ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 24 ⵢⵓⵍⵢⵓⵣ 2025
ⵉⵜⵜⴰⵡⵙⴽⴰⵔ ⴰⵙⵙ ⵏ ⵓⴽⵡⴰⵙ 28 ⵎⵓⵃⴰⵕⵕⴰⵎ 1447 ⵉⵎⵙⴰⵙⴰⵏ ⴰⴽⴷ 24 ⵢⵓⵍⵢⵓⵣ 2025 ⴰⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ. ⵉⵥⵍⵉ ⵓⴳⵔⴰⵡ ⴰⴷ ⵙ ⵓⵙⵎⵏⵉⴷ ⵏ ⵢⴰⵏ ⵓⴼⵙⵔ ⴰⵣⵓⵏⴰⵏ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⴷ ⵓⵙⵓⵙⵙⵏ ⵏ ⵢⴰⵜ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ ⵙ ⵓⵎⵙⴰⵙⴰ ⴷ ⵓⵎⵏⵏⵉ ⵡⵉⵙ 92 ⵏ ⵓⴷⵓⵙⵜⵓⵔ.
ⴳ ⵜⵣⵡⵓⵔⵉ ⵏ ⵓⴳⵔⴰⵡ ⴰⴷ, ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵢⴰⵏ ⵓⵙⴼⵙⵔ ⵅⴼ ⵓⵙⵡⵓⴷⴷⵓ ⵏ ⵓⵙⵍⴳⵏ ⴰⵥⵕⴼⴰⵏ ⵏ ⵓⵙⴳⴳⵯⴰⵙ ⵏ 2025 ⴷ ⵓⵙⵔⵓⵙ ⵏ ⵓⵙⵍⴳⵏ ⵏ ⵜⵥⵕⴼⵜ ⵏ ⵓⵙⴳⴳⵯⴰⵙ 2026 ⴷ ⵓⵙⵖⵉⵡⵙ ⵜⵎⵙⴰⵙⵍⵜ ⵏ ⴽⵕⴰⴹ ⵏ ⵉⵙⴳⴳⵯⴰⵙⵏ 2026-2028, ⵜⵙⵎⵏⵉⴷ ⵜ ⵎⴰⵙⵙⴰ ⵏⴰⴷⵢⴰ ⴼⵜⵜⴰⵃ, ⵜⴰⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ.
ⴳ ⵎⵏⵉⴷ ⴰⴷ, ⵜⵉⵡⵉ ⴷ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵎⴰ ⵙ ⵜⴷⵓⵙ ⵜⴷⴰⵎⵙⴰ ⵜⴰⵏⵎⵓⵔⵜ ⵍⵍⵉⵖ ⵜⵍⴽⵎ ⵢⴰⵜ ⵜⵙⴽⴼⵍⵜ ⵢⴰⵜⵜⵓⵢⵏ ⵜⴰⵙⵓⵍⴰⵏⵜ ⵎⵖⴰⵔ ⵉⵏⴰⵥⴰⵕⵏ ⵏ ⵜⵉⵣⵉ ⴰⴷ, ⵖⵉⵍⵍⵉ ⴰⴷ ⵉⵥⴹⴰⵕ ⴰⴷ ⵉⵍⴽⵎ ⵓⵟⵟⵓⵏ ⵏ ⵓⵙⵖⵓⴷⵓ 4,5 ⴳ ⵓⵙⴳⴳⵯⴰⵙ ⴰⴷ ⵙ ⵜⴷⵉⵏⴰⵎⵉⵜ ⵏ ⵉⵎⵓⵙⵙⵓⵜⵏ ⵡⴰⵔ ⵉⵏⴰⴼⵍⴰⵃⵏ ⵍⵍⵉ ⵉⴱⵓⵖⵍⴰⵏ ⵖ ⴽⵕⴰⴹ ⵉⵙⴳⴳⵯⴰⵙⵏ ⴰⴷ ⵉⵣⵔⵉⵏ. ⵖⵉⴽⵍⵍⵉ ⵜⴰⵙⵡⵍ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵅⴼ ⵡⴰⴷⴷⴰⴷ ⴰⴳⵔⴰⵖⵍⴰⵏ ⵍⵍⵉⵖ ⵓⵔ ⴼⴰⵡⵏ ⵜⵖⴰⵡⵙⵉⵡⵉⵏ ⵍⵍⵉⵖ ⵍⵍⴰⵏ ⵜⵓⴳⵜ ⵏ ⵉⵏⵣⴰⵖⵏ ⵉⵙⵔⵜⴰⵏ ⴷ ⵜⴰⵥⵥⴰⵢⵜ ⵏ ⵓⵙⴱⵓⵖⵍⵓ ⵏ ⵜⴷⴰⵎⵙⴰ ⵜⴰⵎⴰⴹⵍⴰⵏⵜ.
