ⴰⴳⵔⴰⵡ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⵏ ⵡⴰⵙⵙ ⵏ ⵓⴽⵡⴰⵙ 19 ⵎⴰⵕⵚ 2026
ⵉⵜⵜⴰⵡⵙⴽⴰⵔ ⴰⵙⵙ ⵏ ⵓⴽⵡⴰⵙ 29 ⵕⵎⴹⴰⵏ 1447, ⵉⵎⵙⴰⵙⴰⵏ ⴷ 19 ⵎⴰⵕⵚ 2026, ⵓⵙⵇⵇⵉⵎ ⵏ ⵜⵏⴱⴰⴹⵜ, ⵙ ⵜⵏⵙⵙⵉⵅⴼⵜ ⵏ ⵎⴰⵙⵙ ⵄⴰⵣⵉⵣ ⴰⵅⵏⵏⵓⵛ. ⵉⵥⵍⵉ ⵓⴳⵔⴰⵡ ⴰⴷ ⵙ ⵓⵎⴹⴰⴽⴰⵕ ⵅⴼ ⵎⵏⵏⴰⵡ ⵉⵙⵏⵜⴰⵢ ⵏ ⵉⴹⵕⵉⵚⵏ ⵓⵙⵍⵉⴳⵏⵏ ⴷ ⵓⵙⵖⵎⵙ ⵙ ⵢⴰⵜ ⵜⵎⵢⴰⵇⵇⴰⵏⵜ ⵜⴰⴳⵔⴰⵖⵍⴰⵏⵜ ⴷ ⵓⵎⴹⴰⴽⴰⵕ ⵅⴼ ⵜⵉⵙⵓⵎⴰⵔ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⵏⵏⵉ ⵡⵉⵙ92 ⴳ ⵓⴷⵓⵙⵜⵓⵔ
- ⴳ ⵜⵣⵡⵉⵔⵉ ⵏ ⵓⴳⵔⴰⵡ ⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵥⵏ ⴽⵕⴰⴹ ⵉⵙⵏⵜⴰⵢ ⵏ ⵉⵎⵕⵚⵓⵎⵏ ⵉⵣⴷⵉⵏ ⴷ ⵢⵉⴳⵔ ⵏ ⵜⴷⵓⵙⵉ, ⵉⵙⵎⵏⵉⴷ ⵜⵏ ⵎⴰⵙⵙ ⴰⵎⴰⵡⵙⴰⵙ ⵏ ⵜⴷⵓⵙⵉ ⴷ ⵡⴰⵔⴰⵢ ⴰⵏⴰⵎⵓⵏ. ⵥⵍⵉⵏ ⵙ :
- ⴰⵙⵏⵜⵉ ⵏ ⵓⵎⵕⵚⵓⵎ ⵓⵟⵟⵓⵏ 2.26.28 ⵉⵣⴷⵉⵏ ⴰⴽⴷ ⵜⵓⵥⵕⵉⵜ ⵜⴰⴷⵓⵙⴰⵏⵜ ⵉⵥⵍⵉⵏ ⵙ ⵉⵙⴰⴼⴰⵔⵏ ⵉⵜⵜⵓⵙⵉⵡⵊⴷⵏ ⵉ ⵓⵙⵎⵔⵙ ⴰⵏⴼⴳⴰⵏ.
- ⴰⵙⵏⵜⵉ ⵏ ⵓⵎⵕⵚⵓⵎ ⵓⵟⵟⵓⵏ 2.26.223 ⵉⵙⵏⴼⵍⵏ ⵉⵙⵖⵓⴷⴰⵏ ⴰⵎⵕⵚⵓⵎ ⵓⵟⵟⵓⵏ 2.20.326 ⵉⴼⴼⵖⵏ ⴳ 22 ⵛⵄⴱⴰⵏ 1442 (5 ⵉⴱⵔⵉⵔ 2021) ⵙ ⵓⵙⵎⵀⵍ ⵏ ⵓⵙⵍⴳⴰⵏ ⵓⵟⵟⵓⵏ 28.13 ⵉⵣⴷⵉⵏ ⴷ ⵓⴼⵔⴰⴳ ⵏ ⵉⵡⴷⴰⵏ ⵉⵎⴷⵔⴰⵡⵏ ⴳ ⵉⵔⵣⵣⵓⵜⵏ ⵏ ⵉⵙⵊⵊⵉⵜⵏ ⵉⵇⵓⴱⵓⵔⵏ.
