ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 02 ⴽⵜⵓⴱⵔ 2025

ⴳ ⵓⵎⵣⵡⴰⵔⵓ ⵏ ⵓⴳⵔⴰⵡ ⴰⴷ, ⵉⵙⴰⵡⵍ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵅⴼ ⵜⵖⴰⵡⵙⵉⵡⵉⵏ ⵀⵔⵛⵏⵉⵏ ⵍⵍⵉ ⵉⵣⵔⵉⵏ ⵙⵉⵏ ⵓⵙⵙⴰⵏ ⵉⵣⵔⵉⵏ ⴳ ⵎⵏⵏⴰⵡⵜ ⵜⵎⴷⵏⵉⵏ ⵏ ⵍⵎⵖⵔⵉⴱ ⵍⵍⵉ ⵉⴹⵕⵕⴰⵏ ⵜⴰⵏⴼⵔⵓⵜ ⴷ ⵓⵏⴳⵔⴰⵡ ⵉⵎⴰⵜⴰⵢⵏ, ⵜⵜⵓⵜⵏ ⴳⵉⵙ ⵜⵉⵎⵎⴰⴹ ⵏ ⵓⴳⴳⵉⴷⵏ ⵏ ⵜⴳⴳⴰⵍⵉⵏ ⵏ ⵜⵡⵉⵙⵉ ⵜⵉⴳⴷⵓⴷⵏⵉⵏ ⴷ ⵜⵓⴳⵜ ⵍⵅⴰⵔⵜ ⵏ ⵡⴰⵢⴷⴰⵜⵏ ⵉⵎⴰⵜⴰⵢⵏ ⴷ ⵉⵎⵥⵍⴰⵢ, ⵍⵍⵉⵖ ⵎⵎⵓⵜⵏ 3 ⵓⴳⴳⵉⴷⵏ ⴰⴷ ⵜ ⵉⵕⵃⵎ ⵔⴱⴱⵉ.
ⵖ ⵎⵏⵉⴷ ⴰⴷ ⵏⵉⵜ, ⵉⵙⵎⵖⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵙ ⵜⴽⵛⵛⵓⵎⵉⵏ ⵉⵎⵙⴰⵙⴰⵏ ⵏ ⵎⵏⵏⴰⵡⵜ ⵜⵙⵏⵓⵔⴰⵢⵉⵏ ⵏ ⵓⵙⴼⵍⵙ ⵍⵍⵉ ⵉⵜⵜⴳⴰⵏ ⵜⴰⵡⵓⵔⵉ ⵏⵏⵙ ⵜⴰⴷⵙⵜⴰⵔⵜ ⴳ ⵓⵃⵟⵟⵓ ⴷ ⵓⴼⵔⴰⴳ ⵏ ⵜⵏⴼⵓⵔⵜ ⴷ ⵓⴳⵔⴰⵡ ⵉⵎⴰⵜⴰⵢⵏ ⴷ ⵓⴼⵔⴰⴳ ⵏ  ⵜⴷⵔⵉⴼⵢⵉⵏ ⴷ ⵉⵣⵔⴼⴰⵏ ⵉⵎⴷⴰⵏⵏ ⴷ ⵉⵎⴰⴳⵓⵜⵏ. ⵉⵙⴷⴷⵉⴷ ⵎⴰ ⵙ ⵔⴰⴷ ⵜⴰⵏⴱⴰⴹⵜ ⵙ ⵉⴽⴰⴱⴰⵕⵏ ⵉⵙⵔⵜⴰⵏⵏ ⵍⵍⵉ ⴳⵉⵙ ⵉⵎⵓⵏ ⵔⴰⵏ ⴰⴷ ⵎⵔⴰⵔⴰⵏ ⴰⵡⴰⵍ ⵙ ⵜⵓⵜⵔⵡⵉⵏ ⵏ ⵉⵄⵕⵕⵉⵎⵏ ⴷ ⵜⴳⴰ ⴰⵍⵖⵓ ⵏⵏⵙ ⵃⵎⴰ ⴰⴷ ⵜⵔⴰⵔ ⵅⴼ ⵜⵓⵜⵔⵉⵡⵉⵏ ⴰⴷ ⵜⵉⵏⴰⵎⵓⵏⵉⵏ ⴷ ⵉⵙ ⵜⵓⵊⴰⴷ ⴰⴷ ⵜⴳ ⴰⵎⴹⴰⴽⴰⵕ ⴷ ⵓⵎⵙⴰⵡⴰⵍ ⴳ ⵓⴳⵯⵏⵙ ⵏ ⵜⵎⵔⵙⴰⵍ ⴷ ⵉⵙⴰⵢⵔⵓⵔⵏ ⵉⴳⴷⵓⴷⴰⵏⵏ.