ⴰⵢⵍⵍⵉ ⵉⵥⵍⵉⵏ ⵙ ⵓⵙⵡⵓⴷⴷⵓ ⵏ ⵓⵙⵍⴳⵏ ⵏ ⵜⵥⵕⴼⵜ ⵏ ⵓⵙⴳⴳⵯⴰⵙ 2025, ⵜⵏⵏⴰ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵎⴰ ⵙ ⵔⴰⴷ ⵢⵉⵍⵉ ⵓⴹⴼⵉⵕ ⵓⵙⵖⵓⴷⵓ ⵏ ⵉⵎⵙⴰⵙⴰⵜⵏ ⵉⴷⴰⵎⵙⴰⵏ ⴳ ⵓⵙⵡⵓⴷⴷⵓ ⵏ ⵉⵚⵏⴼⴰⵕⵏ ⵉⵅⴰⵜⴰⵔⵏ ⴷ ⵓⵙⵖⵓⵏ ⴰⵢⵍⵍⵉ ⴷ ⵉⴷⴷⴰⵏ ⴳ ⵓⵖⴰⵡⴰⵙ ⵓⵏⴱⵉⴹ.
ⴰⵢⵍⵍⵉ ⵉⵥⵍⵉⵏ ⵙ ⵉⵙⵏⵉⵎⴰⵍⵏ ⵉⵣⴷⵉⵏ ⵙ ⵡⴰⴷⴷⴰⴷ ⴰⴷⴰⵎⵙⴰⵏ ⵖ ⵎⴰ ⴷ ⵉⵖⴰⵎⴰⵏ ⴳ ⵓⵙⴳⴳⵯⴰⵙ ⴰⴷ, ⵜⵙⴷⴷⵉⴷ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵎⴰ ⵙ ⵔⴰⴷ ⵜⴹⴼⵉⵕ ⵜⵏⴱⴰⴹⵜ ⵜⵎⴳⴳⵢⵉⵏ ⵏ ⵓⵙⵎⵓⵏ ⵏ ⵉⵙⵓⴳⴰⵎ ⴷ ⵓⵙⵡⵓⴷⴷⵓ ⵏ ⵜⵎⵇⵕⴰⴹ ⴰⴷ ⵜⵉⵡⴹ ⴰⵡⴰⵡⵜⵜⴰⵙ ⵏ ⵓⵙⵍⴳⵏ ⵏ ⵜⵥⵕⴼⵜ ⵏ ⵓⵙⴳⴳⵯⴰⵙ ⵏ 2025 ⵍⵍⵉⵖ ⵔⴰⴷ ⵢⵉⵍⵉ ⵓⵙⴱⵉⴷ ⵏ ⵜⴳⴰⵎⵉⵜ ⵏ ⵜⵎⵙⴰⵙⵍⵜ ⴳ 3,5 % ⵏ ⵜⵢⴰⴼⵓⵜ ⵏ ⵓⴳⵯⵏⵙ ⴰⵎⵙⴰⵔⵉ.
