ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 10 ⵢⵓⵍⵢⵓⵣ 2025
ⵉⵜⵜⴰⵡⵙⴽⴰⵔ ⴰⵙⵙ ⵏ ⵓⴽⵡⴰⵙ 14 ⵎⵓⵃⴰⵕⵕⴰⵎ 1447 ⵉⵎⵙⴰⵙⴰⵏ ⴰⴽⴷ 10 ⵢⵓⵍⵢⵓⵣ 2025 ⴰⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ. ⵉⵥⵍⵉ ⵓⴳⵔⴰⵡ ⴰⴷ ⵙ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⴷ ⵓⵙⵓⵙⵙⵏ ⵏ ⵢⴰⵜ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ ⵙ ⵓⵎⵙⴰⵙⴰ ⴷ ⵓⵎⵏⵏⵉ ⵡⵉⵙ 92 ⵏ ⵓⴷⵓⵙⵜⵓⵔ.
- ⴳ ⵜⵣⵡⵓⵔⵉ ⵏ ⵓⴳⵔⴰⵡ ⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⵏⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 16.25 ⵉⵙⵏⴼⵍⵏ ⴰⵙⵍⴳⵏ 36.21 ⵉⵥⵍⵉⵏ ⵙ ⴰⴷⴷⴰⴷ ⵓⵖⵔⵉⵎ, ⵉⵙⵎⵏⵉⴷ ⵜ ⵎⴰⵙⵙ ⵄⴰⴱⴷⵍⵡⴰⴼⵉ ⵍⴼⵜⵉⵜ, ⴰⵎⴰⵡⵙⴰⵙ ⵏ ⵓⴳⵯⵏⵙ.
- ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⵏⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 19.25 ⵉⵥⵍⵉⵏ ⵙ ⵓⵃⵟⵟⵓ ⵏ ⵉⵉⵎⵓⴷⴰⵔ ⵉⵥⴳⴹⵏ ⴷ ⵡⴰⵏⴰⴼ ⴳ ⵙⵙⵎ ⵏⵏⵙⵏ, ⵉⵙⵎⵏⵉⴷ ⵜ ⵎⴰⵙⵙ ⴰⵃⵎⴰⴷ ⵍⴱⵡⴰⵔⵉ, ⴰⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ.
- ⴹⴰⵕⴰⵜ ⵎⴰⵢⴰⵏⵏ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⵏⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 35.25 ⵉⵥⵍⵉⵏ ⵙ ⵓⵙⴽⴰⵔ ⵏ « ⵜⵎⵔⵙⵍⵜ ⵏ ⵍⵎⵖⵔⵉⴱ 2030 » , ⵉⵙⵎⵏⵉⴷ ⵜ ⵎⴰⵙⵙ ⴼⴰⵡⵣⵉ ⵍⵇⵇⵊⵄ, ⴰⵎⴰⵡⵙⴰⵙ ⴰⵎⴰⵔⵉ ⵖⵓⵔ ⵜⵎⴰⵡⴰⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ ⵉⵜⵜⵓⵙⵎⴰⴳⴰⵍⵏ ⵙ ⵜⵎⵙⴰⵙⵍⵜ.
- ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵡⵓⵔⵉⵡⵉⵏ ⵏⵏⵙ ⵙ ⵓⵎⴹⴰⴽⴰⵕ ⴷ ⵓⵙⵖⵥⵏ ⵅⴼ ⵓⵎⵕⵙⵓⵎ ⵓⵟⵟⵓⵏ 2.25.565 ⵉⵎⵎⴰⵍⴰⵏ ⴰⵙⵏⴰⵢ ⵏ ⵜⵙⵇⵇⵉⵎⵜ ⵜⴰⵎⵙⵙⵓⴳⵓⵔⵜ ⵉⵜⵜⵓⵙⴽⴰⵔⵏ ⵙ ⵓⵙⵍⴳⵏ ⵓⵟⵟⵓⵏ 24.96 ⵉⵥⵍⵉⵏ ⵙ ⵜⵙⴰⵡⴰⵢⵜ ⴷ ⵓⵣⵓⵣⵣⵔ ⴰⵎⴰⵢⴰⵡⴰⴹ, ⵜⵙⵎⵏⵉⴷ ⵜ ⵎⴰⵙⵙⴰ ⴰⵎⴰⵍ ⵍⴼⵍⵍⴰⵃ, ⵜⴰⵎⵡⵙⴰⵙⵜ ⵜⴰⵎⴰⵔⵉⵜ ⵖⵓⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵎⵓⵜⵜⵉ ⴰⵎⴰⵟⵟⵓⵏ ⴷ ⵓⵙⴳⴳⴷ ⵏ ⵜⵎⵙⵙⵓⴳⵓⵔⵜ.
ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵡⵓⵔⵉⵡⵉⵏ ⵏⵏⵙ ⵙ ⵉⴽⵎⵎⵍ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵡⵓⵔⵉⵡⵉⵏ ⵏⵏⵙ ⵙ ⵓⵙⵓⵙⵙⵏ ⵏ ⵜⵎⵢⴰⵇⵇⴰⵏⵜ ⵏⴳⵔ ⵜⵏⴱⴰⴹⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵏⴱⴰⴹⵜ ⵏ ⵜⴳⵍⴷⵉⵜ ⵜⴰⵄⵕⴰⴱⵜ ⵏ ⵙⵙⴰⵄⵓⴷⵢⴰ, ⵉⵜⵜⵓⵙⴳⵎⴰⴹⵏ ⴳ ⵕⵕⵢⴰⴹⴳ 13 ⵏⵓⵡⵏⴱⵉⵔ 2024, ⴷ ⵓⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 18.25 ⵉⵙⵖⵥⵏ ⵜⴰⵎⵢⴰⵇⵇⴰⵏⵜ ⴰⴷ, ⵉⵙⵎⵏⵉⴷ ⵜ ⵎⴰⵙⵙ ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⵏ ⵉⴼⵕⵉⵇⵢⴰ ⴷ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ.
ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵙⴰⵙⴰ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ :
- ⴳ ⵜⵎⴰⵡⴰⵙⵜ ⵏ ⵜⵣⵔⴼⵜ, ⵉⵜⵜⵓⵙⵏⵎⴰⵍⴰ :
- ⵎⴰⵙⵙ ⴼⴰⵔⵉⴷ ⴱⵏⵄⵣⵉⵣⵉ, ⴰⵏⵎⵀⴰⵍ ⵏ ⵓⵙⵉⵏⴰⴳ ⵏⴰⵎⵓⵔ ⵏ ⵜⵏⴼⵍⵓⵙ ⵏⵓⵣⵎⵎⴻⵎ ⴷ ⵜⵓⵣⵣⵓⵍⵉⵏ ⵜⵓⵍⵓⴳⵉⵏ ⴷ ⵜⵏⴱⴹⴰⵢⵉⵏ ;
- ⴳ ⵜⴰⵡⵙⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵏⵣⵓ ⴷ ⵜⵓⵏⵏⵓⵏⵜ, ⵜⵜⵓⵙⵏⵎⴰⵍⴰⵏ:
- ⵎⴰⵙⵙ ⴷⵔⵉⵙ ⵡⴰⵃⵉⵏ, ⴰⵏⵎⵀⴰⵍ ⵏ ⵜⴳⴰⴷⵉⵎⵉⵜ ⵜⴰⵙⴳⴰⵡⴰⵏⵜ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⵏ ⵜⵙⴳⴰ ⵏ ⵙⵓⵙ-ⵎⴰⵙⵙⴰ;
- ⵎⴰⵙⵙ ⵄⴰⴱⴷ ⵍⵍⴰⵟⵉⴼ ⵛⴰⵡⵇⵉ, ⴰⵏⵎⵀⴰⵍ ⵏ ⵜⴳⴰⴷⵉⵎⵉⵜ ⵜⴰⵙⴳⴰⵡⴰⵏⵜ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⵏ ⵜⵙⴳⴰ ⵏ ⵎⵕⵕⴰⴽⴽⵯⵛ -ⴰⵙⴼⵉ;
- ⴳ ⵜⴰⵡⵙⴰⵙⵜ ⵏ ⵓⵎⵓⵜⵜⵉ ⴰⵥⴹⴰⵕⴰⵏ ⴷ ⵜⴳⵎⵉ ⵜⴰⵙⵓⵍⴰⵏⵜ-ⴰⵎⵓⵜⵜⵉ ⴰⵥⴹⴰⵕⴰⵏ, ⵉⵜⵜⵓⵙⵏⵎⴰⵍⴰ :
- ⵎⴰⵙⵙ ⵣⴰⴽⴰⵕⵢⴰ ⵚⴰⴷⵉⵇⵉ, ⴰⵏⵎⵀⴰⵍ ⵏ ⵜⵖⴰⵡⵙⵡⵉⵏ ⵜⵉⵎⵙⵙⵓⴳⴰⵔ ⴷ ⵉⵖⴰⵡⴰⵙⵏ ⵏ ⵓⵎⵍⴰⵏ.
- ⵎⴰⵙⵙ ⵣⴰⴽⴰⵕⵢⴰ ⵚⴰⴷⵉⵇⵉ, ⴰⵏⵎⵀⴰⵍ ⵏ ⵜⵖⴰⵡⵙⵡⵉⵏ ⵜⵉⵎⵙⵙⵓⴳⴰⵔ ⴷ ⵉⵖⴰⵡⴰⵙⵏ ⵏ ⵓⵎⵍⴰⵏ.
