ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 20 ⵏⵓⵡⴰⵏⴱⵉⵔ 2025
ⵉⵜⵜⴰⵡⵙⴽⴰⵔ ⴰⵙⵙ ⵏ ⵓⴽⵡⴰⵙ 28 ⵊⵓⵎⴰⴷⴰ ⴰⵎⵣⵡⴰⵔⵓ 1447 ⵉⵎⵙⴰⵙⴰⵏ ⴰⴽⴷ 20 ⵏⵓⵡⴰⵏⴱⵉⵔ 2025 ⴰⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ. ⵉⵥⵍⵉ ⵓⴳⵔⴰⵡ ⴰⴷ ⵙ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⴷ ⵓⵎⴹⴰⴽⴰⵕ ⵅⴼ ⵜⵉⵙⵓⵎⴰⵔ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ.
- ⴳ ⵜⵣⵡⴰⵔⵉ ⵏ ⵓⴳⵔⴰⵡ ⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 16022 ⵉⵣⵍⵉⵏ ⵙ ⵓⵙⵡⵓⴷⴷⵓ ⵏ ⵜⵓⵣⵏⵉ ⵍⵄⵄⴷⴷⵓⵍ, ⵍⵍⵉⵖ ⵏⵏ ⴳⵉⵙ ⵍⵍⴰⵏⵜ ⵜⴰⵏⵏⴰⵢⵉⵏ ⵍⵍⵉ ⴼⵍⵍⴰⵙ ⵉⵜⵜⴰⵡⵏⵏⴰⵏ, ⵉⵙⵎⵏⵉⴷ ⵜ ⴰⵎⴰⵡⵙⴰⵙ ⵏ ⵜⵣⵔⴼⵜ.
- ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.24.1830 ⵉⵥⵍⵉⵏ ⵙ ⵡⵓⵥⵓⵜⵏ ⵏ ⵓⵙⴳⵎⵉ ⵏ ⵉⵎⴰⴷⴷⴰⵔⵏ ⵏ ⵡⴰⵎⴰⵏ ⴷ ⵢⵉⵍⵍ, ⵜⵙⵎⵏⵉⴷ ⵜ ⵎⴰⵙⵙⴰ ⵜⴰⵎⴰⵔⵉⵜ ⵏ ⵡⴰⵏⴽ ⵖⵓⵔ ⴰⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ, ⵉⵜⵜⵓⵙⵎⴰⴳⴰⵍⵏ ⵙ ⵜⴳⵎⵔⵜ ⵜⴰⵢⵍⴰⵏⵜ ⵙ ⵉⵙⵎ ⵏ ⵎⴰⵙⵙ ⴰⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ.
- ⴹⴰⵕⴰⵜ ⵎⴰⵢⴰⵏⵏ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.862 ⵉⵣⵍⵉⵏ ⵙ ⵓⵙⵎⴰⴷ ⵏ ⵓⵎⵕⵙⵓⵎ ⵓⵟⵟⵓⵏ 2.06.574 ⵍⵍⵉ ⴷ ⵉⴼⴼⴰⵖⵏ ⴳ 10 ⴷⵓⵍⵃⵉⵊⵊⴰ 1427 (31 ⴷⵓⵊⴰⵏⴱⵉⵔ 2006) ⴳ ⵎⴰ ⴷ ⵉⵣⵍⵉⵏ ⵙ ⵜⵙⵏⵙⵉ ⵏ ⵓⵔⴳⴰⵢ ⵡⴼ ⵡⴰⵜⵉⴳ ⴰⵎⵔⵏⵉⵡ ⵉⵜⵜⵢⴰⵔⴰⵏ ⴳ ⵡⴰⵢⵢⴰⵡ ⵡⵉⵙ ⴽⵕⴰⴹ ⵙⴳ ⵓⵙⵍⴳⵏ ⴰⵎⴰⵜⴰⵢ ⵏ ⵉⵔⴳⴰⵢⵏ, ⵉⵙⵎⵏⵉⴷ ⵜ ⵎⴰⵙⵙ ⴰⵎⵡⴰⵙⴰⵙ ⵏ ⵓⵇⵇⵓⵎ ⴷ ⵡⴰⵎⴰⵏ ⵙ ⵉⵙⵎ ⵏ ⵎⴰⵙⵙ ⴰⵎⴰⵡⵙⴰⵙ ⴰⵎⴰⵔⵉ ⵖⵔ ⵜⴰⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ.
ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵡⵓⵔⵉⵡⵉⵏ ⵏⵏⵙ ⵙ ⵓⵙⵓⵙⵙⵏ ⵏ ⵓⵎⵙⴰⵙⴰ ⴳⵔ ⵜⴰⵏⴱⴰⴹⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵜⴳⴷⵓⴷⴰⵏⵜ ⵏ ⵉⵜⵢⵓⴱⵢⴰ ⵜⴰⴼⵉⴷⵉⵕⴰⵍⵉⵜ ⵜⴰⴷⵉⵎⵓⵇⵔⴰⵟⵉⵜ ⴳ ⵢⵉⴳⵔ ⵏ ⵓⵎⵢⴰⵡⴰⵙ ⴰⵙⵔⴷⴰⵙ, ⵉⵜⵜⵓⵙⴳⵎⴰⴹⵏ ⴳ ⵕⵕⴱⴰⵟ ⴳ 17 ⵢⵓⵏⵢⵓ 2025, ⴷ ⵓⵙⴰⵜⵉ ⵏ ⵓⵙⵍⴳⵏ ⵓⵟⵟⵓⵏ 045.25 ⵍⵍⵉ ⵉⵙⵖⵥⵏ ⴰⵎⵙⴰⵙⴰ ⴰⴷ, ⵉⵙⵎⵏⵉⴷ ⵜⵏ ⵎⴰⵙⵙ ⴰⵎⴰⵡⵙⴰⵙ ⴰⵎⴰⵔⵉ ⵖⵓⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵎⵣⴰⵖ ⴰⵏⴰⵎⵓⵔ ⵙ ⵉⵙⵎ ⵏ ⵎⴰⵙⵙ ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⵏ ⵉⴼⵕⵉⵇⵢⴰ ⴷ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ.
ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵙⴰⵙⴰ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ :
- ⴳ ⵜⴰⵎⴰⵡⴰⵙⵜ ⵏ ⵜⵣⵔⴼⵜ, ⵉⵜⵜⵙⵏⵎⴰⵍⴰ :
- ⵎⴰⵙⵙⴰ ⵎⵓⵃⴰⵎⵎⴰⴷ ⵃⴰⴼⵉⴹⵉ, ⴰⵏⵎⵀⴰⵍ ⵏ ⵓⵣⵔⵔⴰⴼ ⴷ ⵜⵖⵓⵔⵉⵡⵉⵏ ;
- ⴳ ⵜⴰⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴰⵎⵏⵣⵓ ⴷ ⵜⵓⵏⵏⵓⵜ, ⵉⵜⵜⵓⵙⵎⴰⵍⴰ :
- ⵎⴰⵙⵙⴰ ⵍⵃⴰⵙⴰⵏ ⴰⴽⵏⵉⵏ, ⴰⵏⵎⵀⴰⵍ ⵏ ⵡⴰⵎⵎⴰⵙ ⴰⵙⴳⴰⵡⴰⵏ ⵏ ⵜⵓⵣⵣⵓⵍⵉⵏ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴳ ⵜⵙⴳⴰ ⵏ ⵜⵙⴳⴰ ⵏ ⵓⴳⵍⵎⵉⵎ ⵡⴰⴷ ⵏⵓⵏ;