ⴰⵢⵍⵍⵉ ⵉⵥⵍⵉⵏ ⵙ ⵓⵙⴰⵜⵉ ⴰⵎⴰⵜⴰⵢ ⵏ ⵓⵙⵔⵓⵙ ⵏ ⵓⵙⵏⵜⵉ ⵏ ⵓⵙⵍⴳⵏ ⵏ ⵜⵥⵕⴼⵜ 2026 ⴷ ⵓⵙⵖⵉⵡⵙ ⵏ ⵜⵎⵙⴰⵙⵍⵉⵏ ⵉⵎⵓⵏ 2026-2028, ⵜⵙⴷⴷⵉⴷ ⵎⴰⵙⵙⴰ ⵜⴰⵎⴰⵡⴰⵙⴰⵙⵜ ⵎⴰ ⵙ ⵔⴰⴷ ⵜⴹⴼⵉⵔ ⵜⵏⴱⴰⴹⵜ ⴰⵣⴳⴳⵯⵣ ⵏ ⵉⵖⴰⵡⵙⵏ ⵏ ⵓⵙⴳⴳⴷ ⵙ ⵓⵎⵙⴰⵙⴰ ⵏ ⵜⴰⵔⴰⵜⵉⵏ ⵜⵉⴳⵍⴷⴰⵏⵉⵏ ⵢⴰⵜⵜⵓⵢⵏ ⴷ ⵢⴰⵏ ⵡⴰⵏⴰⵡ ⴰⵏⴳⵎⴰⵎ ⵍⵍⵉ ⵎⵓ ⵉⴳⴰ ⵡⴰⵡⵜⵜⴰⵙ ⵏⵏⵙ ⴰⵙⵎⵙⴰⵙⴰ ⵏ ⵜⵙⴽⵔⵜⴰⵢ ⵜⵉⴳⴷⵓⴷⴰⵏⵉⵏ ⴷ ⵓⵙⵏⵜⵓ ⵅⴼ ⵜⵓⴳⵜ ⵜⵉⵎⵣⵡⴰⵔ ⵜⵉⵙⵜⵕⴰⵜⵉⵊⵉⵏ ⵉⵣⴷⵉⵏ ⵙⵍⴰⵀⵡⴰⵏ ⴰⴽⴽⵯ : ⴰⵙⴷⵓⵙ ⵏ ⵜⵉⵔⵙⴰⵍ ⵏ ⵡⴰⵏⴽ ⴰⵏⴰⵎⵓⵏ ⴷ ⵙ ⵜⵖⴰⵔⴰⵙⵜ ⵏ ⵓⵙⵎⴰⵜⴰ ⵏ ⵡⴰⵔⴰⵢ ⴰⵏⴰⵎⵓⵏ ⴷ ⵓⵙⴷⵓⵎ ⵏⵏⵙ ⴷ ⵓⵙⴳⴳⴷ ⵏ ⵉⵖⴰⵡⴰⵙⵏ ⵏ ⵜⴷⵓⵙⵉ ⴷ ⵜⵡⵉⵙⵉ ⵏ ⵓⵙⵙⴰⵔⵓ ⴷ ⵓⵙⴽⴰⵔ ⵏ ⵉⵣⵎⴰⵣ ⵏ ⵜⵡⵓⵔⵉ.
- ⴰⵢⵍⵍⵉ ⵉⵥⵍⵉⵏ ⵓⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.615 ⵉⵥⵍⵉⵏ ⵙ ⵓⵙⵔⵓⵙ ⵏ ⵜⵡⵓⵔⵉⵡⵉⵏ ⴷ ⵓⵙⵏⵎⴰⵍⴰ ⵏ ⵜⵎⴰⵡⴰⵙⵜ ⵏ ⵜⴷⵓⵙⵉ ⴷ ⵡⴰⵔⴰⵢ ⴰⵏⴰⵎⵓⵏ ⵉⵍⵍⴰ ⵓⵙⴳⵉⵔ ⵏ ⵜⵉⵣⵉ ⵙ ⵓⴳⵔⴰⵡ ⵓⵏⴱⵉⴹ ⴷ ⵉⴷⴷⴰⵏ.
- ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⵏⴰⴹⵜ ⵉⵙⵖⵥⵏ ⴽⴽⵓⵥ ⵉⵙⵏⵜⵉⵏ ⵏ ⵉⵎⵕⵙⵓⵎⵏ ⵉⵥⵍⵉⵏ ⵙ ⵉⴳⵔ ⵏ ⵜⵎⴳⵓⵔⵉ ⵏ ⵙⵙⵉⵏⵉⵎⴰ, ⵉⵙⵎⵏⵉⴷ ⵜⵏ ⵎⴰⵙⵙ ⵎⵓⵃⵎⵎⴰⴷⵎⴰⵀⴷⵉ ⴱⵏⵙⵄⵉⴷ, ⴰⵎⴰⵡⵙⴰⵙ ⵏ ⵜⵄⵄⵓⵔⵎⴰ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ. ⵥⵍⵉⵏ ⵙ :
- ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.482 ⵉⵥⵍⵉⵏⵏ ⵙ ⵓⵙⵔⵓⵙ ⵏ ⵜⴼⴰⴷⵉⵡⵉⵏ ⴷ ⵜⵎⴰⵎⴽⵉⵏ ⵓⵙⵏⵎⴰⵍⴰ ⵏ ⵡⴰⵔⵔⴰⵜⵏ ⴳ ⵓⵣⵎⵎⴰⵎ ⴰⵏⴰⵎⵓⵔ ⵏ ⵙⵙⵉⵏⵉⵎⴰ ⴷ ⵓⴽⴽⵉⵙ ⵏⵏⵙ ;
- ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.483 ⵉⵥⵍⵉⵏⵏ ⵙ ⵓⵙⵔⵓⵙ ⵏ ⵜⵎⴰⵎⴽⵉⵏ ⵏ ⵓⵙⴽⴰⵔ ⵏ ⵓⵎⵓⵙⵙⵓ ⵏ ⵓⵙⵢⴰⴼⵓ ⴳ ⵉⴳⵔ ⵏ ⵙⵙⵉⵏⵉⵎⴰ
- ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.484 ⵉⵥⵍⵉⵏⵏ ⵙ ⵜⴰⵟⵟⵓⵜ ⵏ ⵉⴼⵉⵍⵎⵏ ⵏ ⵙⵙⵉⵏⵉⵎⴰ ⴷ ⵓⵚⴰⴼⴰⴹ ⵏⵏⵙⵏ ⴷ ⵓⵙⴽⵛⵎ ⵏⵏⵙⵏ ⴷ ⵜⵉⴽⴽⵉ ⵏ ⵜⵎⴰⵜⴰⵔⵜ ⵏ ⵓⵙⵢⴰⴼⴰ ⴰⵏⵙⴱⴰⴱ ⴷ ⵜⵉⴽⴽⵉ ⵏ ⵜⵎⴰⵜⴰⵔⵜ ⵜⴰⴷⵍⵙⴰⵏⵜ ⴷ ⵓⵙⵢⴰⴼⵓ ⵏ ⵜⴷⴰⵍⵉⵏ ⵏ ⵙⵙⵉⵏⵉⵎⴰ ;
- ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.485 ⵉⵥⵍⵉⵏⵏ ⵙ ⵜⵎⴰⵜⴰⵔⵜ ⵏ ⵙⵜⵓⴷⵢⵓ ⴷ ⵜⴽⴰⵕⴹⴰ ⵜⴰⵣⵣⵓⵍⴰⵏⵜ ⵏ ⵙⵙⵉⵏⵉⵎⴰ ⴷ ⵡⴰⵏⴰⵡⵏ ⵏ ⵉⵎⵓⵙⵙⵓⵜⵏ ⵉⵣⵣⵓⵍⴰⵏⵏ ⵉⵥⵍⵉⵏ ⵙ ⵜⵎⴳⵓⵔⵉ ⵏ ⵙⵙⵉⵏⵉⵎⴰ.
- ⵉⵎⵎⴰⵜⵜⵉ ⵓⵙⵇⵇⵉⵎ ⵏ ⵜⵏⴱⴰⴹⵜ ⵙ ⵓⵎⴹⴰⴽⴰⵕ ⴷ ⵓⵙⵖⵥⵏ ⵏ ⵓⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.638 ⵉⵥⵍⵉⵏ ⵙ ⵓⵙⵔⵓⵙ ⵏ ⵜⵡⵓⵔⵉⵡⵉⵏ ⴷ ⵓⵙⵏⵎⴰⵍⴰ ⵏ ⵜⵙⵎⵉⵔⵉⵜ ⵜⴰⵎⴰⵜⴰⵢⵜ ⵏ ⵜⵎⵙⵙⵓⴳⵓⵔⵜ ⵏ ⵉⴱⵏⵏⵉⵇⵏ ⴷ ⵡⴰⵍⵍⴰⵙ ⵏ ⵓⵙⵉⴷⴼ, ⵜⵙⵎⵏⵉⴷ ⵜ ⵎⴰⵙⵙⴰ ⴰⵎⴰⵍ ⴼⵍⵍⴰⵃ, ⵜⴰⵎⴰⵡⵙⴰⵙⵜ ⵜⴰⵎⴰⵔⵉⵜ ⵖⵓⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵎⵓⵜⵜⵉ ⴰⵎⴰⵟⵟⵓⵏ ⴷ ⵓⵙⴳⴳⴷ ⵏ ⵜⵎⵙⵙⵓⴳⵓⵔⵜ.
ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵡⵓⵔⵉⵡⵉⵏ ⵏⵏⵙ ⵙ ⵉⴽⵎⵎⵍ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵡⵓⵔⵉⵡⵉⵏ ⵏⵏⵙ ⵙ ⵓⵙⵓⵙⵙⵏ ⵏ ⵜⵎⵢⴰⵇⵇⴰⵏⵜ ⵏ ⵡⴰⵙⵙⴰⵢ ⴷ ⵓⵙⵎⵓⵜⵜⵉ ⵏ ⵉⵏⴽⴰⵔⴰⴼ ⵏⴳⵔ ⵜⵏⴱⴰⴹⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⵏⴱⴰⴹⵜ ⵏ ⵜⴳⴷⵓⴷⴰⵏⵜ ⵏ ⴽⴰⵥⴰⵅⵉⵙⵜⴰⵏ ⵉⵜⵜⵓⵙⴳⵎⴰⴹⵏ ⴳ ⵕⵕⴱⴰⵟ ⴳ 12 ⴷⵓⵊⴰⵏⴱⵉⵔ 2024, ⴷ ⵓⵙⴰⵜⵉ ⵏ ⵓⵙⵍⴳⵏ ⵓⵟⵟⵓⵏ 24.25 ⵍⵍⵉ ⵉⵙⵖⵥⵏ ⵜⴰⵎⴰⵢⴰⵇⵇⴰⵏⵜ ⴰⴷ, ⵉⵙⵎⵏⵉⴷ ⵜⵏ ⵎⴰⵙⵙ ⵄⴰⴱⴷⵍⵍⴰⵜⵉⴼ ⵡⴰⵀⴱⵉ, ⴰⵎⴰⵡⵙⴰⵙ ⵏ ⵜⵣⵔⴼⵜ ⵙ ⵉⵙⵎ ⵏ ⵎⴰⵙⵙ ⵏⴰⵚⵕ ⴱⵓⵕⵉⵟⴰ, ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⵏ ⵉⴼⵕⵉⵇⵢⴰ ⴷ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ.
ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵙⴰⵙⴰ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ :
- ⴳ ⵜⴰⵡⵙⴰⵙⵜ ⵏ ⵓⵇⵡⵡⵎ ⴷ ⵡⴰⵎⵏ, ⵉⵜⵜⵓⵙⵏⵎⴰⵍⴰ :
- ⵎⴰⵙⵙ ⴱⵕⴰⵀⵉⵎ ⵓⵜⵎⵔⵉⵛ, ⴰⵏⵎⵀⴰⵍ ⵏ ⵉⵖⴰⵡⴰⵙⵏ ⵏ ⵓⵛⵛⵉⵍⵏ ⴷ ⵜⵎⴰⵟⵟⵓⵏⵜ ;
- ⴳ ⵜⴰⵡⵙⴰⵙⵜ ⵏ ⵓⵙⵎⵙⴰⵙⴰ ⵏ ⵡⴰⴽⴰⵍ ⴰⵏⴰⵎⵓⵔ ⴷ ⵜⵓⵚⴽⴰ ⴷ ⵓⵣⴷⴷⵓⵖ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ, ⵜⵜⵓⵙⵏⵎⴰⵍⴰⵏ:
- ⵎⴰⵙⵙⴰ ⴰⵃⵎⴰⴷ ⵎⵕⵡⴰⵃⵉⵍ, ⴰⵏⵎⵀⴰⵍ ⵏ ⵜⵙⵏⵓⵔⴰⵢⵜ ⵜⵖⵔⵎⴰⵏⵜ ⵏ ⵜⵔⵓⴷⴰⵏⵜ-ⵜⵉⵣⵏⵉⵜ-ⵟⴰⵟⴰ ;
- ⵎⴰⵙⵙ ⵊⴰⵎⴰⵍ ⵃⴰⵏⴰⴼⵉ, ⴰⵏⵎⵀⴰⵍ ⵏ ⵜⵙⵏⵓⵔⴰⵢⵜ ⵜⵖⵔⵎⴰⵏⵜ ⵏ ⵏⵏⴰⴹⵓⵕ-ⴷⴷⵔⵡⵉⵛ- ⴳⵔⵙⵉⴼ.