ⵖⵉⴽⵍⵍⵉ ⵉⵙⴷⴷⵉⴷ ⵎⴰⵙⵙ ⴰⵏⵙⵙⵉⵅⵜ ⵏ ⵜⵏⴱⴰⴹⵜ ⵎⴰ ⵙ ⵜⴳⴰ ⵜⵖⵔⴰⵙⵜ ⵉⵕⵚⴰⵏ ⵅⴼ ⵓⵎⴹⴰⴽⴰⵕ ⵏ ⵓⵎⵙⴰⵡⴰⵍ ⴰⴼⵙⵙⴰⵢ ⵏ ⵉⵎⵓⴽⵔⵉⵙⵏ ⵉⵍⵍⴰⵏ ⵊⴰⵊ ⵏ ⵜⵎⵓⵔⵜ ⵏⵏⵖ, ⴷ ⵉⵙ ⴷ ⵉⵇⵇⴰⵏ ⴰⴷ ⵜⵉⵍⵉ ⵜⴰⵣⵣⴰⵣⵜ ⵏ ⵓⵙⵎⵀⵍ ⵏ ⵜⵉⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵍⵍⵉ ⵔⴰⴷ ⵉⴷⴷⵓ ⴳ ⵜⴱⵔⵉⴷⵜ ⵏ ⵜⵓⵜⵔⵉⵡⵉⵏ ⵜⵉⵏⴰⵎⵓⵏⵉⵏ ⵃⵎⴰ ⴰⴷ ⵏⵍⴽⵎ ⴰⵡⵜⵜⴰⵙ ⵍⵍⵉ ⵏⵏⵓⵔⵣⵏ  ⵉⵎⵖⵔⵉⴱⵉⵏ ⴰⴽⴽⵯ ⵙ ⵓⵎⴰⵜⴰ.

• ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 34.21 ⵉⵙⵏⴼⵍⵏ ⵉⵙⵖⵓⴷⴰⵏ ⴰⵙⵍⴳⵏ ⵓⵟⵟⵓⵏ 25.90 ⵉⵥⵍⵉⵏ ⵙ ⵜⵓⵚⴽⴰⵡⵉⵏ ⵜⴼⵔⴽⴰⵏⵉⵏ ⴷ ⵜⴳⵔⵓⵎⵎⵉⵏ ⵏ ⵓⵣⴷⴷⵓⵖ ⴷ ⵓⵔⵓⴱⴱⴰ ⵏ ⵡⴰⵢⴷⴰⵜⴰⵏ, ⴹⴰⵕⴰⵜ ⵍⵍⵉ ⵏⵏ ⴳⵉⵙ ⵍⵍⴰⵏⵜ ⵜⴰⵏⵏⴰⵢⵉⵏ ⴼⵍⵍⴰⵙ ⵉⵜⵜⴰⵡⵏⵏⴰⵏ, ⵜⵙⵎⵏⵉⴷ ⵜ ⵎⴰⵙⵙⴰ ⴼⴰⵜⵎⴰ ⵥⴰⵀⵕⴰ ⵍⵎⵏⵚⵓⵕⵉ, ⵜⴰⵎⴰⵡⵙⴰⵙⵜ ⵏ ⵡⴰⴽⴰⵍ ⴰⵏⴰⵎⵓⵔ ⴷ ⵓⵣⴷⵓⵖ ⴷ ⵜⵙⵔⵜⵉⵜ ⵏ ⵜⵎⴷⵉⵏⵜ.