- ⴰⵙⵏⵜⵉ ⵏ ⵓⵎⵕⵚⵓⵎ ⵓⵟⵟⵓⵏ 2.26.266 ⵉⵙⵏⴼⵍⵏ ⵉⵙⵖⵓⴷⴰⵏ ⴰⵎⵕⵚⵓⵎ ⵓⵟⵟⵓⵏ 2.07.1064 ⴳ ⵓⵙⴰⴽⵓⴷ ⵏ 5 ⵕⴰⵊⴰⴱ 1429 (9 ⵢⵓⵍⵢⵓⵣ 2008) ⵉⵣⴷⵉⵏ ⴷ ⵜⵎⵙⴽⴰⵔⵜ ⵏ ⵜⵙⴰⵙⴼⵔⵜ ⴷ ⵓⵙⴽⴰⵔ ⵏ ⵜⵙⴰⵙⴼⵔⵉⵏ ⴷ ⵜⵎⵔⵙⴰⵍ ⵜⵉⵙⴰⵙⴼⵔⵉⵏ ⴷ ⵓⵏⵏⵓⵕⵥⵎ ⵏⵏⵙⵏⵜ.
- ⴹⴰⵕⴰⵜ ⵎⴰⵢⴰⴷ, ⵉⵎⴹⴰⴽⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵣⵏ ⴰⵙⵏⵜⵉ ⵏ ⵓⵎⵕⵚⵓⵎ ⵓⵟⵟⵓⵏ 2.23.1096 ⵉⵣⴷⵉⵏ ⴷ ⵉⵔⵣⵣⵓⵜⵏ ⵉⵜⵉⵇⵏⵉⵢⵏ ⴳ ⵢⵉⴳⵔ ⵏ ⵜⵏⴼⵔⵓⵜ ⵏ ⵓⵙⴰⵢⵍⴰⵍ ⵓⵖⵔⵉⵎ, ⵉⵙⵎⵏⵉⴷ ⵜ ⵎⴰⵙⵙ ⴰⵎⴰⵡⵙⴰⵙ ⵏ ⵡⴰⵙⵙⴰⵢ ⴷ ⵜⵍⵓⵊⵉⵙⵜⵉⴽⵜ.
ⵉⴹⴼⴰⵕ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⵉⵡⵓⵔⵉⵡⵉⵏ ⵏⵏⵙ ⵙ ⵓⵙⵖⵎⵙ ⵏ ⵜⵎⵢⴰⵇⵇⴰⵏⵜ ⵅⴼ ⵜⴰⵍⵖⴰ ⵏ ⵓⵙⵏⴼⵍ ⴳⵔ ⵜⵎⵓⵏⵜ ⵏ ⵓⵕⵓⴱⴱⴰ ⴷ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵉⵥⵍⵉⵏ ⵙ ⵓⵙⵏⴼⵍ ⵏ ⵉⴱⵕⵓⵟⵓⴽⵓⵍⵏ ⵓⵟⵟⵓⵏ 1 ⴷ ⵓⵟⵟⵓⵏ 4 ⵙⴳ ⵜⵎⵢⴰⵇⵇⴰⵏⵜ ⵓⵕⵓ-ⴰⴳⵔⴰⴽⴰⵍⵜ ⵉⵙⴽⵔⵏ ⵜⴰⴷⵔⴰⵡⵜ ⴳⵔ ⵜⴳⵔⴰⵡⵉⵏ ⵏ ⵓⵕⵓⴱⴱⴰ ⴷ ⵜⵎⵉⵣⴰⵔ ⵏⵏⵙ ⵉⴳⴰⵏ ⵉⴳⵎⴰⵎⵏ, ⵙⴳ ⵢⴰⵜ ⵜⵙⴳⴰ, ⴷ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ, ⵙⴳ ⵜⵙⴳⴰ ⵢⴰⴹⵏ, ⵍⵍⵉ ⵉⵜⵜⵓⵙⴳⵎⴹⵏ ⴳ ⴱⵔⵓⴽⵙⵉⵍ ⴳ 03 ⴽⵟⵓⴱⵕ 2025, ⴷ ⵓⵙⵏⵜⵉ ⵏ ⵓⵙⵍⴳⴰⵏ ⵓⵟⵟⵓⵏ 010.26 ⵍⵍⵉ ⵉⵙⵖⵣⵏ ⵜⵎⵢⴰⵇⵇⴰⵏⵜ ⴰⴷ, ⵉⵙⵎⵏⵉⴷ ⵜⵏ ⵎⴰⵙⵙ ⴰⵎⴰⵡⵙⴰⵙ ⵏ ⵜⴼⵍⵍⴰⵃⵜ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ ⵙ ⵉⵙⵎ ⵏ ⵎⴰⵙⵙ ⴰⵎⴰⵡⵙⴰⵙ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⵉⴱⵉⵢⵏ ⵉⵣⴷⵖⵏ ⴳ ⴱⵕⵕⴰ.
