ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ ⵏ 26 ⵉⵏⵏⴰⵢⵔ 2026
ⵉⵜⵜⴰⵡⵙⴽⴰⵔ ⴰⵙⵙ ⵏ ⵓⴽⵡⴰⵙ 09 ⵛⴰⵄⴱⴰⵏ 1447, ⵉⵎⵙⴰⵙⴰⵏ ⴷ 26 ⵉⵏⵏⴰⵢⵔ 2026, ⴰⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ. ⵉⵥⵍⵉ ⵓⴳⵔⴰⵡ ⴰⴷ ⵙ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⴷ ⵓⵙⵖⵥⵏ ⵙ ⵢⴰⵜ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ.
- ⴳ ⵜⵣⵡⴰⵔⵉ ⵏ ⵓⴳⵔⴰⵡ ⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 51.25 ⵉⵙⵏⴼⵍⵏ ⵉⵙⵖⵓⴷⴰⵏ ⴰⴹⴰⵉⵕ ⴰⵛⴰⵔⵉⴼ ⵓⵟⵟⵓⵏ 1.93.16 ⵍⵍⵉ ⴷ ⵉⴼⴼⵓⵖⵏ ⴳ 29 ⵕⵎⴹⴰⵏ 1413 (23 ⵎⴰⵕⵚ 1993) ⵉⴳⵏⴰ ⴰⵙⵍⴳⵏ ⵉⵥⵍⵉⵏ ⵙ ⵓⵙⵔⵓⵙ ⵏ ⵜⵎⴳⴳⵉⵢⵉⵏ ⵉⵥⵍⵉⵏ ⵙ ⵉⵎⴰⵙⵙⵏ ⵏ ⵓⵙⵎⵓⵜⵜⴳ ⵏ ⵡⵉⵍⵍⵉ ⵜⵓⵎⵥⵏ ⵉⵙⵍⴽⵉⵏⵏ ⵉⵥⵍⵉⵏ ⵙ ⵓⵙⵎⵓⵜⵜⴳ ⵏ ⵓⵙⵉⴷⴼ. ⵉⵙⵎⵏⵉⴷ ⵜ ⵎⴰⵙⵙ ⴰⵎⴰⵡⵙⴰⵙ ⵏ ⵓⵙⵉⴷⴼ ⴰⴷⴰⵎⵙⴰⵏ ⴷ ⵜⵎⵙⵏⵜⴰⵢⵜ ⵜⴰⵎⵥⵢⴰⵏⵜ ⴷ ⵓⵙⵡⵓⵔⵉ ⴷ ⵜⵎⵙⵙⵓⴳⴰⵔ.
- ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.963 ⵉⵙⵏⴼⵍⵏ ⵉⵙⵖⵓⴷⴰⵏ ⴰⵎⵕⵙⵓⵎ ⵓⵟⵟⵓⵏ 2.23.665 ⵍⵍⵉ ⴷ ⵉⴼⴼⵓⵖⵏ ⴳ 25 ⵔⴰⴱⵉⵄ ⴰⵎⴳⴳⴰⵔⵓ 1445 (10 ⵏⵓⵡⴰⵏⴱⵉⵔ 2023) ⵉⵥⵍⵉⵏ ⵙ ⵓⵙⵔⵓⵙ ⵏ ⵜⴽⴰⵕⴹⴰ ⵜⴰⵏⴱⴹⴰⵢⵜ ⵏ ⵜⴳⵍⴷⵉⵜ, ⵉⵙⵎⵏⵉⴷ ⵜ ⵎⴰⵙⵙ ⴰⵎⴰⵡⵙⴰⵙ ⵏ ⵜⵣⵔⴼⵜ.
ⵉⴽⵎⵎⵍ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵉⵡⵓⵔⵉⵡⵉⵏ ⵏⵏⵙ ⵙ ⵓⵙⵖⵎⵙ ⵅⴼ ⵜⵎⵢⴰⵇⵇⴰⵏⵜ ⵅⴼ ⵜⵏⵓⴼⴰ ⵜⵉⵏⴰⵢⵍⴰⵏⵉⵏ ⵏⴳⵔ ⵜⵏⴱⴰⴹⵜ ⵏ ⵜⴳⵍⴷⵉⵜ ⵍⵎⵖⵔⵉⴱ ⴷ ⵜⵏⴱⴰⴹⵜ ⵏ ⵜⵏⴱⴰⴹⵜ ⵏ ⵜⴳⴷⵓⴷⴰⵏⵜ ⵏ ⵕⵓⵡⴰⵏⴷⴰ, ⵍⵍⵉ ⵉⵜⵜⵓⵙⴳⵎⴰⴹⵏ ⴳ ⵎⵓⵏⵜⵉⵕⵢⴰⵍ ⴰⵙⵙ ⵏ 25 ⵛⵓⵜⴰⵏⴱⵉⵔ2025, ⴷ ⵓⵙⵏⵜⵉ ⵏ ⵓⵙⵍⴳⴰⵏ ⵓⵟⵟⵓⵏ 67.25 ⵍⵍⵉ ⵙ ⵉⵙⵖⵥⵏ ⵜⵎⵢⴰⵇⵇⴰⵏⵜ ⴰⴷ, ⵉⵜⵙⵎⵏⵉⴷ ⵜⵏ ⵎⴰⵙⵙ ⴰⵎⴰⵡⵙⴰⵙ ⵏ ⵡⴰⵙⵙⴰⵢ ⴷ ⵓⵍⵓⵊⵉⵙⵜⵉⴽ ⵙ ⵉⵙⵎ ⵏ ⵓⵎⵡⴰⵙⴰⵙ ⵏ ⵜⵖⴰⵡⵙⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⵏ ⵉⴼⵕⵉⵇⵢⴰ ⴷ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ.