  ⵉⴷⴷⴰ ⴷ ⵓⵏⵙⵜⵉ ⴰⴷ ⴹⴰⵕⴰⵜ ⵓⵙⵜⴰⵍ ⵏ ⵓⵙⵡⵓⴷⴷⵓ ⵏⵓⵙⵍⴳⵏ ⵓⵟⵟⵓⵏ 25.90 ⵉⵥⵍⵉⵏ ⵙ ⵙ ⵜⵓⵚⴽⴰⵡⵉⵏ ⵜⴼⵔⴽⴰⵏⵉⵏ ⴷ ⵜⴳⵔⵓⵎⵎⵉⵏ ⵏ ⵓⵣⴷⴷⵓⵖ ⴷ ⵓⵔⵓⴱⴱⴰ ⵏ ⵡⴰⵢⴷⴰⵜⴰⵏ ⵍⵍⵉ ⴷ ⵉⴼⴼⴰⵖⵏ ⴳ ⵓⵙⵡⵓⴷⴷⵓ ⵏ ⵓⴹⴰⵀⵉⵔ ⴰⵛⴰⵔⵉⴼ ⵓⵟⵟⵓⵏ 1.92.7 ⴳ 15 ⴷⵉⵍⵃⵉⵊⵊⴰ 1412 (7 ⵢⵓⵏⵢⵓ 1992) ⵖⵉⵍⵍⵉ ⵙ ⵉⵍⵍⴰ ⵓⵙⵖⵓⴷⵓ ⵏⵏⵙ ⴷ ⵓⵙⵏⴼⵍ ⵏⵏⵙ, ⵍⵍⵉⵖ ⵉⵍⵍⴰⵏ ⵜⵓⴳⵜ ⵏ ⵉⵎⵓⴽⵔⵉⵙⵏ ⵏ ⵓⵙⵡⵓⴷⴷⵓ ⵏ ⴰⵢⵍⵍⵉ ⴷ ⴳⵉⵙ ⵉⴷⴷⴰⵏ, ⵖⵉⴽⵍⵍⵉ ⴷ ⴱⴰⵢⵏⵜ ⵜⵖⴰⵡⵙⵉⵡⵉⵏ ⵍⵍⵉ ⴳⵉⵙ ⵓⵔ ⵉⵍⵉⵏ ⴷ ⵜⵉⵍⵍⵉ ⴷ ⵉⴱⴰⵢⵏ ⴳ ⵉⴳⵔ ⴰⴷ.
• ⴹⴰⵕⴰⵜ ⵎⴰⵢⴰⵏⵏ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.615 ⵉⵥⵍⵉⵏ ⵙ ⵜⵡⵓⵔⵉⵡⵉⵏ ⴷ ⵓⵙⵡⵓⴷⴷⵓ ⵏ ⵜⵎⴰⵡⴰⵙⵜ ⵏ ⵜⴷⵓⵙⵉ ⴷ ⵡⴰⵔⴰⵢ ⴰⵏⴰⵎⵓⵏ, ⵍⵍⵉ ⵢⴰⴷ ⵎⵓ ⵉⵜⵜⵓⵙⵎⵉⴷⵏ ⴳ ⵓⴳⵔⴰⵡ ⵓⵏⴱⵉⴹ ⵉⵣⵔⵉⵏ, ⵉⵙⵎⵏⵉⴷ ⵜ ⵎⵎⴰⵙ ⴰⵎⵉⵏ ⵜⵜⴰⵀⵕⴰⵡⵉ, ⴰⵎⴰⵡⵙⴰⵙ ⵏ ⵜⴷⵓⵙⵉ ⴷ ⵡⴰⵔⴰⵢ ⴰⵏⴰⵎⵓⵏ.
