ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 19 ⴱⵕⴰⵢⵕ 2026
ⵉⵜⵜⴰⵡⵙⴽⴰⵔ ⴰⵙⵙ ⵏ ⵓⴽⵡⴰⵙ 1 ⴳ ⵕⴰⵎⴰⴹⴰⵏ ⵏ ⵛⴰⵄⴱⴰⵏ 1447, ⵉⵎⵙⴰⵙⴰⵏ ⴷ 19 ⴱⵕⴰⵢⵕ 2026, ⴰⵙⵇⵇⵉⵎ ⵏ ⵜⵏⴱⴰⴹⵜ ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ. ⵉⵥⵍⵉ ⵓⴳⵔⴰⵡ ⴰⴷ ⵙ ⵓⵎⴹⴰⴽⴰⵕ ⵅⴼ ⵜⵓⴳⵜ ⵏ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⴷ ⵓⵙⵖⵎⵙ ⵙ ⵢⴰⵜ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ ⴷ ⵓⵎⴹⴰⴽⴰⵕ ⵅⴼ ⵜⵉⵙⵓⵎⴰⵔ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⵏⵏⵉ ⵡⵉⵙ92 ⴳ ⵓⴷⵓⵙⵜⵓⵔ.
ⴳ ⵜⵣⵡⵉⵔⵉ, ⵙ ⵓⵣⵎⵣⵣⵓ ⵏ ⵡⴰⵢⵢⵓⵔ ⵏ ⵕⵎⴹⴰⵏ ⴰⵎⴱⴰⵕⴽⵉ, ⵉⵙⵎⵏⵉⴷ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵙ ⵉⵙⵎ ⵏⵏⵙ ⴷ ⵉⵙⵎ ⵉⴳⵎⴰⵎⵏ ⵏ ⵜⴱⴰⴹⵜ ⵉⵙⵔⵖⵓⴷⵏ ⵉ ⵓⵎⵏⵓⴽⴽⴰⵍ ⵏ ⵉⵎⵓⵎⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ, ⴰⴷ ⵜ ⵉⵏⵚⵕ ⵕⴱⴱⵉ, ⴷ ⴰⴽⴽⵯ ⵉⴳⴰⵎⴰⵏ ⵏ ⵜⵡⵓⵊⴰ ⵜⴰⵄⴰⵍⴰⵡⵉⵜ ⵜⴳⵔⵔⴰⵎⵜ ⴷ ⵓⴳⴷⵓⴷ ⴰⵎⵖⵔⵉⴱⵉ, ⵉⵜⵜⵔ ⵉ ⴱⴰⴱ ⵏ ⵉⴳⵏⵡⴰⵡⵏ ⴰⴷ ⵉⵙⴽⵛⵎ ⵡⴰⵢⵢⵓⵔ ⴰⴷ ⴰⵎⴱⴰⵕⴽⵉ ⵅⴼ ⴱⴰⴱ ⵏ ⵡⴰⴷⴷⵓⵔ ⵙ ⵜⴷⵓⵙⵉ ⴷ ⵓⴼⵔⴰⴳ.
ⵖⵉⴽⵍⵉ ⵢⵓⵣⵏ ⵎⴰⵙⵙ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵙⵔⵖⵓⴷⵏ ⵉ ⵉⵎⵖⵔⵉⴱⵉⵏ ⴰⴽⴽⵯ, ⵉⵜⵜⵔ ⵉ ⴱⴰⴱ ⵏ ⵉⴳⵏⵡⴰⵏ ⴰⴷ ⵡⴰⵢⵢⵓⵔ ⵡⵉⵏ ⵍⵅⵉⵔ ⴷ ⵜⵢⴰⴼⵓⵜ ⴷ ⵜⴷⵓⵙⵉ ⴷ ⵍⵀⵏⴰ ⴷ ⴰⴷ ⵜⵉⵍⵉ ⵜⵎⴰⵣⵉⵔⵜ ⵏⵏⵖ ⴳ ⵓⴼⵔⴰ ⴷ ⵓⴱⵓⵖⵍⵓ.
- ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴰⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 09.26 ⵉⵥⵍⵉⵏ ⵙ ⵓⵙⵏⵎⴰⵍⴰ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵜⵖⵎⵙⴰ, ⵉⵙⵎⵏⵉⴷⵜ ⵎⴰⵙⵙ ⴰⵎⴰⵡⵙⴰⵙ ⵏ ⵜⵄⵄⵓⵔⵎⴰ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ.
- ⴰⵢⵍⵍⵉ ⵉⵥⵍⵉⵏ ⵙ ⵓⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.26.135 ⵉⵥⵍⵉⵏ ⵙ ⵓⵙⵔⵓⵙ ⵏ ⵢⴰⵜ ⵜⵙⵇⵇⵉⵎⵜ ⵜⴰⵥⵍⴰⵢⵜ ⵙ ⵓⵙⵡⵓⴷⴷⵓ ⵏ ⵉⴳⵔ ⵏ ⵜⵖⵎⵙⴰ ⴷ ⵓⵥⵔⵉⴳ, ⵉⵜⵜⵢⴰⴽⴽⴰⵙ ⵓⵙⵏⵜⵉ ⴰⴷ.