ⵉⵙⴳⴳⵯⵔⴰ ⵓⵙⵇⵇⵉⵎ ⵏ ⵜⵏⴱⴰⴹⵜ ⵜⴰⵡⵓⵔⵉ ⵏⵏⵙ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵓⵎⵙⴰⵙⴰ ⵅⴼ ⵉⵙⵓⵎⵓⵔⵏ ⵏ ⵓⵙⵎⴰⵍ ⴳ ⵜⴼⵙⵏⵉⵡⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵓⵎⵙⴰⵙⴰ ⴰⴽⴷ ⵓⵎⴰⴳⵔⴰⴷ ⵡⵉⵙ92 ⴳ ⵓⴷⵓⵙⵜⵓⵔ :
- ⴳ ⵓⵙⵡⵉⵔ ⵏ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵏⵣⵓ ⴷ ⵜⵓⵏⵏⵓⵏⵜ, ⵉⵜⵜⵓⵙⵏⵎⴰⵍⴰ :
- ⵎⴰⵙⵙ ⵉⵍⵢⴰⵙ ⵃⵎⵎⵓⵜⵉ, ⴰⵏⵎⵀⴰⵍ ⵏ ⵉⵏⴳⵔⴰⵡⵏ ⵏ ⵉⵏⵖⵎⵉⵙⵏ ⴷ ⵓⵙⵏⴼⵍ ⴰⵎⵓⵟⵟⵓⵏ ;
- ⴳ ⵓⵙⵡⵉⵔ ⵏ ⵜⵎⴰⵡⴰⵙⵜ ⵏ ⵓⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ ⴷ ⵉⵙⵍⵍⵡⵉ, ⵜⵜⵓⵙⵏⵎⴰⵍⴰⵏ :
- ⵎⴰⵙⵙⴰ ⵏⴰⴷⵢⴰ ⵎⵛⴽⵓⵕ, ⵜⴰⵏⵎⵀⴰⵍⵜ ⵏ ⵜⵉⵏⵎⵍ ⵜⴰⵏⴰⵎⵓⵔⵜ ⵏ ⵜⵎⴰⵙⵙⴰⵏⵉⵏ ⵜⵓⵙⵏⵉⵙⵉⵏ ⴳ ⴱⵔⵕⵛⵉⴷ ;
- ⵎⴰⵙⵙ ⵄⴱⴷⵕⵕⵃⵎⴰⵏ ⴰⵎⵙⵉⴷⴷⵔ, ⴰⵏⵎⵀⴰⵍ ⵏ ⵜⵉⵏⵎⵍ ⵜⴰⵏⴰⴼⵍⵍⴰⵜ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴳ ⵓⴳⴰⴷⵉⵔ ;
- ⴳ ⵓⵙⵡⵉⵔ ⵏ ⵜⵎⴰⵡⴰⵙⵜ ⵏ ⵜⵎⴳⵓⵔⵉ ⴷ ⵜⵙⴱⴱⴰⴱⵜ, ⵜⴻⵜⵜⵓⵙⵏⵎⴰⵍⴰ :
- ⵎⴰⵙⵙⴰ ⵃⴰⵏⴰⵏ ⴱⵍⵢⴰⴳⵓ, ⵜⴰⵏⵎⵀⴰⵍⵜ ⵏ ⵜⵎⴳⵓⵔⵉⵡⵉⵏ ⵏ ⵓⵙⴰⵢⵍⴰⵍ ⴷ ⵉⴱⵔⵉⴷⴰⵏ ⵏ ⵡⵓⵣⵣⴰⵍ ⴷ ⵉⵖⵔⵔⵓⴱⴰ ⴷ ⵜⵥⴷⴰⵕⵉⵏ ⵉⵜⵜⵓⵙⵎⴰⵢⵏⵓⵏ.
- ⵎⴰⵙⵙⴰ ⵃⴰⵏⴰⵏ ⴱⵍⵢⴰⴳⵓ, ⵜⴰⵏⵎⵀⴰⵍⵜ ⵏ ⵜⵎⴳⵓⵔⵉⵡⵉⵏ ⵏ ⵓⵙⴰⵢⵍⴰⵍ ⴷ ⵉⴱⵔⵉⴷⴰⵏ ⵏ ⵡⵓⵣⵣⴰⵍ ⴷ ⵉⵖⵔⵔⵓⴱⴰ ⴷ ⵜⵥⴷⴰⵕⵉⵏ ⵉⵜⵜⵓⵙⵎⴰⵢⵏⵓⵏ.