  ⵉⴳⴰ ⵓⵡⵜⵜⴰⵙ ⵏ ⵓⵎⵕⵙⵓⵎ ⴰⴷ ⵉⴽⴽⵙ ⵉⵙⵏⴼⵍ ⴰⵎⵕⵙⵓⵎ ⵓⵟⵟⵓⵏ 2.94.285 ⵍⵍⵉ ⴷ ⵉⴼⴼⴰⵖⵏ ⴳ 17 ⵊⵓⵎⴷⴰ ⴰⵎⴳⴳⴰⵔⵓ 1445 (21 ⵏⵓⵡⵏⴱⵉⵔ 1994) ⵉⵥⵍⵉⵏ ⵜⵡⵓⵔⵉⵡⵉⵏ ⴷ ⵓⵙⵡⵓⴷⴷⵓ ⵏ ⵜⵎⴰⵡⴰⵙⵜ ⵏ ⵜⴷⵓⵙⵉ ⴷ ⵡⴰⵔⴰⵢ ⴰⵏⴰⵎⵓⵏ ⵙ ⵖⵉⴽⵍⵍⵉ ⵙ ⵉⵍⵍⴰ ⵓⵙⵏⴼⵍⵏ ⵏⵏⵙ ⴷ ⵓⵙⵖⵓⴷⵓ ⵏⵏⵙ ⵙ ⵜⵖⵔⴰⵙⵜ ⵏ ⵓⵙⵔⵙⵓⵙ ⵏ ⵓⵙⵏⵎⴰⵍⴰ ⴰⵎⵙⵙⵓⴳⵓⵔ ⴰⵎⴰⵢⵏⵓ ⵉⵎⵙⴰⵙⵏ ⴰⴽⴷ ⵜⵡⵓⵔⵉⵡⵉⵏ ⵜⵙⵜⵕⴰⵜⵉⵊⵉⵏ ⵏ ⵜⵎⴰⵡⴰⵙⵜ,  ⵔⴰⴷ ⴰⵙ ⵢⴰⵡⵙ ⴳ ⵓⴹⴼⵉⵕ ⵏ ⵉⵏⴰⵥⴰⵕⵏ ⵏ ⵓⵣⵎ ⴰⴷ ⵉⵍⵍⵏⴰ ⴳ ⵉⴳⵔ ⵏ ⵜⴷⵓⵙⵉ.
• ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵡⵓⵔⵉⵡⵉⵏ ⵏⵏⵙ ⵙ ⵓⵎⴹⴰⴽⴰⵕ ⴷ ⵓⵙⵖⵥⵏ ⵏ ⵙⵉⵏ ⵉⵙⵏⵜⴰⵢ ⵉⵥⵍⵉⵏ ⵙ ⵉⴳⵔ ⵏ ⵜⴷⵓⵙⵉ, ⵉⵙⵎⵏⵉⴷ ⵜⵏ ⵜ ⵎⵎⴰⵙ ⴰⵎⵉⵏ ⵜⵜⴰⵀⵕⴰⵡⵉ, ⴰⵎⴰⵡⵙⴰⵙ ⵏ ⵜⴷⵓⵙⵉ ⴷ ⵡⴰⵔⴰⵢ ⴰⵏⴰⵎⵓⵏ.
  • ⴰⵙⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.819 ⵉⵣⵍⵉⵏ ⵙ ⵜⵎⵙⵎⴰⴳⴰⵍ ⵅⴼ ⵜⵡⵓⵔⵉⵡⵉⵏ ⵍⵍⵉ ⵜⵜⴰⵎⵥⵏ ⵉⵎⵃⴹⴰⵕⵏ ⵏ ⵜⵖⵉⵡⴰⵏⵉⵏ ⵏ ⵉⵙⵊⵊⵉⵜⵏ ⵉⴳⴰⵏ ⵉⵎⵙⵎⵓⵜⵜⴳⵏ , ⵉⵙⵎⵏⵉⴷ ⵜ ⵎⵎⴰⵙ ⴰⵎⵉⵏ ⵜⵜⴰⵀⵕⴰⵡⵉ, ⴰⵎⴰⵡⵙⴰⵙ ⵏ ⵜⴷⵓⵙⵉ ⴷ ⵡⴰⵔⴰⵢ ⴰⵏⴰⵎⵓⵏ.
    ⵉⴷⴷⴰⴷ ⵓⵙⵏⵜⵉ ⴰⴷ ⴳ ⵓⵙⴰⵜⵉ ⵏ ⵓⵙⴳⴳⴷ ⵏ ⵓⵖⴰⵡⴰⵙ ⵏ ⵜⴷⵓⵙⵉ ⴷ ⵓⵙⵔⵓⵙ ⵏ ⵓⵙⵎⵓⵜⵜⴳ ⵉ ⵉⵎⵙⵡⵓⵔⵉⵏ ⵏ ⵜⴷⵓⵙⵉ ⵍⵍⵉ ⵔⴰⴷ ⵢⴰⵡⵙ ⴳ ⵜⵎⵥⴹⴰⵕ ⵜⵉⵣⵣⵓⵍⴰⵏⵉⵏ ⴷ ⵓⵣⵓⴳⴳⵣ ⵏ ⵡⴰⵔⴰⵢ ⴰⵏⴰⵎⵓⵏ, ⵙⵍⵀⴰⵡ ⴰⴽⴽⵯ ⴰⵢⵍⵍⵉ ⵉⵥⵍⵉⵏ  ⵙ ⵓⵙⵏⵎⴰⵍⴰ ⵏ ⵓⵙⴼⵍⵙ ⵓⵛⵛⵉⵍ ⴰⴷⵙⵍⴰⵏ ⵅⴼ ⵜⵎⴰⴹⵓⵏⵜ, ⵍⵍⵉ ⵉⵜⵜⵔⵏ ⴰⵍⵍⴰⵢ ⴳ ⵓⵟⵟⵓⵏ ⵉⵎⵙⵡⵓⵔⵉⵏ ⵏ ⵜⴷⵓⵙⵉ ⵖⵉⴷ ⵙ 2030 ⵉⵎⵙⴰⵙⴰⵏ ⴰⴽⴷ ⵓⵙⴳⴳⴷ ⵏ ⵓⵏⴳⵔⴰⵡ ⵏ ⵜⵖⵓⵔⵉⵡⵉⵏ ⵜⵉⵙⵏⵉⵊⵊⵉⵜⵉⵏ.
    ⵉⴳⴰ ⵉⴳⴰ ⵓⵡⵜⵜⴰⵙ ⵏ ⵓⵙⵜⵉ ⴰⴷ ⴰⵍⵍⴰⵙ ⵏ ⵜⵖⵔⴰⴷ ⵍⵍⵉ ⵜⵜⴰⵎⵥⵏ ⵉⵎⵃⴹⴰⵕⵏ ⵏ ⵓⴳⵯⵏⵙ ⵏ ⵡⵉⵏ ⴱⵕⵕⴰ ⴳ ⵜⵙⵏⵉⵊⵊⵉⵜ ⵜⴰⴳⵯⵏⵙⴰⵏⵜ ⵏ ⴽⵓ ⴰⵢⵢⵓⵔ ⵅⴼ ⵜⵡⵓⵔⵉⵡⵉⵏ ⵙ ⵖⵉⴽⵍⵍⵉ ⴷ ⵉⴷⴷⴰⵏ ⴳ ⵓⵎⵕⵎⵙⵓⵎ 2.91.527 ⵉⵥⵍⵉⵏ ⵙ ⵡⴰⴷⴷⴰⴷ ⵏ ⵉⵎⵃⴹⴰⵕⵏ ⵏ ⵓⴳⵯⵏⵙ ⴷ ⵡⵉⵏ ⴱⵕⵕⴰ ⵉⵍⵍⴰⵏ ⴳ ⵡⴰⵎⵎⴰⵙⵏ ⵉⵙⴳⵏⴰⴼ, ⵖⵉⴽⵍⵍⵉ ⵙ ⵉⵍⵍⴰ ⵓⵙⵖⵓⴷⵓ ⵏⵏⵙ ⴷ ⵉⵙⵏⴼⵍ ⵏⵏⵙ ⵙ ⵜⵎⵍⴷⴰ ⵏ ⵉⵙⵎⵓⵜⵜⴳ ⵍⵍⵉ ⵜⵜⴳⴰⵏ ⵃⵎⴰ ⴰⴷ ⴰⵍⵍⵏ ⴳ ⵡⴰⵜⵉⴳ ⵏⵏⵙⵏⵜ.
  • ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.818 ⵉⵙⵏⴼⵍⵏ ⵉⵙⵖⵓⴷⴰⵏ ⴰⵎⵕⵙⵓⵎ ⴰⴳⵍⴷⴰⵏ ⵓⵟⵟⵓⵏ 147.67 ⵍⵍⵉ ⴷ ⵉⴼⴼⴰⵖⵏ ⴳ 28 ⴷⵉⵍⵇⵄⴷⴰ 1387 (27 ⴱⵔⴰⵢⵔ 1968) ⵉⵥⵍⵉⵏ ⵙ ⵓⵏⴳⵔⴰⵡ ⴰⴷⵙⵍⴰⵏ ⵏ ⵉⵏⴳⵯⵏⴰⵙ ⴳ ⵉⵙⴳⵏⴰⴼ ⵏ ⵜⴷⵓⵙⵉ ⵜⴰⴳⴷⵓⴷⴰⵏⵜ :
    ⵉⴳⴰ ⵓⵡⵜⵜⴰⵙ ⵏ ⵓⵙⵜⵉ ⴰⴷ ⵢⴰⵍⵍ ⴳ ⵡⴰⵜⵉⴳ ⵏ ⵉⵙⴳⵍⴰⴼ ⵍⵍⵉ ⵜⵜⴰⵎⵥⵏ ⵉⵎⵃⴹⴰⵕⵏ ⵉⴹⴱⵉⴱⵏ ⵍⵍⵉ ⴰⵔ ⵙⵓⵍ ⴰⵇⵇⵔⴰⵏ ⴷ ⴰⵔ ⵜⵜⴳⴳⴰⵏ ⵉⵙⵎⵓⵜⵜⴳⵏ ⵏ ⵏ ⵓⴳⵯⵏⵙ ⴳ ⵜⵎⵔⵙⴰⵍ ⵏ ⵜⴷⵓⵙⵉ ⴳ ⵓⵙⴰⵜⵉ ⵉⵎⵙⴰⵙⴰⵏ ⵉⵣⴷⵉⵏ ⵏⴳⵔ ⵜⵕⵡⵉ ⵏ ⵓⵙⵎⵓⵜⵜⴳ ⴷ ⵓⵙⵔⵇⴱ ⵏ ⵉⵎⵃⴹⴰⵕⵏ ⴰⵛⴽⵓ ⵏⵜⵜⵏⵉⵏ ⴰⴷ ⵉⴳⴰⵏ ⵜⵉⵔⵙⴰⵍ ⵜⵉⵎⵣⵡⵓⵔⴰ ⵏ ⵓⵙⵜⴰⵍ ⴷ ⵓⵙⴳⴳⴷ ⴰⴷⵓⵙⴰⵏ ⴰⵏⴰⵎⵓⵔ ⴷ ⵓⵙⵎⵖⵔ ⵉⴳⵔ ⵏ ⵜⴷⵓⵙⵉ