- ⵉⵣⵔⵉ ⵓⵙⵇⵇⵉⵎ ⵏ ⵜⵏⴱⴰⴹⵜ ⵙ ⵓⵎⴹⴰⴽⴰⵕ ⴷ ⵓⵙⵖⵥⵏ ⵅⴼ ⵙⵉⵏ ⵉⵙⵏⵜⴰⵢ ⵏ ⵉⵎⵕⵙⵓⵎⵏ ⵉⵥⵍⵉⵏ ⵙ ⵉⴽⴰⵍⵉⵡⵏ ⵏ ⵜⵔⵓⴱⴱⴰ ⵜⵉⵙⵓⵍⴰⵍⵉⵢⵉⵏ, ⵉⵙⵙⵎⵏⵉⴷⵜ ⵜⵏ ⵎⴰⵙⵙ ⴰⵎⴰⵡⵙⴰⵙ ⵏ ⵓⴳⵏⵙⵓ, ⵥⵍⵉⵏ ⵙ :
- ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.1141 ⵉⵣⴷⵉⵏ ⴷ ⵓⵙⵓⴼⵖ ⵏ ⵉⴽⴰⵍⵉⵡⵏ ⵉⵏⴼⵍⴰⵃⵏ ⵏ ⵜⴽⵔⵣⴰ ⵉⵍⵍⴰⵏ ⴷⴷⴰⵡ ⵓⴼⵓⵙ ⵏ ⵜⵔⵓⴱⴱⴰ ⵜⵉⵙⵓⵍⴰⵍⵉⵢⵉⵏ ⵏⵏⴰ ⵉⵜⵜⵢⴰⴼⴽⴰⵏ ⵉ ⵉⴳⵎⴰⵎⵏ ⵏ ⵜⵔⵓⴱⴱⴰ ⴰⴷ ⴳ ⵉⴼⵔⵔⵓⵜⵏ ⵏ ⵓⴼⵔⴰⴳ ⵏ ⵡⴰⴽⴰⵍ ;
- ⴰⵙⵏⵜⵉ ⵏ ⵓⵎⵕⵙⵓⵎ ⵓⵟⵟⵓⵏ 2.25.540 ⵉⵙⵏⴼⵍ ⵏ ⴰⵎⵕⵙⵓⵎ ⵓⵟⵟⵓⵏ 2.19.973 ⵍⵍⵉ ⴷ ⵉⴼⴼⴰⵖⵏ ⴳ 9 ⵉⵏⵏⴰⵢⵔ 2020 ⵉⵥⵍⵉⵏ ⵙ ⵓⵙⵡⵓⴷⴷⵓ ⵏ ⵓⵙⵍⴳⵏ ⵓⵟⵟⵓⵏ 62.17 ⵅⴼ ⵜⵏⴰⵔⴰ ⵜⴰⵎⵙⵙⵓⴳⵓⵔⵜ ⵅⴼ ⵜⵔⵓⴱⴱⴰ ⵜⵉⵙⵓⵍⴰⵍⵉⵢⵉⵏ ⴷ ⵓⵙⵡⵓⴷⴷⵓ ⵏ ⵡⴰⵢⴷⴰ ⵏⵏⵙⵏⵜ ;
ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵉⵡⵓⵔⵉⵡⵉⵏ ⵏⵏⵙ ⵙ ⵓⵙⵖⵎⵙ ⵅⴼ ⵜⵓⴹⴼⵉⵔⵜ ⵏ ⵜⵎⵢⴰⵇⵇⴰⵏⵜ ⵓⵎⵢⴰⵡⴰⵙ ⴰⵜⵉⵇⵏⵉ ⴷ ⵓⴷⵎⵙⴰⵏ ⵉⵥⵍⵉⵏ ⵙ ⵜⵎⵔⵙⴰⵍ ⵜⵉⵙⵔⵜⴰⵏⵉⵏ ⵜⵉⵍⵉⵎⴰⵏⵉⵏ ⵏⵏⴰ ⵉⵍⵍⴰⵏ ⴳ ⵜⴳⵍⴷⵉⵜ ⵏ ⵍⵎⵖⵔⵉⴱ ⵏⴳⵔ ⵜⵏⴱⴰⴹⵜ ⵏ ⵜⵏⴱⴰⴹⵜ ⵏ ⵜⴳⵍⴷⵉⵜ ⵍⵎⵖⵔⵉⴱ ⴷ ⵜⵏⴱⴰⴹⵜ ⵏ ⵜⵏⴱⴰⴹⵜ ⵏ ⵜⴳⴷⵓⴷⴰⵏⵜ ⵏ ⴰⵍⵉⵎⴰⵏ ⵜⴰⴼⵉⴷⵉⵔⴰⵍⵉⵜ, ⵍⵍⵉ ⵉⵜⵜⵓⵙⴳⵎⴰⴹⵏ ⴳ 24 ⵏⵓⵡⴰⵏⴱⵉⵔ 1966, ⵉⵜⵜⵓⵙⴳⵎⴰⴹⵏ ⴳ ⵏⵢⵓⵢⵓⵔⴽ ⴳ 26 ⵛⵓⵜⴰⵏⴱⵉⵔ 2025, ⴷ ⵓⵙⵏⵜⵉ ⵏ ⵓⵙⵍⴳⴰⵏ ⵓⵟⵟⵓⵏ ⵓⵟⵟⵓⵏ 07.26 ⵍⵍⵉ ⵙ ⵉⵙⵖⵥⵏ ⵜⵎⵢⴰⵇⵇⴰⵏⵜ ⴰⴷ, ⵉⵜⵙⵎⵏⵉⴷ ⵜⵏ ⵎⴰⵙⵙ ⴰⵎⴰⵡⵙⴰⵙ ⵏ ⵜⵄⵄⵓⵔⵎⴰ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ ⵙ ⵉⵙⵎ ⵏ ⵎⴰⵙⵙ ⴰⵎⵡⴰⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⵏ ⵉⴼⵕⵉⵇⵢⴰ ⴷ ⵉⵎⵖⵔⵉⴱⵉⵏ ⵉⵎⵣⴷⴰⵖ ⵏ ⴱⵕⵕⴰ.
ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵙⴰⵙⴰ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ :
- ⴳ ⵜⵎⴰⵡⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ, ⵉⵜⵜⵙⵏⵎⴰⵍⴰ :
- ⵎⴰⵙⵙ ⵀⵉⵛⴰⵎ ⵥⴽⴰⵏⵉ, ⴰⵏⵎⵀⴰⵍ ⵏ ⵜⵏⵏⵓⴱⴰⴹⴰ ⵏ ⵜⵏⴼⵔⵓⵜ ⵏ ⵉⵖⴰⵡⴰⵙⵏ ⵏ ⵓⵏⵖⵎⵉⵙ ;
- ⴳ ⵜⵎⴰⵡⴰⵙⵜ ⵏ ⵜⴷⵓⵙⵉ ⴷ ⵡⴰⵔⴰⵢ ⴰⵏⴰⵎⵓⵏ, ⵜⴻⵜⵜⵙⵏⵎⴰⵍⴰ :
- ⵎⴰⵙⵙⴰ ⴼⴰⵟⵉⵎⴰ ⵥⵥⴰⵀⵔⴰ ⵍⵎⵔⵏⵉⵙⵉ, ⵜⴰⵏⵎⵀⴰⵍⵜ ⵏ ⵡⴰⵎⵎⴰⵙ ⴰⵙⴳⵏⴰⴼ ⴰⵙⴷⴰⵡⴰⵏ ⵍⵃⴰⵙⴰⵏ ⵡⵉⵙⵙ ⵙⵉⵏ ⴳ ⴼⴰⵙ ;
- ⴳ ⵜⵎⴰⵡⴰⵙⵜ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵓⵙⵏⴼⵍⵓⵍ, ⵉⵜⵜⵙⵏⵎⴰⵍⴰ :
- ⵎⴰⵙⵙ ⵊⴰⵎⴰⵍⴷⴷⵉⵏ ⴱⵏⵃⵢⵓⵏ, ⴰⵏⴱⴷⴰⴷ ⵏ ⵜⵖⵉⵡⴰⵏⵜ ⵏ ⵜⵙⴽⵍⴰ ⴷ ⵜⵓⵙⵙⵏⵉⵡⵉⵏ ⵜⵉⵏⴼⴳⴰⵏⵉⵏ ⴳ ⵜⵉⵟⵟⴰⵡⵉⵏ
- ⴳ ⵜⵎⴰⵔⵉⵜ ⵜⴰⴳⵔⵎⴰⵡⵙⴰⵙⵜ ⵉⵥⵍⵉⵏ ⵙ ⵉⵣⵔⴼⴰⵏ ⵏ ⵓⴼⴳⴰⵏ, ⵉⵜⵜⵙⵏⵎⴰⵍⴰ :
- ⵎⴰⵙⵙ ⵢⵓⵙⴼ ⴼⵔⵉⴷ, ⴰⵏⵎⵀⴰⵍ ⵏ ⵉⵙⵓⴳⴰⵎ ⵉⵏⴰⴼⴳⴰⵏⵏ ⴷ ⵉⵥⵕⴼⴰⵏⵏ ⴷ ⵜⵖⴰⵡⵙⵉⵡⵉⵏ ⵜⵉⵎⴰⵜⴰⵢⵉⵏ.
- ⵎⴰⵙⵙ ⵢⵓⵙⴼ ⴼⵔⵉⴷ, ⴰⵏⵎⵀⴰⵍ ⵏ ⵉⵙⵓⴳⴰⵎ ⵉⵏⴰⴼⴳⴰⵏⵏ ⴷ ⵉⵥⵕⴼⴰⵏⵏ ⴷ ⵜⵖⴰⵡⵙⵉⵡⵉⵏ ⵜⵉⵎⴰⵜⴰⵢⵉⵏ.
