵖⴰⵡⵙⵏ ⵉⵎⴰⵟⵟⵓⵏ ⴷ ⵜⵉⴹⴰⴼ ;
- ⴳ ⵜⴰⵡⵙⴰⵙⵜ ⵏ ⵓⵎⵓⵜⵜⵉ ⴰⵥⴹⴰⵕⴰⵏ ⴷ ⵜⴳⵎⵉ ⵜⴰⵙⵓⵍⴰⵏⵜ-ⵓⵎⵓⵜⵜⵉ ⴰⵥⴹⴰⵕⴰⵏ, ⵉⵜⵜⵓⵙⵏⵎⴰⵍⴰ :
- ⵎⵓⵃⵎⵎⴰⴷ ⵡⴰⵀⵎⵉⴷ, ⴰⵏⴼⵍⵓⵙ ⴰⵎⴰⵜⴰⵢ ;
- ⴳ ⵜⴰⵡⵙⴰⵙⵜ ⵏ ⵜⵄⵄⵓⵔⵎⴰ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ-ⵉⴳⵔ ⵏ ⵓⵎⵢⴰⵡⴰⴹ, ⵉⵜⵜⵓⵙⵏⵎⴰⵍⴰ:
- ⵎⴰⵙⵙ ⵎⵓⵃⵎⵎⴰⴷ ⵕⵉⴹⴰ ⴱⵏⵊⵍⵍⵓⵏ, ⴰⵏⵎⵀⴰⵍ ⵏ ⵡⴰⵎⵎⴰⵙ ⵏ ⵙⵙⵉⵏⵉⵎⴰ ⵏ ⵍⵎⵖⵔⵉⴱ;
- ⴳ ⵜⴰⵡⵙⴰⵙⵜ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⵏⵉⵏ - ⵉⴳⵔ ⵏ ⵜⴳⵎⵔⵜ ⵜⴰⵢⵍⴰⵏⵜ, ⵜⴻⵜⵜⵓⵙⵏⵎⴰⵍⴰ:
- ⵎⴰⵙⵙⴰ ⵉⵍⵀⴰⵎ ⴱⵓⵎⵄⵣⴰ, ⵜⴰⵎⴳⴳⵉⵡⵙⵜ ⵜⴰⵎⴰⵜⴰⵢⵜ;
- ⴳ ⵜⴰⵡⵙⴰⵙⵜ ⵏ ⵓⵇⵡⵡⵓⵎ ⴷ ⵡⴰⵎⴰⵏ, ⵉⵜⵜⵓⵙⵏⵎⴰⵍⴰ:
- ⵎⴰⵙⵙ ⵚⵍⴰⵃ ⴷⴷⵉⵏ ⴷⴷⵀⴱⵉ, ⴰⵏⵎⵀⴰⵍ ⵏ ⵓⵔⵣⵣⵓ ⴷ ⵓⵙⵖⵉⵡⵙ ⵏ ⵡⴰⵎⴰⵏ ⴳ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵓⵜⵡⴰⵍ ⵏ ⵡⴰⵎⴰⵏ.