- ⴳ ⵜⵎⴰⵡⴰⵙⵜ ⵏ ⵜⴷⵓⵙⵉ ⴷ ⵡⴰⵔⴰⵢ ⴰⵏⴰⵎⵓⵏ, ⵉⵜⵜⵓⵙⵏⵎⴰⵍⴰ :
- ⵎⴰⵙⵙ ⵏⵓⵕⴷⴷⵉⵏ ⴱⵓⵜⵔⴼⴰⵙ, ⴰⵏⵎⵀⴰⵍ ⵏ ⵓⵙⵉⵏⴰⴳ ⴰⵏⴰⴼⵍⵍⴰ ⵏ ⵜⵓⵣⵣⵓⵍⵏ ⵏ ⵉⵏⵙⵎⴰⴳⴰⵍⵏ ⴷ ⵜⵉⵜⵉⵇⵏⵉⵏ ⵏ ⵜⴷⵙⵓⵙⵉ ⴳ ⵡⵓⵊⴷⴰ ;
- ⴳ ⵜⵎⴰⵡⴰⵙⵜ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵉⵙⵍⵍⵡⵉ, ⵜⵜⵓⵙⵏⵎⴰⵍⴰⵏ :
- ⵎⴰⵙⵙ ⵣⴰⴽⴰⵔⵢⴰ ⵛⵛⵍⵃ, ⴰⵏⵎⵀⴰⵍ ⵏ ⵜⵉⵏⵎⵍ ⵜⴰⵏⴰⴼⵍⵍⴰⵜ ⵏ ⵜⴰⵜⵉⴽⵏⵓⵍⵓⵊⵉⵜ ⵏ ⵎⴽⵏⴰⵙ ;
- ⵎⴰⵙⵙ ⵃⴰⵙⵙⴰⵏ ⴰⵣⵡⵓⵔⵉ, ⴰⵏⴱⴷⴰⴷ ⵏ ⵜⵖⵉⵡⴰⵏⵜ ⵏ ⵉⵎⴰⵙⵙⴰⵏ ⵓⵍⴳⵉⵏⵏ ⴷ ⵉⴷⴰⵎⵙⵙⴰⵏⵏ ⴷ ⵉⵏⴰⵎⵓⵏⵏ-ⴰⴳⴷⴰⵍ ⵕⵕⴱⴰⵟ ;
- ⴳ ⵜⵎⴰⵡⴰⵙⵜ ⵏ ⵓⵇⵇⵡⵓⵎ ⴷ ⵡⴰⵎⴰⵏ, ⵉⵜⵜⵙⵏⵎⴰⵍⴰ :
- ⵎⴰⵙⵙ ⵎⴱⴰⵔⴽ ⴼⴰⵏⵜⵛⴰ, ⴰⵏⵎⵀⴰⵍ ⵏ ⵜⵎⵀⵍⴰ ⵜⴰⴽⵓⴷⴰⵏⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵔⵓⵙ ⵏ ⵜⵡⵓⵔⵉⵡⵉⵏ ⵏ ⵓⵙⵎⵙⴰⵙⴰ ⵏ ⵓⵖⴰⵔⴰⵙ ⴰⵏⴰⵎⵓⵔ ⵓⵟⵟⵓⵏ1 ⵏⴳⵔ ⵜⵉⵣⵏⵉⵜ ⴷ ⴷⴷⴰⵅⵍⴰ ;
- ⴳ ⵜⵎⴰⵡⴰⵙⵜ ⵏ ⵏ ⵜⵎⴰⵍⵍⴰⵢⵜ ⴷ ⵜⵏⵉⴹⵉ ⴷ ⵜⴷⴰⵎⵙⴰ ⵜⴰⵏⴰⵎⵓⵏⵜ ⴷ ⵜⵡⵉⵣⵉ - ⵉⴳⵔ ⵏ ⵜⵏⵉⴹⵉ, ⵉⵜⵜⵓⵙⵏⵎⴰⵍⴰ :
- ⵎⴰⵙⵙ ⵟⴰⵕⵉⵇ ⵚⴰⴷⵉⵇ, ⴰⵏⵎⵀⴰⵍ ⵜⴳⵎⵎⵉ ⵏ ⵉⵎⵉⵏⴹ ;
- ⴳ ⵜⴰⵎⵓⵔⴰⵢⵜ ⵜⴰⵎⴰⵜⴰⵢⵜ ⵏ ⵜⵎⵙⵙⵓⴳⵓⵔⵜ ⵏ ⵉⴱⵏⵏⵉⵇⵏ ⴷ ⵡⴰⵍⵍⴰⵙ ⵏ ⵓⵙⵉⴷⴼ, ⵉⵜⵜⵓⵙⵏⵎⴰⵍⴰ :
- ⵎⴰⵙⵙ ⵎⵓⵍⴰⵢ ⴷⵔⵉⵙⵙ ⴰⴳⵍⵎⴰⵎ, ⴰⵏⵎⵀⴰⵍ ⵏ ⵓⴹⴼⵉⵕ ⵏ ⵜⵎⵔⵔⵓⵜⵉⵏ ⵜⵉⵙⵏⴼⴰⵍ.
- ⵎⴰⵙⵙ ⵎⵓⵍⴰⵢ ⴷⵔⵉⵙⵙ ⴰⴳⵍⵎⴰⵎ, ⴰⵏⵎⵀⴰⵍ ⵏ ⵓⴹⴼⵉⵕ ⵏ ⵜⵎⵔⵔⵓⵜⵉⵏ ⵜⵉⵙⵏⴼⴰⵍ.
